− رايونىمىزداعى ءار ۇلت شارۋالارى مول ءونىم ارقىلى پارتيا 20 - قۇرىلتايىنىڭ جەڭىسپەن اشىلۋىن شاتتىقپەن قارسى الدى
□ انار بۇلت \ شينجياڭ گازەتىنىڭ تىلشىلەرى
قازىر ءدال مول ءونىم الاتىن مەزگىل، تيانشان الابىنىڭ بارلىق جەرىنەن تىرشىلىك تىنىسى ەسەدى. قىپ - قىزىل بۇرىش، ءموپ - ءمولدىر ءجۇزىم، اپپاق ماقتا... ءار ۇلت شارۋالارى ءبىر جىلداعى ەڭ باقىتتى ءساتتى قارسى الدى، كوپشىلىك كۇزگى ناتيجەلەرىن جايىپ سالىپ، پارتيا 20 - قۇرىلتايىنىڭ جەڭىسپەن اشىلۋىن تولىق سەنىممەن قارسى الدى.
”قىزىل بۇرىش مەكەنى“ ساۋان قالاسىنىڭ انجيحاي قالاشىعىنداعى 10 مىڭ مۋلىق تابيعي كەپتىرۋ الاڭىندا اۋىلداستار جيناپ العان قىزىل بۇرىشتى كەپتىرۋدە. كەپتىرۋ الاڭى بەينە ءبىر الىپ كىلەم ىسپەتتى، توڭىرەكتە قىزىل بۇرىشتىڭ ءيىسى اڭقيدى.
انجيحاي قالاشىعى حىپيڭ جاڭا قىستاعىنىڭ چىڭگو شارۋالار ەگىمشىلىك كاسىپتىك سەلبەستىك كووپەراتيۆىنىڭ جاۋاپتىسى يۋان شۋەفىڭ مول ءونىمنىڭ قۋانىشىنا شومىپ ءجۇر. بيىل ول ەككەن 300 مۋ جەردەگى مەيرىنجياۋ قىزىل بۇرىشىنىڭ اتىزدا باپتالۋى تىڭعىلىقتى بولعاندىقتان، مۋ باسىندىق ءتۇسىمى 2500 كيلوگرامعا جەتتى. ”بيىل انجيحاي قالاشىعىندا قىزىل بۇرىشتان تاعى دا مول ءونىم الىندى، ءبىز شالقىعان تۇرمىسىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز“، - دەدى يۋان شۋەفىڭ.
بۇراتالا قالاسى شياۋيىڭپان قالاشىعى تولبۇلاق باتىس قىستاعىنىڭ جۇگەرى اتىزىندا ءىرى تۇرپاتتى كومبايندار قايشالىسىپ، مول ءونىمنىڭ كۇي تاراۋىن شارىقتاتتى.
تولبۇلاق باتىس قىستاعىنىڭ تۇرعىنى چىن جىڭچيڭ اتىز باسىندا تۇرىپ ماشينالاردى، ادامداردى ورنالاستىردى. بيىل چىن جىڭچيڭ 2000 مۋ جەرگە جۇگەرى ەكتى، مۋ باسىنان ورتا ەسەپپەن 1350 كيلوگرام اينالاسىندا ءتۇسىم الدى. ”پارتيانىڭ اۋىل شارۋاشىلىعىنا تيىمدىلىك جاساۋ ساياساتىنىڭ قولداۋىندا، ءبىز شاتتانا مول ءونىم الدىق، كۇندەرىمىز بارعان سايىن جاقسارا ءتۇستى“، - دەدى چىن جىڭچيڭ.
