ماقتانى ماشينامەن جيناۋ سالىستىرماسىنىڭ ％80كە جەتەتىندىگى مەجەلەندى
ەلىمىز وندىرگەن ماقتا تەرۋ ماشيناسى لوپنۇر اۋدانى شيڭپيڭ قالاشىعى تۇڭچيكى قىستاعىنداعى ماقتا اتىزىندا جۇمىس جۇرگىزۋدە (9 - ايدىڭ 30 - كۇنى تۇسىرىلگەن). بيىل لوپنۇر اۋدانى ءبىر ميلليون 10 مىڭ مۋ جەرگە ماقتا ەگىپ، تۇقىم سەبۋدەن، باپتاۋدان جيناۋعا دەيىنگى تۇتاس بارىستى ماشينالاستىردى.
□ سۋرەتتى ۋاڭ جىپىڭ تۇسىرگەن
انار بۇلت \ شينجياڭ گازەتىنىڭ ءتىلشىسى ليۋ ي 10 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، بۇكىل رايوندا ماقتا ىلگەرىندى - كەيىندى كەڭ كولەمدە جيناپ الۋ مەزگىلىنە وتكەن، كەزەكتە بۇكىل رايوندا (جەرگىلىكتى ورىن) 2 ميلليون 500 مىڭ مۋدان استام جەردەگى ماقتا جيناپ الىنىپ، سايكەس مەزگىلدەگىدەن 400 نەشە مىڭ مۋ ارتقان، جەرگىلىكتى ورىن مەن بيڭتۋاندا جيىنى 7000نان استام ماقتا تەرۋ ماشيناسى ماقتا جيناۋ جۇمىسىنا ات سالىسقان، ماقتانى ماشينامەن جيناۋ مولشەرى ％80كە جەتەدى دەپ مەجەلەنگەن.
قازىر ساۋان قالاسىندا ءبىر ميلليون مۋ جەردەگى ماقتا قاۋاشاق جارىپ، پىسىپ، ءىرى تۇرپاتتى ماقتا تەرۋ ماشينالارى اپپاق ماقتا اتىزىندا تىنىمسىز قايشالىسىپ، بيىلعى مول ءونىم جاعدايىن اڭعارتادى. كورلا قالاسىنىڭ ماقتاسى جيناپ الىنۋ مەزگىلىنە ءوتتى، ماقتا تەرۋ قىزمەتىنىڭ ءساتتى ءجۇرىلۋىن قامتاماسىز ەتۋ ءۇشىن، جەرگىلىكتى ورىن ماقتا جيناۋ قىزمەتى باسشىلىق گرۋپپاسىن قۇرىپ، اۋىل شارۋاشىلىق تەحنيكتەرىن اتىز باسىنا بارىپ، ماقتاشىلارعا تەحنيكالىق باۋلۋ، جەتەكشىلىك ەتۋگە ۇيىمداستىرىپ، ماقتا جيناۋ ساپاسىن تۋ باستان جوعارىلاتتى.
جۋىقتا ماقتانى ءساتتى جيناپ الۋعا شىنايى كەپىلدىك ەتۋ ءۇشىن، ءار دارەجەلى اۋىل شارۋاشىلىعى، اۋىل - قىستاق تاراۋلارى ماقتا جيىن - تەرىن مەزگىلىندە ساپانى باسقارۋ جانە جيىن - تەرىن ماشينا - جابدىقتارىن دايىنداۋ قىزمەتىن ءتۇيىندى ىلگەرىلەتتى. جەر - جەر ماقتا ساپاسىن قاتاڭ قاداعالاپ، ماشينامەن تەرىلەتىن ماقتانىڭ جاپىراعىن ءتۇسىرىپ، پىسۋىن جەدەلدەتۋ جۇمىسىن ارناعا ءتۇسىرۋ بويىنشا، جاپىراعىن ءتۇسىرۋ ءدارىسىن بۇركۋ جۇمىسىن دەر كەزىندە ورىستەتىپ، پىسۋىن جەدەلدەتۋ ساپاسىن جوعارىلاتىپ، ماقتا تەرۋ ماشينالارىنىڭ ولشەمدەنگەن جۇمىس جۇرگىزۋىن ارناعا ءتۇسىردى، ماقتانىڭ ”جاڭا، كونە ءۇش تالشىعىن“ باسقارۋ سەرپىنىن ارتتىردى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى بۇكىل رايوننىڭ ماقتا جينايتىن ماشينا - جابدىقتارىنىڭ قامداۋ - قاجەتسىنۋ ينفورماتسياسىن دەر كەزىندە يگەرىپ، جيىن - تەرىن جابدىقتارىنىڭ ءوڭىر اتتاپ جۇمىس جۇرگىزۋىن جانە ولاردى ەنگىزۋ سانىن عىلمي تۇجىرىمداپ، قاتىستى تاراۋلارمەن سايكەسۋدى، ءتۇيىلىسۋدى كۇشەيتىپ، جۇمىس جۇرگىزۋدەگى قامداۋ - قاجەتسىنۋدى ءتۇيىلىستىرۋ مەن قىزمەت وتەۋدى قامتاماسىزداندىرۋدى كۇشەيتىپ، ماقتادان دەر كەزىندە ءونىم الۋعا شىنايى كەپىلدىك ەتتى. كەزەكتە جەرگىلىكتى ورىننىڭ، بيڭتۋاننىڭ ماقتا ءوڭىرىن اتتاپ ماقتا جيناۋعا ات سالىسقان ماقتا تەرۋ ماشيناسى 1300دەن استامعا جەتىپ، ماقتانى ماشينامەن جيناۋدى پارمەندى قامتاماسىز ەتتى.
بيىل جىل باسىنان بەرى رايونىمىزدىڭ اۋىل شارۋاشىلىعى، اۋىل - قىستاق تاراۋلارى ءونىمدى شارالاردى قولدانىپ، بۇكىل رايوننىڭ ماقتا ءوندىرىسىن ماشينالاندىرۋ دەڭگەيىن ۇزدىكسىز جوعارىلاتىپ، ماقتا ءوندىرىسى تۇتاس بارىسىنىڭ ماشينالانۋىن ىلگەرىلەتىپ، بۇكىل رايوندا ماشينامەن تەرىلەتىن ماقتانىڭ جان باسىنا ورتاشا تۋرا كەلەتىن باپتاۋ اۋدانى 200 نەشە مۋعا جەتتى، باپتاۋ ونىمدىلىگى قولمەن تەرىلەتىن ماقتانىكىنىڭ 3 تە 5 ەسەسىندەي بولىپ، ەگىنشىلەردىڭ ەڭبەك كۇشەمەلىلىگى كورنەكتى تومەندەپ، ماقتانى شارشاپ - شالدىقپاستان ەگۋدى شىن مانىندە جۇزەگە اسىرىپ، ماقتا ءوندىرىسىنىڭ جوعارى ساپالى دامۋ جولىمەن ءجۇردى. بيىل بۇكىل رايوندا ماقتانىڭ ءوسۋ جاعدايى بىلتىرعىدان جاقسى، عىلىم - تەحنيكاعا سۇيەنىپ ماقتا ەگۋ دەڭگەيى كورنەكتى جوعارىلادى، ماقتا ءوندىرىسى تۇتاس بارىسىنىڭ ماشينالانۋ سالىستىرماسى ％94تەن اسىپ، تاۋار ماقتامەن قامداۋ مىندەتىنىڭ نورماسى اسىرا ورىندالۋىنان ءۇمىت بار.
