تيانشان تورى
تيانشان تورى   ›   جاڭالىقتار   ›   شينجياڭ حابارلارى

ىندەتتەن ساقتانۋدىڭ ءبىرىنشى وتكەلىن مىقتى يگەردى

داڭ جۇيشيا:

ىندەتتەن ساقتانۋدىڭ ءبىرىنشى وتكەلىن مىقتى يگەردى

□ انار بۇلت \ شينجياڭ گازەتىنىڭ ءتىلشىسى يە شياۋمين

  ”داڭ جۇيشياسىز با؟ دەرەۋ جۇكتەرىڭىزدى جيناستىرىپ، ىلە قازاق اۆتونوميالى وبلىسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە كومەككە بارىڭىز“. بيىل 8 - ايدىڭ باسىندا، جىبەرۋ بۇيرىعىن قابىلداعان داڭ جۇيشيا تەلەفوندى قويا سالىپ، چەمودانىن سۇيرەپ اتتانا جونەلدى.

  داڭ جۇيشيا ءۇرىمجى قالالىق انا - بالالار دەنساۋلىعىن ساقتاۋ شيپاحاناسى جۇعىمدالۋدى باسقارۋ ءبولىمىنىڭ جاۋاپتىسى. ايرىقشا بەلگىلەنگەن ورتادا بارلىق قىزمەتكەردىڭ جانە ناۋقاستاردىڭ حاۋىپسىزدىگىن ويداعىداي قورعاپ، جۇعىمدالۋ حاۋىپ - قاتەرىن ەڭ تومەنگى شەككە ءتۇسىرۋ − ونىڭ ەڭ ماڭىزدى قىزمەتى. ءۇرىمجى قالاسىنداعى شوعىرلى مەديتسينالىق باقىلاۋ تۇيىنىنەن ىلە وبلىسىنىڭ فاڭساڭ شيپاحاناسىنا دەيىن، ول ءبىر ورىننان - ءبىر ورىنعا، قاي جەر ونى قاجەت ەتسە، سول جەرگە بارىپ، قاي جەردىڭ جۇعىمدالۋ حاۋىپ - قاتەرى جوعارى بولسا، سول جەردە اتوي سالدى.

  8 - ايدىڭ باسىندا، ول ىلە وبلىسىنداعى بەلگىلەگەن ورىنعا بارعاننان كەيىن، دەرەۋ قىزمەت كۇيىنە ەنىپ، جازىقتىق سىزبانى كورۋ، ناقتى ورىندا تەكسەرۋ، جەكەلەي سۇحباتتاسۋ، باقىلاۋ - مەڭگەرۋ كامەراسىن كورۋ سياقتى تاسىلدەر ارقىلى، اۋماقتىڭ وتكەل جولىن سالۋ، باسقارۋ جۇيەسى، جەكەلىك ساقتانۋ جانە ەمدەۋ جاراقسىز زاتتارىن ءبىر جايلى ەتۋ سياقتى ءارقايسى بۋىندا حاۋىپ - قاتەردى جاپپاي اداقتاپ - تەكسەرىپ، اتقارىلارلىق رەتتەۋ - وزگەرتۋ پىكىرىن جانە ۇسىنىسىن بەردى.

  ”ءبىر ءتۇن ىشىندە - اق فاڭساڭ شيپاحاناسىنىڭ قۇرىلىمىن ورنالاستىرۋ قىزمەتىن ورىنداپ بولۋ ءتيىس“، - دەدى داڭ جۇيشيا، - ۋاقىت تىعىز، مىندەت اۋىر، نازاريالىق دايەك پەن ءىس جۇزىندىك تاجىريبەنى، ءسوز جوق، تولىق ۇشتاستىرۋ كەرەك. ول مۇقيات باقىلاپ، ەگجەي - تەگجەيلى وي جۇگىرتىپ، ەڭ جوعارعى ولشەممەن مىندەتىن ورىندادى.

  9 - ايدا قورعاس اۋدانى چيڭشۇيحى فاڭساڭ شيپاحاناسىندا، ول ءباز - باياعىسىنداي ىندەتكە قارسى اتتانۋدىڭ الدىڭعى شەبىندە ەرلىكپەن كۇرەس جاسادى. فاڭساڭ شيپاحاناسىنىڭ جاعدايىن قانىق ءبىلۋ ءۇشىن، ول فاڭساڭ شيپاحاناسىنىڭ ورنالاسۋ رەتىن، قاتتى بولشەك قۇرىلعىلارىن، بەلگىلەر، بەلگى تاقتايشاسى، قوسىندى باسقارۋ سياقتىلاردى جان - جاقتىلى ۇعىسىپ، حاۋىپ - قاتەردى ءبىر - بىرلەي تەكسەرىپ، حاۋىپ - قاتەردى ويداعىداي مەڭگەردى.

