ىلە قازاق اۆتونوميالى وبلىسى:
قيىنشىلىعى بار بۇقارانىڭ تۇرمىسىن بار كۇشپەن قامتاماسىز ەتتى
□ انار بۇلت \ شينجياڭ گازەتىنىڭ ءتىلشىسى بارشا تەگىس
10 - ايدىڭ 1 - كۇنى، ىلە قازاق اۆتونوميالى وبلىسى قۇلجا قالاسى توعىراق اۋىلى توعىراق قىستاعىنىڭ تۇرعىنى قۇربانجان سەيداحىمەت ءبىر توننا ”مەيىر جەتكىزۋ كومىرىن“ تاپسىرىپ الدى، ”پارتيا مەن ۇكىمەت سونشالىق جان - جاقتى ويلاستىرىپتى، بىزدە نە كەم بولسا، سونى جەتكىزىپ بەردى“، - دەدى ول اسەرلەنە.
قالا، اۋىلدارداعى ەڭ تومەنگى تۇرمىسى قامتاماسىزداندىرىلاتىن وتباسىلاردىڭ قىستان جىلى وتۋىنە شىنايى كەپىلدىك ەتۋ ءۇشىن، ءارقايسى اۋىل - قالاشىق (ءمالى) تەكسەرىپ اداقتاعاننان كەيىن، قۇلجا قالاسى جاتاعان ۇيدە تۇراتىن ەڭ تومەنگى تۇرمىسى قامتاماسىزداندىرىلاتىن 8683 وتباسىنا ءبىر توننالىق ولشەممەن (345 يۋان) 8683 توننا ”مەيىر جەتكىزۋ“ كومىرىن تاراتتى، قالعان 6585 وتباسىنىڭ اربىرىنە 345 يۋاننان جىلىنۋ قوسىمشا قاراجاتىن تاراتتى، جيىنى 5 ميلليون 267 مىڭ 460 يۋان بولدى.
ىندەت تۋىلعاننان كەيىن، ىلە وبلىسىنداعى ءار دارەجەلى حالىق ىستەرى تاراۋلارى شۇعىل جاعدايعا توتەپ بەرۋ بويىنشا دەرەۋ اتتانىسقا كەلىپ، قيىنشىلىعى بار بۇقارانى قۇتقارۋ - كومەكتەسۋ، قامتاماسىز ەتۋ تەبىنىن ارتتىرىپ، ەڭ تومەنگى تۇرمىسى قامتاماسىز ەتىلەتىن، ەرەكشە قيىنشىلىعى بار، جەتىم - جەسىر سياقتى قاۋىمنىڭ جانە قيىنشىلىققا ۇشىراپ، بوگەلىپ قالعانداردىڭ نەگىزگى تۇرمىسىن ءونىمدى قامتاماسىز ەتتى. قۇلجا قالاسى قوعامدىق قۇتقارۋدىڭ ”تومەنگى شەكتەن تۇسىرمەۋ، شۇعىل جاعدايدان، قيىندىقتان قۇتقارۋ“ رولىن تولىق ساۋلەلەندىرىپ، ”قۇتقارۋعا تيىستىلەرىن، ءسوز جوق، قۇتقارۋدى، كومەكتەسۋگە تيىستىلەرىنە مۇمكىندىكتىڭ بارىنشا كومەكتەسۋدى“ كۇش سالا ورىنداپ، ەرەكشە قيىنشىلىعى بار بۇقارانىڭ نەگىزگى تۇرمىسىن شىنايى قامتاماسىز ەتتى. ءارقايسى اۋىل - قالاشىق (ءمالى)، قىستاق (الەۋمەتتىك اۋماق) جەرگىلىكتى نوپوستاعى ەڭ تومەنگى تۇرمىسىن قامتاماسىزداندىرۋعا جاتپايتىن، جۇمىس ىستەۋگە شاراسىز ادامداردان، سىرت نوپوستاعى ەڭ تومەنگى تۇرمىسىن قامتاماسىزداندىرۋعا جاتپايتىن، قيىنشىلىققا ۇشىراپ، بوگەلىپ قالعان جۇمىسكەرلەردەن، تومەن كىرىستى حالىقتان جالپى 32 مىڭ 512 وتباسىنان 93 مىڭ 514 ادامدى دالمە - ءدال سارالاپ شىعىپ، ءار وتباسىنا ورتا ەسەپپەن 300 يۋاندىق ولشەم بويىنشا، ىندەت كەزىندە قيىنشىلىعى بارلارعا كومەك قاراجات تاراتتى.
