چۋان فىڭچۇن:
تۇرعىندارعا دامىلسىز قىزمەت وتەدى
□ انار بۇلت \ شينجياڭ گازەتىنىڭ ءتىلشىسى جاڭ رۇيلين
”چۋان شۋجي ءتۇرلى قىزمەتتىڭ اياق الىسىن ءار ۋاقىت قاداعالاۋ، مەڭگەرۋدەن تىس، بىزگە ’كوپشىلىك، قىزمەت پەن تۇرمىستا قانداي قيىنشىلىقتارىڭ بار، تارتىنباي ايتىڭدار، مەن امال قاراستىرايىن‘ دەگەندى ەڭ كوپ ايتاتىن“، - دەدى 10 - ايدىڭ 8 - كۇنى تۇرپان قالاسى گاۋچاڭ رايونى چيچۋانحۋ قالاشىعى حۇڭشان الەۋمەتتىك اۋماعىنىڭ ەرىكتىسى ءدىلنۇر ابدۇللا، - ”ول باردا كوپشىلىك سۇيەنىشى بارداي، الاڭسىز جۇرەدى“.
چۋان شۋجيدىڭ اتى چۋان فىڭچۇن، چيچۋانحۋ قالاشىعى حۇڭشان الەۋمەتتىك اۋماعى پارتيا ياچەيكاسىنىڭ شۋجيى، وسى رەتكى ىندەت تۋىلعاننان بەرى، چۋان فىڭچۇن باستان - اياق ىندەتكە قارسى اتتانۋدىڭ الدىڭعى شەبىنەن تاپجىلماي، الەۋمەتتىك اۋماقتاعى تۇرعىندارعا ويداعىداي قىزمەت وتەدى.
”پارتيا مۇشەسى، قوسىننان شەگىنگەن اسكەري، الەۋمەتتىك اۋماق كادرى رەتىندە، مەيلى قاي سالاۋاتىم بولسا دا، مەنىڭ، ءسوز جوق، كەۋدە كەرە العا شىعۋىمدى تالاپ ەتتى. قاراستى اۋماقتاعى 2000نان ارتىق تۇرعىننىڭ سالاماتتىق قاۋىپسىزدىعى ماعان جۇكتەلدى، تيتتەي دە سالعىرتتىققا سالىنۋعا مۇمكىندىك جوق، ءسوز جوق، جاۋاپكەرشىلىكتى ارقالاۋىم كەرەك“، - دەدى چۋان فىڭچۇن.
ۋيچات توبىندا، تۇرعىندار عيماراتىندا، قامداۋدى قامتاماسىز ەتۋ تۇيىنىندە... چۋان فىڭچۇننىڭ قاربالاس بەينەسىن بارلىق جەردەن كەزدەستىرۋگە بولادى. ول ءارى قولباسشى، ۇگىتشى، ءارى باقىلاۋشى، قىزمەتشى. ونىڭ جانە الەۋمەتتىك اۋماق كادرلارىنىڭ تارتقان جاپاسىن تۇرعىندار تۇگەلدەي كوزىمەن كورىپ وتىر، كوپتەگەن ادامدار ىرىقتىلىقپەن الەۋمەتتىك اۋماق كادرلارىنىڭ قىزمەت وتەۋىن ويداعىداي ىستەۋىنە كومەكتەسەتىنىن ءبىلدىردى.
الەۋمەتتىك اۋماقتاعى تۇرعىندارعا ءتىپتى دە جاقسى قىزمەت وتەۋ ءۇشىن، چۋان فىڭچۇن بۇقارانىڭ كۇشىن اتتانىسقا كەلتىرىپ، شارت - جاعدايى كەلەتىن، قابىلەتتى ادامداردى ۇيىمداستىردى. مىنە وسىلايشا، ەرىكتى قىزمەت وتەۋشى قابىلداۋ شاقىرتۋى حۇڭشان الەۋمەتتىك اۋماعىنىڭ ءارقايسى شاعىن اۋماقتارىنداعى ۋيچات توپتارىندا تاراپ، تۇرعىندار جابال ءۇن قوستى. ”مەن تىزىمدەلەمىن“. ”مەن تىزىمدەلەمىن، پارتيا مۇشەسى الدا ءجۇرۋى ءتيىس“. ”مەن پارتيا مۇشەسىمىن، مەن دە تىزىمدەلەمىن“. ”مەن ءۇش دوڭگەلەكتى اربامدى شىعارامىن“...
