− پارتيا 18 - قۇرىلتايىنان بەرگى پارتيانى جاپپاي قاتاڭ باسقارۋ تابىستارى جونىندە جالپى شولۋ
□ شينحۋا اگەنتتىگىنىڭ تىلشىلەرى سۇن شاۋلۇڭ، ۋاڭ چي، ۋاڭ زىميڭ
”پارتيانى جاپپاي قاتاڭ باسقارۋ − جاڭا داۋىردەگى پارتيانىڭ وزىنە - ءوزى توڭكەرىس جاساۋىنىڭ ۇلى امالياتى، ول 100 جىلدىق ءىرى پارتيانىڭ وزىنە - ءوزى توڭكەرىس جاساۋىنىڭ تىڭ ءورىسىن اشتى“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇرىن بولماعان ەرلىكپەن جانە تاباندىلىقپەن پارتيانى جاپپاي قاتاڭ باسقارۋدى ىلگەرىلەتىپ، جاڭا داۋىردە پارتيانى جاپپاي قاتاڭ باسقارۋدى ىلگەرىلەتۋدە تاريحي سيپاتتى، ءىز اشۋ سيپاتتى تابىستارعا قول جەتكىزىپ، جان - جاقتى، تەرەڭ ساتىلى ىقپال تۋدىردى.
ساياسي جاقتان جەتەكشىلىك ەتىپ، نازاردى ”ەكىنى قورعاۋعا“ شوعىرلاندىرا وتىرىپ، ساياسي باقىلاۋدى كۇشەيتتى
بۇلتسىز اسپان شايداي اشىق، اۋا تاپ - تازا. چيليانشان تاۋىنىڭ وڭتۇستىك بوكتەرىندەگى مۋلي كەن رايونىنا كىرسەڭىز، كومىر كۇلى اسپاندى تورلاپ، تەرەڭ شۇڭقىرلار قاپتاپ جاتاتىن بۇرىنعى كورىنىس كەلمەسكە كەتىپ، ونىڭ ورنىنا بارلىق جەردى جاسىل جەلەك جاپقانىن بايقايسىز.
مۋلي كەن رايونىن كەشەندى جونگە سالۋدىڭ كورنەكتى جەتىستىككە قول جەتكىزۋىندەگى باستى سەبەپ، ەڭ اۋەلى، ساياسي تارتىپتەن باستاپ، ەكولوگيالىق ماسەلەلەردىڭ ارعى جاعىنداعى ساياسي ماسەلەلەردى تەرەڭ قازىپ شىعىپ تۇبەگەيلى تەكسەرۋدى شەشۋشى ءتۇيىن ەتكەندىگىندە.
پارتيا 19 - قۇرىلتايىنىڭ بايانداماسىندا: ”پارتيانىڭ ساياسي قۇرىلىسىن ماڭداي الدى ورىنعا قويۋ كەرەك“، ”پارتيانىڭ ساياسي قۇرىلىسى پارتيانىڭ ءتۇبىرلى قۇرىلىسى“، - دەپ اتاپ كورسەتىلدى.
ءار دارەجەلى پارتيا ۇيىمدارى ”ەكىنى قورعاۋدىڭ“ ساياسي سانالىلىعىن ۇزدىكسىز كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تىڭعىلىقتى دايەكتىلەنۋىنە، تياناقتانۋىنا شىنايى كەپىلدىك ەتتى. ءتارتىپ تەكسەرۋ، باقىلاۋ - تەكسەرۋ ورگاندارى پارتيا ورتالىق كوميتەتى قايدا شەشىم، ورنالاستىرۋ جاساسا، ساياسي باقىلاۋدى سول اراعا سايكەستىرۋگە تاباندى بولىپ، ”ەكىنى قورعاۋدى“ باستاماشىلىقپەن امالياتتا ايگىلەپ، پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتە وتىرىپ، باقىلاۋدىڭ اتقارۋدى قامتاماسىز ەتۋ، دامۋدى جەبەۋ، كەمەلدەندىرۋ رولىن ساۋلەلەندىردى.
شىرىكتەسۋ ماسەلەسى ماندىك جاقتان الىپ ايتقاندا ساياسي جاقتاعى ساپانىڭ وزگەرۋى بولىپ تابىلادى، شىرىكتەسۋ ماسەلەسىنىڭ استارىندا كوبىنەسە ساياسي ماسەلە جاتادى.
