تيانشان تورى
تيانشان تورى   ›   جاڭالىقتار   ›   شينجياڭ حابارلارى

تۇرعىندار كومەك سۇراعان زامان دەر كەزىندە جاۋاپ قايتاردى

ۋاڭ ليلي:

تۇرعىندار كومەك سۇراعان زامان دەر كەزىندە جاۋاپ قايتاردى

□ انار بۇلت \ شينجياڭ گازەتىنىڭ ءتىلشىسى بارشا تەگىس

  10 - ايدىڭ 7 - كۇنى ءتىلشى ۋاڭ ليليمەن تەلەفوندا سويلەسكەندە، ونىڭ ءۇنى قارلىعا شىعىپ: ”بۇقاراعا قىزمەت وتەگەندى وتە ءماندى ءىس دەپ سەزىنەمىن، ءاربىر تۇرعىندى ءوزىمنىڭ تۋىسىما بالايمىن“، - دەدى. قۇلجا قالاسىندا وسى رەتكى ىندەت تۋىلعاننان بەرى ىندەت الدىندا ۋاڭ ليليدىڭ ەركى بولاتتاي بەرىك بولدى، تۇرعىندارعا جىبەكتەي جايدارى مىنەز كورسەتتى.

  ۋاڭ ليلي قۇلجا قالاسى شاڭحاي جولى ءمالىسى الما الەۋمەتتىك اۋماعى پارتيا ياچەيكاسىنىڭ شۋجيى، الەۋمەتتىك اۋماققا قاراستى 8 شاعىن اۋماقتا 3008 وتباسى بار. ۋاڭ ليلي ”قولباسشى دا“، ”جاۋىنگەر دە“ بولىپ، الەۋمەتتىك اۋماق كادرلارىن، تومەنگە تۇسكەن كادرلاردى، ەرىكتىلەردى باستاپ ىندەتكە بىرگە قارسى اتتاندى.

  ”ۋاڭ شۋجي، راقىمەت سىزگە، جۇرەگىم جاقسى بولىپ قالدى“. 10 - ايدىڭ 5 - كۇنى الەۋمەتتىك اۋماقتىڭ تۇرعىنى ليۋ فۋلان ۋاڭ ليليگە ۋيچاتتا ءسوز قالدىرادى. ءاسىلى، بىرنەشە كۇننىڭ الدىندا قاتارعا تۇرىپ حىسۋان جاساتقان كەزدە، ليۋ فۋلان كەۋدەسىن قايتا - قايتا ۋقالاپ تۇرعان ەدى، مۇنى ۋاڭ ليلي بايقاپ قالادى.

  ”اپاي، ءبىر جەرىڭىز جايسىزدانىپ تۇر ما؟“ - دەپ ۋاڭ ليلي دەرەۋ بارىپ سۇيەيدى. ”جۇرەگىم جايسىزدانىپ تۇر، شيپاحاناعا بارۋ ءبىراز اۋرە، ونىڭ ۇستىنە ۇيدە بالاما دا قارايتىن ادام جوق“، - دەيدى ليۋ فۋلان.

  ”ۇيدەگى بالاڭىزدان الاڭداماڭىز، ءبىز بارمىز“. ۋاڭ ليلي ەمدەلۋ ىستەرىنە بايلانىس جاساي ءجۇرىپ، ليۋ فۋلاننىڭ كوڭىلىن ورنىقتىرادى. ءبىر ساعاتقا جەتپەي قارت شيپاحاناعا جەتىپ ناۋقاسىن كورسەتەدى.

  ”ۋاڭ شۋجي الما الەۋمەتتىك اۋماعىنداعى ءار ۇلت تۇرعىندارىن كوڭىلىندە ساقتاپ كەلەدى، ونىڭ ءبىز ءۇشىن ىستەگەن ءاربىر ءىسى تۇگەلدەي كوڭىل تۇكپىرىمىزدە“، - دەدى تۇرعىن ۋاڭ تيڭ. تۇرعىنداردىڭ قيىنشىلىعىن، تالاپ - تىلەگىن دەر كەزىندە شەشۋ ءۇشىن، ۋاڭ ليلي قاراستى اۋماقتا ءوزىنىڭ قول تەلەفون ءنومىرىن اشىق جاريالاپ، تاۋلىك بويى تۇرعىنداردى ۋايىمنان ارىلتىپ، قيىنشىلىقتان قۇتىلدىرۋعا كومەكتەستى. 9 - ايدىڭ 15 - كۇنى تاڭعى ساعات 4تەن 12 مينۋت وتكەندە، كۇنى بويى قاربالاس بولىپ، ەندى دەمالماق بولىپ جاتقان ۋاڭ ليلي ۋاڭ تيڭنىڭ كومەك سۇراعان تەلەفونىن قابىلداعاندا، ول 2 جاستاعى بالاسىنىڭ تۇتقيىل قاتتى قىزىپ تۇرعانىن ايتادى.

