ءراشيلا راحات:
”جاراقسىزدى جارامدىعا اينالدىرعان“ قالقىتىپ سۇرىپتاۋشى
□ انار بۇلت \ شينجياڭ گازەتىنىڭ ءتىلشىسى شى شين
ءراشيلا راحات (سولدا) جاڭادان كەلگەن قىزمەتكەردىڭ جابدىقتى قولدانۋ تارتىپتەرىن يگەرۋىنە جەتەكشىلىك ەتۋدە.
□ سۋرەتتى ءوزى بەرگەن
9 - ايدىڭ 22 - كۇنى تاڭەرتەڭ، كوكتوعاي اۋدانى قاراتۇڭكە قالاشىعىنداعى شينجياڭ قاراتۇڭكە كەن كاسىبى شەكتى جاۋاپكەرشىلىك سەرىكتەستىگىنىڭ كەن سۇرىپتاۋ زاۆودىندا وڭدەۋشى تەحنيك، قالقىتىپ سۇرىپتاۋ شەبەرى قىزمەت كەڭسەسىنىڭ جەتەكشىسى ءراشيلا راحات قالقىتىپ سۇرىپتاۋ ماشيناسىنىڭ الدىندا، كوبىكتى قاباتتىڭ ءتۇسى مەن قالىڭدىق دارەجەسىن زەر سالا باقىلاپ، قالقىتىپ سۇرىپتاۋدىڭ تەحنيكالىق كورسەتكىشىن ساراپتاپ جاتتى. ”تاياۋدان بەرى قاتتى قاربالاسپىز، جاڭادان كەلگەن 3 شاكىرتكە جەتەكشىلىك ىستەيمىن، جاڭادان اكەلىنگەن كەن رۋدالارىنىڭ ساپاسى وتە تۇراقسىز، قالقىتىپ سۇرىپتاۋ تەحنيكاسىن جىلدام رەتتەۋ كەرەك...“، - دەدى ول.
1999 - جىلى ءراشيلا قاراتۇڭكەدەگى سەرىكتەستىكتىڭ كەن سۇرىپتاۋ زاۆودىنا كەلىپ، ەڭ نەگىزدىك، ەڭ جاپالى قالقىتىپ سۇرىپتاۋ قىزمەتىمەن شۇعىلدانادى. 2015 - جىلى ول داڭقپەن جۇڭگو كوممۋنيستىك پارتياسىنا مۇشە بولدى. بيىل ول پارتيا 20 - قۇرىلتايىنا ۋاكىل بولىپ سايلاندى. 23 جىل بويى تاپجىلماعان ول ”كىشكەنتاي“ كەن جۇمىسشىسىنان ”جاراقسىزدى جارامدىعا اينالدىرىپ“ قالقىتىپ سۇرىپتاۋدىڭ شەبەرى بولىپ جەتىلىپ شىقتى؛ 23 جىل بويى كاسىپكە ءوزىن ارناعان ول كاسىپورىنعا بالداي باتىپ، ”ۇيرەتۋ، كومەكتەسۋ جانە جەتەكتەۋ“ ارقىلى 30 نەشە شاكىرت باۋلىدى، مۇنىڭ اراسىندا اعا تەحنيك 5 ادام، جوعارى دارەجەلى جۇمىسشى 3 ادام؛ 23 جىلدىق كۇرەس جۇرگىزۋ بارىسىندا، ول ىلگەرىندى - كەيىندى ”مەملەكەتتىك 1 - مامىر ەڭبەك مەدالى“، ”مەملەكەتتىك 8 - ناۋرىز قىزىلتۋشىسى“ سياقتى داڭقتارعا يە بولدى.