جاقىندا، سۇن ليجۇن ساياسي توبىنا قاتىستى دەلولارعا جەكە - جەكە 1 - سوتتىڭ ۇكىمى شىعارىلدى. سۇن ليجۇن ساياسي توبىن زاڭ بويىنشا قاتاڭ جازالاۋ پارتيا ورتالىق كوميتەتىنىڭ شىرىكتەسۋدى تيتتەي دە راقىمشىلىق ىستەمەي جازالايتىن بەرىك بەكىمى مەن پارمەندى جىگەر - قايراتىن تولىق ايگىلەدى.
ماسەلەنىڭ ءىز - دەرەگىن ءبىر جاقتى ەتۋدە ساياسي تارتىپتەن باستاپ قاتايتۋعا تاباندى بولىپ، تەكسەرۋ - تەكتەۋدى ساياسي تارتىپتەن باستاپ تەكسەردى... ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ساياسي ءتارتىپ سىندى ەڭ ءتۇبىرلى، ەڭ ماڭىزدى ءتارتىپتى قاي - قاشان دا مىقتاپ يگەرىپ، ساياسي باقىلاۋدى تەكسەرۋ - تەكتەۋمەن تەرەڭدەي توعىستىرىپ، ساياسي ءتارتىپ پەن ساياسي قاعيدانى قاتايتۋدى ناقتى ادام مەن ىسكە دەيىن تياناقتاندىرىپ، ساياسي كومەسكى قاتەرلەردى كۇش سالا جويىپ، ساياسي حاۋىپسىزدىكتى قورعادى.
سونىمەن بىرگە ”شەشۋشى ازشىلىقتان“ كوز جازباي، «جۇڭگو كوممۋنيستىك پارتياسى ورتالىق كوميتەتىنىڭ ”ءبىرىنشى باسشىلار“ مەن باسشىلىق القاسىن باقىلاۋدى كۇشەيتۋ جونىندەگى پىكىرىن» ىشكەرىلەي دايەكتىلەندىرىپ، دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ، ەرەجە بويىنشا، زاڭ بويىنشا مىندەت اتقارۋ، ۇقىق ىستەتۋ، جاۋاپكەرشىلىك ارقالاپ، ىسكەرلىك كورسەتۋ، پاك، تارتىپشەڭ بولۋ سياقتى جاعدايلارعا باقىلاۋ جۇرگىزۋدى كۇشەيتىپ، ءوز بويىنان ونەگە كورسەتۋدى، جاۋاپكەرشىلىكتى ويداعىداي ارقالاۋدى جەبەدى.
2020 - جىلدىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى توسىننان تاپ بەردى. ىندەت تۋىلعان باستاپقى كەزدە، پارتيا ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋدى» باسىپ تاراتىپ، جاۋاپكەرشىلىك ارقالاۋعا باتىلدىق ەتپەگەندەردى، ستيلى تۇرلاۋسىز، تياناقتاندىرۋى پارمەنسىز بولعانداردى، ءتىپتى وتىرىك سويلەپ، جالعاندىق ىستەگەندەردى، قىزمەت اتقارماعانداردى، جاۋاپكەرسىزدىك ىستەگەندەردى قاتاڭ جاۋاپقا تارتۋ كەرەكتىگىن ايقىن باسا دارىپتەدى.
ءوزىڭ ىسىلعاندا عانا قيان - كەسكى شايقاس جۇرگىزە الاسىڭ. كەدەيلىكتەن ارىلتۋدان قامال الۋدان اۋىل - قىستاقتى گۇلدەندىرۋگە دەيىن تالاي رەتكى زور شايقاس، ۇلكەن سىناقتاردا ساياسي باقىلاۋدى باستان - اياق پارمەندى، ءونىمدى جۇرگىزىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ بارىسىنداعى فورماشىلدىقتى، تورەشىلدىكتى باتىل الاستاپ، پارتيا تۋىن الدىڭعى شەپتە اسقاق جەلبىرەتتى.
