كەن ىزدەۋدە تابىسقا جەتۋ ستراتەگيالىق ارەكەتىندە اناعۇرلىم زور رولدارىڭىزدى ساۋلەلەندىرىپ، ”ەرجۇرەك گەولوگيا اترەتىنىڭ“ تىڭ تاراۋىن جازۋعا قۇلشىنىڭىزدار

شي جينپيڭ شاندۇڭ ولكەلىك گەولوگيالىق كەن بايلىعىن بارلاۋ - اشۋ مەكەمەسى 6 - گەولوگيالىق ۇلكەن اترەتىندەگى بارلىق گەولوگيا قىزمەتكەرلەرىنە جاۋاپ حات قايتارىپ، شابىت بەردى

كەن ىزدەۋدە تابىسقا جەتۋ ستراتەگيالىق ارەكەتىندە اناعۇرلىم زور رولدارىڭىزدى ساۋلەلەندىرىپ، ”ەرجۇرەك گەولوگيا اترەتىنىڭ“ تىڭ تاراۋىن جازۋعا قۇلشىنىڭىزدار

جاۋاپ حات

شاندۇڭ ولكەلىك گەولوگيالىق كەن بايلىعىن بارلاۋ - اشۋ مەكەمەسى 6 - گەولوگيالىق ۇلكەن اترەتىندەگى جولداستار:

　　سالەمەتسىزدەر مە! جازعان حاتتارىڭىزدى تاپسىرىپ الدىم. اترەت قۇرىلعاننان بەرى سىزدەر ءار ۇرپاق اترەت مۇشەلەرى تاۋ اسىپ، سۋ كەشىپ، جاپان تۇزدە تۇنەپ، قامال الىپ، قيىندىقتاردى جەڭىپ، كەن ىزدەۋدە سۇبەلى جەتىستىكتەرگە قول جەتكىزىپ، ەلىمىز گەولوگيا قىزمەتكەرلەرىنىڭ بورىشىن، جاۋاپكەرشىلىگىن ايگىلەدىڭىزدەر.

　　كەن بايلىعى ەكونوميكالىق، قوعامدىق دامۋدىڭ ماڭىزدى زاتتىق نەگىزى، كەن بايلىعىن بارلاۋ، اشۋ مەملەكەت جوسپارىنا، حالىق تۇرمىسىنا جانە مەملەكەت حاۋىپسىزدىگىنە سايادى. جولداستاردىڭ وتاندى ءسۇيىپ ۇلەس قوسۋ، ءورىس اشا جاڭالىق اشۋ، قاجىرلىلىقپەن كۇرەس جۇرگىزۋ تاڭداۋلى ءداستۇرىن زور كۇشپەن اسقاقتاتىپ، جاسىل دامۋ ۇستانىمىن بەلسەنە امالياتتا ايگىلەپ، بارلاۋ سەرپىنىن ارتتىرىپ، عىلىم - تەحنيكادا قامال الۋدى كۇشەيتىپ، جاڭا كەزەكتى كەن ىزدەۋدە تابىسقا جەتۋ ستراتەگيالىق ارەكەتىندە اناعۇرلىم زور رولدارىن ساۋلەلەندىرىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋگە، جاپپاي سوتسياليستىك وسىزاماندانعان مەملەكەت قۇرۋعا جاڭا ۇلەس قوسىپ، ”ەرجۇرەك گەولوگيا اترەتىنىڭ“ تىڭ تاراۋىن جازۋعا قۇلشىنۋىن ءۇمىت ەتەمىن.

شي جينپيڭ

2022 - جىلى 10 - ايدىڭ 2 - كۇنى

(شينحۋا اگەنتتىگىنىڭ 10 - ايدىڭ 4 - كۇنى بەيجيڭنەن بەرگەن حابارى)

　　شينحۋا اگەنتتىگىنىڭ 10 - ايدىڭ 4 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 2 - كۇنى شاندۇڭ ولكەلىك گەولوگيالىق كەن بايلىعىن بارلاۋ - اشۋ مەكەمەسى 6 - گەولوگيالىق ۇلكەن اترەتىندەگى بارلىق گەولوگيا قىزمەتكەرلەرىنە جاۋاپ حات قايتارىپ، ولاردىڭ تاڭداۋلى ءداستۇردى اسقاقتاتىپ، كەن بايلىقتارىن بارلاۋ قىزمەتىن ويداعىداي ىستەۋىنە ىقىلاستى ءۇمىت ارتتى.

