− رايونىمىزداعى ءىرى كاسىپورىندار جوعارى ساپالى دامۋدى ىلگەرىلەتۋ بارىسىندا تىڭ ىسكەرلىك كورسەتتى
□ انار بۇلت \ شينجياڭ گازەتىنىڭ ءتىلشىسى شى شين
10 - ايدىڭ 2 - كۇنى مەملەكەت ەلەكتر تورى بۇراتالا ەلەكترمەن قامداۋ سەرىكتەستىگىنىڭ قىزمەتكەرلەرى ەلەكتر جەلىلەرىن تەكسەرىپ، جوندەۋدە. مەملەكەت مەرەكەسى دەمالىسىندا وسى سەرىكتەستىكتىڭ قىزمەتكەرلەرى جۇمىس ورىندارىنان تاپجىلماي، قاراستى اۋماقتاعى ەلەكتر جەلىلەرىنىڭ حاۋىپسىزدىگىنە تەكسەرۋ جۇرگىزىپ، دەمالىس كەزىندەگى جانە كۇزگى جيىن - تەرىن تۇسىنداعى ەلەكترمەن قامداۋ حاۋىپسىزدىگىنە شىنايى كەپىلدىك ەتتى.
□ سۋرەتتى ءماردان مامۇدين تۇسىرگەن
مەملەكەت مەرەكەسى دەمالىسىندا رايونىمىزداعى ءىرى كاسىپورىندارداعى جۇمىسشى - قىزمەتكەرلەر قىزمەت ورىندارىنان تاپجىلماي، ءوندىرىس حاۋىپسىزدىگىنە، تيجارات جۇرگىزۋگە قاتىستى قىزمەتتەردى كۇش سالا ويداعىداي ىستەپ، ءوندىرىس قارقىنىنا شىنايى كەپىلدىك ەتىپ، ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الدى.
10 - ايدىڭ 1 - كۇنى قۇمىل قالاسى اراتۇرىك اۋدانى نوم قالاشىعىنىڭ ونەركاسىپ باقشا رايونىنداعى گۋاڭحۇي ەنەرگياسىنىڭ كوكستىك گازدان كەشەندى پايدالانىپ، ەتيلەن گليكول ءوندىرۋ نىسانى ءۇرتىس ءتارتىپتى جۇمىس جۇرگىزىپ، قىزمەت ورنىنداعى قىزمەتكەرلەر جايشىلىقتاعىداي شارلاۋ - تەكسەرۋ جۇرگىزىپ، مەرەكە كەزىندە جابدىقتاردىڭ ورنىقتى اينالىمىن قامتاماسىز ەتتى.
كوكستىك گازدان ەتيلەن گليكول جاساۋ نىسانى گۋاڭحۇي ەنەرگيا، كومىر حيميا ونەركاسىبىنىڭ كاسىپ سالاسىنىڭ تىزبەگىن ۇزارتۋداعى ءتۇيىندى نىساندارىنىڭ ءبىرى، ءار جىلى 2 ميلليارد 800 ميلليون تەكشەمەتر ولشەمدى كوكستىك گاز سارىپ ەتىپ، 600 مىڭ توننا كومىرتەگى قوس توتىعىن تىكەلەي از ىعىستىرىپ، ءبىر ميلليون 700 مىڭ توننا كومىر قىشقىل گازىن جانامالاي از ىعىستىرىپ، كوكستىك گازدى بايلىققا اينالدىرىپ پايدالانۋدى جۇزەگە اسىرىپ، بايلىقتان جان - جاقتى پايدالانۋ جانە جاسىل، باياندى دامۋ ماقساتىنا جەتتى.
گۋاڭحۇي ەنەرگيا جارنا شەكتى سەرىكتەستىگىنىڭ ورىنباسار باس ديرەكتورى ياڭ شيان تانىستىرىپ بىلاي دەدى: 2021 - جىلدان بەرى گۋاڭحۇي ەنەرگياسى ”جاسىل ەنەرگيانى“ نەگىزگى تاقىرىپ ەتكەن 2 - رەتكى تيبىن وزگەرتىپ، دارەجەسىن جوعارىلاتۋدى باستاپ، قازىرگى كاسىپ سالاسى جاعدايىن ارقاۋ ەتىپ، باسىم كۇشتەردى شوعىرلاندىرىپ ءتۇيىندى تۇردە تابيعي گاز كاسىبىن كورنەكتىلەندىرىپ، كومىر جانە كومىر حيميا ونەركاسىبى كاسىبىن تەڭگەرىمدى دامىتتى، اسىرەسە، كاسىپ سالاسى تىزبەگىن ونان ارى ۇزارتۋ ارقىلى كومىر حيميا ونەركاسىبى كاسىپ سالاسىنىڭ اينالمالى ەكونوميكاسىن قالىپتاستىرىپ، ەكونوميكالىق ونىمدىلىك پەن ورتانى قورعاۋ ونىمدىلىگىندە بىردەي تابىسقا جەتۋدى جۇزەگە اسىردى.
