جۇڭگو مەن گەرمانيانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن
شي جينپيڭ گەرمانيانىڭ زۇڭتۇڭىمەن ءوزارا قۇتتىقتاۋ تەلەگرامماسىن جولدادى
شينحۋا اگەنتتىگىنىڭ 10 - ايدىڭ 11 - كۇنى بەيجيڭنەن بەرگەن حابارى. 10 - ايدىڭ 11 - كۇنى مەملەكەت ءتوراعاسى شي جينپيڭ گەرمانيانىڭ زۇڭتۇڭى شتاينمايەرمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: وتكەن 50 جىلدان بەرى، جۇڭگو مەن گەرمانيا ءوزارا قۇرمەت ەتۋ، ءوزارا پايدا جەتكىزىپ تەڭ يگىلىكتەنۋ رۋحىن ۇستانىپ، ەكى ەل قارىم - قاتىناسىن ۇزدىكسىز ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا بەلسەندى ۇلەستەر قوسۋعا قۇلشىنىپ، قول ۇستاسىپ قاتار ىلگەرىلەۋدىڭ، ءوزارا تابىسقا جەتۋدىڭ تاراۋىن جازدى. مەن جۇڭگو - گەرمانيا قارىم - قاتىناسىنىڭ دامۋىنا ايرىقشا ءمان بەرەمىن، شتاينمايەر زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، الدىڭعىلاردىڭ ءىزىن باسىپ، بولاشاققا جول اشىپ، جۇڭگو مەن گەرمانيانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
شتاينمايەر مىنالاردى ءبىلدىردى: 50 جىلدان بەرى گەرمانيا - جۇڭگو قارىم - قاتىناسى كوپ سالادا تەرەڭ ساتىعا قاراي دامىپ، ەكى ەلدىڭ اۋىس - كۇيىسى مەن ەكى ەل حالىقتارىنىڭ ىرىس - قۇتىن نىعايتتى. جۇڭگو گەرمانيانىڭ ءبىرىنشى ۇلكەن ساۋدا سەرىگى، گەرمانيا مەن جۇڭگونىڭ ەكونوميكا - ساۋدا سەلبەستىگى ەكى جاقتىڭ مۇددەسىنە ۇيلەسەدى. ەكى ەل اراسىنداعى سەلبەستىكتىڭ ۇزدىكسىز قارىشتاپ دامي بەرۋىن تىلەيمىن.