سايكەسە، بىرلەسە قيمىلداۋ مەحانيزمىن كەمەلدەندىرىپ، ءار كۇنى ورنالاستىرۋ جاساپ، شەشۋدى جەبەدى
رايونىمىز بۇقارانىڭ ىندەتكە قاتىستى قيىنشىلىقتارىن، تالاپ - تىلەكتەرىن ۇزدىكسىز شەشتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 11 - كۇنى ۇرىمجىدەن حابارلايدى. 10 - ايدىڭ 11 - كۇنى رايون، ايماق ەكى دارەجەلى ۇكىمەتتىڭ دەر كەزىندە سايكەستىرىپ شەشۋىمەن، تارباعاتاي ايماعى ءدوربىلجىن اۋداندىق 1 - حالىق شيپاحاناسىنداعى ناۋقاس شيا فىڭرۇڭ كۇيەۋى جىڭ جياڭنىڭ سەرىك بولۋىندا جەدەل جاردەم كولىگىمەن اۆتونوميالى رايوندىق حالىق شيپاحاناسىنا وپەراتسيا جاساتىپ ەمدەلۋگە اتتاندى. وسى كۇنى كەشتە، ۇرىمجىگە كەلە جاتقان جىڭ جياڭ بىلاي دەدى: جەرگىلىكتى ورىنداعى شيپاحانا ۇيقى بەزى وسپەسى وپەراتسياسىن جاساي المايتىندىقتان، مەن نەگىزگى اعىم مەديالارى لەبىز تاقتاسىندا لەبىز قالدىرعاننان كەيىن، تەز ارادا جاۋاپ الىپ، ءوڭىر اتتاپ ەمدەلۋ قيىن بولۋ ماسەلەم دەر كەزىندە شەشىلدى.
اۆتونوميالى رايوندىق حالىق ۇكىمەتى باقىلاۋ - تەكسەرۋ كەڭسەسىنىڭ مەڭگەرۋشىسى تاۋ جيە بىلاي دەدى: اۆتونوميالى رايوندىق حالىق ۇكىمەتى مەن تارباعاتاي ايماقتىق اكىمشىلىك مەكەمەسى سايكەسە، بىرلەسە قيمىلداپ، ناۋقاستى قۇتقارىپ ەمدەيتىن شيپاحانا، جەدەل جاردەم كولىگى، جولداعى قامتاماسىزدىق سياقتىلاردى دەر كەزىندە ويداعىداي ۇشتاستىرىپ، ورنالاستىرۋ جاساپ، ونىڭ ۇرىمجىگە ءساتتى جەتىپ ەمدەلۋىنە مۇمكىندىك جاسادى.
10 - ايدىڭ 11 - كۇنىنەن باستاپ اۆتونوميالى رايوندىق پارتكوم مەن ۇكىمەت ءار كۇنى بەينە ەكراندا ورنالاستىرۋ ءماجىلىسىن اشىپ، قاتىستى ايماق، وبلىس، قالالاردىڭ، اۋدان، قالا، رايونداردىڭ جانە مەكەمەلەردىڭ بۇقارانىڭ قيىنشىلىعىن، تالاپ - تىلەگىن شەشۋىن ارناۋلى سايكەستىردى، قۋزاپ، جەتەكشىلىك ەتتى، اسىرەسە، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىن نەگىزگى تۇلعا ەتكەن بۇكىل رايوننىڭ سايكەسە، بىرلەسە قيمىلداۋ مەحانيزمىنىڭ رولىن ويداعىداي ساۋلەلەندىرىپ، بۇقارانىڭ ءوڭىر اتتاپ، تاراۋ اتتاپ ءبىتىرۋى قاجەت بولعان قيىنشىلىعىن، تالاپ - تىلەكتەرىن بەلسەنە كومەكتەسىپ شەشتى.
وسى رەت ىندەت تۋىلعاننان بەرى، اۆتونوميالى رايوندىق پارتكوم مەن ۇكىمەت بۇقاراعا قىزمەت وتەۋدى قامتاماسىز ەتۋ قىزمەتىن جاقسى ىستەۋگە باستان - اياق ايرىقشا ءمان بەرىپ، ءار ۇلت بۇقاراسىنىڭ قيىنشىلىعىن، تالاپ - تىلەگىن دەر كەزىندە جوعارى ونىمدىلىكپەن شەشۋدى ىندەتتەن ساقتانۋ - تىزگىندەۋ قىزمەتىندەگى ەڭ ماڭىزدى قىزمەت رەتىندە قارادى. اۆتونوميالى رايوننىڭ پارتيا، ۇكىمەت نەگىزگى باسشىلارى وسى قىزمەت جونىندە تالاي رەت ورنالاستىرۋ جاساپ، ايقىن تالاپتار قويدى.
