تيانشان تورى - شينجياڭ گازەتىنىڭ ٴتىلشىسى ليۋ مىڭمىڭ
بەينەەكرانعا قاراپ ٴبي ۇيرەنۋ، ينتەرنەت جەلىسىندە تەاتر تىڭداۋ، كورۋ، مانەرلەپ وقۋ قيمىلىندا داۋىس ارقىلى وتانعا قايرات ۇستەۋ … مەملەكەت مەرەكەسى دەمالىسىندا، رايونىمىزدىڭ جەر ـ جەرىندەگى مادەنيەت سارايى، كىتاپحانا قاتارلىلار ينتەرنەت جەلىسىندە ٴبىرسىپىرا قيمىلداردى وتكىزىپ، سارا تۋىندىلار كورمەسى، تارتىمدى قيمىلدار، تاڭداۋلى تەاترلار ارقىلى جۇڭگو شينجياڭىنىڭ حيكاياسىن جاقسى بايانداپ، مادەنيەت ـ ساياحاتتىڭ قۇدىرەتىن ايگىلەدى.
ٴۇرىمجى قالاسىنداعى ٴارقايسى ادەبيەت ـ كوركەمونەر ۇيىرمەلەرى ”مەملەكەت مەرەكەسىن قۇتتىقتاۋ · ساحنا كوركەمونەرى دەمالىستى نۇرلاندىردى“ تاقىرىبىنداعى تەاتر بۇلتتىق كورمەسىن اشتى، بۇل قىزىل ەستەمەنى قايتا ەسكە الۋ، تارتىمدى تەاتر نومىرلەرىن جالعاستى قويۋ، مۋزيكا جان دۇنيەنى ارلەندىردى سىندى 3 نەگىزگى تاقىرىپقا ٴبولىنىپ، بالالار تەاترى، بەيجيڭ تەاترى، شانشي اۋەنى، مۋزيكا كەشى سياقتى فورمالاردى قامتىدى.
”كىپ - كىشكەنە يىعىمىز، كىپ - كىشكەنە قولىمىز، ٴبىز كىشكەنتاي گازەت ساتۋشى بالامىز، بوران ـ شاشىننان قورىقپاي، جاڭا ٴداۋىردى جاراتۋعا قۇلشىنامىز ... “ دەمالىس كەزىندە، ۇرىمجىلىك 11 جاستاعى پىڭ زىحان مەن شەشەسى حان لەي ٴۇنحات الەۋمەتتىك تەكشەسى ”ٴۇرىمجىنى كوڭىلدى ساياحاتتاۋ“ ارقىلى ينتەرنەت جەلىسىندە بالالار تەاترى «كىشكەنتاي تورعايدى» كورىپ، تەاترداعى ٴاندى ٴالسىن ـ ٴالى ىڭىلداپ ايتتى.
«كىشكەنتاي تورعاي» تەاترىنىڭ سۋرەتى
بۇل تەاتر وتكەن عاسىردىڭ 30 - جىلدارىنداعى شينجياڭ گازەتىنىڭ اسەمونەر رەداكتورى، اجۋا سۋرەتشى ”لۋ شاۋفيدىڭ“ ناقتى ىستەرىنەن وزگەرتىلىپ قۇراستىرىلعان، گازەتحاناداعى ٴبىر توپ ەرجۇرەك، اقىلدى بالالاردىڭ ٴوز تاسىلدەرى ارقىلى جاپون شاپقىنشىلارىنا قارسى تۇرىپ، وتاندى قۇتقارۋ قوزعالىسىنا قاتىناسقاندىعى جايلى حيكايا باياندالعان. ”مەن تەاترداعى شياڭ ياڭدى ەڭ جاقسى كورەمىن، ول توڭكەرىستىك قۇرباننىڭ ۇرپاعى، اكە ـ شەشەسىنىڭ مۇراتىنا مۇراگەرلىك ەتىپ، ەڭ سوڭىندا ٴوزى دە توڭكەرىس جولىنا قادام تاستاعان، ول مەنى قاتتى ٴسۇيىندىردى“، ـ دەدى پىڭ زىحان.
