ما شيڭرۇي ءسوز سويلەدى، ەركىن تۇنياز باسقاردى، نۇرلان ءابىلماجىن، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 4 - كۇنى ۇرىمجىدەن حابارلايدى. 10 - ايدىڭ 4 - كۇنى تۇستەن بۇرىن اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكران ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىنا بۇلجىماستان تاباندى بولىپ، ءتۇيىندى وڭىرلەردەگى ىندەتتى ءبىر جايلى ەتۋدى ويداعىداي ىستەۋ، ىندەتتىڭ تارالۋىن، سىرتقا جايىلۋىن تەجەۋ، بۇقارالىق قىزمەتتى ويداعىداي ىستەۋ سياقتى ءتۇيىندى مىندەتتەر جونىنەن قايتالاي ورنالاستىرۋ جاسادى، قايتالاي كۇشەيتتى، قايتالاي تياناقتاندىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز باسقاردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ، مەملەكەتتىك اۋرۋدىڭ الدىن الۋ، تىزگىندەۋ مەكەمەسىنىڭ ورىنباسار باستىعى چاڭ جيلى قاتارلىلار قاتىناستى.
ما شيڭرۇي بىلاي دەپ اتاپ كورسەتتى: جەر - جەر، تاراۋلار ساياسي دەڭگەيدى ونان ارى جوعارىلاتىپ، پارتيا 20 - قۇرىلتايىنىڭ جەڭىسپەن اشىلۋىنا قىزمەت وتەۋدى جانە ونى قامتاماسىز ەتۋدى كەزەكتەگى ەڭ ماڭىزدى ساياسي مىندەت ساناپ، ىندەتتەن ساقتانۋ - تىزگىندەۋ سىندى وسى ارقاۋدى مىقتاپ شيراتىپ، يدەيادا سالعىرتسىماۋعا، شارالاردى بوساڭسىتپاۋعا، قىزمەتتە بوساڭسىماۋعا تاباندى بولىپ، شۇعىل جاعدايعا توتەپ بەرۋ، ءبىر جايلى ەتۋ جانە ساقتانۋ - تىزگىندەۋدى ۇدايىلاندىرۋ شارالارىن زاڭ بويىنشا، عىلمي، دالمە - ءدال، قاتاڭ، ناقتى، ەگجەي - تەگجەيلى تياناقتاندىرۋ كەرەك، اسىرەسە، ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ساياسيدى دارىپتەۋ، كەلەلى جاعدايمەن ساناسۋ بيىك تۇرعىسىندا تۇرىپ وزدەرى ىڭعايلاستىرىپ، قولباسشىلىق ەتىپ، وزدەرى ورنالاستىرۋ جاساپ، جايعاستىرىپ، سىرتقا جايىلۋدان ساقتانۋ، تارالۋدان ساقتانۋ، سىرتتان كىرۋدەن ساقتانۋ، قايتالاي بەلەڭ بەرۋدەن ساقتانۋ ءتۇرلى قىزمەتتەرىن تىڭعىلىقتى، ويداعىداي ىستەۋ كەرەك. حاۋىپ - قاتەردىڭ سىرتقا جايىلۋىن باتىل تەجەپ، كەزەكتەگى ىندەتتىڭ سىرتقا جايىلۋىنان ساقتانۋدىڭ ەرەكشە ماڭىزدىلىعىن تولىق تانىپ جەتۋ، ”شىعۋ قاجەت بولماسا شينجياڭنان شىقپاۋعا“ تاباندى بولىپ، ادامداردىڭ ءجۇرىس - تۇرىسىن ازايتۋ، اۋەجاي، تاس جول سياقتى شينجياڭنان شىعاتىن قاتىناس الاڭ، پۋنكتتەرىن تەكسەرۋدى، باسقارۋدى كۇشەيتىپ، سىرتقا جايىلۋ حاۋىپ - قاتەرىن جان - جاقتىلى تەكسەرىپ، وڭىرلەر سەلبەسىپ تەكسەرۋ مەن ينفورماتسيادان تەڭ يگىلىكتەنۋدى كۇشەيتىپ، جىلجىمالى، جاسىرىن تارالۋدى قاتاڭ تەجەۋ؛ شينجياڭنان شىعاتىن ادامداردىڭ حاۋىپ - قاتەرىن مولشەرلەۋ جانە تەكسەرىپ بەكىتۋ ءتۇزىمىن كەمەلدەندىرىپ، شىنىمەن شينجياڭنان شىعۋى قاجەتتى بولعانداردىڭ حىسۋانىن تەكسەرۋ، سالاماتتىقتى قاداعالاۋ سياقتى ولشەم جانە شارالاردى تياناقتاندىرىپ، زات اينالىمى تاسىمال كولىگى مەن شوفەر، كولىكتەگى