قالقىتىپ سۇرىپتاۋدىڭ تولىق اتالۋى قالقىتۋ ارقىلى كەن سۇرىپتاۋ بولىپ، كەن سۇرىپتاۋدىڭ شەشۋشى جۇمىس ءتارتىبى سانالادى، ءتۇرلى تەحنيكالىق كورسەتكىشتەردى ورىنداۋدىڭ جاقسى - ناشار بولۋى ءوندىرىس - تيجارات ونىمدىلىگىنە تىكەلەي ىقپال كورسەتەدى. زاۆودقا كىرگەن ءبىرىنشى كۇنى ءراشيلانىڭ ۇستازى وعان: ”قالقىتىپ سۇرىپتاۋ وڭايلىقپەن ۇيرەنىپ الاتىن شارۋا ەمەس“، - دەيدى. قالقىتىپ سۇرىپتاۋ تەحنيكاسىن بارىنشا تەز يگەرىپ الۋ ءۇشىن، ءراشيلا قالقىتىپ سۇرىپتاۋ تەحنيكاسى جونىندەگى كىتاپتاردى جانىن سالا وقىدى، مەملەكەتتە ءبىر تۇتاس قولدانىلاتىن ءتىل - جازۋعا جەتىك بولماعاندىقتان، ول باستاۋىش مەكتەپتىڭ وقۋشىسى سياقتى ءبىر ءارىپ - ءبىر ءارىپ بويىنشا سوزدىك اقتاردى؛ سۇرىپتالعان رۋدانىڭ ساپاسى مەن ءدارى قوسۋ مولشەرىنىڭ اراسىنداعى زاڭدىلىقتى قورىتىندىلاۋ ءۇشىن، ول ءار كۇنى دەرلىك لابوراتورياعا بارىپ تالداۋ ناتيجەسىن ۇعىستى؛ تەحنيكالىق تەتىكتى تەزىرەك يگەرىپ الۋ ءۇشىن، ول جارتى ساعات بۇرىن كەلىپ الدىن الا كەزەك قابىلداپ الىپ، قىزمەتتەن جارتى ساعات كەيىن قايتىپ، قىزمەتىن قورىتىندىلاپ، تەحنيكالىق شەبەرلىگىن جاقسارتتى. قيىن ءىس جوق جاھاندا، ىقىلاس قويعان ادامعا دەگەندەي، 10 جىلعا تاياۋ ۋاقىتتا ىزدەنىس جاساپ، جۇمىسقا توسەلۋ ارقىلى ءراشيلا كەن سۇرىپتاۋ زاۆودى قالقىتىپ سۇرىپتاۋ قىزمەتىندەگى ەڭ ۇزدىك قىزمەتكەرگە اينالدى.
قالقىتىپ سۇرىپتاۋ قىزمەتىندە جىل بويى ءدارى - دارمەكتەرمەن، ماشينا جابدىقتارمەن بىرگە بولاتىندىقتان، قىزمەت ورتاسى جاپالى ءارى ەڭبەك كۇشەمەلىلىگى كۇشتى بولىپ، وزىمەن بىرگە كەلگەن ايەل جۇمىسشىلاردىڭ بارلىعى قالقىتىپ سۇرىپتاۋ قىزمەتىنەن كەتىپ قالسا دا، ءبىراق ءراشيلا باستان - اياق سول ورىننان جىلجىمادى.
2010 - جىلى 10 - ايدا كەن سۇرىپتاۋ زاۆودى جاڭا جۇيەنى ىسكە قوستى. جاڭا جۇيەنى سىناقتان وتكىزۋ كەزىندە، تەحنيكالىق شەبەرلىكتىڭ تياناقسىزدىعىنان ۇنەمى ماسەلە تۋىلاتىن. ءراشيلا ءار كۇنى رۋدا ۇنتاقتايتىن جۇمىسشىلارمەن، ءدارى - دارمەك قوساتىن جۇمىسشىلارمەن اڭگىمەلەسىپ، جابدىقتاردىڭ جۇمىس ىستەۋ جاعدايىنا قاداعالاي نازار اۋداردى، ماسەلە تۋىلا قالعاندا، ۋاقىت قانشا جاي بوپ كەتسە دە ول تىزگىن ۇشىمەن جۇمىس باسىنا بارىپ رەتتەدى. ىركەس - تىركەس توقتاۋسىز تۋىلعان ماسەلەلەردى ءبىر - بىردەن شەشتى. ءسويتىپ، ءراشيلا ەڭ اقىرىندا جالپى بارىستى مەڭگەرۋدەگى تالداۋ ءادىسىن ىزدەپ تاۋىپ، ونى قالقىتىپ سۇرىپتاۋ قىزمەتىنىڭ جۇمىس باعدارناماسىنا اينالدىردى.
