□ شين يان
ىندەتكە قارسى اتتانۋ − جالپى حالىقتىق ارەكەت، ءار ۇلت بۇقاراسى وسى كۇرەستەگى نەگىزگى كۇش. بيىلعى مەملەكەت مەرەكەسى دەمالىسى كەزىندە ”جىلجىمالى حاۋىپ - قاتەردى“ ءونىمدى تومەندەتۋ ءۇشىن، شينجياڭداعى كوپتەگەن بۇقارا مەرەكەنى تۇرعان جەرىندە وتكىزۋدى تاڭداپ، ءبىر اراعا جينالماي، توپتاسپاي، ”شاعىن قيمىلمەن“ ”ۇلكەن قورعانىس شەبىن“ تۇرعىزىپ، ىندەتتەن ساقتانۋ - تىزگىندەۋ كەلەلى جاعدايىن ويلاپ، بار كۇشىن جۇمسادى.
وتكەندەگىگە ۇقسامايتىنى ۆيرۋستىڭ جۇعىمدالعىشتىعى كۇشتى، تارالۋ قارقىنى تەز بولعاندىقتان، شينجياڭدا وسى رەتكى ىندەتتىڭ سوزىلعان ۋاقىتى ۇزاق بولىپ، بۇقارالىق ساقتانۋدىڭ، بۇقارالىق تىزگىندەۋدىڭ ماڭىزدىلىعى اناعۇرلىم كورنەكتىلەندى. ىندەت تۋىلعاننان بەرى، ءار ۇلت بۇقاراسى جالپى تۇلعانى اڭعارا ءبىلىپ، ۇلكەن قاعيدانى ۇعىنىپ، كەلەلى جاعدايمەن ساناسىپ، تۇرمىستاعى ءتۇرلى قيىنشىلىقتاردى جەڭىپ، پسيحيكالىق جاقتاعى مازاسىزدانۋدى جەڭىپ، ۇكىمەتكە سەنىپ جانە قولداپ، ۇكىمەتتى ءتۇسىنىپ جانە باۋىرمالدىق بايقاتىپ، ىندەتتەن ساقتانۋ - تىزگىندەۋدى ويداعىداي ىستەۋگە ەڭ بەرىك كۇش - قايرات قوستى، ەڭ قۋاتتى كومەك كورسەتتى.
ءار ۇلت بۇقاراسىنىڭ توتەنشە مىعىم كۇشى بولماسا، بۇگىنگى ساقتانۋ - تىزگىندەۋ جەتىستىگى بولماس ەدى؛ بۇگىنگى جەتىستىكتى قورعاۋ ءۇشىن، ءار ۇلت بۇقاراسىنىڭ بۇگە - شىگەسىنە دەيىن مەڭگەرە ءبىلۋىن تىپتەن قاجەت ەتەمىز. قازىر بۇكىل ەلدەگى ىندەت جاعدايىندا ءالى دە كوپ تۇيىندە بىتىراي تارالۋ، كوپتەگەن جەردە ءجيى تۋىلۋ جايتى كورىلىپ، شينجياڭنىڭ كەيبىر وڭىرلەرىندە ىندەت جۋىردا قايتا بەلەڭ بەرگەندىكتەن، بۇقارالىق ساقتانۋدىڭ، بۇقارالىق تىزگىندەۋدىڭ ارقاۋىن تيتتەي دە بوساڭسىتۋعا بولمايدى. ءاربىر ادام ۆيرۋستىڭ تارالۋىنىڭ تۇراقسىزدىعىن تانىپ، كورەرمەن بولۋ پيعىلىن، باق سىناۋ ويىن تاستاپ، ءوز سالاماتتىعىنىڭ ءبىرىنشى جاۋاپتى ادامى بولىپ، ىندەتتەن ساقتانۋ - تىزگىندەۋ تالاپتارىنا ىرىقتىلىقپەن نازار اۋدارىپ جانە قاتاڭ بويسۇنىپ، ماسكا تاعۋ، ۇنەمى قول جۋۋ، اۋا الماستىرىپ تۇرۋ، از توپتاسۋ سياقتى تالاپتاردى ناقتاپ تياناقتاندىرىپ، ءوز سالاماتتىعىنا جاۋاپتى بولىپ، باسقالاردىڭ ءومىرىنىڭ حاۋىپسىزدىگىن ويلاپ، قوعامنىڭ تارتىپپەن اينالىمعا تۇسۋىنە كۇش قوسۋ كەرەك.