سوڭعى جىلدارى شياۋيىڭپان قالاشىعى جۇگەرىنىڭ ساپالى تۇقىمىن جەتىلدىرۋ كاسىپ سالاسىن دامىتۋدى تۇتقا ەتىپ، تاپسىرىستىق اۋىل شارۋاشىلىعىن بەلسەنە كەڭەيتىپ، كاسىپورىننىڭ كىرۋىنە رۇقسات ەتۋ، بازانى تياناقتاندىرۋ، تۇقىم ساپاسى سياقتى وتكەلدەردى قاتاڭ يگەرىپ، جۇگەرىنىڭ ساپالى تۇقىمىن جەتىلدىرۋ كاسىپ سالاسىنىڭ دامۋىندا بازاسى ساپالىلانعان، كاسىپورىن قۇدىرەتتەنگەن، ماركا كورنەكتىلەنگەن، كاسىپ سالاسى قۋاتتى بولعان تاماشا جاعداي جارىققا شىقتى.
تۇرپان قالاسى گاۋچاڭ رايونى ءجۇزىم قالاشىعى يىڭسار قىستاعىنا بارا قالساڭىز، كۇن شۋاعىنىڭ ءجۇزىمنىڭ بۇتاعى مەن جاپىراعىنىڭ اراسىنان جەرگە توگىلىپ، ءجۇزىمنىڭ جەرگىلىكتى شارۋالاردىڭ كىرىستەرىن ارتتىرۋداعى نەگىزگى ارناسىنا اينالعاندىعىن بايقايسىز.
”بيىل جۇزىمنەن مول ءونىم الدىق، ىشتەي قۋانىپ وتىرمىز“. قىستاق تۇرعىنى احمەت ماحمۇت بىلاي دەدى: ءبىزدىڭ ءۇي 5. 6 مۋ جەرگە ىرىلەۋ ۇرىقسىز اق ءجۇزىم ەكتى، وسى بىرنەشە جىلدا عىلمي ەگۋ، قۇنتتاپ باپتاۋ ارقىلى تابىسىمىز بارعان سايىن جاقسارا ءتۇستى.
”قازىر ارناۋلى ادامدار كەلىپ بىزگە ءجۇزىم ەگۋدى، ءجۇزىم باپتاۋدى ۇيرەتىپ قانا قويماي، ساتۋىمىزعا دا كومەكتەسىپ، كىرىسىمىزدىڭ قامتاماسىزدىققا يە بولۋىنا مۇمكىندىك جاسادى. پارتيا 20 - قۇرىلتايى اشىلۋ الدىندا تۇر، ەرەكشە اڭساپ وتىرمىز، پارتيانىڭ سوزىنە قۇلاق اسىپ، پارتياعا ىلەسسەك عانا، كۇندەرىمىز بارعان سايىن جاقسارا تۇسەدى“، - دەدى احمەت.
كۇز سامالى ەسىپ، قوناق سارعايا باستادى. يىڭسار اۋدانى ساحان قالاشىعى تومەنتاعۋاز قىستاعىنداعى 300 مۋ جەردەگى قوناق ورۋ مەزگىلىنە جەتتى. ماساقتارى تىرسيىپ، شارۋالار ۋاقىتتى مىقتى يگەرىپ شۇعىل جيناپ، ءتۇيىر ءدان قالدىرماي قامباعا الۋعا شىنايى كەپىلدىك ەتتى.
”اۋىل شارۋاشىلىعى تەحنيكتەرىنىڭ جەتەكشىلىگى بولعاندىقتان، ولشەمدەندىرۋ بويىنشا قوناق ەگىپ، ءتۇسىمىن ارتتىردىق، كىرىسىمىز دە مولايدى“، - دەدى قىستاق تۇرعىنى تۇرنيسايىم روزى.
تومەنتاعۋاز قىستاعى ەككەن قوناق قۋاڭشىلىققا ءتوزىمدى سورتقا جاتادى، ەگۋدىڭ وزىندىك قۇنى تومەن، جەرگىلىكتى ورىندا دامىتۋعا ۇيلەسەدى. ەگىستىك جەردەن پايدالانۋ سالىستىرماسىن جوعارىلاتۋ ءۇشىن، تومەنتاعۋاز قىستاعىنىڭ ”ەكى كوميتەتى“ ”پارتيا ياچەيكاسى + سەلبەستىك كووپەراتيۆى + شارۋالار“ ۇلگىسىن قولدانىپ، قىستاق تۇرعىندارىن ءبيدايدى ورىپ العان سوڭ، دەر كەزىندە قايتادان قوناق ەگۋگە جەتەكتەدى.
