كوۋ شياۋيان:
اناعۇرلىم كوپ ادامدى تاماشا تۇرمىس كەشىرۋگە باستايمىن
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
كوۋ شياۋيان (سولدا) سەلبەستىك كووپەراتيۆىنىڭ مۇشەلەرىمەن بىرگە جىلىجايدا شيە ۇزۋدە.
□ سۋرەتتى بيڭتۋان 1 - شى ارال قالالىق تۋان چاڭان قالاشىعى پارتيا قۇرىلىسى قىزمەت كەڭسەسى بەرگەن
سەلبەستىك كووپەراتيۆىن قۇردى، سەيىل - سەرۋەن ساياحاتىن دامىتتى، قۇرىلعىلى اۋىل شارۋاشىلىعىن، ەرەكشە باعىمشىلىقتى زور كۇشپەن دامىتتى... 20 نەشە جىلدان بەرى شينجياڭ ءوندىرىس - قۇرىلىس بيڭتۋانى 1 - شى ارال قالاسى 10 - تۋانى 13 - ليانىنىڭ قىزمەتكەرى كوۋ شياۋيان تىنباي ىزدەنىس جاساپ، پارتيا مۇشەلەرىنىڭ اۆانگارد، ۇلگىلىك رولىن تولىق ساۋلەلەندىرىپ، باسقا جۇمىسشى - قىزمەتكەرلەردى، بۇقارانى بىرگە بايۋعا باستادى.
”پارتيانىڭ ابزال ساياساتىنىڭ ارقاسىندا بۇگىنگىدەي باقىتتى تۇرمىس كەشىرىپ وتىرمىن، مەن دە بارىنشا قۇلشىنىپ، پارتيانىڭ جاقسىلىعىن اقتايمىن“، - دەدى كوۋ شياۋيان.
1990 - جىلى كوۋ شياۋيان تۋان - الاڭداعى جاس شۇي يۇن - يمەن قۋانىشپەن باس قۇراپ، جاراسىمدى جۇبايلارعا اينالادى. ەرلى - زايىپتى ەكەۋى بىرگە جۇمىس ىستەپ، ەگىن سالىپ، باعىمشىلىقپەن اينالىسىپ، بىرگە قۇلشىنا كاسىپ ىستەپ، تۇرمىستارىن ءماندى دە ءساندى وتكىزەدى. 2001 - جىلى تۋان - الاڭى اۋىل شارۋاشىلىعى قۇرىلىمىن رەتتەگەندە، شارۋاشىلىق قۇرۋ ارمانىن ارقالاعان كوۋ شياۋيان 12 مۋ المۇرت باعىن كوتەرمەگە الادى. ەرلى - زايىپتى ەكەۋىنىڭ دەن قويا باسقارۋىندا ەكونوميكالىق ونىمدىلىگى جىل سايىن جاقسارىپ، جىلدىق كىرىستەرى 100 مىڭ يۋاننان اسادى.
” ءبىزدىڭ حال - جاعدايىمىز جاقساردى، ايتسەدە تاعى دا كوپتەگەن جۇمىسشى - قىزمەتكەرلەردىڭ، بۇقارانىڭ تۇرمىسىندا قيىنشىلىق بار“. كوۋ شياۋيان سەلبەستىك كووپەراتيۆىن قۇرىپ، كوپشىلىكتى بىرگە بايۋعا باستاۋعا بەكىنەدى. 2013 - جىلى كوۋ شياۋيان باستاماشىلدىقپەن 36 جىلىجايدى كوتەرمەگە الىپ، 32 جۇمىسشى - قىزمەتكەرمەن بىرگە ارال قالاسى جينشيۋجيايۋان جەمىس - جيدەك، كوكونىس ەگىمشىلىگى شارۋالار كاسىپتىك سەلبەستىك كووپەراتيۆىن قۇرادى. سول جىلى 32 جۇمىسشى - قىزمەتكەردىڭ جان باسىندىق جىلدىق ورتاشا كىرىسى 80 مىڭ يۋانعا جەتىپ، كىرىستى ارتتىرۋ ارماندارى جۇزەگە اسادى. بۇگىنگى تاڭدا، وسى سەلبەستىك كووپەراتيۆىندە جۇمىس ىستەۋشىلەر 136 ادامعا جەتىپ، جان باسىندىق جىلدىق ورتاشا كىرىستەرى 35 مىڭ يۋاننان استى.
