□ شۇي چيڭگۋاڭ
ءارقانداي شايقاس ەرجۇرەك جاۋىنگەرلەردى قاجەت ەتەدى. ىندەتتەن ساقتانۋ - تىزگىندەۋ كەزىندە، ءدال سول الدىڭعى شەپتەگى سان مىڭداعان ادامداردىڭ ءۇن - ءتۇنسىز تەر توگۋىنىڭ ارقاسىندا عانا قوعام قالىپتى اينالىس جاساپ، بۇقارانىڭ ۇيدە بولىپ ىندەتپەن شايقاسۋىنا پارمەندى تىرەك ازىرلەنىپ، ۆيرۋستى جەڭۋگە بەرىك سەنىم قالاندى. ولار قاھارمان بولماسا دا، قاھارماننان ارى ەرلىك كورسەتىپ، بۇكىل قوعامنىڭ قۇرمەت كورسەتۋىنە، سونداي - اق جىلى پەيىلمەن مامىلە جاساۋىنا تاتيدى.
بۇقارانى جىلۋمەن قامداۋ ماسەلەسىن شەشۋ ءۇشىن، كەيبىر الەۋمەتتىك اۋماق كادرلارى جۇزدەن استام تەلەفون قابىلدايدى جانە جالعايدى؛ تۇرعىنداردىڭ دەر كەزىندە كوكونىس قالتاسىن الۋىنا مۇمكىندىك جاساۋ ءۇشىن، ەرىكتىلەردىڭ ءبىر كۇندە 20 مىڭ قادام باسۋى قالىپتى جايتكە اينالدى؛ نەگىزگى ساتىنىڭ كۇش - قۋاتىن مولىقتىرۋ ءۇشىن، كەيبىر ورگانداردا نەگىزگى ساتىعا تۇسكەن كادرلار تۇپ - تۋرا 2 اي ۇيلەرىنە قايتا العان جوق... ولاردىڭ دا قالجىراپ - دىڭكەسى قۇريتىن كەزدەرى بولادى، ءبىراق ءبىر اۋىز بۇيرىقپەن دەرەۋ اتتانادى؛ ولاردىڭ دا جابىرلەنىپ - جالعىزسىرايتىن شاعى بولادى، ءبىراق بۇقارا الدىندا ماڭگى قايسار دا ۇمىتكەر. ولاردىڭ جاپا - ماشاقاتىن، تاباندىلىعىن دامىل تاپپاۋ، جارعاق قۇلاعى جاستىققا تيمەۋ دەگەن سياقتى يدەيومدارمەن بەينەلەسە ەشقانداي ارتىق ەمەس.
”نۇر - شۇعىلاعا بولەنگەندەر عانا قاھارمان بولادى دەپ كىم ايتادى“. حىسۋان تەكسەرۋدەن، ناۋقاستاردى قۇتقارىپ - ەمدەۋدەن زاتتىق ماتەريالدارمەن قامتاماسىز ەتۋگە، قوقىر - قوقسىقتى تازالاپ تاسۋعا، ودان قاتىناس باسقارۋعا، ينفورماتسيا جاريالاۋعا دەيىن، وسى رەتكى ىندەت تۋىلعاننان بەرى ءوز كاسىبىن قادىرلەپ قىزمەت ورنىنان تاپجىلماي قىزمەت ىستەپ، قالتقىسىزدىقپەن وزدەرىن ارناعاندار ءاربىر شەپتىڭ بارلىعىندا بولدى. ولار − مەديتسينا قىزمەتكەرلەرى، الەۋمەتتىك اۋماق قىزمەتكەرلەرى، اقپارات قىزمەتكەرلەرى، ولار − قوعام حاۋىپسىزدىگى حالىق ساقشىلارى، تومەنگە تۇسكەن كادرلار، قامداۋعا كەپىلدىك ەتۋشى قىزمەتكەرلەر، ولار − ورتا تازالىقشىلارى، جەدەل جەتكىزۋشىلەر، ەرىكتىلەر، ولار − ءوزىمىز ابدەن بىلەتىن جان اشىر جاقىندارىمىز، دوستارىمىز، كاسىپتەستەرىمىز. ءاربىر كىشكەنتاي، ۇساق ىستەر الدىندا، ولار جاپا تارتتىم، شارشاپ - شالدىقتىم دەگەن جوق. مۇنداي ءوز باسىنىڭ مۇددەسىنەن كەشىپ، جۇرت قامىن ويلاپ، كوپتىڭ مۇددەسى ءۇشىن ءوزىن ارناۋ رۋحى ىندەتكە قارسى اتتانۋدىڭ جەڭىس شۇعىلاسى ەمەي نە؟
ىندەتتەن ساقتانۋ - تىزگىندەۋدىڭ الدىڭعى شەبىندە شايقاس جاساپ جاتقان باتىرلارعا كوڭىل ءبولۋ، ولارعا قامقورلىق جاساۋ ولارعا دەگەن ەڭ ۇلكەن قۇرمەت سانالادى. الدىڭعى شەپتەگى قىزمەتكەرلەرگە تۇسەتىن قىسىم مەن قىزمەتتىڭ كۇشەمەلىلىگى كۇشتى، فيزيولوگيالىق جانە پسيحيكالىق جۇگى اۋىر، جۇعىمدالۋ قاتەرى جوعارى، ءار دارەجەلى ۇكىمەتتەر كوبىرەك گۋمانيتارلىق قامقورلىقتار جاساپ، ولاردىڭ قىزمەت، تۇرمىس شارت - جاعدايىن بەلسەنە جاقسارتىپ، پسيحيكالىق جەتەكشىلىكتى كۇشەيتىپ، كەزەكپەن جۇمىسقا شىعۋدى، كەزەكپەن دەمالۋدى ۇيلەسىمدى ورنالاستىرۋى كەرەك. ەڭبەكاقى يگىلىگى، ەڭبەك قامتاماسىزدىعى، جەكە باستىق قامسىزداندىرۋى سياقتى جاقتاردا ولارعا ەڭ ساپالى قىزمەت كورسەتىپ جانە قامتاماسىز ەتىپ، ولاردى الاڭسىز ەتۋى كەرەك.
”سەنىڭ كىم ەكەنىڭدى بىلمەيمىن، ءبىراق كىم ءۇشىن قىزمەت ىستەيتىنىڭدى بىلەمىن“. كەيدە الدىڭعى شەپتەگىلەر القاۋعا ەمەس، سايكەسۋگە مۇقتاج؛ شاپالاق سوعىپ ماقتاۋدى ەمەس، باسقالاردىڭ ءتۇسىنۋىن تىلەيدى. ءبىز اربىرەۋىمىز الدىڭعى شەپتەگىلەردىڭ قىزمەتىنە بەلسەنە سايكەسىپ، ولاردىڭ بوداۋ بەرۋى ابدەن ورىندى دەپ ەسەپتەگەننەن گورى، قايتا كوبىرەك ولاردىڭ تۇرعىسىنان ويلاۋىمىز، اشتى سويلەپ قىتىمىرلىق كورسەتكەننەن گورى، ولاردىڭ كوڭىل كۇيىن ءتۇسىنۋىمىز، سول ارقىلى ولاردىڭ ىندەتتەن ساقتانۋ - تىزگىندەۋ قىزمەتىنە بار زەيىن - زەردەسىمەن ات سالىسۋىنا مۇمكىندىك جاساۋىمىز كەرەك.