نازاردى جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ سياقتى كەلەلى ستراتەگيالارعا شوعىرلاندىرىپ، نازاردى رەفورما جاساۋدى، ەسىك اشۋدى جاپپاي تەرەڭدەتۋ، بىرگە بايۋدى جەبەۋ، عىلىم - تەحنيكادا ءوزىن الۋەتتەندىرۋدى، ءوزىن كۇشەيتۋدى ىلگەرىلەتۋ، ەلەۋلى حاۋىپ - قاتەرلەردەن ساقتانۋ جانە ولاردى جويۋ سياقتى ءتۇيىندى مىندەتتەرگە شوعىرلاندىرىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋدى، تەكسەرۋدى كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىن ىلگەرىلەتىپ، تاباندى دا پارمەندى مىندەت اتقارۋ، جاۋاپكەرشىلىك ادا ەتۋ ارقىلى ەكونوميكالىق، قوعامدىق دامۋعا قورعاۋشى بولدى.
جۇيەلى باسقارۋ جۇرگىزىپ، پارتيانى جاپپاي قاتاڭ باسقارۋدىڭ ”كەشەندى شارالارىن“ جولعا قويدى
”بۇكىل ەل كولەمىندە ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسىنەن جيىنى 7799ى تەكسەرىلىپ ءبىر جاقتى ەتىلىپ، 11 مىڭ 226 ادامعا سىن ايتىلدى، تاربيە بەرىلدى، كومەك كورسەتىلدى جانە ءبىر جاقتى ەتىلدى، 7752 ادامعا پارتيا ءتارتىبى، اكىمشىلىك ءتارتىپ جازاسى بەرىلدى“.
2022 - جىلى 9 - ايدىڭ 26 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى بيىل 8 - ايدا بۇكىل ەل بويىنشا تەكسەرىپ ءبىر جاقتى ەتىلگەن ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەلەرىنىڭ جيىنتىق جاعدايىن جاريالادى، بۇل وسى ساندى مالىمەتتىڭ ءۇرتىس 108 - اي جاريالانۋى.
8 ءتۇرلى بەلگىلەمە جۇڭگونى تەرەڭ وزگەرتتى.
2012 - جىلى 12 - ايدىڭ 4 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىق كوميتەت ساياسي بيۋروسىنىڭ قىزمەت ستيلىن جاقسارتۋ، بۇقارامەن بايلانىستى قويۋلاتۋ جونىندەگى 8 ءتۇرلى بەلگىلەمەسىن قاراپ ماقۇلدادى. ورتالىقتىڭ 8 ءتۇرلى بەلگىلەمەسىن بەتاشار ەتكەن ءبىر رەتكى جاقسىنى ماقتاپ، جاماندى داتتايتىن ستيل وزگەرىسى جۇڭحۋانىڭ بايتاق دالاسىن تازارتا باستادى. پارتيا 19 - قۇرىلتايىنان بەرى، پارتيا ورتالىق كوميتەتى تاباندىلىقپەن ستيل دۇرىستاپ، ءتارتىپتى قاتايتۋعا جاڭا ورنالاستىرۋ جاساپ، جاڭا تالاپتاردى ورتاعا قويىپ، ورتالىقتىڭ 8 ءتۇرلى بەلگىلەمەسىن اتقارۋدىڭ ەگجەي - تەگجەيلى ەرەجەسىنە وزگەرىس ەنگىزىپ كەمەلدەندىرىپ، بۇكىل پارتيانىڭ ستيل قۇرىلىسىندا بوساڭسىماۋدى، توقىراماۋدى، قايتا اتتانۋدى ىلگەرىلەتتى.
”اس - سۋداعى ىسىراپشىلدىقتى“ تەجەۋدەن ”اۆتوكولىك ىستەتۋدەگى بەيبەرەكەتتىكتى“ تيۋعا، ونان ”مەيرامحاناداعى بۇرىس ستيلدەردى“ رەتتەپ جونگە سالۋعا دەيىن؛ ”زاردەن قىمبات ايكۇلشە“، ”زاردەن قىمبات اراق - تەمەكىلەردى“ تەجەۋدەن ۇنەمشىل بولىپ، ىسىراپشىلدىققا قارسى تۇرۋدى قوعامدىق جاڭا سالتقا اينالدىرۋعا، ونان توي - تومالاقتى جاڭاشا وتكىزۋگە، ءولىم - ءجىتىمدى قاراپايىم وتكىزۋگە دەيىنگىلەردى قابىلداعان ادامدار بارعان سايىن كوبەيدى... پارتيا ستيلى، ۇكىمەت ستيلى قوعامدىق سالتقا، حالىق سالتىنا جەتەكشىلىك ەتىپ، حالىق بۇقاراسى ستيل قۇرىلىسىنا ات سالىسۋشىلارعا جانە ودان يگىلىكتەنۋشىلەرگە اينالدى.