ٴۇرىمجى قالالىق مادەنيەت جانە ساياحات مەكەمەسى (قالالىق مادەني مۇرا مەكەمەسى) كوركەمونەر ٴبولىمىنىڭ باستىعى گو يۇڭحۇڭ بىلاي دەپ تانىستىردى: دەمالىس كەزىندە، بۇلتتىق كورمە بەيجيڭ تەاترىنىڭ وسى زامان تەاترى «جاداۋ استىنداعى حۇڭ مەي»، «تابيعي داۋىس · ورماندا راحاتقا كەنەلۋ» ورمان مۋزيكا كەشى سياقتى 10 نەشە تاڭداۋلى تۋىندىنى شىعارىپ، كورەرمەندەردىڭ مادەنيەتتىڭ مايەگىن قۇماردان شىققانشا سەزىنۋىنە، جۇڭحۋانىڭ تاڭداۋلى ٴداستۇرلى مادەنيەتىنىڭ قۇدىرەتىن سەزىنۋىنە مۇمكىندىك جاسادى.
10 ـ ايدىڭ 5 ـ كۇنى جياڭجىيۇن كوركەمونەر ۇيىرمەسىنىڭ باستىعى يان ليشين ٴوزى وقىعان «مەن ٴوزىمنىڭ قارتتىق شاعىمدى سۇيەمىن» اتتى ولەڭىن دەن قويا دىبىسقا الىپ، ”20 - قۇرىلتايدى شاتتىقپەن قارسى الىپ، چۇڭياڭ مەرەكەسىن كوڭىلدى وتكىزەيىك“ اتتى ينتەرنەت جەلىسىندەگى تاقىرىپتىق ولەڭ وقۋ جينالىسىنا قاتىناستى. ول بىلاي دەدى: ”بيىل مەملەكەت مەرەكەسى چۇڭياڭ مەرەكەسىمەن ٴبىر ۋاقىتتا كەلدى، وسى ولەڭدى وقۋ ارقىلى بارلىق قارتتاردىڭ ساۋ – سالەمەت، عۇمىرلارىنىڭ ۇزاق بولۋىن، سونداي ـ اق ەل امان، جۇرت تىنىش بولۋىن تىلەيمىن“. ٴۇرىمجى قالالىق كىتاپحانا اۆتونوميالى رايوندىق مادەنيەت بازارىنىڭ دامۋىن جەبەۋ قوعامىمەن سەلبەسىپ، وسى رەتكى ينتەرنەت جەلىسىندەگى مانەرلەپ وقۋ قيمىلىن العا قويىپ، داۋىس ارقىلى كوڭىلدى جەتكىزىپ، وتانعا دەگەن سۇيىسپەنشىلىكتى بەينەلەدى. وقىرماندار ٴۇرىمجى قالالىق كىتاپحانانىڭ ٴۇنحات الەۋمەتتىك نومىرىنە تىركەلۋ ارقىلى ينتەرنەت جەلىسىندە وزدەرىنىڭ مانەرلەپ وقۋ تۋىندىلارىن بولىسۋىنە بولادى، بۇل قيمىل كوپتەگەن مانەرلەپ وقۋ اۋەسكەرلەرىن باۋرادى.
شينجياڭ مادەنيەت سارايى ”شينجياڭدا جالپى حالىقتىق كوركەمونەرى ٴبيدى جالپىلاستىرۋ اشىق ينتەرنەت جەلىسىندەگى ساباعى“ قيمىلىن ورىستەتتى، بۇكىل شينجياڭنىڭ جەر ـ جەرىندەگى ٴبي اۋەسكەرلەرى ۇيلەرىندە ماماندارعا ىلەسىپ ٴبي ۇيرەنە الادى. ”ساباق بەينەبايان فورماسىندا شينجياڭ ٴبيىنىڭ نەگىزگى ارەكەتى مەن شەبەرلىگىن كورسەتىپ، وسى ارقىلى بۇقارانىڭ ۇيدە بولعان كەزدەگى تۇرمىسىن بايىتادى“، ـ دەدى شينجياڭ مادەنيەت سارايىنىڭ تەتە اعا زەرتتەۋشىسى گۇلشات سەيىتكامال.