بۇقارالىق ساقتانۋدىڭ، بۇقارالىق تىزگىندەۋدىڭ بەرىك قورعانىس شەبى كورنەكتى ارەكەتتە، ادەتتە بەينەلەنىپ عانا قالماستان، كومەسكى قوعامدىق كوڭىل كۇيدە دە بەينەلەنەدى. ىندەتتىڭ اياقتاماي سوزىلۋىنا ساي، قىتىمىرلىق، نارازىلىق وڭاي تۋىندايدى، مازاسىزدانۋ، دەگبىرسىزدەنۋ وڭاي تۋىلادى، وسى ۇنامسىز نىسايلار وسەك - اياڭنىڭ تارالۋىنا ورتا ازىرلەۋى مۇمكىن، بۇل ىنتىماقتاسا ىندەتكە قارسى اتتانۋ كەلەلى جاعدايىنا ەرەكشە ءتيىمسىز. بارلىق ادام ىندەتكە قارسى اتتانۋ ”مىنەزىن“ جەتىلدىرىپ، پاراساتتىلىقتى، جايدارىلىقتى ساقتاپ، عىلىمدى قادىرلەۋ، عىلىمعا سەنۋ، وسەك - اياڭعا سەنبەۋ، وسەك - اياڭ تاراتپاۋ، ءوزارا مازاسىزدىق اكەلمەي، قايتا سەنىم سيلاۋ كەرەك، مۇڭ شاعىپ قاقساي بەرمەي، قايتا ءوزارا قايراتتاندىرىپ، شابىت بەرۋ كەرەك. تاماشا تازالىق ادەتىن جەتىلدىرىپ، عىلمي تۇرمىس ءتاسىلىن قالىپتاستىرىپ، سالاماتتى پسيحيكالىق ساپا ازىرلەگەندە عانا، ىندەتتەن ساقتانۋ - تىزگىندەۋدە مىعىم وڭ ەنەرگيا ۇيىستىرا الامىز.
بۇقارالىق ساقتانۋ، بۇقارالىق تىزگىندەۋ قورعانىس شەبىنىڭ بەرىك بولۋ - بولماۋى ۇكىمەتتىڭ حالىق تۇرمىسىن قامتاماسىز ەتۋىنىڭ پارمەندى بولعان - بولماعاندىعىنا ەرەكشە بايلانىستى. بۇقارانىڭ ۇكىمەتتى ءتۇسىنۋى ءۇشىن، ۇكىمەت الدىمەن بۇقاراعا جان اشىرلىق ەتۋ كەرەك. سوندىقتان، ۇكىمەت ءار ۇلت بۇقاراسىنىڭ اماندىعىن، مۇڭ - مۇقتاجىن كوڭىلگە ساقتاپ، بۇقارانىڭ ارمان - تىلەگىن كوبىرەك تىڭداپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، فورماشىلدىقتى، تورەشىلدىكتى باتىل جويىپ، قارا دۇرسىندىكپەن جاۋىپ تاستاپ اياقسىز قالدىرۋدان، توقتاتىپ تاستاپ اياقسىز قالدىرۋدان باتىل اۋلاق بولىپ، بۇقارانىڭ مۇددەسىن زياندايتىن، بۇقارانىڭ اۋىرتپالىعىن ارتتىراتىن، بۇقارانىڭ نارازىلىعىن تۋدىراتىن ارەكەتتەردەن باتىل ساقتانىپ، جاقسى ىستەردى ناقتى ىستەپ، ناقتى ىستەردى جاقسى ىستەپ، بۇقارانىڭ شىنايى قولداۋىنا يە بولۋ كەرەك.
سايىسقا ءدوپ كەلگەن سايىن، جۇدىرىقتاي جۇمىلۋ؛ قامال الىپ، قيىندىقتاردى جەڭۋ قاجەت بولعان سايىن، كوپ بولىپ اقىل قوسىپ، جۇمىلا كۇش سالۋ كەرەك. نۇر - شۇعىلا كوز الدىمىزدا، جەڭىس الدىمىزدا، ءبىر نيەت، ءبىر تىلەكتە بولا وتىرىپ، جۇدىرىقتاي جۇمىلا كۇش سالىپ، ءبىر جاعادان باس، ءبىر جەڭنەن قول شىعارىپ، بارلىق ادام جاۋاپكەرشىلىگىن ادا ەتىپ، بۇقارالىق ساقتانۋدىڭ، بۇقارالىق تىزگىندەۋدىڭ قۇرىش قورعانىن سومداپ، ىندەتتەن ساقتانۋ - تىزگىندەۋدىڭ قامال الۋ شايقاسىنىڭ جەڭىسىنە باتىل قول جەتكىزەيىك.