پارتيا 18 - قۇرىلتايىنان بەرى، بيىل 4 - ايعا دەيىن بۇكىل ەل بويىنشا ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسىنەن جيىنى 723 مىڭى تەكسەرىلىپ ءبىر جاقتى ەتىلىپ، 644 مىڭ ادامعا پارتيا ءتارتىبى، اكىمشىلىك ءتارتىپ جازاسى بەرىلدى. حالىق بۇقاراسى قاتتى كەكتەنگەن بۇرىس سالت، تەرىس پيعىل ءونىمدى تەجەلدى.
ستيل قۇرىلىسىن شەگە قاعۋ رۋحىمەن كۇشەيتىپ، شىرىكتەسۋدى نولدىك توزىمدىلىكپەن باتىل تۇردە جازالادى.
2014 - جىلى 12 - ايدىڭ 13 - كۇنى باس شۋجي شي جينپيڭ جياڭسۋدىڭ جىنجياڭىندا قىزمەت تەكسەرگەن كەزدە، 74 جاستاعى قاريا سۇي رۇڭحاي ادامداردىڭ اراسىنان الدىعا شىعىپ، باس شۋجيدىڭ قولىنان قىسا ۇستاپ تۇرىپ: ”ءسىز شىرىكتەسكەن ەلەمەنتتەردىڭ سازايىن بەرۋشىسىز، بۇكىل ەل حالقىنىڭ باقىت جۇلدىزىسىز!“ دەگەنى ادامداردىڭ ءالى ەسىندە.
شىنايى ماداق حالىق بۇقاراسىنىڭ شىرىكتەسۋگە قارسى تۇرۋ كۇرەسىن شىن نيەتپەن قولدايتىندىعىن كورسەتتى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى دارىمەن اۋرۋدى ەمدەيتىن، اۋىر جازامەن بىلىقپالىقتى جونگە سالاتىن بەكىممەن، سۇيەكتى قىرىپ ۋىتتى ايدايتىن، قولما - قول شەشىم جاسايتىن باتىلدىقپەن شىرىكتەسۋگە قارسى تۇرۋ كۇرەسىن ىلگەرىلەتتى −
”جولبارىس سوعۋدا“ شەكتەلگەن ءوڭىر بولدىرمادى. پارتيا 18 - قۇرىلتايىنان بەرى، ورتالىق كوميتەت ۇيىمداستىرۋ ءبولىمى ەستەلىككە العان 500دەن استام كادرعا دەلو تۇرعىزىلىپ، تەكسەرۋ، تەكتەۋ جۇرگىزىلدى.
”شىبىن قاعۋدا“ اياۋشىلىق ىستەمەدى. پارتيا 19 - قۇرىلتايىنان بەرى، بيىل 4 - ايعا دەيىن بۇكىل ەل بويىنشا حالىق تۇرمىسى سالاسىنداعى شىرىكتەسۋ جانە ستيل ماسەلەسىنەن جيىنى 496 مىڭى تەكسەرىلىپ ءبىر جاقتى ەتىلىپ، 456 مىڭ ادامعا پارتيا ءتارتىبى، اكىمشىلىك جازاسى بەرىلدى.
”تۇلكى اۋلاۋدى“ توقىراتپادى. پارتيا 19 - قۇرىلتايىنان بەرى، ”تيانۋاڭ ارەكەتى“ ارقىلى شەتەلدە قاشىپ جۇرگەن 6900 ادام قايتارىپ اكەلىنىپ، 32 ميلليارد 786 ميلليون يۋان ارام ولجا قايتارىلىپ، ”قىزىل قۋعىنداۋ تۇسىرىلگەن 100 ادامنىڭ“ 61ى قولعا ءتۇستى
....
شىرىكتەسۋ مەن شىرىكتەسۋگە قارسى تۇرۋدىڭ ”تەكە تىرەس كۇي كورسەتۋىنەن“ شىرىكتەسۋگە قارسى تۇرۋ كۇرەسىنىڭ ”ۇستەم كۇيىنىڭ قالىپتاسىپ بولۋىنا“ دەيىن، ونان ”ۇستەم جەڭىسكە قول جەتۋىنە ءارى جالپى بەتتىك بەكەمدەلۋىنە“ دەيىن، 10 جىلدان بەرى پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىنىڭ ونىمدىلىگى كورنەكتى بولدى.