بۇكىل رايون حالىق سايتىنىڭ باسشىلار لەبىز تاقتاسى، اۆتونوميالى رايوننىڭ 12345 ۇكىمەت ىستەرىنەن قىزمەت وتەۋ حالىققا قولايلى ىستىق لەنياسى، ينتەرنەتتەگى ارىز - ارمان، ”ينتەرنەت + قۋزاۋ - تەكسەرۋ“، انار بۇلت 12345 ۇكىمەت ىستەرىنەن كەڭەس سۇراۋ لەبىز تاقتاسى سياقتى تۇعىرلاردى ءبىر تۇتاس جوسپارلاپ، ءبىر تۇتاس جوسپارلاپ بىرلەسە قيمىلداپ جۇمىس ىستەۋ مەحانيزمىن ورناتىپ، جۇمىستىڭ ءبىتىرىلۋىن قاداعالاۋ، سوڭىنا ءتۇسىپ ءبىتىرۋ، ءبىتىرىلۋىن باقىلاۋ سەرپىنىن كۇشەيتىپ، بۇقارانىڭ قيىنشىلىعىن، تالاپ - تىلەگىن كۇش سالا شەشتى؛ ءارقايسى ايماق، وبلىس، قالا دەرلىكتەي نەگىزگى باسشى جولداستار باستاماشى بولعان بۇقارانىڭ ىندەتكە قاتىستى قيىنشىلىعىن، تالاپ - تىلەگىن شەشۋ قىزمەتى باسشىلىق گرۋپپاسىن قۇرىپ، ”تەز اينالىم جاساۋ، تەز ءبىتىرۋ، تەز جاۋاپ قايتارۋ“ پرينسيبى بويىنشا، تاپسىرىپ العان زامان ءبىتىرىپ، ىندەتكە قاتىستى ادەتتەگى قيىنشىلىقتاردى، تالاپ - تىلەكتەردى 24 ساعات ىشىندە شەشۋ، اڭىس قايتارۋ، ەرەكشە شۇعىل تالاپ - تىلەكتەردى 6 ساعات ىشىندە شەشىپ، اڭىس قايتارۋدىڭ قاتىستى تالاپتارىن قاتاڭ تياناقتاندىرىپ، بۇقارانى قيىنشىلىق قىسپاعىنان قۇتىلدىرۋعا بار كۇشپەن قۇلشىندى.
”ينتەرنەت + قۋزاۋ - تەكسەرۋ“ تۇعىرىن مىسالعا الساق، 8 - ايدىڭ 10 - كۇنىنەن 10 - ايدىڭ 10 - كۇنىنە دەيىن بۇل تۇعىر رايونىمىزدىڭ ىندەتتەن ساقتانۋ - تىزگىندەۋ تۇرىندەگى ماسەلەلەرگە قاتىستى جيىنى 13 مىڭ 214 دەرەك جينادى، مۇنىڭ 12 مىڭ 386سى ءبىتىرىلدى، قالعاندارى دەرلىك ءبىتىرىلۋ شەكتى مەرزىمى ىشىندە، جەدەل سوڭىنا ءتۇسىپ شەشىلۋدە.
قازىر بۇكىل رايونىمىزداعى ىندەتتەن ساقتانۋ - تىزگىندەۋ ءتۇيىندى وڭىرلەرىندەگى بۇقارانىڭ قيىنشىلىعىنان، تالاپ - تىلەگىنەن قاراعاندا، شيپاحاناعا بارىپ اۋرۋ كورسەتۋ، زاتپەن قامداۋ، وقۋعا بارۋ ءۇشىن جولعا شىعۋ، اۋىل شارۋاشىلىعى ونىمدەرىن جيناۋ جانە ساتۋ، كەيبىر بۇقارانىڭ تۇرمىستىق قيىنشىلىعى سياقتى ماسەلەلەر سالىستىرمالى تۇردە ءبىرشاما شوعىرلى بولعان. جەر - جەر بايلىق كۇشىن جەدەل رەتتەپ، سايكەسە، بىرلەسە قيمىلداپ شەشۋ سەرپىنىن كۇشەيتىپ، ”قابىلداۋ − ءبىتىرۋ − جاۋاپ قايتارۋ − قايتالاي جاعداي ۇعىسۋ“ جابىق اينالىم قىزمەت ءتارتىبى بويىنشا، شاپشاڭ، جوعارى ونىمدىلىكپەن جاۋاپ بەرۋدە جانە ءبىر جايلى ەتۋدە.
قۇلجا قالالىق پارتكومنىڭ ورىنباسار شۋجيى، قالا باستىعى حاميت اكىم بىلاي دەدى: جەرگىلىكتى ورىنداعى وقۋشىلاردىڭ مەكتەپكە قايتىپ وقۋعا بارۋداعى قيىنشىلىعىنا مەڭزەس، وقۋشىلاردىڭ ينتەرنەتتە وقۋ سياقتى ۇيرەنۋ جانە تۇرمىستىق قاجەتىن بەلسەنە قامتاماسىز ەتۋمەن بىرگە، وقۋشىلار مەن اتا - انالارعا ءتۇسىندىرۋ، ولاردى جۇباتۋ سياقتى قىزمەتتەردى دە سابىرلىلىقپەن، ەگجەي - تەگجەيلى جاقسى ىستەيمىز.
تۇرپان قالاسى گاۋچاڭ رايوندىق پارتكومنىڭ ورىنباسار شۋجيى، ۋاقىتشا رايون باستىعى پارحات توحتايم بىلاي دەدى: كۇش سالا ارنا اشىپ، شينجياڭ ىشىندە ساتۋ، باعىتتامالى ساتىپ الۋ سياقتى كوپ ءتۇرلى ءتاسىل ارقىلى 20 نەشە مىڭ توننا قۇمىل قاۋىنىن ساتۋ قىزمەتىن ويداعىداي ىستەۋدەمىز.
”ءبىز قاشاندا بۇقارانىڭ حال - جايىن جادىمىزدان شىعارماي، بۇقارانىڭ ەمدەلۋىنە قىزمەت وتەۋ، قاتىناس ءجۇرىس - تۇرىسى، زاتپەن قامتاماسىز ەتۋ، اۋىل شارۋاشىلىعى ءوندىرىسى سياقتى ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ءار ۇلت بۇقاراسىنا وزگەرىستى كورسەتۋگە قۇلشىنىپ، ۇزدىكسىز سەنىمدى كۇشەيتىپ، جۇرەككە مەيىر سيلاپ، جۇرت تىلەگىن توعىستىرىپ، ىندەتكە بىرگە قارسى اتتانۋدىڭ قۋاتتى بىرىككەن كۇشىن ۇيىستىرامىز“، - دەدى تاۋ جيە.