10 - ايدىڭ 1 - كۇنى دۇنيە جۇزىندەگى ەڭ ۇلكەن ەرەكشە، جوعارى كەرنەۋلى كەرنەۋ اۋىستىرۋ پۋنكتى − سىچۋاننىڭ بۋتو 800± كيلوۆولتتىق كەرنەۋ اۋىستىرۋ پۋنكتى قۇرىلىسىنىڭ جۇمىس باسىندا ەرەكشە ترانسفورماتور جارنا شەكتى سەرىكتەستىگىنىڭ قىزمەتكەرلەرى مەملەكەت مەرەكەسى دەمالىسىندا دەمالماي، بايحىتان − جىجياڭ 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ ەرتەرەك سالىنىپ ىسكە قوسىلۋى ءۇشىن قاربالاس جۇمىس ىستەدى.
”ەرەكشە ترانسفورماتور سەرىكتەستىگى وسى ينجەنەريانىڭ 14 وزىق كەرنەۋ اۋىستىرعىش گەناراتور مەن 11 تەگىس تولقىندى رەاكتورىن زەرتتەپ جاساۋ مىندەتىن ۇستىنە العان، قازىر ءبىز تەگىس تولقىندى رەاكتوردى ورناتىپ جاتىرمىز. بۇل ينجەنەريا جۇڭگوداعى ەكىنشى ۇلكەن سۋ ەلەكتر ستانسياسى − بايحىتان سۋ ەلەكتر ستانسياسىنىڭ ەلەكتردى سىرتقا جەتكىزۋ ينجەنەرياسى. وندىرىسكە قوسىلعاننان كەيىن، ’باشۋ جاسىل ەلەكترى‘ ءبىر سەكۋندقا جەتپەيتىن ۋاقىتتا جىجياڭعا جەتىپ، ءار جىلى جىجياڭعا 23 ميلليارد 500 ميلليون كيلوۆات ساعاتتان استام سۋ ەلەكترىن جەتكىزەدى، بۇل جىلىنا 18 ميلليون توننادان استام كومىر قىشقىل گازىن از ىعىستىرۋمەن بارابار“، - دەدى ەرەكشە ترانسفورماتور سەرىكتەستىگى شىن - ياڭ ترانسفورماتور توبى شەكتى سەرىكتەستىگى قاريدارلارعا قىزمەت وتەۋ ءبولىمىنىڭ ورىنباسار باستىعى جين شين.
ەرەكشە ترانسفورماتور شەكتى جارنا سەرىكتەستىگى پارتكومىنىڭ شۋجيى، باسالقاسى جاڭ شين بىلاي دەدى: ەرەكشە ترانسفورماتور شەكتى جارنا سەرىكتەستىگى مەملەكەتتىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەت جوباسىنا، ورنالاستىرۋىنا ساي، مەملەكەتتىڭ ءتۇيىندى ينجەنەريا قۇرىلىسىنا سۇيەنىپ، عىلىم - تەحنيكادا جاڭالىق اشۋ، دەربەس زەرتتەۋ - اشۋ قابىلەتىن ۇزدىكسىز كۇشەيتىپ، كەلەلى جابدىقتاردىڭ وتاندىق ءونىم اقتاڭداق ماسەلەسىن ۇزدىكسىز شەشىپ، مەملەكەتتىڭ كەلەلى ينجەنەريالارىن سەنىمدى ونىممەن جانە قىزمەت وتەۋمەن قامداپ، مەملەكەتتىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىنىڭ جۇزەگە اسۋىنا شينجياڭنىڭ جوباسى مەن اقىل - پاراساتىن ارنايدى.
10 - ايدىڭ 2 - كۇنى شينجياڭ جۇڭتاي حيميا فۋكاڭ ەنەرگيا شەكتى سەرىكتەستىگىنىڭ زەرتتەۋ - اشۋ ورتالىعىندا 10 مىڭ توننالىق ارالاس ماتەريال تۇيىرشىك جارعاق جابدىعى تارتىپپەن جۇمىس ىستەۋدە، ءپىشىندى ماتەريالداردى قوراپتاۋ قالتاسى، اۋىل شارۋاشىلىعىنا پايدالانىلاتىن سۋلياۋ جارعاق سياقتى جوعارى يقۋاتتى پوليۆينيل حلوريد (PVC) ونىمدەرى وسى ارادا توقتاۋسىز ءوندىرىلىپ جاتتى.
