شينجياڭ ەلەكتر تورى:
6 - ايدان 9 - ايعا دەيىن قامداۋ، سىرتقا جەتكىزۋ جاعىندا كوپ ءتۇرلى رەكورد جاراتىلدى
انار بۇلت \ شينجياڭ گازەتىنىڭ ءتىلشىسى چىن چياڭۋي 10 - ايدىڭ 11 - كۇنى ۇرىمجىدەن حابارلايدى. جازعى مەزگىلدەگى ەڭ قاۋىرت كەزدە (6 - ايدان 9 - ايعا دەيىن)، مەملەكەت ەلەكتر تورى شينجياڭ ەلەكتر شەكتى سەرىكتەستىگى ”جوعارى تەمپەراتۋرامەن سايىسۋ، ىشكى قامداۋعا كەپىلدىك ەتۋ، سىرتقا جەتكىزۋدى كۇشەيتۋ“ ارەكەتىن ورىستەتتى، شينجياڭنىڭ ەلەكترىن سىرتقا جەتكىزۋ مولشەرى 47 ميلليارد كيلوۆات ساعاتتان استى، ەلەكتر تورى كوتەرىمدىلىگى 14 رەت جازعى مەزگىلدەگى ەڭ قاۋىرت كەزدى قارسى الۋداعى جوعارى ورەنى جاراتىپ، ەلەكتر تورىنىڭ حاۋىپسىز، ورنىقتى اينالىمىن جانە ەلەكترمەن سەنىمدى قامداۋدى بار كۇشپەن قامتاماسىز ەتىپ، بۇكىل ەلدىڭ ەلەكترمەن قامداۋ كەلەلى جاعدايىنا پارمەندى قىزمەت وتەدى.
2022 - جىلى جاز ماۋسىمىندا بۇكىل ەلدىڭ كوپ جەرىندە تەمپەراتۋرا جوعارىلاپ، جاۋىن - شاشىن ازايدى، حۋادۇڭدا، حۋاجۇڭدا، باتىس وڭتۇستىكتە ەلەكتر قۋاتى ۇزدىكسىز جەتىسپەۋ جايتى جارىققا شىقتى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى كوپ ءتۇرلى شارا قولدانىپ، ەل ىشىندەگى باسقا ولكە، رايون، قالالاردىڭ ەلەكترمەن قامداۋعا كەپىلدىك ەتۋ سۇرانىسىن جانە شينجياڭنىڭ ءوزىنىڭ ەلەكتردەن پايدالانۋ كوتەرىمدىلىگىن ارتتىرۋ سۇرانىسىن قاناعاتتاندىردى.
بيىل شينجياڭ جوعارى تەمپەراتۋرالى اۋا رايىنىڭ ىقپالىنا ۇشىراعاندىقتان، شينجياڭ ەلەكتر تورىنىڭ كوتەرىمدىلىگىندە ”ەرتە كەلۋ، ەڭ جوعارى شەككە جەتۋ، ۋاقىتى ۇزاق بولۋ“ سىندى ەرەكشەلىك جارىققا شىقتى. 6 - ايدىڭ 4 - كۇنى شينجياڭ ەلەكتر تورىنىڭ جىلدىق كوتەرىمدىلىگى تۇڭعىش رەت جازدا ەلەكتردەن پايدالانۋدىڭ ەڭ قاۋىرت مەزگىل تاريحىنداعى تىڭ ورەنى جاراتىپ، وتكەن جىلدارداعى سول تۇستاعىدان 10 كۇن ەرتە بولدى. تۇتاس توردىڭ كوتەرىمدىلىگى 14 رەت بىلتىرعى سول تۇستاعى تىڭ ورەنى جاراتتى، 5 رەت تاريحتاعى تىڭ ورەنى جاراتتى، ءۇرىمجى، تۇرپان، اقسۋ سياقتى 13 ايماق، وبلىس، قالانىڭ كوتەرىمدىلىگى جازدا ەلەكتردەن پايدالانۋدىڭ ەڭ قاۋىرت مەزگىل تاريحىندا جالپى 92 رەت تىڭ ورە جاراتتى، ەلەكتر تورى 3 كەزەك كوتەرىمدىلىك ورلەۋىنىڭ سىناعىنا توتەپ بەردى.
سىرتقا جەتكىزۋ جاعىندا، شينجياڭ ىشىندە ەلەكتردەن پايدالانۋ قاجەتىن قاناعاتتاندىرۋ نەگىزىندە، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ءتۇرلى ءادىس - امالدارمەن سىرتقا ەلەكتر جەتكىزۋدى ارتتىردى، شينجياڭنىڭ ەلەكترىن سىرتقا جەتكىزۋدە ”قۋاتى جوعارى، سيىمدىلىعى زور، كولەمى كەڭ“ بولۋداي ەرەكشەلىك جارىققا شىقتى. جازعى ەلەكتردەن پايدالانۋدىڭ ەڭ قاۋىرت مەزگىلىندە سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسىنىڭ سىرتقا جەتكىزۋ قۋاتى تۇڭعىش رەت 11 ميلليون كيلوۆاتقا جەتىپ، دۇنيە جۇزىلىك ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسىنىڭ جەتكىزۋ قۋاتىنىڭ جاڭا رەكوردىن جاراتتى. ولكە ارالىق ەلەكتر قۋاتى ناق زات ساۋدا بازارىنان پايدالانىپ، شينجياڭنىڭ ەلەكترى تۇڭعىش رەت جيلين، فۋجيان سىندى 2 ولكەگە جەتكىزىلدى. شينجياڭنىڭ سىرتقا شىعارعان كۇندىك ەڭ جوعارى ەلەكتر مولشەرى 447 ميلليون كيلوۆات ساعاتتان اسىپ، تاريحي رەكورد جاراتتى. جازعى ەلەكتردەن پايدالانۋدىڭ ەڭ قاۋىرت مەزگىلىندە شينجياڭنىڭ سىرتقا جەتكىزگەن ەلەكتر مولشەرى 47 ميلليارد كيلوۆات ساعاتتان اسىپ، حۋابەي، حۋاجۇڭ، باتىس وڭتۇستىك ءوڭىرىنىڭ ەلەكتر سۇرانىسىنا بارىنشا كومەكتەستى.
