□ انار بۇلت \ شينجياڭ گازەتىنىڭ ءتىلشىسى ءرايدا، ەرىكتى ءتىلشى جاڭ جۇن
شيحۋ قالالىق اۋىل شارۋاشىلىعى، اۋىل - قىستاق مەكەمەسىنىڭ تۇرعىندار شاعىن اۋماعىنىڭ تۇرعىندارى ”شياۋپان اپايدى“ اۋىزدارىنان تاستامايدى.
”ول الەۋمەتتىك اۋماقتىڭ كادرى، ىندەتتەن ساقتانۋ - تىزگىندەۋ كەزىندە ءبىز ءۇشىن تىنباي قىزمەت وتەدى“، - دەدى 10 - ايدىڭ 2 - كۇنى شيحۋ قالالىق اۋىل شارۋاشىلىعى، اۋىل - قىستاق مەكەمەسى تۇرعىندار شاعىن اۋماعىنىڭ تۇرعىنى لي ايلي.
”شياۋپان اپايدىڭ“ ەسىمى پان جينمەي، بيىل 49 جاستا، شيحۋ قالاسى نانيۋان ءمالىسى چاڭجىڭ جولى الەۋمەتتىك اۋماعىنىڭ كادرى.
وسى رەتكى ىندەت تۋىلعاننان بەرى پان جينمەي وسى تۇرعىندار اۋلاسىنداعى 3 عيماراتتاعى 128 وتباسى تۇرعىنىنا قىزمەت وتەۋ مىندەتىن ارقالادى. ول ءار كۇنى ەرتە تۇرىپ، جاي جاتىپ تۇرعىندارعا زاتتىق ماتەريال جەتكىزىپ، ەمدەۋ قىزمەتكەرلەرىنە سايكەسىپ حىسۋان سىناماسىن الىپ، بۇقارانىڭ قيىنشىلىعىن، تىلەك - تالابىن شەشىپ، باستان - اياق الدىڭعى شەپتەن تاپجىلماي، ۇيىنە قايتپادى.
تۇرعىنداردىڭ بىرەۋى پان جينمەيدىڭ وڭ جاق شاقايىنىڭ تابانى ءبولىنىپ قالعانىن كەزدەيسوق بايقاپ قالادى. ”باستان - اياق شاعىن اۋماقتا قىزمەت وتەپ، ۇيگە دە قايتا المادىم، شاقايىم توزعانىمەن، ءالى دە كيۋگە جارايدى، جۇمىسقا ىقپال ەتپەيدى“، - دەدى پان جينمەي كۇلە سويلەپ.
تابانى ءبولىنىپ قالعان شاقاي كيسە دە تۇرعىندارعا قىزمەت وتەۋگە تاباندى بولدى. وسىنىڭ بارلىعىن تۇرعىندار كوزىمەن كورىپ، كوكەيىندە ساقتادى.
”ءبىزدىڭ شاعىن اۋماقتا وتباسىلارىنا تۇگەلدەي باسپالداقپەن شىعادى، الەۋمەتتىك اۋماق قىزمەتكەرلەرى ءار كۇنى وتباسى سايىن حىسۋان ىستەپ، زاتتىق ماتەريال جەتكىزەدى، وتە جاپالى“، - دەدى لي ايلي، - ”شياۋپان اپاي الەۋمەتتىك اۋماقتا العاش قىزمەت ىستەگەن كەزدە ەتجەندىلەۋ بولاتىن، الايدا تاياۋدا ونىڭ ارىقتاپ كەتكەنىن كوردىم، زىر جۇگىرىپ قىزمەت ىستەپ ءجۇرىپ شاقايىنىڭ تابانى دا ءبولىنىپ قالىپتى، قاتتى جانىم اشىپ كەتتى“.
”شياۋپان مەنىڭ قىزىم سياقتى، وسى رەتكى ىندەت كەزىندە ول ءبىز سياقتى قارتتارعا قارايلاسىپ، جان - جاقتى قامقورلىق جاسادى“، - دەدى شاعىن اۋماقتىڭ تۇرعىنى شۇي شياۋگى، - بيىل 91 جاستامىن، جالعىز تۇراتىن قارتپىن، وسى ۋاقىتتاردا ءار كۇنى تاڭەرتەڭ، كەشتە ”قىزىم“ كەلىپ ەسىگىمدى قاعىپ، بارلىق جاعدايىمنىڭ قالىپتى ەكەنىن كورگەن سوڭ الاڭسىز كەتەدى، ”شياۋپان ءبىر جاقسى بالا“.
تۇرعىندار اۋلاسى قالىپتى تۇرمىستى بىرتىندەپ قالپىنا كەلتىرگەن سوڭ، شاعىن اۋماق تۇرعىندارى ”شياۋپان اپايعا“ ىرىقتىلىقپەن مەيىر جەتكىزۋ كيىمىن ۇسىندى.
”تۇرعىندار ماعان شاقاي جانە كيىم - كەشەك الىپ كەلىپتى، وتە ىستىق سەزىلدى“، - دەدى پان جينمەي، - الەۋمەتتىك اۋماق قىزمەتكەرى رەتىندە، ىندەتتەن ساقتانۋ - تىزگىندەۋ قىزمەتىن ورىستەتۋ باس تارتۋعا كەلمەيتىن جاۋاپكەرشىلىك.
نانيۋان ءمالىسى چاڭجىڭ جولى الەۋمەتتىك اۋماعى پارتكومىنىڭ شۋجيى جاۋ ياحۇي بىلاي دەدى: ”پان جينمەي سياقتى بۇقاراعا ىستىق ىقىلاسپەن قىزمەت وتەيتىن الەۋمەتتىك اۋماق كادرلارى كوپ، ولار الەۋمەتتىك اۋماق پارتيا ۇيىمى بولگەن ىندەتتەن ساقتانۋ - تىزگىندەۋ مىندەتىن بەلسەندى تۇردە ارقالاپ، ءىس جۇزىندىك ارەكەتتەرى ارقىلى پارتيالى كادرلاردىڭ ىندەتتەن ساقتانۋ - تىزگىندەۋ قىزمەتى بارىسىنداعى جاۋاپكەرشىلىك ارقالاۋى مەن بورىشىن امالياتتا ايگىلەدى“.