جياۋلۇڭ ٴنومىرلى ادام الىپ جۇرەتىن سۇڭگۋىر، بەيدوۋ جاساندى سەرىگى جول نۇسقاۋ جۇيەسى، حايدوۋ 1 ـ ٴنومىرلى سۋ استى قۇلتەمىرى ... دەمالىس كەزىندە، ”جۇڭگو جاساۋ ارمانىن جۇزەگە اسىرىپ، كەلەشەكتى قۇلشىنا جاراتايىق − ٴىرى ەلدىڭ ماڭىزدى قۇرالىنىڭ استارىنداعى جاڭالىق اشۋ عىلىم ـ تەحنيكا كورمەسى“ بۇراتالا موڭعۇل اۆتونوميالى وبلىستىق كىتاپحانانىڭ ٴۇنحات الەۋمەتتىك تۇعىرىندا كورسەتىلدى. وسى كىتاپحانانىڭ باستىعى جوۋ يان بىلاي دەپ تانىستىردى: كورمەدە ”مەملەكەت قورعانىسى جانە اتوم ەنەرگياسى“، ”اۆياتسيا - عارىشتى بارلاۋ“، ”شالعاي مۇحيت، تەڭىز ٴتۇبىن بارلاۋ“، ”قاتىناس جابدىقتارى جانە ينجەنەرياسى“، ”بايلىقتى بارلاۋ“، ”ەمدەۋ، ٴدارى ـ دارمەك، دەنساۋلىق ساقتاۋ“، ”اۋىل شارۋاشىلىعى جانە ورگانيزم ينجەنەرياسى“، ”ميكرو ەلەكترون جانە كومپيۋتەر“، ”جاڭا ماتەريال“ قاتارلى 9 ۇلكەن سالاداعى جۇڭگونىڭ كەلەلى عىلىم ـ تەحنيكا جەتىستىكتەرى قامتىلىپ، مەملەكەتتىڭ ماڭىزدى قۇرالىنىڭ عىلىم ـ تەحنيكادا جاڭالىق اشۋ استارىنداعى جۇڭگو كۇشى قاراستىرىلدى.
قارامايلى قالاسى چىڭنان كوركەمونەر بالاباقشاسىنىڭ وقۋشىسى دۋان يحۋا سىزعان ”وتان، وتان، ٴبىز ٴسىزدى سۇيەمىز“ اتتى اعاش جاپىراعى سۋرەتى قولونەر تۋىندىسى.
مەرەكە كەزىندە، قارامايلى قالالىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى اتا ـ انالار مەن بالالاردىڭ تاقىرىپتىق سۋرەت سالۋ بايقاۋى، مۇناي قالاسى شەبەر اسپاز جاسامپازدىق بايقاۋى، وتباسى جاسامپازدىعى فوتو سۋرەت بايقاۋى، داۋىستاپ وقۋ بايقاۋى، سەگىز قۇرامدى گيمناستيكانى كورسەتۋ بايقاۋى جانە ەلەكتروندىق ويىن بايقاۋى قاتارلى 6 ٴتۇرلى ينتەرنەت جەلىسىندەگى تارتىمدى قيمىلدى وتكىزدى؛ اقسۋ ايماقتىق مادەنيەت - كورمە مەكەمەسى (مۇراجاي) ينتەرنەت جەلىسىندە تاڭداۋلى مادەنيەت مۇرالار كورمەسى، كىشكەنتاي ٴتۇسىندىرۋشى ىزگى تىلەك بىلدىرەدى، ينتەرنەت جەلىسىندە كىتاپ وقىپ ورتاقتاسۋ جينالىسى قاتارلى قيمىلداردى وتكىزدى؛ قاشقار ايماقتىق كىتاپحانا ”باتىس بولىككە كەلۋ − لاي شاۋچي كوركەمونەر سارا تۋىندىلارى كورمەسى“، ينتەرنەت جەلىسىندەگى وقۋ جارىسى قاتارلى قيمىلداردى ەنگىزىپ، قالا تۇرعىندارىنا ينتەرنەت جەلىسىندە مادەنيەتتىڭ كۇش - قۋاتىن سەزىندىرىپ، مادەنيەتتىڭ قۇدىرەتىن ۇعىندىردى.
اۋدارعان: قادىر ماقان