ادام سياقتىلاردى جالپى بارىستىق تۇيىق اينالىمدى باسقارۋدى ءتۇيىندى تۇردە ويداعىداي ىستەپ، باسقارۋدا ساڭلاۋ قالۋدان، باسقارۋسىز قالۋدان قاتاڭ ساقتانىپ، ىندەتتىڭ تارالۋىن باتىل بوگەپ، ىندەتتىڭ سىرتقا جايىلۋىنان قاتاڭ ساقتانۋ كەرەك. ساقتانۋ - تىزگىندەۋ ونىمدىلىگىن ۇزدىكسىز جوعارىلاتىپ، نازاردى حىسۋان تەكسەرۋدەگى ولقىلىقتارعا شوعىرلاندىرىپ، جابدىق، ادام سياقتى جاقتارداعى قابىلەت قۇرىلىسى مەن دەڭگەيىن جوعارىلاتۋدى جەدەلدەتىپ، جەرگىلىكتى ورىننىڭ جاعدايىنا قاراي جوعارى ساپالى، جوعارى ءونىمدى، تۇتاس قامتىعان تەكسەرۋدى ىلگەرىلەتىپ، ۇلگى الۋ، جەتكىزۋ، تەكسەرۋ، مالىمدەۋ سىندى ءار بۋىننىڭ جۇيەلى ىستەلۋ، جىكسىز ۇشتاسۋ، جوعارى ساپامەن، جوعارى ءونىمدى اينالىمعا ءتۇسۋ دەڭگەيىن جوعارىلاتۋ؛ تەكسەرۋ ناتيجەسىنەن ويداعىداي پايدالانىپ، حاۋىپ - قاتەرى بار ادام، حاۋىپ - قاتەرى بار ءوڭىر، حاۋىپ - قاتەرى بار الاڭ - ورىن سياقتىلاردى دالمە - ءدال تۇجىرىمداۋ جانە جان - جاقتىلى باسقارۋدى، مەڭگەرۋدى كۇشەيتىپ، ەپيدەميولوگيالىق تەكسەرۋ جۇرگىزۋ، تەگىن انىقتاۋ، تاسىمالداۋ، اۋاشالاۋ قارقىنىن تەزدەتىپ، قوعامدىق جاقتا تارالۋ قاتەرىن ءونىمدى مەڭگەرۋگە شىنايى كەپىلدىك ەتۋ؛ ادام، زات، ورتا جاقتارىندا بىردەي ساقتانۋعا تاباندى بولىپ، ءتۇيىندى ورىندار، ءتۇيىندى ادامدار شوعىرى سياقتىلاردىڭ ساقتانۋ - تىزگىندەۋ شاراسىن قاتاڭ تياناقتاندىرىپ، نەگىزگى ساتىنىڭ ساقتانۋ - تىزگىندەۋ قىزمەتىن جانە شۇعىل جاعدايعا توتەپ بەرۋ، ءبىر جايلى ەتۋ دايىندىعىن ويداعىداي ىستەپ، ىندەت حاۋىپ - قاتەرىن ەڭ تومەنگى شەككە تۇسىرۋگە قۇلشىنۋ كەرەك. بۇقارالىق قىزمەتتى كۇش سالا ويداعىداي ىستەپ، ىندەت جونىندەگى قۇزىرلى ينفورماتسيالاردى دەر كەزىندە، دالمە - ءدال، جوعارى ءونىمدى جاريالاپ، ساياساتتى ءتۇسىندىرۋدى جانە ۇگىت جۇرگىزۋ، جەتەكشىلىك ەتۋدى كوپ ارنادا، جان - جاقتىلى كۇشەيتىپ، اقپار جاريالاۋ ءماجىلىسىن ويداعىداي اشىپ، ويداعىداي پايدالانىپ، قوعامنىڭ ءجىتى قاداعالاپ وتىرعان ىستەرىنە دەر كەزىندە جاۋاپ قايتارىپ، بۇقارانى سانالى تۇردە ساقتانۋ - تىزگىندەۋ شاراسىن تياناقتاندىرۋعا، ساقتانۋ - تىزگىندەۋدىڭ كەلەلى جاعدايىنا قولداۋ كورسەتۋگە، سايكەسۋگە باستاۋ؛ ساقتانۋ - تىزگىندەۋ مەن قىزمەت وتەۋگە قاتار ءمان بەرۋگە تاباندى بولىپ، كۇدىك - كۇماننان ارىلتۋ، قىزمەت وتەۋ، قامتاماسىز ەتۋ سياقتى قىزمەتتەردى بايىپتىلىقپەن، ەگجەي - تەگجەيلى، كوپ شارالاردى قاتار اتقارۋ ارقىلى ويداعىداي ىستەپ، بۇقارانىڭ كوكەي تەستى قاجەتىن قاناعاتتاندىرۋعا، شۇعىل، قيىن، ۋايىمداعان، ءزارۋ ماسەلەنى ويداعىداي شەشۋگە مۇمكىندىكتىڭ بارىنشا قۇلشىنۋ كەرەك. قىزمەت جاۋاپكەرشىلىگىن قاتايتىپ، ناقتىلاندىرىپ، ”ءتورت جاقتىڭ جاۋاپكەرشىلىگىن“، اسىرەسە، قاراستى جەر جاۋاپكەرشىلىگىن قاتاڭ تياناقتاندىرىپ، ولكە دارەجەلى باسشىلاردىڭ تومەنگە بارىپ، تۇيىندەردە