　　شي جينپيڭ جاۋاپ حاتىندا مىنالاردى ءبىلدىردى: اترەت قۇرىلعاننان بەرى سىزدەر ءار ۇرپاق اترەت مۇشەلەرى تاۋ اسىپ، سۋ كەشىپ، جاپان تۇزدە تۇنەپ، قامال الىپ، قيىندىقتاردى جەڭىپ، كەن ىزدەۋدە سۇبەلى جەتىستىكتەرگە قول جەتكىزىپ، ەلىمىزدىڭ گەولوگيا قىزمەتكەرلەرىنىڭ بورىشىن، جاۋاپكەرشىلىگىن ايگىلەدىڭىزدەر.

　　شي جينپيڭ بىلاي دەپ باسا دارىپتەدى: كەن بايلىعى ەكونوميكالىق، قوعامدىق دامۋدىڭ ماڭىزدى زاتتىق نەگىزى، كەن بايلىعىن بارلاۋ، اشۋ مەملەكەت جوسپارىنا، حالىق تۇرمىسىنا جانە مەملەكەت حاۋىپسىزدىگىنە سايادى. جولداستاردىڭ وتاندى ءسۇيىپ ۇلەس قوسۋ، ءورىس اشا جاڭالىق اشۋ، قاجىرلىلىقپەن كۇرەس جۇرگىزۋ تاڭداۋلى ءداستۇرىن زور كۇشپەن اسقاقتاتىپ، جاسىل دامۋ ۇستانىمىن بەلسەنە امالياتتا ايگىلەپ، بارلاۋ سەرپىنىن ارتتىرىپ، عىلىم - تەحنيكادا قامال الۋدى كۇشەيتىپ، جاڭا كەزەكتى كەن ىزدەۋدە تابىسقا جەتۋ ستراتەگيالىق ارەكەتىندە اناعۇرلىم زور رولدارىن ساۋلەلەندىرىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋگە، جاپپاي سوتسياليستىك وسىزاماندانعان مەملەكەت قۇرۋعا جاڭا ۇلەس قوسىپ، ”ەرجۇرەك گەولوگيا اترەتىنىڭ“ تىڭ تاراۋىن جازۋعا قۇلشىنۋىن ءۇمىت ەتەمىن.

　　شاندۇڭ ولكەلىك گەولوگيالىق كەن بايلىعىن بارلاۋ - اشۋ مەكەمەسى 6 - گەولوگيالىق ۇلكەن اترەتى 1958 - جىلى قۇرىلعان، 1992 - جىلى مەملەكەتتىك كەڭەس جاعىنان ”ەلەۋلى ەڭبەك كورسەتكەن، قالتقىسىز ۇلەس قوسقان ەرجۇرەك گەولوگيا اترەتى“ داڭقتى اتاعى بەرىلگەن. قۇرىلعاننان بەرى بۇل اترەت التىن سياقتى كەن بايلىقتارىن بارلاۋ جاعىندا باتىلدىقپەن جاڭالىق اشىپ، تابىسقا جەتىپ، التىن بايلىعىنان جيىنى 2810 توننادان استام تەكسەرىپ انىقتاعان، بۇكىل ەل بويىنشا التىندى ەڭ كوپ تاپقان گەولوگيا اترەتى. تاياۋدا شاندۇڭ ولكەلىك گەولوگيالىق كەن بايلىعىن بارلاۋ - اشۋ مەكەمەسى 6 - گەولوگيالىق ۇلكەن اترەتىندەگى بارلىق گەولوگيا قىزمەتكەرلەرى باس شۋجي شي جينپيڭگە حات جازىپ، كەن بايلىعىن بارلاۋ قىزمەتىندە قول جەتكىزگەن ناتيجەلەرىنەن مالىمەت بەرىپ، گەولوگيا ىستەرىنە وزدەرىن ارناپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋگە كۇش قوساتىن بەكىمدەرىن ءبىلدىردى.