الەۋمەتتىك اۋماق كادرلارى كوپتەگەن تىزىمدەلۋشىلەردىڭ اراسىنان ەرىكتى قىزمەت وتەۋشىلەردىڭ تىزىمدىگىن تۇراقتاندىرىپ، 50 ادامنان قۇرالعان ”وتتى القاپ قىزىل جۇلدىز“ ەرىكتى قىزمەت وتەۋ اترەتىن قۇردى، چۋان فىڭچۇن وسى ەرىكتى قىزمەت وتەۋ اترەتىنىڭ باستىعى بولدى.
ەرىكتى قىزمەت وتەۋ اترەتى زاتتىق ماتەريال ساتىپ الۋ گرۋپپاسى، حىسۋان سىناماسىن الۋ گرۋپپاسى، سىرتقا شىعىپ ناۋقاس كورسەتۋ، ءدارى - دارمەك ساتىپ الۋ گرۋپپاسى بولىپ ءبولىندى. زاتتىق ماتەريال ساتىپ الۋ گرۋپپاسى ءارقايسى كورپۋسقا بىردەن تۇرمىستىق زاتپەن قامتاماسىزداندىرۋشى بەلگىلەدى، ولار الەۋمەتتىك اۋماق تۇرعىندارىنىڭ زاتتىق ماتەريالدارمەن قامتاماسىزداندىرۋ جاعىنداعى قاجەتىن دەر كەزىندە اڭىس ەتىپ، جاۋاپ قايتاردى، زاتتىق ماتەريالدارمەن قامتاماسىزداندىرۋشى كۇن سايىن تۇرعىنداردىڭ تاپسىرىس جاعدايىن جيناپ، ءارقايسى ەرەن بازارلارى زاتتىق ماتەريالداردى الەۋمەتتىك اۋماقتىڭ بەلگىلەنگەن ورنىنا جەتكىزىپ، الەۋمەتتىك اۋماق زاتتاردى جۇعىسپايتىن تاسىلمەن جەتكىزىپ تۇردى. تۇرعىندار ناۋقاس كورسەتۋدى قاجەت ەتسە نەمەسە ءدارى - دارمەك كەمشىل بولعان جاعدايدا، سىرتقا شىعىپ ناۋقاس كورسەتۋ، ءدارى - دارمەك ساتىپ الۋ گرۋپپاسىنىڭ مۇشەلەرى دەر كەزىندە كومەك كورسەتتى.
جۇمىس ءبولىسى ايقىن ەرىكتى قىزمەت وتەۋ اترەتى مەن الەۋمەتتىك اۋماق كادرلارى بىرلەسىپ تۇرعىندارعا ەگجەي - تەگجەيلى قىزمەت وتەدى. الەۋمەتتىك اۋماقتا 500گە جۋىق قارت بار جانە باسىم كوبى جالعىز تۇراتىن قارت، ەرىكتى قىزمەت وتەۋ اترەتى قۇرىلعان سوڭ، ءاربىر ەرىكتى بىرنەشە قارتپەن بايلانىس جاساۋدى كوتەرمەگە الىپ، كۇن سايىن تەلەفون بەرىپ دەنساۋلىق احۋالىن، تۇرمىستىق زاتتار قورىنىڭ جاعدايىن سۇراستىردى.
تۇرعىندار ەرىكتىلەر مەن الەۋمەتتىك اۋماق كادرلارىنىڭ قىزمەتىنە قاتتى ريزا بولىپ، ۇيىسۋ قۋاتى دا اناعۇرلىم كۇشەيىپ، كوپشىلىك ءوزارا كومەكتەسىپ، ءوزارا جىگەرلەندىرىپ، ىندەتكە قارسى اتتانۋدىڭ شايقاس مايدانىندا بىرگە كۇرەس جاسادى.
”مىنە بۇل، ىنتىماقتىڭ كۇشى، كوپشىلىكتىڭ قولداۋ كورسەتكەنىنە العىس ايتامىن، الەۋمەتتىك اۋماقتىڭ قىزمەت وتەۋ جانە قامتاماسىز ەتۋ قىزمەتىن اناعۇرلىم جاقسى ىستەۋگە ءتىپتى دە قۇلشىنىس جاسايمىن. الدىڭعى شەپتەن تاپجىلماي، كوپشىلىكتىڭ سالاماتتىعى مەن حاۋىپسىزدىگىن قورعايمىن“، - دەدى چۋان فىڭچۇن.