تۇرىپ قۋزاۋ - جەتەكشىلىك ەتۋىن كۇشەيتىپ، جەر - جەردىڭ باسقارۋ شاراسىن ايقىنداپ، ىندەتتىڭ سىرتقا جايىلۋىنان ساقتانۋدى ىلگەرىلەتۋمەن بىرگە، قارابايىرلىق ىستەۋ، ”ءبارىن ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سىندى ءجۇرىس - تۇرىستى قالىپتان تىس باسقارۋ - مەڭگەرۋدەن ساقتانىپ، قاتىناس، زات اينالىمىنىڭ ىركىلىسسىزدىگىن قامتاماسىز ەتۋ؛ قىزمەت بارىسىندا بايقالعان ماسەلەلەرگە جانە ولقىلىقتارعا قاراتا كۇش سالا وتىرىپ زەرتتەۋ، رەتتەۋ، تۇزەتۋ، ساپالىلاندىرىپ كەمەلدەندىرۋ، وزگەرىس ەنگىزىپ، دەڭگەيىن جوعارىلاتۋ، ساقتانۋ - تىزگىندەۋدىڭ عىلميلىعىن، دالمە - دالدىگىن، باعىتتامالىلىعىن ۇزدىكسىز جوعارىلاتۋ؛ ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار بۇقارامەن ىشكەرىلەي ارالاسىپ، الدىڭعى شەپكە ىشكەرىلەي بارىپ، ماسەلەنى بايقاۋ، ماسەلەنى زەرتتەۋ، ماسەلەنى شەشۋ، ”ەكىنى ءبىر تۇتاس جوسپارلاۋعا“ تاباندى بولىپ، ىندەتتەن ساقتانۋ - تىزگىندەۋ، قوعام ورنىقتىلىعى، حالىق ءۇشىن قىزمەت وتەۋ، ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ سياقتى قىزمەتتەردى تىڭعىلىقتى، ويداعىداي ىستەپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى ورىنداپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ەركىن تۇنياز بىلاي دەپ اتاپ كورسەتتى: جەر - جەر، تاراۋلار ىندەتتىڭ سىرتقا جايىلۋىنان، تارالۋىنان شىنايى ساقتانۋدى كەلەلى مىندەت ساناپ، قىزمەت مەحانيزمىن ورناتىپ، كەمەلدەندىرىپ، ءتۇرلى شارالاردى ەگجەي - تەگجەيلى تياناقتاندىرىپ، قاينارىنان باسقارۋ - تىزگىندەۋ تەبىنىن ارتتىرىپ، حاۋىپ - قاتەرى بار ادامدار مەن حاۋىپ - قاتەرى بار وڭىرلەردى باسقارۋ - تىزگىندەۋدى كۇشەيتىپ، شينجياڭنان شىعاتىن ادامداردىڭ شارتىن تەكسەرۋ وتكەلىن قاتايتىپ، ىندەتتىڭ ءوڭىر اتتاپ تارالۋىن باتىل بوگەپ، ىندەتتىڭ سىرتقا جايىلۋىنان، تارالۋىنان مۇمكىندىكتىڭ بارىنشا ساقتانۋ كەرەك. ماسەلەنى باعدار ەتۋگە تاباندى بولىپ، ولقىلىقتاردى، كەمشىلىكتەردى كۇش سالا تولىقتاپ، وسى رەتكى ىندەتتىڭ سوزىلعان ۋاقىتى ۇزاق، مىندەتى جاپالى بولۋ سياقتى جاعدايلارمەن بىرلەستىرە وتىرىپ، بۇقارانىڭ ىندەتكە ساياتىن قيىنشىلىق، تالاپ - تىلەكتەرىنە پارمەندى، ءونىمدى جاۋاپ قايتارىپ، ءبىر جايلى ەتىپ، نەگىزگى ساتى قىزمەتكەرلەرىنە كوڭىل ءبولۋدى، قامقورلىق جاساۋدى كۇشەيتىپ، قۋاتتى كۇش ۇيىستىرىپ، ىندەتتەن ساقتانۋ - تىزگىندەۋدىڭ قامال الۋ شايقاسىنىڭ جەڭىسىنە قول جەتكىزۋ كەرەك.
جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، قاتىستى مەكەمە - ورىندارداعى، تاراۋلارداعى جاۋاپتى جولداستار، ت.ب ماجىلىسكە قاتىناستى. ءارقايسى ايماق، وبلىس، قالادا، اۋدان، قالا، رايوندا، اۋىل - قالاشىق، ءمالى باسقارماسىندا جانە بيڭتۋاننىڭ ءارقايسى شى - قالالارىندا، تۋان - الاڭدارىندا بولىمشە ءماجىلىس ورنى ورنالاستىرىلدى.