دەلو ارقىلى تۇزەتۋدى جەبەۋدى، دەلو ارقىلى جونگە سالۋدى جەبەۋدى ناقتىلاندىرىپ، ”كەيىنگى جۇمىستى“ جاقسى ىستەدى؛ يدەيالىق ساياسي تاربيەنىڭ ”اسىل“ رولىن شىنايى ساۋلەلەندىرىپ، ونى كۇندەلىكتى باقىلاۋ مەن ءتارتىپ اتقارۋدىڭ، زاڭ اتقارۋدىڭ جالپى بارىسىمەن ساباقتاستىردى؛ پاكتىك مادەنيەتىنىڭ تۋرا جاققا جەتەكتەۋ رولىن ساۋلەلەندىرىپ، تۋرا جاققا جەتەكتەۋ مەن ۇنامسىزدى كورسەتىپ ساقتاندىرۋدى ورگانيكالى ۇشتاستىردى...
پارتيا 18 - قۇرىلتايىنان بەرى، شىرىكتەسۋگە باتىلدىق ەتكىزبەۋدىڭ سەسكەندىرۋى ۇزدىكسىز كۇشەيىپ، شىرىكتەسۋگە مۇمكىندىك بەرمەۋ قاپاسى ۇزدىكسىز تارايىپ، شىرىكتەسۋدى ويىنا الدىرماۋدىڭ توسپاسى كۇن سايىن بەكەمدەلىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسى شىن مانىندە ”تەمىردە تاپ، تاستا ءىز قالدىرۋدى“ ورىندادى.
رەفورمانى تەرەڭدەتىپ، پارتيا مەن مەملەكەتتىڭ باقىلاۋ جۇيەسىنىڭ كەمەلدەنۋىن ىلگەرىلەتتى
2018 - جىلى 3 - ايدىڭ 23 - كۇنى، بەيجيڭ پيڭانلي باتىس كوشەسى.
”جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتى“ دەگەن جازۋلى مىس رەڭدى ماڭدايشالىقتىڭ بەتىن جاپقان قىزىل تورعىننىڭ اشىلۋىمەن شىت جاڭا مەملەكەتتىك شىرىكتەسۋگە قارسى تۇرۋ قىزمەتى قۇرىلىمىنىڭ ماڭدايشالىعى رەسمي اسىلدى.
تۇيىندەردە سىناق ەتۋدەن جاپپاي ىلگەرىلەتۋگە دەيىن؛ ءار دارەجەلى باقىلاۋ - تەكسەرۋ كوميتەتتەرىن ىركەس - تىركەس قۇرۋدان مەملەكەتتىك باقىلاۋ - تەكسەرۋ كوميتەتى ماڭدايشالىعىنىڭ رەسمي اشىلۋىنا دەيىن؛ باقىلاۋ - تەكسەرۋ زاڭىن جاساۋدان ۇكىمەت قىزمەتكەرلەرىنىڭ اكىمشىلىك جازا زاڭى، باقىلاۋ - تەكسەرۋ زاڭىن اتقارۋ ەرەجەسى، باقىلاۋ - تەكسەرۋشىلەر زاڭى سياقتى ءبىر قىدىرۋ قاتىستى زاڭ - ەرەجە، تۇزىمدەردىڭ جاسالىپ شىعارىلۋىنا دەيىن...
مەملەكەتتىك باقىلاۋ - تەكسەرۋ ءتۇزىلىسى رەفورماسى ورنىقتى قاداممەن تەز جۇرگىزىلىپ، ۇزدىكسىز تەرەڭدەتىلىپ، پارتيا ورتالىق كوميتەتىنىڭ شىرىكتەسۋگە قارسى تۇرۋ قىزمەتىنە ورتالىقتانعان ءبىر تۇتاس باسشىلىعى ۇزدىكسىز كۇشەيىپ، شىرىكتەسۋگە قارسى تۇرۋ قىزمەتىنىڭ ولشەمدەنۋ، زاڭمەن باسقارىلۋ، جۇيەلىلەنۋ دەڭگەيى ۇزدىكسىز جوعارىلادى.
