ەركىن تۇنياز قۇمىل قالاسىنداعى شينجياڭعا كىرىپ - شىعاتىن قاتىناس الاڭ، پۋنكتتەرىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
سىرتقا جايىلۋدان ساقتانۋدى ەڭ ماڭىزدى جۇمىس رەتىندە قاراپ، ىندەتتىڭ رايون اتتاپ تارالۋىن توسۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ، ەرىكتى تىلشىلەر ان يان، جاڭ يوۋشىڭ 10 - ايدىڭ 6 - كۇنى قۇمىلدان حابارلايدى. 10 - ايدىڭ 5 - كۇنىنەن 6 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قۇمىل قالاسىنداعى شينجياڭعا كىرىپ - شىعۋداعى قاتىناس الاڭ، پۋنكتتەرى، تاس جول قاراۋىل اۋىزدارى سياقتىلاردى ارالاپ، ىندەتتىڭ سىرتقا جايىلۋىنان، تارالۋىنان ساقتانۋ قىزمەتى جونىندە باسى - قاسىندا تەكسەرۋ - زەرتتەۋ جۇرگىزدى ءارى بەينە ەكراندا ورنالاستىرۋ ءماجىلىسىن اشىپ، چارقىلىق اۋدانى يىتىمبۇلاق قوعام حاۋىپسىزدىگى تەكسەرۋ پۋنكتى، قاعىلىق اۋدانى كوكيار قوعام حاۋىپسىزدىگى تەكسەرۋ پۋنكتى سياقتى شينجياڭعا كىرىپ - شىعۋداعى ماڭىزدى وتكەلدەرگە ورنالاستىرۋ جاساپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالاپتارى بويىنشا، ىندەتتىڭ سىرتقا جايىلۋىنان، تارالۋىنان ساقتانۋدى ەڭ ماڭىزدى جۇمىس رەتىندە قاراپ، ىندەتتىڭ ءوڭىر اتتاپ تارالۋىن شىن مانىندە توسىپ، زەيىن - زەردەنى، كۇش - قۋاتتى شوعىرلاندىرا وتىرىپ ىندەتتەن - ساقتانۋ تىزگىندەۋدەن قامال الۋ شايقاسىنىڭ جەڭىسىنە جەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋدى باسا دارىپتەدى.
G30 ليانيۇنگاڭ - قورعاس جوعارى جىلدامدىقتى تاس جولىنىڭ گانسۋ مەن شينجياڭنىڭ شەكارالاسقان جەرىندەگى شيڭشيڭشيا قوعام حاۋىپسىزدىگى تەكسەرۋ پۋنكتى مەن G7 بەيجيڭ - شينجياڭ جوعارى جىلدامدىقتى تاس جولىنىڭ شينجياڭ بولىگىندەگى بايشانچۋان شەكارالىق تەكسەرۋ پۋنكتى − قۇمىل قالاسىنا قاراستى جەردەگى شينجياڭنان شىعاتىن ماڭىزدى وتكەل. ەركىن تۇنياز ەكى تەكسەرۋ پۋنكتىنىڭ شينجياڭعا كىرىپ - شىعۋداعى اۆتوكولىك اعىنى، ادام اينالىمى جاعدايىن، اسىرەسە، شينجياڭنان شىعاتىن اۆتوكولىكتەر مەن شوفەرلاردى، كولىكتەگى ادامداردى تەكسەرۋ، شينجياڭنىڭ ءىشى - سىرتىنداعى تۇرلىشە حاۋىپ - قاتەرى بار وڭىرلەردىڭ اۆتوكولىكتەرىنە قىزمەت وتەۋدى باسقارۋ سياقتى جاعدايلاردى ەگجەي - تەگجەيلى ۇعىستى، حىسۋان سىناماسىن الۋ جاعدايىن جانە تەكسەرۋ جابدىعى، قىزمەتكەر سەپتەۋ سياقتى جاعدايلاردى باسى - قاسىندا تەكسەردى.