  مەديتسينالىق اۋاشالاۋ تۇيىنىندە قىزمەت ىستەگەن كەزدە، بارلىق قىزمەتكەرلەردىڭ قىزمەت ءتارتىبىن مەڭگەرۋىنە قولايلىلىق جاراتىپ، قورعانۋدى ويداعىداي ىستەۋ ءۇشىن، داڭ جۇيشيا ولشەمدەنگەن فاڭساڭ توسەك ورنىن قۇرىپ، ءتۇرلى قۇرىلعىلاردى، جابدىقتاردى، بەلگىلەردى، بەلگى تاقتايشالاردى ولشەمدەندىرە سەپتەپ، مەديتسينالىق اۋاشالاۋ، باقىلاۋ ءتۇيىنى، شيپاحانانىڭ جۇعىمدالۋدان ساقتانۋ - تىزگىندەۋ ناقتى قولدانباسىن قۇراستىرىپ جازدى.

  قىزمەتكەرلەردىڭ ساقتانۋ - قورعانۋىن جۇيەگە ءتۇسىرىپ، مەڭگەرۋگە جەڭىل، ەستە ساقتاۋعا وڭاي بولۋ ءۇشىن قايتا - قايتا جاتتىقتىرۋ، ساراپتاۋ جۇرگىزۋدىڭ ارقاسىندا ەمدەۋ قىزمەتكەرلەرىنىڭ قورعانۋ تانىمى كورنەكتى جوعارىلادى، داڭ جۇيشيا بىلاي دەدى: قورعانۋ كيىمىن كيۋدىڭ - شەشۋدىڭ ىلگەرىندى - كەيىندى رەت ءتارتىبى، كوز قورعاۋ كوزىلدىرىگىن قالاي شەشۋ، قاي دەڭگەيگە دەيىن زارارسىزداندىرعاندا تولىمدى بولادى، ءاربىر ناقتى ارەكەتكە دەيىن، ءسوز جوق، ولشەمدى تالاپتى قاتاڭ اتقارۋ كەرەك.

  كۇندىز قاربالاس جۇمىس ىستەگەن ول كەشتە تاعى ”ماسەلە ءتىزىمى“ فورماسىندا جۇعىمدالۋدان ساقتانۋ - تىزگىندەۋدەگى ساڭلاۋلاردى اداقتاپ، شەشۋشى ماسەلەلەردى ىزدەپ، رەتتەۋ - وزگەرتۋ جوباسىن جانە اتقارىمدىلىعى جونىندەگى تالداۋلارعا زەرتتەۋ جۇرگىزدى. ماسەلەگە ساياتىن فاڭساڭ توسەك ورنى جانە جەكە ادام بويىنشا سەبەبىنە مۇقيات تالداۋ جاساپ، كەلەسى كۇنى تاعى دا باعىتتامالى تۇردە جىككە، توپقا ءبولىپ ءتۇرلى فورمادا جاتتىقتىرۋ ارقىلى ماسەلە بار فاڭساڭ توسەك ورنى مەن جەكە جونىندە رەتتەۋ - تۇزەتۋدى تياناقتاندىرۋدى قۋزادى. ول ءاربىر رەتتەۋ - تۇزەتۋ مىندەتى ورىندالعان سوڭ، ەستەلىك داپتەرىندەگى مىندەت وتەۋدەن ىلگەرى قويىلعان رەت ءنومىردى ءوشىرىپ تاستاپ وتىردى.

  ىندەتكە قارسى اتتانۋدىڭ الدىڭعى شەبىن قاتاڭ مەڭگەرىپ، ”ورتتەن ساقتانۋ داۋالىن“ بەرىك ورناتۋ ءۇشىن، ول ينتەرنەت جەلىسىندە، ينتەرنەت جەلىسىنەن تىس بىرلەستىرۋ ءتاسىلىن پايدالانىپ، ءۇرىمجى قالاسىنداعى، ءتىپتى، بۇكىل شينجياڭداعى 1000نان ارتىق ەمدەۋ - كۇتىمدەۋ قىزمەتكەرىنە شوعىرلى اۋاشالاۋ ءتۇيىنىن باسقارۋ امالياتتىق كۋرسىن اشىپ، ساقتانۋ - تىزگىندەۋ بىلىمدەرىن ەگجەي - تەگجەيلى ءتۇسىندىردى.

  ىندەت ءالى اياقتامادى، ”كۇرەس“ ءالى دە جالعاسۋدا. ”ۆيرۋستىڭ بەتى قايتپايدى ەكەن، مەن قاي - قاشان دا قىزمەت ورنىمنان تاپجىلمايمىن، الدىڭعى شەپتەگى بارلىق قىزمەتكەرلەرگە جانە قىزمەت وتەۋشىلەرگە قورعاۋشى بولامىن“، - دەدى داڭ جۇيشيا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.