2015 - جىلى 10 - تۋان باسىمدىققا يە بايلىققا سۇيەنىپ، جالپى اۋماقتىق ساياحاتتى زور كۇشپەن دامىتتى. كوۋ شياۋيان ورايدى مىقتى يگەرىپ، سەلبەستىك كووپەراتيۆىنىڭ كولەمىن ۇلعايتىپ، قارجى توپتاپ سەيىل - سەرۋەن، ساياحات، جەمىس - جيدەك، كوكونىس ءۇزۋ ءبىر تۇلعالاندىرىلعان جاسىل ەكولوگيالىق باقشا قۇرادى، مۇندا يەلەگەن جەر اۋماعى 68 مۋ بولىپ، 60 ەگىمشى وتباسى مەن باعىمشى وتباسىن قابىلدايدى. كوۋ شياۋياننىڭ باستاۋىندا ەكولوگيالىق باقشا قازىر 199 مۋعا كەڭەيىپ، تۇراقتى كووپەراتيۆ مۇشەسى 72 ادام بولىپ، جىلدىق ساياحاتشى قابىلداۋ مولشەرى 60 مىڭ ادام - رەتكە تاياپ، جىلدىق كىرىسى 3 ميلليون 800 مىڭ يۋان بولدى.
”جاپا - ماشاقاتتان، شارشاۋدان قورىقپايدى، قاشاندا كۇش - قايراتى تاسقىنداپ تۇرادى. ادامدارعا ادال مامىلە جاسايدى، وعان ىلەسىپ ىستەسەك كوڭىلىمىز جاي تابادى“. كوۋ شياۋياندى تىلگە العاندا، وسى سەلبەستىك كووپەراتيۆىنىڭ مۇشەسى ارزىگۇل تۇرسۇن اۋىز جاپپاي القادى.
2020 - جىلى 3 - ايدا ارزىگۇل ياركەن اۋدانىنان 10 - تۋاننىڭ 13 - ليانىنا كەلىپ، سەلبەستىك كووپەراتيۆىنىڭ مۇشەسى بولادى. كوۋ شياۋياننىڭ تىكەلەي جەتەكشىلىگىندە، ول كوپ وتپەي - اق ەگىمشىلىك شەبەرى بولىپ جەتىلىپ شىعادى. ”بۇل ارا جاتاقتى، تاماقتى كوتەرەدى، مەن تاعى بۇلدىرگەن، شيە، پيتايا جەمىستەرىن ەگۋ شەبەرلىگىن ۇيرەنىپ الدىم، ءبىر جىلدا 80 مىڭ يۋاننان استام اقشا تاپتىم. وسى ارادا ۇزاق ۋاقىت ىستەۋدى ويلاپ ءجۇرمىن“، - دەدى ارزىگۇل.
وسى بارىستا كوۋ شياۋيان قاي - قاشان دا العىس ايتۋ سەزىمىندە بولدى. ول ىرىقتىلىقپەن ليان - دۇيدەگى قيىنشىلىعى بار جۇمىسشى - قىزمەتكەرلەرمەن، بۇقارامەن جۇپ قۇراپ، ەگىمشىلىك باسقارۋ تاجىريبەلەرىن اقىسىز ۇيرەتىپ، قارجىلىق، تەحنيكالىق قولداۋ كورسەتىپ، تۋان - الاڭىنداعى جيىنى 300دەن استام ادامنىڭ كىرىستەرىن ارتتىرۋىنا كومەكتەستى؛ 60 مىڭ يۋاننان استام قارجى شىعارىپ ۇيىندە قيىنشىلىعى بار 7 داشۋە وقۋشىسىنىڭ وقۋىن بىتىرۋىنە قارجىلاي كومەكتەستى؛ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا ول ىرىقتىلىقپەن الدىڭعى شەپتە ەرلىكپەن كۇرەس جاساپ جاتقان ەمدەۋ - كۇتىمدەۋ قىزمەتكەرلەرىنە، ەرىكتىلەرگە تاماق - قۋىرماش ازىرلەدى...
ەڭبەگى باردىڭ ونبەگى بار. كوۋ شياۋيان ىلگەرىندى - كەيىندى ”مەملەكەتتىك 1 - مامىر ەڭبەك مەدالى“، ”مەملەكەتتىك 8 - ناۋرىز قىزىلتۋشىسى”، ”مەملەكەتتىك اۋىل شارۋاشىلىق ەڭبەك ۇلگىسى“، ”مەملەكەتتىك جەلەكتىلەر ەسە قوسۋ ۇلگىسى“ سياقتى اتاقتارعا يە بولدى. بيىل كوۋ شياۋيان داڭقپەن پارتيا 20 - قۇرىلتايىنىڭ ۋاكىلى بولىپ سايلاندى، ول وزىنە جۇكتەلگەن مىندەتتىڭ ءتىپتى دە اۋىرلاي تۇسكەنىن سەزىندى. ”بۇل پارتيا مەن حالىقتىڭ ماعان بەرگەن داڭقى، مەنىڭ تىلەگىم اناعۇرلىم كوپ ادامدى ورتاق بايۋعا باستاپ، تۇرمىستارىن بارعان سايىن جاقسارتۋ، مەن وسى جولدى تىنباي جالعاستىرا بەرەمىن“، - دەدى ول.