2014 - جىلى كەن سۇرىپتاۋ زاۆودى ءراشيلانىڭ اتىمەن اتالاتىن قالقىتىپ سۇرىپتاۋ شەبەرى قىزمەت كەڭسەسىن قۇرعاننان كەيىن، ول ءتىپتى قاربالاس بولىپ كەتتى، جىگەر - قايراتى دا تاسقىنداي ءتۇستى، ءوزىنىڭ تەحنيكاسىن ىركىپ قالماستان شاكىرتتەرىنە ۇيرەتتى. پارتياعا كىرگەننەن كەيىن، ءراشيلا كوممۋنيستىك پارتيانىڭ مۇشەسى رەتىندە، ءاربىر ءىس - ارەكەتىنىڭ قاسىنداعى قىزمەتتەستەرىنە تىكەلەي ىقپال كورسەتەتىندىگىن، پارتيا مۇشەسىنىڭ اۆانگارد، ۇلگىلىك رولىن ساۋلەلەندىرۋى تىپتەن كەرەك ەكەندىگىن تەرەڭ تانىدى. ونىڭ دەن قويا جەتەكشىلىك ەتۋىندە، شاكىرتى گاۋ يان قالقىتىپ سۇرىپتاۋ قىزمەتىنە ارالاسقانىنا 4 جىل تولماي جاتىپ، شينجياڭ ءتۇستى مەتال توبىنىڭ تەحنيكالىق جارىسىندا بىرىنشىلىكتى الدى؛ شاكىرتى گۇلنۇر دا 3 جىل ۇيرەنگەننەن كەيىن، ءوز دارالىعىن ايگىلەپ، گرۋپپا ءوندىرىسىنىڭ تىرەگىنە اينالدى.
ءراشيلانىڭ كومەكتەسۋ، جەتەكتەۋ جانە باسشىلىق ەتۋىندە، كەن سۇرىپتاۋ زاۆودىنداعى قالقىتىپ سۇرىپتاۋ جۇمىسشىلارىنىڭ جۇمىس جۇرگىزۋ دەڭگەيى ۇزدىكسىز جوعارىلادى. ”قالقىتىپ سۇرىپتاۋ قىزمەتى قالقىتىپ سۇرىپتاۋ، رۋدالاردى تالقانداۋ، جابدىقتاردى ىسكە قوسۋ سياقتى كوپتەگەن بۋىندارعا سايادى، دايەكتى نازاريالىق ءبىلىمدى جانە مول پراكتيكالىق تاجىريبەنى قاجەت ەتەدى، ءوز باسىم تالاي بۇراڭ جولدى باسىپ ءجۇرىپ ىڭعايىن تاپقانداي بولدىم، دەسەدە كۇندەردىڭ بىرىندە مەن دە زەينەتكە شىعامىن، بۇل قىزمەت ورنىنا ءىزباسارلار قاجەت“، - دەيدى ول.
ءراشيلا قالقىتىپ سۇرىپتاۋ شەبەرى قىزمەت كەڭسەسىنىڭ كومەگىندە عىلىم - تەحنيكالىق جاڭالىق اشىپ، ”شاعىن تاپقىرلىق، شاعىن جاسامپازدىق، شاعىن جاڭارتۋ، شاعىن جوبا، شاعىن ۇسىنىس“ قيمىلى سياقتىلاردى ورىستەتىپ، جۇمىس باسىندا تەحنيكالىق بارىسقا كوپ سالالى وزگەرىس ەنگىزۋ، ءدارى - دارمەك تاجىريبەسىن ازايتۋ، سىلتىلىگى تومەن، بەيتاراپتىققا بەيىم تەحنيكالىق بارىستى وزگەرتۋ سياقتى 11 نىسانعا قاتىناسىپ جانە ونى اتقارىپ، كاسىپورىنعا تاماشا ەكونوميكالىق ونىمدىلىك اكەلدى. 2020 - جىلى ول ”مەملەكەتتىك ماشينامەن مەتال قورىتۋ قۇرىلىس ماتەريالدارى سالاسىنىڭ ۇستاسى“ بولىپ باعالاندى.
”مەن قاراپايىم عانا قالقىتىپ سۇرىپتاۋ جۇمىسشىسىمىن، پارتيا 20 - قۇرىلتايىنىڭ ۋاكىلى بولعاندىعىم − پارتيانىڭ مەنى تولىق تۇراقتاندىرعاندىعى. ءتىپتى دە قۇلشىنىپ، ءوز قىزمەت ورنىمدا قىزمەتىمدى ويداعىداي ىستەسەم بولعانى وسى داڭقتىڭ ۇمىتىنەن شىعا الامىن“، - دەيدى ءراشيلا.