سونىمەن بىرگە ”ءتورت ءتۇرلى كۇيدى“ ءونىمدى قولدانىپ، بەت قىزارتىپ، تەر شىعارۋدى ۇدايىلاندىرىپ، ەرتەدەن، كىشكەنە ىستەن باستاپ يگەرىپ، قىلپى بىلىنە سالا قىرقىپ، پارتيانى باسقارۋدا، پارتيانى جونگە سالۋدا ”وتە از ساندىنى جازالاۋدان“ ”باسىم كوپ ساندىنى باسقارۋعا“ قاراي بۇرىلىس جاساۋدى جۇزەگە اسىردى.
ساندى مالىمەتتە كورسەتىلۋىنشە، پارتيا 18 - قۇرىلتايىنان بەرى، بيىل 4 - ايعا دەيىن بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى ”ءتورت ءتۇرلى كۇيدى“ قولدانىپ 11 ميلليون 344 مىڭ ادام - رەت سىن ايتقان، تاربيە بەرگەن، كومەك كورسەتكەن جانە ءبىر جاقتى ەتكەن ەكەن. مۇنىڭ ىشىندە، 1 -، 2 - كۇيدى قولدانىپ ءبىر جاقتى ەتكەن ادام سانىنىڭ ۇلەسى جيىنى ％90تەن اسىپ، كۇندەلىكتى باقىلاۋدى ۇدايىلاندىرۋدى كۇشەيتۋدە قول جەتكىزگەن ونىمدىلىك تولىق ايگىلەندى.
2022 - جىلى 7 - ايدا 19 - كەزەكتى ورتالىق كوميتەتتىڭ 9 - كەزەكتى شارلاۋىنان اڭىس بەرۋ قىزمەتى تۇگەلدەي اياقتالدى. 19 - كەزەكتى ورتالىق كوميتەتتىڭ شارلاۋى جاپپاي قامتۋ مىندەتىن جوعارى ساپامەن ورىندادى.
18 - كەزەكتى ورتالىق كوميتەتتىڭ شارلاۋى ارناۋلى شارلاۋ ورىستەتۋگە ىزدەنىس جاساۋىنان، ”يكەمدى ۇلگىدەگى“ شارلاۋدى سىناق تۇيىنىندە ورىستەتۋىنەن، ”قايتا قاداعالاۋدى“ تۇڭعىش رەت ورىستەتۋىنەن كەيىن، 19 - كەزەكتى ورتالىق كوميتەتتىڭ شارلاۋى تاعى دا جولعا شىعىپ، ساياسي جاقتان شارلاۋدى ۇزدىكسىز تەرەڭدەتىپ، حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەردەن كوز جازباي، وتكىر قارۋدى بيىك ۇستاۋدىڭ، سەسكەندىرۋدى ۇدايى ساقتاۋدىڭ ايقىن سيگنالىن ۇزدىكسىز شىعاردى.
تارتىپتىك باقىلاۋ، باقىلاۋ - تەكسەرۋ بويىنشا باقىلاۋ، وكىلەتتى باقىلاۋ، شارلاپ باقىلاۋ سىندى ”ءتورت باقىلاۋدى“ ءبىر تۇتاس جوسپارلاپ ۇشتاستىرۋدى، جاپپاي قامتۋدى ىلگەرىلەتتى؛ پارتيا ىشىندەگى باقىلاۋدى جەتەكشى ەتىپ، ءتۇرلى باقىلاۋلاردىڭ ورگانيكالى ساباقتاسۋىن، ءوزارا سايكەسۋىن ىلگەرىلەتتى... پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەتتىڭ باقىلاۋ جۇيەسى ۇزدىكسىز كەمەلدەنىپ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوز دەڭگەيىن جوعارىلاتۋ قابىلەتى كورنەكتى كۇشەيدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانى جاپپاي قاتاڭ باسقارۋدىڭ ساياسي جەتەكشىلىگى مەن ساياسي قامتاماسىزدىق رولىن تولىق ساۋلەلەندىرىپ، پارتيانى جاپپاي قاتاڭ باسقارۋ ارقىلى پارتيانىڭ العاباسارلىعىن، كىرشىكسىزدىگىن، ىنتىماعىن، بىرلىگىن كۇشەيتسە، پارتيامىز، ءسوز جوق، حالىقتى باستاپ جاڭا جورىقتا تىڭ دا ۇلى جەڭىستەرگە ۇزدىكسىز قول جەتكىزە الادى.
(شينحۋا اگەنتتىگىنىڭ 10 - ايدىڭ 5 - كۇنى بەيجيڭنەن بەرگەن حابارى)
