حالىق ءۇشىن قىزمەت وتەۋ باقىتتى ءىس

رىزۋانگۇل ساۋۇت:

حالىق ءۇشىن قىزمەت وتەۋ باقىتتى ءىس

□ انار بۇلت \ شينجياڭ گازەتىنىڭ ءتىلشىسى گان شيڭحۋا

　　رىزۋانگۇل ساۋۇت (وڭدا) كەڭسەسىندە قاراستى اۋماقتاعى تۇرعىندى قابىلداۋدا.

　　 □سۋرەتتى دۋ يۇيجىن تۇسىرگەن

　　”شۋجيگە ىلەسىپ جۇمىس ىستەگەندە، ارىنداي تۇسەسىڭ، ول ۇنەمى اتويلاپ الدا جۇرەدى“، - دەدى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) گاڭچىڭ ءمالى باسقارماسى كىپيڭ جولى سولتۇستىك الەۋمەتتىك اۋماعىنىڭ كادرى باي جين - ى، - ”تاڭعى ساعات ەكىلەردە تۇرعىنداردىڭ كومەك سۇراعان تەلەفونىن قابىلداي سالا، شۋجي قاتتى بورانعا قاراماستان، تۇرعىنداردىڭ ۇيىنە قاراي جول تارتتى، بۇل ماعان پارتيا مۇشەسىندە بولۋعا ءتيىستى ونەگەنى ۇيرەتتى“.

　　باي جين - ى ايتىپ وتىرعان شۋجي − مەملەكەتتىك تاڭداۋلى پارتيا ىستەرى قىزمەتكەرى، كىپيڭ جولى سولتۇستىك الەۋمەتتىك اۋماعى پارتيا ياچەيكاسىنىڭ شۋجيى رىزۋانگۇل ساۋۇت. ول بيىل داڭقپەن پارتيا 20 - قۇرىلتايىنىڭ ۋاكىلى بولىپ سايلاندى.

　　2008 - جىلى 11 - ايدا رىزۋانگۇل كىپيڭ جولى سولتۇستىك الەۋمەتتىك اۋماعىنا كەلىپ، پارتيا ياچەيكاسىنىڭ شۋجيى بولادى. ول كەزدە الەۋمەتتىك اۋماقتا جىلجىمالى حالىق ءبىرشاما مول، تۇرعىنداردىڭ پىكىرى كوپ بولاتىن؛ بۇگىنگى كۇندەرى الەۋمەتتىك اۋماقتا ساۋدا تورى تۇيىندەرى مولايىپ، ەرىكتى قىزمەت وتەۋ كوبەيىپ، تۇرعىندار اۋىز جاپپاي القايتىن بولدى. 14 جىلدان بەرى، رىزۋانگۇل قاي - قاشان دا ”تۇرعىنداردىڭ باقىتتى تۇرمىس كەشىرۋىن“ ءوزىنىڭ قۇلشىنىس نىساناسى ەتىپ كەلدى.

　　رىزۋانگۇل شينسۇن شىعىس كوشەسى الەۋمەتتىك اۋماق پارتيا ياچەيكاسىنىڭ شۋجيى مىندەتىن وتەگەن كەزدە، شينسۇن كوشەسى الەۋمەتتىك اۋماعىمەن بىرلەسىپ جۇمىس ىستەيدى، ول، تالەيىنە جاراي ءبىر جاقسى ۇستازعا كەزدەسكەنىن ايتادى، ول شينسۇن كوشەسى الەۋمەتتىك اۋماعى پارتيا ياچەيكاسىنىڭ بۇرىنعى شۋجيى ان باۋديڭ بولاتىن.