  ”ۋاڭ شۋجيگە تەلەفون بەرىپ بولعان سوڭ، 5 مينۋتتان كەيىن اۆتوكولىك كەلىپ، ونى سول جەردەن تىكە شيپاحاناعا جەتكىزدى“. ۋاڭ تيڭ اسەرلەنىپ: ول ءار رەت ماسەلەگە جولىعىپ الەۋمەتتىك اۋماقتان كومەك سۇراعان كەزدە، ۇنەمى دەر كەزىندە شەشىپ بەرىپ، تۇرعىنداردى مەيىرگە بولەيدى، - دەدى.

  وسى رەتكى ىندەت تۋىلعاننان بەرى، تۇرعىنداردىڭ ناۋقاس كورسەتۋى، حالىق تۇرمىسىن قامتاماسىز ەتۋ سياقتى قىزمەتتەر الەۋمەتتىك اۋماق قىزمەتىنىڭ ەڭ ماڭىزدى قىزمەتىنە اينالدى، ۋاڭ ليلي جۇمىس ءبولىسىن ايقىنداپ، جاۋاپكەرشىلىكتى تياناقتاندىرىپ، قاراستى اۋماقتاعى تۇرعىنداردىڭ كۇندەلىكتى تۇرمىسىن قامتاماسىز ەتتى.

  تاسىمال سەبەبىنەن تۇرمىستىق زاتتىق ماتەريالداردىڭ ءمالى الەۋمەتتىك اۋماقتىڭ قامداۋ تۇيىنىنە جەتكىزىلۋ ۋاقىتى تۇراقسىز بولدى، ۋاڭ ليلي ۇنەمى قىزمەتكەرلەردى باستاپ ءتۇن ورتاسىندا كوكونىس قالتاسى، جەمىس - جيدەك قالتاسى سياقتى تۇرمىستىق زاتتىق ماتەريالداردى كولىككە باستى، ءتۇسىردى. ”تۇرعىنداردىڭ قيىنشىلىعىن، تالاپ - تىلەكتەرىن شەشۋ ءۇشىن، ۋاڭ شۋجي كۇنىنە 100 نەشە تەلەفون قابىلداپ - سوعىپ، كۇنىنە نەبارى 3 − 4 ساعات عانا ۇيىقتايدى“، - دەدى ەرىكتى قىزمەت وتەۋشى ۋىن جيانشۇن تىلشىگە.

  ”ىندەتتەن ساقتانۋ - تىزگىندەۋ كەزىندە ۋاڭ شۋجيدىڭ قىزمەت وتەۋى تياناقتى، باسقارۋى ورىندى بولىپ، بۇقارانىڭ قولداۋىنا جانە تۇسىنىگىنە يە بولدى“، - دەدى ۋىن جيانشۇن.

  ”بۇرىننان بەرى ۋاڭ شۋجي تۇرعىندارعا وتە سابىرلى، ىقىلاستى، مۇقيات بولاتىن“، - دەدى الەۋمەتتىك اۋماق كادرى ياڭ يان.

  ۋاڭ ليليدىڭ جۇبايى دا ىندەتكە قارسى اتتانۋدىڭ الدىڭعى شەبىندە، 2 بالاسىن جەكە - جەكە اتا - ەنەسىنىڭ جانە شەشەسىنىڭ قاراۋىنا تاپسىردى، 2 ايدان استام ۋاقىتتان بەرى تۇس - تۇستا جۇرگەن وتباسى ادامدارى تەك تەلەفون بەينە ەكرانى ارقىلى ”كەزدەسەدى“. ”الەۋمەتتىك اۋماقتا قىزمەت ىستەگەننەن بەرى، نەگىزىنەن، ءوز وتباسىما قاراي المادىم، ۇيدەگى ۇلكەندەر قىزمەتىمدى ايرىقشا قولدادى“، - دەدى ول. ۇيىندەگىلەرىن اۋىزعا العاندا ۋاڭ ليلي قىستىعىپ سويلەي الماي كەتتى. ءسوز اياقتاماي جاتىپ، ۋاڭ ليلي كوڭىل كۇيىن ساباسىنا ءتۇسىرىپ تىلشىگە: تۇرعىندار تەلەفون بەرىپ جاتىر، ۋاقىت بولعاندا تاعى حابارلاسامىز، - دەدى...

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.