شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى. نەگىزگى زاڭ مەن زاڭداردىڭ بەلگىلەمەلەرىنە ساي، بۇكىل ەلدەگى اۋدان، اۋىل ەكى دارەجەلى حالىق قۇرىلتايلارىنىڭ كەزەك اۋىستىرۋ سايلاۋى 2021 - جىلدىڭ العاشقى جارتى جىلىنان باستاپ ىركەس - تىركەس ورىستەتىلىپ، بيىل 6 - ايدىڭ سوڭىندا جالپى بەتتىك اياقتادى. 31 ولكە، اۆتونوميالى رايون، توتە قاراستى قالادا اۋدان، اۋىل ەكى دارەجەلى حالىق قۇرىلتايى ۋاكىلدەرىنەن 2 ميلليون 629 مىڭ 447 ۋاكىل تىكە سايلانىپ، الدىڭعى كەزەكتەگىدەن 151 مىڭ 459 ۋاكىل كوبەيىپ، ％11. 6 ارتتى. بۇل رەتكى بۇكىل ەلدەگى اۋدان، اۋىل ەكى دارەجەلى حالىق قۇرىلتايلارىنىڭ كەزەك اۋىستىرۋ سايلاۋى زاڭدى، حاۋىپسىز، ورنىقتى، ءتارتىپتى جۇرگىزىلىپ، قالىڭ سايلاۋشىلاردىڭ ىنتاسى تاسىپ، سايلاۋ ورتاسىنىڭ ستيلى پاك، سالتى دۇرىس بولىپ، سايلاۋ ناتيجەسىنە حالىق ءدان ريزا بولىپ، جۇڭگوشا سوتسياليستىك دەموكراتيالىق ساياسيدىڭ ەرەكشەلىگى مەن ابزالدىلىعىن ايگىلەدى.
پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ”نەگىزگى ساتى حالىق قۇرىلتايى ۋاكىلدەرىنىڭ سانىن ۇيلەسىمدى ارتتىرۋ“ تالابىن، مەملەكەتتىك حالىق قۇرىلتايى تۇراقتى كوميتەتى وزگەرىس ەنگىزگەن سايلاۋ ءادىسىن دايەكتىلەندىرىپ، تياناقتاندىرىپ، اۋدان دارەجەلى حالىق قۇرىلتايى ۋاكىلدەرى سانىنىڭ جيناقتىق سانى 120دان 140قا كوبەيتىلدى، اۋىل - قالاشىق حالىق قۇرىلتايى ۋاكىلدەرى سانىنىڭ جيناقتىق سانى 40تان 45كە كوبەيتىلدى. وزگەرىس ەنگىزىلگەننەن كەيىنگى سايلاۋ زاڭىنا ساي، ءارقايسى ولكە دارەجەلى، اۋدان دارەجەلى حالىق قۇرىلتايى تۇراقتى كوميتەتتەرى اۋدان، اۋىل ەكى دارەجەلى حالىق قۇرىلتايى ۋاكىلدەرىنىڭ سانىن ايىرىم - ايىرىم قايتالاي تۇراقتاندىردى. جەر - جەر جاڭادان ارتقان ۋاكىلدەر سانىن بولگەن كەزدە، نەگىزگى ساتى بۇقاراسى، الەۋمەتتىك اۋماق قىزمەتكەرلەرى سياقتىلارعا بەيىمدەلۋگە باسا ءمان بەردى، مۇنىڭ ىشىندە اۋدان دارەجەلى حالىق قۇرىلتايى ۋاكىلدەرىنىڭ سانى ءتۇيىندى تۇردە اۋىل - قالاشىقتى وزگەرتىپ قۇرىلعان مالىلەرگە بەيىمدەلىپ، اۋىل - قالاشىقتى وزگەرتىپ ءمالى قۇرعاننان كەيىنگى نەگىزگى ساتى بۇقاراسىنىڭ ساياسيعا ات سالىسۋى جەتەرسىز بولۋ ماسەلەسىن باعىتتامالى تۇردە شەشتى.