　　”ان شۋجي كاسىبىن وتە قادىرلەيدى، كادرلار مەن تۇرعىندار ول كىسىنى ايرىقشا قۇرمەتتەيدى. ول ماعان ’تۇرعىنداردىڭ قۇپتاۋىنا يە بولۋ، القا مۇشەلەرىن يلاندىرۋ ءۇشىن، ءوزىڭ ونەگە بولىپ، نەگىزگى ساتىعا ىشكەرىلەي كىرىپ، حالىق ءۇشىن ءىس تىندىرىپ، جاڭا ادام تاربيەلەۋىڭ كەرەك‘ دەيتىن...“، - دەدى رىزۋانگۇل، - ان باۋديڭنىڭ قىزمەت پرينسيبى مەنىڭ قىزمەت ورىستەتۋدەگى ولشەمىم مەن قۇلشىنىس جاساۋ بەتالىسىما اينالدى.

　　كىپيڭ جولى سولتۇستىك الەۋمەتتىك اۋماعىنا العاش كەلگەندە، رىزۋانگۇل ەڭ الدىمەن وتباسىلاردى ارالاپ تۇرعىنداردىڭ قاجەتىن ۇعىسىپ، كەشتە الەۋمەتتىك اۋماق كادرلارىن باستاپ وزدەرىن تەكسەرىپ، تۇزەتىپ، قىزمەت مىندەت جاۋاپكەرشىلىگى بەلگىلەمەسىن، پارتيا مۇشەلەرىن باعالاۋ ءتۇزىمىن شىعاردى. جارتى ايدان استام ۋاقىت ۇيىرلەسۋ ارقىلى الەۋمەتتىك اۋماق كادرلارىنىڭ بەلسەندىلىگى جوعارىلاپ، جاۋاپكەرشىلىگى كۇشەيدى.

　　سول كەزدە رىزۋانگۇل الەۋمەتتىك اۋماقتاعى 10 نەشە زەينەتكە شىققان كادر، جۇمىسشى - قىزمەتكەرگە جانە ساقا پارتيا مۇشەلەرىنە ءبىر - بىردەن امانداسا بارىپ، ولاردىڭ پىكىر - ۇسىنىستارىن تىڭدادى، ولاردى تۇرعىنداردىڭ پىكىرىن بىرگە جيناپ، پارتيانىڭ حالىققا تيىمدىلىك جاساۋ ساياساتىنان ۇگىت لەكسيا جاساۋعا... قاراستى اۋماقتاعى بۇقاراعا بىرگە قىزمەت وتەۋگە ۇسىنىس ەتتى.

　　پارتيا مۇشەسىنىڭ اۆانگاردتىق، ۇلگىلىك رولىن تولىق ساۋلەلەندىرۋ ءۇشىن، رىزۋانگۇل الەۋمەتتىك اۋماقتىڭ ءىس جۇزىندىگىمەن بىرلەستىرىپ، پارتيا مۇشەلەرىنىڭ ۇلگى كورسەتۋ قىزمەت ورنىن ورنالاستىرىپ، ”شاعىن پارتيا ساباعى“، ”شاعىن لەكسيا“ اشىپ، 3 مەكەمە - ورىن، 42 ساۋدا دۇكەنىمەن الەۋمەتتىك اۋماق سايكەسە بىرگە قۇرۋدى ىلگەرىلەتىپ، ايىنا ءبىر رەت نەگىزگى تاقىرىپتىق پارتيا كۇنى قيمىلىن ورىستەتىپ، قاراستى اۋماقتاعى پارتيا مۇشەلەرىن توپتىق ۇيرەنۋ، نەگىزگى تاقىرىپتىق امالياتتا ايگىلەۋ، ەرىكتى قىزمەت وتەۋ سياقتى قيمىلداردى ورىستەتۋگە بەلسەنە ۇيىمداستىرىپ، پارتيا ياچەيكاسىنىڭ جاۋىنگەر قامالدىق رولىن كورنەكتى كۇشەيتتى.

