− كولەمدى ارناۋلى تاقىرىپتىق تەلە فيلم «كوشباسشى» رايونىمىزدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
سوڭعى كۇندەردەن بەرى، كولەمدى ارناۋلى تاقىرىپتىق تەلە فيلم «كوشباسشى» ورتالىق راديو - تەلەۆيزيا باس ستانسياسى ورتالىق تەلەۆيزياسىنىڭ امبەباپ ارناسىندا تاراتىلدى، رايونىمىزداعى جەر - جەر، مەكەمە - ورىندار تۇرلىشە فورمامەن ارناۋلى تاقىرىپتىق فيلمدى كورگەننەن كەيىن، ءار ۇلت كادرلارى مەن بۇقاراسى اراسىندا قىزۋ اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ شىنايى قامقورلىعىن، ىقىلاستى تاپسىرماسىن كورىكتى شينجياڭ قۇرۋداعى قۋاتتى قوزعاۋشى كۇشكە جانە ءىس جۇزىندىك ارەكەتكە اينالدىرىپ، ءبىرجاعادان باس، ءبىر جەڭنەن قول شىعارىپ، پارتيا 20 - قۇرىلتايىنىڭ جەڭىسپەن اشىلۋىن اسقاق بەينەمەن جانە ۇزدىك ناتيجەمەن قارسى الامىز.
تاريحي وزگەرىس ادامدى ەكپىندەي ىلگەرىلەۋگە جىگەرلەندىرەدى
”«كوشباسشى» پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستاردى، تۋىلعان تاريحي وزگەرىستەردى جان - جاقتى بەينەلەپ، جۇرتتى بارىنشا جەلپىندىرىپ، ەكپىندەي ىلگەرىلەۋگە جىگەرلەندىردى“. 10 - ايدىڭ 11 - كۇنى اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى كەڭسەسى حاتشىلار باسقارماسىنىڭ باستىعى پان جىباۋ مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا، شىنايى يگەرىپ، ناقتى ىستەپ، جىگەرلەنە العا ىلگەرىلەپ، اۋىل شارۋاشىلىعى، اۋىل - قىستاق قىزمەتتەرىن جاپپاي ويداعىداي ىستەپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ جاڭا جاعدايىن قۇلشىنا اشامىن.
”«كوشباسشى» تارتىمدى كورىنىستەر مەن مەيىرگە تولى ساتتەردەن پايدالانىپ، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقىنىڭ باقىتتى، تاماشا تۇرمىسى مەن تاماشا رۋحاني بەت - بەينەسىن جاندى ايگىلەگەن، ءبىر نەگىزگى ساتى كادرى رەتىندە، «كوشباسشىدان» رۋحاني كۇش قابىلداپ، اۋەلگى ماقساتتى، بورىشتى ءىس تىندىرىپ، ناتيجە شىعارۋدىڭ جانە قامال الىپ، قيىندىقتى جەڭۋدىڭ ارەكەت سانالىلىعىنا اينالدىرىپ، ءار ۇلت كادر - بۇقاراسىمەن بىرگە مەكەنىمدى اناعۇرلىم باي، اناعۇرلىم قۋاتتى، اناعۇرلىم كورىكتى ەتىپ قۇرىپ شىعامىن“، - دەدى قاراقاش اۋدانى قويشى اۋىلىنىڭ كادرى اينۇر سادىق.
اقتاۋ اۋدانى ۇجمە اۋىلى جايتەرەك قىستاعىنىڭ تۇرعىنى ابدۇعوپۇر مامەت «كوشباسشىنى» كورگەننەن كەيىن اسەرلەنە بىلاي دەدى: ”اقتاۋ اۋدانى ىلگەرى مەملەكەت دارەجەلى كەدەي اۋدان بولاتىن، تاياۋ جىلداردان بەرى پارتيانىڭ ابزال ساياساتىنىڭ ارقاسىندا، قىستاق پارتيا ياچەيكاسىنىڭ باستاماشىلدىعىندا، ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن قىزمەت اترەتىنىڭ كومەكتەسىپ - سۇيەمەلدەۋىندە مەنىڭ مەكەنىمدە وتە زور وزگەرىستەر تۋىلدى. مەن باعىمشىلىققا سۇيەنىپ، جاقسى تۇرمىس كەشىرە الدىم. پارتيا 20 - قۇرىلتايى جەڭىسپەن اشىلعاننان كەيىن، ءبىزدىڭ تۇرمىسىمىزدىڭ ءتىپتى دە جاقسى بولاتىندىعىنا سەنەمىن“.
