□ انار بۇلت \ شينجياڭ گازەتىنىڭ تىلشىلەرى
سۋىقتان ساقتانۋ كيىمى، اسقازانعا جايلى سورپا، قورعانۋ زاتتىق ماتەريالدارى ... بيىلعى مەملەكەت مەرەكەسى دەمالىسىندا قار ارالاس جاڭبىر جاۋىپ، تەمپەراتۋرا تومەندەگەن كليماتقا توتەپ بەرۋ ءۇشىن، ءۇرىمجى قالاسى، ىلە قازاق اۆتونوميالى وبلىسى، كورلا قالاسى، تۇرپان قالاسى دەر كەزىندە ورنالاستىرۋ جاساپ، ءبىر تۇتاس جوسپارلاپ سايكەستىرىپ، كوپ شارانى قاتار قولدانىپ، الدىڭعى شەپتەگى ىندەتتەن ساقتانۋ قىزمەتكەرلەرىن ارتقى شەپتە قامتاماسىزداندىرۋ جانە ولارعا كوڭىل ءبولىپ، قامقورلىق جاساۋ قىزمەتىن بار كۇشپەن ويداعىداي ىستەدى.
وسى بىرنەشە كۇندە ءۇرىمجى قالاسىندا تەمپەراتۋرا تومەندەپ، كۇن سۋىتتى. ءۇرىمجى قالاسى ەكونوميكالىق، تەحنيكالىق اشۋ رايونى (توۋتۇنحى رايونى) شيحۋ اۋماعى باسقارۋ كوميتەتىنىڭ حۇڭشاتانلۋ الەۋمەتتىك اۋماعى شييامەيتۋ شاعىن اۋماعىندا ىندەتتەن ساقتانۋدىڭ الدىڭعى شەبىندە تاپجىلماي ىستەپ جاتقان قىزمەتكەرلەرگە سۋىقتان ساقتانۋ ماقتالى كيىمىن جەتكىزىپ بەردى. ىندەتتەن ساقتانۋدىڭ الدىڭعى شەبىندەگى قىزمەتكەرلەردىڭ، شاعىن اۋماق اماندىق قورعاۋشىلارىنىڭ توڭىپ قالماۋى ءۇشىن ءۇرىمجى قالاسى ەكونوميكالىق، تەحنيكالىق اشۋ رايونى (توۋتۇنحى رايونى) جۇڭيانانلۋ ءمالىسى نانسايمىن الەۋمەتتىك اۋماعى ولارعا اسقازانعا جايلى ءنارلى سورپا، ءنارلى تاعام، سونداي - اق N95 ماسكا سياقتى قورعانۋ بۇيىمدارىن جەتكىزىپ بەردى.
الدىڭعى كەزدە كورپە - جاستىق، جىلى كيىم سياقتى سۋىقتان قورعانۋ زاتتىق ماتەريالدارىن تاراتۋ نەگىزىندە، ءۇرىمجى قالاسى ىندەتتەن ساقتانۋدىڭ الدىڭعى شەبىندەگى قىزمەتكەرلەرگە تاعى دا ۇيقى قاپ، اتويشىلار كيىمى، تەرموس ستاكان، جىلۋ ساقتايتىن شاۋگىم سياقتى شۇعىل قاجەتتى سۋىقتان ساقتانۋ زاتتىق ماتەريالدارىن تاراتتى، سونىمەن بىرگە ءارقايسى مالىلەردى، الەۋمەتتىك اۋماقتاردى امالدىڭ بارىنشا تاماقتى جاقسارتىپ، الدىڭعى شەپتە ەرلىكپەن شايقاس جاساپ جاتقان قىزمەتكەرلەردىڭ جىلى كيىنىپ، جاقسى تاماقتانۋىنا مۇمكىندىك جاساۋدى ورنالاستىردى.
وسى رەتكى ىندەت تۋىلعاننان بەرى، ”سارى كودتى شيپاحاناداعى“ ەمدەۋ قىزمەتكەرلەرى ورتا، جوعارى حاۋىپ - قاتەرلى اۋماقتارداعى ناۋقاستارعا ۇزدىكسىز ەمدەۋ قىزمەت وتەۋىن ازىرلەدى. قۇلجا قالاسىنداعى ”سارى كودتى شيپاحانا“ رەتىندە، قۇلجا قالالىق حالىق شيپاحاناسى الدىڭعى شەپتە ەرلىكپەن شايقاس جاساپ جاتقان جۇمىسشى - قىزمەتكەرلەرگە 600دەن استام مامىق كيىم مەن ءتۇبىتتى سپورت سىمىن قامتىعان سۋىقتان قورعانۋ كيىمدەرىن بۇيىرتىپ ساتىپ الىپ بەردى. ”ەمدەۋ قىزمەتكەرلەرىنىڭ، حىسۋان سىناماسىن الۋ جانە تەكسەرۋ قىزمەتكەرلەرىنىڭ كەيدە ۋاعىندا تاماق ىشە الماۋىن ويلاستىرىپ، ءبىز ولارعا نان، شۇجىق جانە لەزدىك كەسپە سياقتى ازىق - تۇلىك اپارىپ بەردىك“، - دەدى قۇلجا قالالىق حالىق شيپاحاناسى پارتيا، ۇكىمەت كەڭسەسىنىڭ ورىنباسار مەڭگەرۋشىسى جاڭ يۇيتيڭ.