　　رىزۋانگۇل تاعى الەۋمەتتىك اۋماقتاعى 140 نەشە زەينەتكە شىققان پارتيا مۇشەسىن، تۇرعىندار پارتيا مۇشەسىن اتتانىسقا كەلتىرىپ، پارتيا مۇشەلەرى ەرىكتى قىزمەت وتەۋ اترەتىن قۇرىپ، ”بۇقارانىڭ جۇمىستارىن ايتۋ ءتۇيىنىن“ قۇرىپ، كوللەكتيۆ كۇشىن ۇيىستىرىپ، تۇرعىنداردىڭ قيىنشىلىعىن شەشتى. كىم ءۇيىن اشەكەيلەگەن كەزدە قيىنشىلىققا جولىقتى، قايسى بالانىڭ مەكتەپكە كىرەتىن ماتەريالى تولىق بولمادى، قايسى تۇرعىن جۇمىستانۋعا ءزارۋ... ”بۇقارانىڭ جۇمىستارىن ايتۋ ءتۇيىنى“ مۇنىڭ بارلىعىنا كومەكتەسىپ شەشەدى. بيىل 3 - ايدا قۇرىلعاننان قازىرگە دەيىن، ”بۇقارانىڭ جۇمىستارىن ايتۋ ءتۇيىنى“ تۇرعىندار ءۇشىن 100گە جۋىق ماسەلەنى شەشىپ، بارلىق ىسكە جاۋاپ بەرىلۋدى، ءبارىنىڭ تياناقتانۋىن ورىندادى.

　　كىپيڭ جولى سولتۇستىك الەۋمەتتىك اۋماعىمەن كورشىلەس الەۋمەتتىك اۋماقتىڭ تۇرعىندارى ۇنەمى كەلىپ كومەك سۇرايدى، رىزۋانگۇل ۇنەمى بەلسەنە امال قاراستىرىپ، ولارعا كومەكتەسىپ قيىنشىلىقتارىن شەشەدى، كورشى الەۋمەتتىك اۋماقتىڭ حالىق قۇرىلتايى ۋاكىلىن بىرلەسىپ جۇمىس ىستەۋگە ۇسىنىس ەتىپ، ”حالىق قۇرىلتايى ۋاكىلدەرى قىزمەت كەڭسەسىن“ قۇردى. تۇرسۇن مامەت بينحى الەۋمەتتىك اۋماعىنىڭ تۇرعىنى، ول ”حالىق قۇرىلتايى ۋاكىلدەرى قىزمەت كەڭسەسىنە“ كەلىپ، تۇرعىنداردىڭ قيمىل الاڭىندا الەۋمەتتىك دارەتحانا جوقتىعى، شاعىن اۋماقتىڭ باسكەتبول قوندىرعىسى بۇزىلىپ، جوندەيتىن ادام بولماعانى سياقتى ماسەلەلەردى اڭىس ەتەدى. رىزۋانگۇل مەن بينحى الەۋمەتتىك اۋماعىنىڭ حالىق قۇرىلتايى ۋاكىلى ناقتى ورىنعا بارىپ تەكسەرىپ كورگەن سوڭ، جاعدايدى دەر كەزىندە قاتىستى تاراۋلارعا اڭىس ەتەدى ءارى قاداعالاپ ءجۇرىپ، ماسەلەنىڭ اقىرىندا شەشىم تابۋىن ىلگەرىلەتەدى. ”حالىق قۇرىلتايى ۋاكىلدەرى قىزمەت كەڭسەسى“ قۇرىلعاننان قازىرگە دەيىن، تۇرعىندار اڭىس ەتكەن نەشە ونداعان ماسەلەنى شەشتى.

　　اۋەلگى ماقساتقا بولاتتاي بەرىك بولىپ، بورىش ارقالادى. رىزۋانگۇل كىپيڭ جولى سولتۇستىك الەۋمەتتىك اۋماعىندا 14 جىل قىزمەت ىستەپ، بۇقارانىڭ ۇنىنە قۇلاق ءتۇرىپ، تۇرعىنداردىڭ قيىنشىلىعىن شەشىپ، قىزمەتتى بۇقارانى ءدان - ريزا ەتىپ ىستەدى. ”حالىق ءۇشىن قىزمەت وتەۋ باقىتتى ءىس“، - دەيدى ول شىن پەيىلىمەن.