قىزمەت ورنىن تياناق ەتىپ، تىنباي كۇرەس جۇرگىزەمىز
”«كوشباسشى» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋدى باتىل ىلگەرىلەتىپ، پارتيا مەن مەملەكەت ىستەرىندە جاڭا دا جالىندى ومىرشەڭدىك كۇش مازداعاندىعىن ايگىلەدى“. اقسۋ ايماقتىق پارتكومنىڭ ورىنباسار باس حاتشىسى، ساياسات زەرتتەۋ كەڭسەسىنىڭ مەڭگەرۋشىسى شۇي جىڭشىڭ مىنالاردى ءبىلدىردى: اقسۋ ايماعى رەفورمادا قامال الۋدى تەزدەتىپ، شارۋاشىلىق - ساۋدا ورتاسىن ءۇرتىس ساپالىلاندىرۋ، سيفرلى اقسۋ قۇرىلىسىن تەزدەتۋ، مەديالاردىڭ تەرەڭدەي توعىسۋىن ىلگەرىلەتۋ سياقتى رەفورمالاردى نەگىزگى ۇمتىلىس جاساۋ بەتالىسى ەتىپ، ءتۇيىندى قامال الىپ، جاپپاي ورنالاستىرۋ جاساپ، ەكونوميكانىڭ، قوعامنىڭ جوعارى ساپالى دامۋىن ۇزدىكسىز ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن اسقاق رۋحاني بەينەسىمەن جانە كورنەكتى ناتيجەلەرىمەن قارسى الادى.
«كوشباسشىدا» كورسەتىلگەن تابىستار ساۋان قالاسى سىداۋحىزى قالاشىق پارتكومىنىڭ شۋجيى لي حۇڭدى قاباعات جەلپىندىردى. ”نەگىزگى ساتىنىڭ بايتاق كەڭ الابى ءبىزدىڭ ونەرىمىزدى ۇشتايتىن ’جاتتىعۋ الاڭىمىز‘. نەگىزگى ساتىنىڭ الدىڭعى شەبىندە تۇرعان مەن الداعى قىزمەتتەردە ارقالاعان جۇگىمدى ورنىقتى كوتەرىپ، پارتيا قۇرىلىسىمەن جەتەكشىلىك ەتۋگە باستان - اياق تاباندى بولىپ، اۋىل - قىستاقتى گۇلدەندىرۋدىڭ ىشكى قوزعاۋشى كۇشىن قاۋلاتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ءۇرتىس كۇشەيتەمىن“، - دەدى ول.
كوكتوعاي اۋدانى قاراتۇڭكە قالاشىعى تاسباستاۋ قىستاعى كوكتوعاي اۋدانى قالاشىعىنان 13 كيلومەتر قاشىقتىقتا ورنالاسقان قىستاق، تاياۋ جىلداردان بەرى بۇل قىستاق قونىس ورتاسىن جاقسارتۋ، مادەنيەت رايىن قالىپتاستىرۋ، الەۋمەتتىك قىزمەت وتەۋدى كەمەلدەندىرۋ، اۋىل - قىستاق كاسىپ سالاسىنىڭ دامۋىن ىلگەرىلەتۋ سياقتىلاردى تۇتقا ەتىپ اۋىل - قىستاقتى گۇلدەندەندىرۋدى ىلگەرىلەتتى. ”«كوشباسشىدا» بەينەلەنگەن ءاربىر ساتتەردى كورىپ، مەن جۇڭگودا تۇرمىس كەشىرىپ جاتقاندىعىما ماقتانىش سەزىندىم“ دەپ ءسوزىن ساباقتاعان كوكتوعاي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ تاسباستاۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي گۋ فاڭ بىلاي دەدى: الداعى جەردە ءوز قىزمەت ورنىمدى اۋەلگىدەي تياناق ەتىپ، بۇقارا ءۇشىن يگى ءىس، ناقتى ءىس ىستەپ، اۋىل - قىستاقتى گۇلدەندىرۋگە ءىس جۇزىندىك ارەكەتىممەن كۇش ۇستەيمىن.
دامۋ قارقىنىن تەزدەتىپ، تاعى دا سۇبەلى ناتيجەگە قول جەتكىزەمىز
شي جينپيڭ جولداستى ۇيتقى ەتكەن پارتيا ورتالىق كوميتەتى جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ سىندى جاڭا دامۋ ۇستانىمىن مىزعىماي دايەكتىلەندىرىپ، ەلىمىز دامۋىنىڭ داعدارىس بارىسىندا جاڭا وراي جەتىلدىرۋىن، وزگەرىس بارىسىندا جاڭا جاعداي اشۋىن ىلگەرىلەتتى، ەلىمىز ەكونوميكالىق دامۋدا جاڭا دا كەلەلى تابىستارعا قول جەتكىزىپ، جوعارى ساپالى دامۋ جولىنا قادام باستى.
