جاڭا كەزەكتى اياق استىنان تۋىلعان جاڭا تيپتى ايدارشا ۆيرۋس وكپە قابىنۋ ىندەتى جاعدايى مەن ىندەتتەن ساقتانۋ – تىزگىندەۋ جاعدايىنىڭ قاتاڭ وزگەرىسى الدىندا، سانسىز الەۋمەتتىك اۋماق قىزمەتكەرى جەكە باسىندىق مۇددەنى قايىرىپ قويىپ، جالپى جاعدايمەن ساناسىپ، ىندەتتەن ساقتانۋ ٴبىرىنشى شەبىندە ۇزدىكسىز كۇرەس جاساپ، ٴبىر نيەتپەن ىندەتپەن شايقاسۋدىڭ قۇدىرەتتى كۇشىن ۇيىستىردى. التاي قالاسى جيەفاڭ جولى ٴمالىسى جيەفاڭ سولتۇستىك الەۋمەتتىك اۋماعىندا مىناداي ٴبىر الەۋمەتتىك اۋماق قىزمەتكەرى بار، ول ٴبىرىنشى شەپتە اتويلاپ، كۇندىز – ٴتۇنى تىنىم الماي، كۇرەسۋ جانە تاپجىلماۋ، مىندەت جانە جاۋاپكەرشىلىك ارقىلى ”جەلەكتىلەر بورىكتىلەردەن قالىسا قويمايدى“ سىندى كورىكتى جىر شۋماقتارىن جازدى، ول التاي قالاسى جيەفاڭ جولى ٴمالىسى جيەفاڭ سولتۇستىك الەۋمەتتىك اۋماعىنىڭ كادرى بۇيىن وشىرجاپ.
الەۋمەتتىك اۋماق − ىندەتتەن ساقتانۋ – تىزگىندەۋدىڭ ٴبىرىنشى شەبى، الەۋمەتتىك اۋماق سىندى وسى قورعانىس شەبىن ساقتاپ تۇرا الۋ – تۇرا الماۋ بۇقارانىڭ ٴومىرىنىڭ حاۋىپسىزدىگىنە، ىندەتتەن ساقتانۋ – تىزگىندەۋ جالپى جاعدايىنا ساياتىن ٴىس. ىندەتتەن ساقتانۋ – تىزگىندەۋ قىزمەتى ورىستەتىلگەننەن بەرى، جالپى حالىقتىق حىسۋان تەكسەرۋ قىزمەتىن ۇيىمداستىرۋ، تەلەفون ارقىلى ەپيدەميولوگيالىق تەكسەرۋدى تياناقتاندىرۋ، كەزەكشىلىك ىستەۋ، كۇزەتتە تۇرۋ، ساندىق مالىمەتتى سالىستىرىپ تەكسەرۋ، اۋىس – كۇيىستى ۇلاستىرۋ… بۇيىننىڭ كۇندەلىكتى قىزمەتىندەگى قالىپتى جاعدايعا اينالىپ، ٴار بارىستان، ٴار بۋىننان ونىڭ بەينەسىن كورۋگە بولادى.
جالپى حالىقتىق حىسۋان تەكسەرۋ قىزمەتىن قۇلشىنا جاقسى ىستەپ، تۇرعىنداردىڭ تەكسەرۋگە تيىستىلەرىن مۇمكىندىگىنشە تەكسەرۋ، ٴبىر ادامدى قاعىس قالدىرماۋدى جۇزەگە اسىرۋ ٴۇشىن، بۇيىن ٴار كۇنى تاڭەرتەڭ ساعات 6دا ورنىنان تۇرىپ، ىندەتتەن ساقتانۋ زاتتىق ماتەريالدارىن ساناققا الىپ، حىسۋان تەكسەرۋ تۇيىندەرىن ورنالاستىرىپ، وتباسىلارىنا بارىپ حىسۋان تەكسەرۋدى ورىستەتىپ، الەۋمەتتىك اۋماقتىڭ ٴتۇرلى ىستەرىن ۇلاستىرىپ ٴبىر جاقتى ەتەدى. حىسۋاننان سىناما الۋ اياقتاعاندا دەمالۋعا دا ۇلگىرمەي، بۇيىن تاعى دا ىندەتتەن ساقتانۋ ۇگىتى، احۋال ۇعىسىپ ٴبىر – بىرلەي تەكسەرۋ، ورتانى زارارسىزداندىرۋ، زاتتىق ماتەريالداردى تاراتۋ سياقتى داعدىلى قىزمەتتەرگە دەرەۋ كىرىسەدى، بەينەسىن كوشەنىڭ كەز - كەلگەن جەرىنەن كورۋگە بولاتىندىقتان الەۋمەتتىك اۋماق تۇرعىندارىنىڭ جاپپاي القاۋىنا يە بولدى.
”ٴار كۇنى ٴبىر جاقتى ەتەتىن ىستەر وتە كوپ، ’كۇندىز ٴتۇنى تىنىم المايتىنداي‘ دەرلىك، ٴبىراق بارلىعى دا تاتيدى. ويتكەنى تۇرعىنداردىڭ حاۋىپسىزدىگىن قورعاۋ − بورىشىم ٴارى قوزعاۋشى كۇشىم دەپ قارايمىن“. بۇيىننىڭ ەكى كوزى قانتالاپ كەتسە دە، جانارى اۋەلگىدەي جالىندى ەدى، ويتكەنى ول يىعىنداعى جاۋاپكەرشىلىك − بۇقارانىڭ ٴومىرى مەن سالاماتتىعىن قورعاۋ سىندى قورعانىس شەبىنەن استە شەگىنۋگە بولمايتىنىن ابدەن بىلەدى.
بۇيىننىڭ كۇندەلىكتى قىزمەتى ٴتىپتى دە كوپ الەۋمەتتىك اۋماق قىزمەتكەرلەرىنىڭ دە ىقشام كورىنىسى، ىندەتتەن ساقتانۋ – تىزگىندەۋدىڭ ماشاقاتتى قىزمەتى بارىسىندا، ٴاربىر الەۋمەتتىك اۋماق قىزمەتكەرىنىڭ تاباندىلىق ىستەۋىنە تىرەك بولعانى − يىقتارىنداعى وسى سالماقتى جاۋاپكەرشىلىك، ولار بار كۇشتەرىن سالىپ، قىزمەت ورىندارىنان تاپجىلماي، ىندەتتەن ساقتانۋدىڭ ءتۇرلى ساياساتتارى مەن شارالارىن قاتاڭ تياناقتاندىرىپ، ٴىس جۇزىندىك ارەكەتتەرى مەن ٴۇن – ٴتۇنسىز ۇلەس قوسۋداي جاي ارەكەتتەرى ارقىلى وسى توپتىڭ ەرەكشە اۋەلگى ماقسات بورىشىن امالياتتا ايگىلەۋدە. (ەرىكتى تىلشىلەر حان ليڭ، روزا ماناربەك)
«انار بۇلتتان» اۋدارىلدى
اۋدارعان: قادىر ماقان
