تيانشان تورى
تيانشان تورى   ›   ۇيرەنۋ   ›   شولۋ

بۇقارانىڭ ىندەتكە قاتىستى قيىنشىلىقتارىن پارمەندى، ءونىمدى شەشەيىك

□ يۋە يانيۇن

  فينانس ارقىلى قيىنشىلىقتان ارىلتۋ ساياساتى جونىندەگى 9 سۇراۋ - جاۋاپتى جاريالادى، جەكە ساۋدا - ونەركاسىپشىلەر، شاعىن، ۇساق كاسىپورىندار، جەكەلەر قاتارلىلاردىڭ قارىز قايتارۋ قىسىمىن جەڭىلدەتتى؛ كادرلاردى، ەرىكتىلەردى شارۋالاردىڭ اۋىل شارۋاشىلىعى ونىمدەرىن جيناۋىنا، ساتۋىنا كومەكتەسۋگە ۇيىمداستىردى؛ قيىنشىلىعى بار بۇقاراعا كومەكتەسۋ - سۇيەمەلدەۋ، قۇتقارۋ - كومەك بەرۋ تەبىنىن كۇشەيتتى... وسى رەتكى ىندەت تۋىلعاننان بەرى، بۇكىل رايوننىڭ جەر - جەرىندەگى قاتىستى ورىندار سايكەسىپ - سەلبەسىپ، بار كۇشپەن اتتانىپ، بۇقارانىڭ ەمدەلۋ، وقۋعا ءتۇسۋ، كىرىس، ءۇي جالاقىسى، اۋىل شارۋاشىلىعى ونىمدەرىن ساتىپ الۋ - ساتۋ قاتارلى ءبىر قىدىرۋ شۇعىل، قيىن، ۋايىمداعان، ءزارۋ ماسەلەلەرىن شەشىپ، ىندەتتەن ساقتانۋ - تىزگىندەۋدە جۇرت تىلەگىن ۇيىستىرىپ، سەنىم ۇستەدى.

     قازىر ىندەت سوزىلا ءتۇستى، ىندەتتىڭ قايتا بەلەڭ بەرۋى كورنەكتى، كەيبىر بۇقارانىڭ ءوندىرىس، تۇرمىسىندا ءدوپ كەلگەن قيىنشىلىقتارى اناعۇرلىم كورنەكتى بولا تۇسۋدە، ولاردىڭ زاتتىق، رۋحاني، كوڭىل كۇي جاقتان تۇسكەن قىسىمى بارعان سايىن ارتىپ، ساقتانۋ - تىزگىندەۋ جاعدايى ايرىقشا قيىن دا كۇردەلى بولۋدا. وسىنداي ەڭ ماشاقاتتى كەزدە ءار دارەجەلى كادرلاردىڭ بۇقارامەن ۇندەسىپ، بۇقارانىڭ ىندەتكە ساياتىن قيىنشىلىقتارىن پارمەندى، ءونىمدى شەشىپ، مىزعىماي حالىق تۇرمىسىن تومەنگى شەكتەن تۇسىرمەۋى اناعۇرلىم قاجەتتى بولىپ وتىر.

  ىندەتكە قارسى اتتانۋدىڭ سان قيلى ىستەرى، تۇپتەپ كەلگەندە، سان مىڭداعان وتباسىنىڭ ءىسى سانالادى. بۇقارانىڭ كەشەۋىلدەتۋگە كەلمەيتىن ىستەرىن شەشكەندە عانا، بۇقارا ىندەتكە الاڭسىز قارسى اتتاناتىن بولادى. وسى رەتكى ىندەتتە كەڭ تارالعان وميكرون 2. 5. BA وزگەرگەن شتاممىنىڭ جۇعىمدالعىشتىعى كۇشتى، جاسىرىن كەزەڭى قىسقا، تارالۋ قارقىنى تەز، ەرەكشە اككى، تەك ساقتانا العاندا عانا، جەڭىسكە جەتە الامىز. سونداي - اق تەك بۇقارا بار كۇشپەن سايكەسكەندە عانا، پارتيالى كادرلار اناعۇرلىم كوپ قاجىر - قايراتپەن ىندەتتەن ساقتانۋ - تىزگىندەۋدىڭ الدىڭعى شەبىنە ات سالىسىپ، اككى ۆيرۋسپەن كۇرەس جاساي الادى.

  وسى رەتكى ىندەت تۋىلعاننان كەيىن، رايونىمىزداعى ءار ۇلت بۇقاراسى ءجون - جوسىقتى ءبىلىپ، ۇلكەن قاعيدانى ۇعىنىپ، كەلەلى جاعدايمەن ساناسىپ، بەرىك تۇردە اۆتونوميالى رايوندىق پارتكوممەن، ۇكىمەتپەن بىرگە بولىپ، ىندەتتەن ساقتانۋ - تىزگىندەۋدى جاقسى ىستەۋگە مىعىم سەنىم قوستى. مۇنداي سەنىمگە قارىمجى قايتارۋدىڭ ەڭ جاقسى ءادىسى − بۇقارانىڭ كەزەكتەگى ىندەتكە ساياتىن قيىنشىلىقتارىن كۇش سالا شەشىپ، بۇقارانىڭ تالاپ - تىلەگىن، اڭىسىن بىتىرەتىن مەحانيزمدى ۇزدىكسىز اقاۋسىزداندىرىپ، قيىنشىلىعى بار بۇقارانىڭ نەگىزگى تۇرمىسىن شىن مانىندە ويداعىداي قامتاماسىز ەتىپ، قيىنشىلىقتان ارىلتۋدىڭ اناعۇرلىم كوپ مەيىرلى، پارمەندى شارالارىن اتقارۋ... ساياساتتىق جىلى لەپتىڭ ۇزدىكسىز شىعارىلۋىنا ىلەسە، ىندەتتەن ساقتانۋ - تىزگىندەۋدە، ءسوز جوق، ەڭ ۇلكەن كولەمدە بۇقارانىڭ تۇسىنۋىنە، قولداۋىنا جانە سايكەسۋىنە قول جەتكىزىپ، الىنباس قۇرىش قورعان قالاناتىن بولادى.

  كومەكتەسۋ - سۇيەمەلدەۋ تەبىنىن ارتتىرىپ، بۇقارانىڭ شۇعىل، ءزارۋ ىستەرىنە جاقسى اڭىس قايتارىپ، تالاپ - تىلەگىن جاقسى شەشكەندە، ىندەتكە قارسى اتتانۋ كۇش - قۋات قاينارىنا، جەڭىسكە جەتۋ نەگىزىنە يە بولۋعا بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.