G30 ليانيۇنگاڭ - قورعاس جوعارى جىلدامدىقتى تاس جولىنىڭ ياندۇن اقى الۋ پۋنكتىنىڭ الىپ قالىپ تەكسەرۋ اۋماعىندا ەركىن تۇنياز كەزەكتە حىسۋان تەكسەرۋ ناتيجەسىن كۇتىپ تۇرعان شينجياڭعا كىرەتىن اۆتوكولىك سانى، كۇتۋ ۋاقىتى، الىپ قالىپ تەكسەرەتىن اۆتوتۇراقتاردىڭ سيىمدىلىعى سياقتى جاعدايلاردى ۇعىستى. شيڭشيڭشيا قوعام حاۋىپسىزدىگى تەكسەرۋ پۋنكتىنەن شىعىسقا قاراي 5 كيلومەتر قاشىقتىقتاعى گانسۋ ولكەسى جەرىندە جاڭادان سالىنعان شينجياڭنان شىعاتىن اۆتوكولىكتەردى الىپ قالىپ تەكسەرۋ اۋماعى پايدالانۋعا بەرىلدى، ەركىن تۇنياز سول جەردە الىپ قالىپ تەكسەرۋ اۋماعىنىڭ پايدالانىلۋ جاعدايىن تەكسەرىپ، ەكى جەردىڭ كۇش بىرىكتىرىپ قامال العاندىعىن، بىرلەسىپ ساقتانىپ، بىرلەسىپ تىزگىندەگەندىگىن تۇراقتاندىردى.
ەركىن تۇنياز بىلاي دەپ باسا دارىپتەدى: جەر - جەر سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جەڭىپ، ەڭ قاتاڭ شارامەن، ەڭ جىلدام ارەكەتپەن ىندەتتىڭ سىرتقا جايىلۋىن تىزگىندەۋ كەرەك. سىرتقا جايىلۋدان ساقتانۋدىڭ ءتۇرلى شاراسىن ناقتى، ەگجەي - تەگجەيلى تياناقتاندىرىپ، حاۋىپ - قاتەرى بار ادامداردى ءبىر - بىرلەپ تەكسەرۋ سەرپىنىن ونان ارى ارتتىرىپ، سىرتتان كىرەتىن ىندەت حاۋىپ - قاتەرىن وتكەلدە بايقاۋدى، اۋاشالاۋ ورنىندا باسقارۋ - تىزگىندەۋدى شىن مانىندە ورىنداپ، تۇتاس تىزبەكتە حاۋىپ - قاتەرى بار ادامداردى ەڭ قىسقا ۋاقىتتا تازا ءسۇزىپ، ەكشەۋ كەرەك. نازاردى حىسۋان تەكسەرۋدەگى كورنەكتى ولقىلىقتارعا شوعىرلاندىرىپ، حىسۋان تەكسەرۋدىڭ ساپاسى مەن ونىمدىلىگىن جوعارىلاتۋ كەرەك. وڭىرلەردىڭ سەلبەسىپ تەكسەرۋى مەن ينفورماتسيادان تەڭ يگىلىكتەنۋىن كۇشەيتىپ، جىلجىمالى، جاسىرىن تارالۋدى باتىل تەجەۋ كەرەك. شينجياڭعا كىرىپ - شىعۋدى تەكسەرۋ پۋنكتتەرى شينجياڭ ىشىندەگى ءتۇيىندى وڭىرلەردەن كەلگەن ادامداردىڭ، اۆتوكولىكتەردىڭ حىسۋانىن تەكسەرۋدى، قيمىل ىزدەرىن تەكسەرۋدى كۇشەيتىپ، ”تۇسكەن جەرىندە تەكسەرۋدى“ قاتاڭ تياناقتاندىرىپ، جابىق باسقارۋدى ويداعىداي ىستەپ، سىرتقا جايىلۋدان، سىرتتان كىرۋدەن ساقتانىپ، جۇك اۆتوكولىگى شوفەرىن جانە شوفەردى، اۆتوكولىكتەگى ادامداردى ارناۋلى تەكسەرۋ وتكەلىن ۇيلەسىمدى ورناتىپ، شينجياڭعا كىرىپ - شىعاتىن وتكەلدىڭ توسىلۋىنان ساقتانۋ كەرەك. عىلمي، دالمە - ءدال بولۋعا تاباندى بولىپ، شينجياڭعا كىرەتىن جۇك تاسىمالى اۆتوكولىكتەرىن باسقارۋ - تىزگىندەۋدى ساپالىلاندىرىپ، قىزمەت وتەۋدى قامتاماسىز ەتۋدى كۇشەيتىپ، زات اينالىمىنىڭ، قامداۋ تىزبەگىنىڭ حاۋىپسىزدىگىنە كەپىلدىك ەتۋ كەرەك.
ماڭلىك سەيىت قاتارلىلار بىرگە تەكسەرۋ - زەرتتەۋ جۇرگىزدى.