اقسۋدىڭ ”ناۋات“ الماسى بۇكىل ەلدىڭ جەر - جەرىندەگى تۇتىنۋشىلاردىڭ قارسى الۋىنا بولەندى، قازىر الما اعاشتاردىڭ بۇتاعى قىپ - قىزىل الماعا تولدى.
”وسى بىرنەشە جىلدا پارتيانىڭ اۋىل شارۋاشىلىعىنا تيىمدىلىك جاساۋ ساياساتى بارعان سايىن جاقسارىپ، اۋىل - قىستاقتا بارعان سايىن تىڭعىلىقتى تياناقتاندىرىلعاندىعىن ءبىزدىڭ ءۇيدىڭ الما باعىنان - اق كورۋگە بولادى“. اقسۋ قالاسى يگەرچى قالاشىعى قارامۇقچي قىستاعىنداعى الما ەگەتىن باعبان رايحانگۇل بارات بىلاي دەدى: 25 مۋ جەرگە الما ەكتىك، مۇنىڭ ىشىندە 5 مۋ جەردەگى ەرتە پىساتىن الما ساتىلىپ ءبىتتى، 20 مۋ جەردەگى جاي پىساتىن الما قىراۋ تۇسكەن سوڭ جەمىس ەتى بىرتىندەپ ”ناۋاتتانىپ“ بولعاننان كەيىن بازارعا شىعارىلادى. بىرنەشە كۇننەن بەرى جاي پىساتىن الماعا تاپسىرىس بەرگەن تەلەفوندار ۇزىلمەدى. ”قىستاق تۇرعىندارى پارتيا 20 - قۇرىلتايىنىڭ جەڭىسپەن اشىلۋىن كۇتۋدە، قىپ - قىزىل الماعا قاراپ، ءبىز شارۋالاردىڭ تۇرمىستارىنىڭ بارعان سايىن شالقي تۇسەتىندىگىنە كامىل سەنىپ وتىرمىز“، - دەدى ول.
قازىر ماناس اۋدانىنىڭ 780 مىڭ مۋ جەرىندەگى ماقتا ىركەس - تىركەس جيناپ الۋ مەزگىلىنە ءوتتى، ماقتانى جيناۋ، تايلاۋ ءبىر تۇلعالانعان ماشينالار ماقتا اتىزىندا قايشالىسىپ ءجۇر. سوڭعى جىلدارى جەرگىلىكتى ورىننىڭ ماقتانى ماشينامەن جيناۋ سالىستىرماسى ％100كە جەتتى، ءوندىرىس ونىمدىلىگى، ماقتانىڭ ساپاسى زور كولەمدە جوعارىلادى.
”ءبىز ەككەن ماقتاعا بۇكىلدەي قۇرعاق ەگىپ، دىمقىل شىعارۋ تەحنيكاسى قولدانىلعان، تۇتاستاي ماقتا جيناۋ ماشيناسىمەن جينايمىز، شارۋالاردىڭ كىرىسى ۇزدىكسىز ارتىپ كەلەدى. ءبىز پارتيا 20 - قۇرىلتايىنىڭ جەڭىسپەن اشىلۋىن ءتورت كوزبەن كۇتىپ وتىرمىز“، - دەدى ماناس اۋدانى لىتۋ - ي قالاشىعى جياۋجياجۋاڭ قىستاعىنىڭ ماقتاشىسى لۋ چيڭيۇن.
(ءتىلشى شيا چيڭ، قاتىناسقان تىلشىلەر جاڭ رۇيلين، جاڭ جىلي، حان چين - يان، ەرىكتى ءتىلشى زىڭ جاۋمەي، نان دىڭ)
