انار بۇلت \ شينجياڭ گازەتىنىڭ ءتىلشىسى چىن چياڭۋي 10 - ايدىڭ 8 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، 9 - ايدىڭ سوڭىندا شينجياڭ ەلەكتر قۋاتى ساۋدا ورتالىعى شەكتى سەرىكتەستىگى بەيجيڭ ەلەكتر قۋاتى ساۋدا ورتالىعى شەكتى سەرىكتەستىگىنە سايكەسە وتىرىپ، 10 - ايداعى شينجياڭنان انحۇيعا جەتكىزىلەتىن ايلىق جاسىل ەلەكتر ساۋداسىن (تومەندە قىسقارتىلىپ ”جاسىل ەلەكتر ساۋداسى“ دەلىنەدى) ۇيىمداستىرىپ ورىنداعان، وسى رەت 11 ميلليون 500 مىڭ كيلوۆات ساعات جاسىل ەلەكتر ساۋدالانعان، بۇل شينجياڭنىڭ تۇڭعىش توپتاعى ولكە، رايون بازارلارىن اتتاعان جاسىل ەلەكتر ساۋداسى سانالادى.
وسى رەتكى ولكە، رايون اتتاعان جاسىل ەلەكتر ساۋداسىندا، نەگىزىنەن، شينجياڭنىڭ ساياسات تالاپتارىنا ۇيلەسەتىن تۇراقتى باعا تۇرىندەگى جاڭا ەنەرگيا كاسىپورىندارى سىندى تۇلعالارعا ەلەكتر ساتىلدى، بەيجيڭ ەلەكتر قۋاتى ساۋدا ورتالىعى شەكتى سەرىكتەستىگى − ”e − ساۋداسى“ تۇعىرى ارقىلى ساۋدالاسۋعا ۇيىمداستىرىپ، سونداي - اق ءبىر تۇتاس جاسىل تۇتىنۋ كۋالىگىن تاراتتى.
”ولكە، رايون اتتاعان جاسىل ەلەكتر ساۋداسى بازارلاندىرۋ مەحانيزمى ارقىلى جاسىل ەنەرگيا ءوندىرۋ مەن تۇتىنۋدى جەبەيدى. ولكە، رايون اتتاعان جاسىل ەلەكتر ساۋداسى ارقىلى شينجياڭنىڭ جاڭا ەنەرگيامەن ەلەكتر تاراتۋ كاسىپورىندارىنىڭ ەسەپتەن تىس پايداسى ارتتىرىلادى، بۇل شينجياڭنىڭ قايتا تۋىندايتىن ەنەرگياسىنىڭ قارىشتاپ دامۋىن جەبەۋدە بەلسەندى رول اتقارادى“، - دەدى شينجياڭ ەلەكتر قۋاتى ساۋدا ورتالىعى شەكتى سەرىكتەستىگى جالپىلىق ىستەر ءبولىمىنىڭ ورىنباسار مەڭگەرۋشىسى سۇڭ شۋەچياڭ.
شينجياڭنىڭ تۇڭعىش توپتاعى ولكە، رايون اتتاعان جاسىل ەلەكتر ساۋداسى تولىق تابىسپەن ورىندالدى، بۇل شينجياڭنىڭ ولكەلەر اراسىنداعى جاسىل ەلەكتر ساۋداسىن ارناعا تۇسىرۋدەگى ءبىر رەتكى ءونىمدى ىزدەنىسى سانالادى، بۇدان كەيىنگى شينجياڭنىڭ ەلەكتر قۋاتى بازارىنىڭ تۇراقتى باعاداعى جاڭا ەنەرگيالىق گەنەراتور اگراگاتتارىنىڭ بازارعا كىرىپ، ساۋداعا سالىنۋىن ىلگەرىلەتۋىنە، ولكەلەر اراسىنداعى جاسىل ەلەكتر ساۋداسىنىڭ ۇدايىلانۋىن ىلگەرىلەتۋگە نەگىز قالايدى. سونىمەن بىرگە شينجياڭ ەلەكتر جەتكىزۋ ارناسىنىڭ اسىپ قالعان قۋاتىنان تولىق پايدالانىپ، ”شينجياڭنىڭ ەلەكترىن سىرتقا جەتكىزۋگە“ ۇيىمداستىردى، بۇل ەلەكتردەن پايدالاناتىن كاسىپورىنداردىڭ كومىر قىشقىل گازىنىڭ شىعارىلۋىن ازايتۋ جولىن كەڭەيتىپ، قاراستىرۋعا بولاتىن جاسىل قورشاعان ورتا قۇنى ۇقىق - مۇددەسىنە قول جەتكىزۋىنە سەپتىگىن تيگىزەدى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگى تاجىريبەلەردى قورىتىندىلاپ، رايون ىشىندەگى، ولكەلەر اراسىنداعى جاسىل ەلەكتر ساۋداسى مەحانيزمىن ۇزدىكسىز كەمەلدەندىرىپ، ساۋدا ءتۇرىن، كولەمىن بەلسەنە كەڭەيتىپ، شينجياڭنىڭ جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن جەدەل قالىپتاستىرۋىنا دەم بەرەدى.