بۇل رەتكى اۋداندىق، اۋىلدىق حالىق قۇرىلتايلارىنىڭ كەزەك اۋىستىرۋ سايلاۋى ءبىر ميلليارد 64 ميلليون سايلاۋشىنى شارپىدى، ول جالپى بارىستىق حالىق دەموكراتياسىنىڭ ەڭ جاندى امالياتى. اۋدان دارەجەلى حالىق قۇرىلتايى ۋاكىلدەرى سايلاۋىنا قاتىناسىپ، بەلەت تاستاعان سايلاۋشى 921 ميلليون ادام بولىپ، تىزىمدەلگەن سايلاۋشىنىڭ ％49. 86ىن ۇستادى؛ اۋىل دارەجەلى حالىق قۇرىلتايى ۋاكىلدەرى سايلاۋىنا قاتىناسىپ، بەلەت تاستاعان سايلاۋشى 623 ميلليون ادام بولىپ، تىزىمدەلگەن سايلاۋشىنىڭ ％63. 85ىن ۇستادى. اۋدان، اۋىل ەكى دارەجەلى ورىنداردىڭ ءبىر رەتكى سايلاۋدا تابىستى بولعان سايلاۋ رايوندارى جەكە - جەكە سايلاۋ رايونى جالپى سانىنىڭ ％80. 99ىن جانە ％97. 99ىن ۇستادى.
وسى رەتكى كەزەك اۋىستىرۋ سايلاۋىندا اۋدان دارەجەلى حالىق قۇرىلتايى ۋاكىلىنەن جالپى 670 مىڭ 563 ۋاكىل، اۋىل دارەجەلى حالىق قۇرىلتايى ۋاكىلىنەن جالپى ءبىر ميلليون 958 مىڭ 884 ۋاكىل سايلانىپ شىقتى، ۋاكىلدەر قۇرىلىمىنىڭ ونان ارى ساپالىلانۋى العاباسارلىق سيپاتتى، كەڭ كولەمدىلىك سيپاتتى جانە ۋاكىلدىك سيپاتتى تولىق ايگىلەدى. سايلانىپ شىققان اۋدان، اۋىل ەكى دارەجەلى حالىق قۇرىلتايى ۋاكىلدەرى اراسىندا ءبىرىنشى شەپتەگى جۇمىسشى، شارۋا، كاسىپتىك تەحنيك سياقتى نەگىزگى ساتى ۋاكىلدەرىنىڭ سالىستىرماسى جەكە - جەكە ％53. 52تى جانە ％75. 76تى ۇستاپ، الدىڭعى كەزەكتەگىدەن جەكە - جەكە 47.1 پايىز جانە 21.0 پايىز جوعارىلادى؛ ايەل ۋاكىلدەردىڭ سالىستىرماسى جەكە - جەكە ％64. 31 جانە ％36.32 بولىپ، الدىڭعى كەزەكتەگىدەن جەكە - جەكە 23. 3 پايىز جانە 34. 4 پايىز جوعارىلادى؛ از ۇلت ۋاكىلدەرىنىڭ سالىستىرماسى جەكە - جەكە ％42. 15 جانە ％18. 17 بولدى؛ وتانعا ورالعان چياۋميندەر ۋاكىلدەرىنە زاڭداعى بەلگىلەمەلەرگە ساي كەپىلدىك ەتىلدى.
جەر - جەر اۋدان، اۋىل ەكى دارەجەلى حالىق قۇرىلتايى ۋاكىلدەرىن زاڭ بويىنشا سايلاپ شىققاننان كەيىن، جاڭا كەزەكتى حالىق قۇرىلتايىنىڭ 1 - ءماجىلىسىن دەر كەزىندە اشىپ، اۋدان، اۋىل ەكى دارەجەلى مەملەكەت ورگاندارىنىڭ باسشىلارىن سايلاپ شىعىپ، نەگىزگى ساتى مەملەكەت بيلىك قۇرىلىسىن كۇشەيتۋگە، حالىقتىڭ وزىنە قوجايىن بولۋىنا كەپىلدىك ەتۋگە، پارتيانىڭ ۇزاق ۋاقىت بيلىك جۇرگىزۋ نەگىزىن بەكەمدەۋگە بەرىك ۇيىمدىق قامتاماسىزدىق ازىرلەدى.