ىلە وبلىسىنىڭ اۋدان، قالالارى جەكە ادامدىق قامتاماسىزداندىرۋ، ەڭ تومەنگى تۇرمىستى قامتاماسىزداندىرۋدان بىرتىندەپ شەگەرۋ سياقتى سۇيەمەلدەۋ ساياساتىن مۇقيات تياناقتاندىرىپ، جۇمىس ءتارتىبىن قاراپايىمداستىرىپ، شارتقا ۇيلەسەتىن 499 وتباسىنداعى 642 قيىنشىلىعى بار ادامدى ەڭ تومەنگى تۇرمىستى قامتاماسىزداندىرۋ كولەمىنە دەر كەزىندە ەنگىزىپ، 5 وتباسىنداعى 5 ادامدى ەرەكشە قيىنشىلىعى بارلاردى باعىپ - قاعۋ كولەمىنە الدى. ىندەت تۋىلعاننان بەرى، ىلە وبلىسىنا توتە قاراستى ورىندار ءتۇرلى قيىنشىلىعى بار بۇقاراعا جالپى 211 ميلليون يۋان قۇتقارۋ، كومەك قاراجات تاراتىپ، ەڭ تومەنگى تۇرمىسى قامتاماسىزداندىرلاتىن، ەرەكشە قيىنشىلىعى بار، جەتىم بالالار سياقتى قيىنشىلىعى بار 180 مىڭ ادامعا (رەت) جۋىق بۇقارانى يگىلىككە كەنەلتىپ، ىندەت كەزىندە قيىنشىلىعى بار بۇقارانىڭ نەگىزگى تۇرمىسىن ءونىمدى قامتاماسىز ەتتى. سونىمەن بىرگە، ىلە وبلىسى ”قارتتار مەن بالالارعا“ قامقورلىق جاساۋ قىزمەتىنە ايرىقشا ءمان بەرىپ، ەرەكشە قيىنشىلىعى بار باعىپ - قاعىلاتىن ادامداردى، جەتىم بالالاردى باعىپ - قاعۋدى، كۇتىمدەۋدى جانە تۇرمىسىن قامتاماسىز ەتۋدى ۇزدىكسىز جاقسى ىستەدى، حالىق ىستەرى يگىلىك قۇرىلىمدارىندا شوعىرلى باعىپ - قاعىلاتىن قىزمەت وتەۋ وبيەكتىلەرىنىڭ نەگىزگى تۇرمىسىن ءارقايسى يگىلىك قۇرىلىمدارى بار كۇشپەن قامتاماسىز ەتتى؛ حالىق ىستەرى يگىلىك قۇرىلىمىنان تىسقارعى جەرلەردە باعىپ - قاعىلاتىن ەرەكشە قيىنشىلىعى بارلار مەن جەتىم بالالارعا قۇرىلىم سىرتىندا قارايلاسۋ، كۇتىمدەۋ كەلىسىمىن جاساسىپ، كوتەرمەگە الىپ بىرلەسىپ كومەكتەسۋ - سۇيەمەلدەۋ، ۋاقىتشا قۇتقارۋ - كومەك بەرۋ، ءار كۇنى دەنساۋلىعىن قاداعالاۋ، ارناۋلى ادام تاماق جەتكىزۋ، ءتۇيىندى تۇردە قارايلاسۋ سياقتى شارالاردى قولدانىپ، قارايلاسىپ، قۇتقارۋ، كومەكتەسۋ - سۇيەمەلدەۋمەن جاپپاي قامتۋعا شىنايى كەپىلدىك ەتتى.