”جىلى كيىم بويىمىزدى جىلىتىپ قانا قالماي، جۇرەگىمىزگە دە مەيىرىم سيلادى“. 9 - ايدىڭ 30 - كۇنى قۇلجا قالالىق شەكارالىق ەكونوميكا سەلبەستىك اۋماعى الەۋمەتتىك اۋماق دەنساۋلىق ساقتاۋ بويىنشا قىزمەت وتەۋ ورتالىعىنىڭ ەمدەۋ قىزمەتكەرى ايگۇل احات دوستىق شەڭبەرىنە تاپسىرىپ العان مەرەكەلىك حال سۇراۋ بۇيىمدارىن شىعارىپ قويدى.
ىندەت تۋىلعاننان كەيىن، وسى ورتالىقتىڭ ەمدەۋ قىزمەتكەرلەرى حىسۋان سىناماسىن الۋ تۇيىنىنە، اۋاشالاۋ قوناق ۇيىنە جانە فاڭساڭ شيپاحاناسىنا بارىپ قىزمەت ىستەۋگە شىعارىلدى، تاعى ءبىر ءبولىم ەمدەۋ قىزمەتكەرلەرى دەنساۋلىق ساقتاۋ بويىنشا قىزمەت وتەۋ ورتالىعىندا تاپجىلماي، بۇقارانىڭ كۇندەلىكتى ەمدەلۋىنە قولايلىلىق ازىرلەدى. مەملەكەت مەرەكەسىنىڭ الدىندا، وسى ورتالىق قاراستى اۋماقتاعى الدىڭعى شەپ حسۋان سىناماسىن الاتىن 130دان استام قىزمەتكەرگە اتويشىلار كيىمى مەن ءتۇبىتتى سپورت سىمىن جەتكىزىپ بەردى.
ىندەتكە قارسى اتتانۋدىڭ الدىڭعى شەبىندە ەرلىكپەن شايقاس جاساپ جاتقان حالىق ساقشىلارىنا، ەمدەۋ قىزمەتكەرلەرىنە، قىستاق (الەۋمەتتىك اۋماق) كادرلارىنا مەرەكەلىك سالەم جانە شىنايى قامقورلىق جەتكىزۋ ءۇشىن، قۇلجا قالاسى ءپانجىم قالاشىعى پارتكومى مەن ۇكىمەتى ءتىس پاستاسى، شاش سابىن، ورامال، اس قالبىر سياقتى بۇيىمدار سالىنعان 611 كىسىلىك مەيىرىم سومكەسىن دايىندادى. قۇلجا قالاسى ءپانجىم قالاشىعى پيليچيڭ الەۋمەتتىك اۋماعىنىڭ ەمدەۋ قىزمەتكەرى زۇليار ابىلەت بىلاي دەدى: ”مەيىرىم سومكەسىن تاپسىرىپ الىپ جان دۇنيەم جىلىپ سالا بەردى. بۇدان كەيىن بۇقارا قاجەت ەتسە بولعانى، ءسوز جوق كەۋدە كەرىپ العا شىعامىن“.
9 - ايدىڭ 30 - كۇنى تۇرپان قالالىق بازار باقىلاۋ - باسقارۋ مەكەمەسى مەملەكەت مەرەكەسىن قارسى الۋ، ىندەتتەن ساقتانۋدىڭ الدىڭعى شەبىندەگى كادر، جۇمىسشى - قىزمەتكەرلەردەن حال سۇراۋ قيمىلىن ورىستەتۋدى ۇيىمداستىرىپ، كۇرىش، ۇن، ماي، كوكونىس، ەت سياقتى قۇنى 6000 يۋاننان اساتىن مەيىر جەتكىزۋ زاتتىق ماتەريالدارىن ساتىپ الىپ، تۇرپان قالالىق بازار باقىلاۋ - باسقارۋ مەكەمەسىنىڭ شاتقال اۋىلى شيڭفۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنە جەتكىزدى. سونىمەن بىرگە 4000 يۋاننان استام اقشاعا تۇرمىستىق زاتتىق ماتەريالدار جانە ىندەتتەن ساقتانۋ بۇيىمدارى سياقتىلاردى ساتىپ الىپ، ازىق - تۇلىك تولايىم ساتۋ بازارىندا تاپجىلماي ىستەپ جاتقان زاڭ اتقارۋ قىزمەتكەرلەرىنىڭ قولىنا تيگىزدى.
مەيىرلى سالەم، ىستىق سورپا، جىلى كيىم مەملەكەت مەرەكەسى دەمالىسىندا قىزمەت ورنىندا تاپجىلماي ىستەپ جاتقان ىندەتتەن ساقتانۋدىڭ الدىڭعى شەبىندەگى قىزمەتكەرلەرگە جىلۋ سيلادى. كوپشىلىك: پارتيا مەن ۇكىمەتتىڭ قامقورلىعى مەن مەيىرىمىن قىزمەتتىڭ قوزعاۋشى كۇشىنە اينالدىرىپ، ىندەتتەن ساقتانۋ قىزمەتتەرىن ويداعىداي ىستەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە كۇش - قۋات قوسامىز، - دەستى.
(ءتىلشى سۋ لۋپيڭ، قاتىناسقان تىلشىلەر بارشا تەگىس، جاڭ رۇيلين، دۋ جيانحۇي)