«كوشباسشى» قويىلعاننان بەرى شينجياڭ مۇناي الابى سەرىكتەستىگى بارلاۋ، اشۋ - زەرتتەۋ ورنىنىڭ ورىنباسار باستىعى، قوسىمشا مۇناي قورىن باعالاۋدى زەرتتەۋ ورنىنىڭ باستىعى چي حۇڭيان قالدىرماي كورىپ كەلەدى. ”«كوشباسشىدا» ’جاڭالىق اشۋ دامۋعا جەتەكشىلىك ەتەتىن ءبىرىنشى قوزعاۋشى كۇش، سونداي - اق جوعارى ساپالى دامۋدى جۇزەگە اسىرۋدا، ءسوزسىز، باسىپ وتەتىن جول‘ دەگەن سوزگە ءبىز جاڭا ءداۋىر مۇنايشىلارى ءدان ريزا بولدىق. بارلاۋ، اشۋ شەبىندەگى عىلمي زەرتتەۋ قىزمەتكەرى رەتىندە، ’مەن وتانىما مۇناي ارنايمىن‘ دەگەن ءسوز ءبىزدىڭ تالپىنىس جاساۋ ارمانىمىز، مەملەكەتتىڭ ەنەرگيا حاۋىپسىزدىگىن قامتاماسىز ەتۋ ءبىزدىڭ بورىشىمىز، جاۋاپكەرشىلىگىمىز. الداعى قىزمەتتە ءبىز جۇرەكتىلىكپەن سايىس جاريالاپ، باتىلدىقپەن وزگەرىس ەنگىزىپ، باتىلدىقپەن جاڭالىق اشىپ، جوعارى ساپالى، ونىمدىلىك جاراتاتىن بارلاۋ، اشۋدى جۇزەگە اسىرۋعا كۇش قوسامىز“، - دەدى چي حۇڭيان.
توعىزتاراۋ اۋدانى ورمان شارۋاشىلىعى جانە جايلىم مەكەمەسى پارتيا باسشىلىق گرۋپپاسىنىڭ شۋجيى ليۋ بين مىنالاردى ءبىلدىردى: «كوشباسشىدا» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جەتەكشىلىگىندە بۇكىل ەلدە جوعارىدان تومەنگە دەيىن جاڭا دامۋ ۇستانىمىن دايەكتىلەندىرۋدە قول جەتكىزگەن وراسان زور تابىستار ايگىلەندى. ول بىلاي دەدى: ”الداعى جەردە ءبىز شي جينپيڭنىڭ ەكولوگيالىق وركەنيەت يدەياسىن ۇزدىكسىز ءتۇبىرلى بويسۇنۋ ولشەمى جانە ارەكەت باعدارناماسى ەتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ساپالى ەكولوگيالىق بايلىققا سۇيەنىپ، تۇتاس الاپتىق ساياحات، جۇڭگوشا ءشوپ دارىلەرى ەگىمشىلىگى، جاسىل ازىق - تۇلىك سياقتى باسىم كاسىپ سالالارىن بار كۇشپەن دامىتىپ، كاسىپ سالاسىن ەكولوگيالاندىرۋدى، ەكولوگيانى كاسىپ سالالاندىرۋدى ىلگەرىلەتىپ، جاسىل ەكولوگيا ارقىلى حالىققا پايدا جەتكىزۋدى، حالىققا تيىمدىلىك جاساۋدى ناقتاپ تياناقتاندىرامىز“.
«كوشباسشىنى» كورگەننەن كەيىن، الاتاۋ جينمۋ بيو عىلىم - تەحنيكا شەكتى سەرىكتەستىگىنىڭ كادرلارى، جۇمىسشى - قىزمەتكەرلەرى قاباعات جەلپىندى. اتاۋلى سەرىكتەستىكتىڭ مانەرلەۋ زاۆودىنىڭ باستىعى فۋ چىن بىلاي دەدى: ”باس شۋجي شي جينپيڭ ورتاعا قويعان ’ءبىر بەلدەۋ، ءبىر جول‘ باستاماسى يگىلىگىنىڭ ارقاسىندا، كاسىپورىن شەكارا وتكەلىنە سۇيەنىپ جىلدام دامىپ، بيىل ساتۋ كىرىسىن 200 نەشە ميلليون يۋانعا جەتكىزدى. ءبىز الدا تىنباي ەرلىكپەن العا باسىپ، شەكارا وتكەلى تاسىمالىنىڭ قولايلى بولۋ باسىمدىعىنان پايدالانىپ، ءتىپتى كوپ ساپالى ونىمدەردى جۇڭگو - ەۆروپا كەزەكشى پويەزىمەن ەۆروپا - ازيا بازارىنا جەتكىزىپ، ونىمدەردىڭ مەملەكەت قاقپاسىنان شىعۋىنا، دۇنيە جۇزىنە بەت الۋىنا مۇمكىندىك جاسايمىز“.
(ءتىلشى ءپاريزات ابدۇل، قاتىناسقان تىلشىلەر جاڭ تيڭ، سۇڭ يا - ۋىن، سۇڭ ۋيگو، ءرايدا، ليۋ ي، جاڭ يۇنمەي، بارشا تەگىس، ەرىكتى تىلشىلەر حۋ جينلياڭ، ليۋ شاۋبين، ۋي چۇن، چىن ۋىنشۋان)