”بۇل مەملەكەتتىڭ كەلەلى عىلىم - تەحنيكالىق ارناۋلى نىسانىنىڭ جوعارى يقۋاتقا يە PVC جاساۋ شەشۋشى تەحنيكالىق نىسانىن ۇستىنە الۋ ءۇشىن سالىنعان قۇرىلعى، باستىسى، ميكرو نانومەترلىك قاباتتاۋ تەحنيكاسى ارقىلى جارعاق ماتەريالدارىن وندىرەدى“. فۋكاڭ ەنەرگيا زەرتتەۋ - اشۋ ورتالىعىنىڭ ورىنباسار مەڭگەرۋشىسى جاڭ دىلۇڭ بىلاي دەپ تانىستىردى: جۋىق جىلداردان بەرى فۋكاڭ ەنەرگياسى جىل سايىن زەرتتەپ اشۋعا، جاڭالىق اشۋعا 200 ميلليون يۋان ۇسىنىلىم اجىراتىپ، جاڭاشىل دارىندىلاردى باۋلۋ جانە عىلمي زەرتتەۋ ۇجىمى قۇرىلىسىن كۇشەيتۋ ارقىلى ءارقايسى ءىرى جوعارى مەكتەپتەرمەن ءوندىرىس، وقىتۋ، زەرتتەۋ سەلبەستىك مەحانيزمىن ورناتىپ، ”سىرتتاعى ىسكەرلەردىڭ“ قاداعالاۋىندا حلورلى ءسىلتى كاسىپ سالاسىنىڭ دامۋ تەحنيكاسىنىڭ الدىڭعى لەگىنەن پايدالانىپ، ”نەگىز + جوعارى دەڭگەي“ سىندى ەكى ارنامەن تەڭ جۇرۋگە تاباندى بولىپ، عىلىم - تەحنيكادا جاڭالىق اشۋدىڭ ونىمدىلىگىن بارىنشا جوعارىلاتتى، ءبىر توپ وزەكتى تەحنيكا جەتىستىكتەرىن يگەرىپ، كاسىپ سالاسى دامۋىنىڭ جوعارى بەلەسىن يەلەدى.
بيىل 1 - ايدان 8 - ايعا دەيىن ولاردىڭ انا سەرىكتەستىگى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى تيجارات كىرىسىن 142 ميلليارد 200 ميلليون يۋانعا جەتكىزىپ، سايكەس مەزگىلدەگىدەن ％35 ارتتىرىپ، جالپى پايدا سوماسى 2 ميلليارد 811 ميلليون يۋان بولدى. جۇڭتاي توبى پارتكومىنىڭ مۇشەسى، ۇنەمىلىك ىستەرگە جاۋاپتى ورىنباسار باس ديرەكتورى پارحات مامەتيمىن بىلاي دەدى: كەلەسى قادامدا، توپ مەملەكەت پەن اۆتونوميالى رايون شىعارعان ءبىر قىدىرۋ ساياساتتىق شارالاردان تولىق، جاندى پايدالانىپ، شينجياڭنىڭ ەرەكشە بايلىق باسىمدىعىنا سۇيەنىپ، شينجياڭ ەرەكشەلىگىنە يە، ءار ۇلت بۇقاراسىنا تيىمدىلىك جەتكىزەتىن، جوعارى ساپالى دامۋعا تىرەك بولاتىن وسى زامانعى كاسىپ سالاسى جۇيەسىن جەدەل ورناتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الادى.
10 - ايدىڭ 3 - كۇنى شينجياڭ شين - يە ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگىنىڭ پولي فورمالدەگيد نىسانى قۇرىلىسىنىڭ جۇمىس باسىندا، قۇرىلىس مەرزىمىن شەگەرىپ ەسەپتەۋ تاقتاسى ەرەكشە كوز تارتتى. وسى سەرىكتەستىكتىڭ پولي فورمالدەگيد وزەكتى جابدىقتارىنىڭ ءبىرى بولعان سينتەزدەپ تازارتۋ مۇناراسىنىڭ كرانمەن ءساتتى ورناتىلۋىمەن پولي فورمالدەگيد نىسانى جالپى بەتتىك ورناتۋ كەزەڭىنە ءوتىپ، نىسان قۇرىلىسىنىڭ قارقىنى جەدەلدەدى.
”جۋىق جىلداردان بەرى ءبىز جاڭا تەحنولوگيانى، جاڭا ونىمدەردى ۇزدىكسىز اشىپ، تىزبەكتى ۇزارتۋدى، تىزبەكتى تولىقتىرۋدى، تىزبەكتى كۇشەيتۋدى، تىزبەكتى كەڭەيتۋدى جۇزەگە اسىرىپ، كاسىپ سالاسىنىڭ كومەسكى قۋاتىن تەرەڭدەي اشىپ، ءونىمنىڭ قوسىمشا قۇنىن جوعارىلاتتىق؛ جوعارى دەڭگەيلى بولۋ، كوپ نەگىزدەندىرۋ جانە پارىقتى بولۋ جاعىنا كۇش سالىپ، پولي فورمالدەگيدتى جاڭا ماتەريال نىسانى قۇرىلىسىن جەدەلدەتىپ، 1، 4 − بۋتاديول (BDO) ءوندىرىس قۋاتىن كەڭەيتىپ، N − مەتيل پيرروليدون ونىمدەرىن اشىپ، وسى زامانعى كومىر حيميا ونەركاسىبىن باياندى داميتىن جاسىل كاسىپ سالاسىنا اينالدىردىق“، - دەدى شين - يە ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگىنىڭ باس القاسى ما جينرۇڭ.
