□ شۇي چيڭگۋاڭ
”تابىسقا جەتۋگە ءبىر قادام قالعاندا، ەگەر دە تاستاپ قوياتىن بولساق تابىسقا جەتكەندىك ەسەپتەلمەيدى“. ىندەتتەن ساقتانۋ - تىزگىندەۋ جاعدايى قانشا كۇردەلى دە قاتاڭ بولعان سايىن، تاباندىلىقتى، توزىمدىلىكتى سونشا سىنايدى، ءتىپتى دە ءبىر نيەتپەن ىنتىماقتاسىپ، سوڭىنا دەيىن تاباندىلىق كورسەتۋدى قاجەت ەتەدى. تاباندىلىق دەگەنىمىز جەڭىس، تاباندىلىق كورسەتكەندە عانا جەڭىسكە جەتۋگە بولادى، تاباندىلىق قالايدا جەڭىس اكەلەدى.
وسى رەتكى ىندەت شينجياڭ تاريحىنداعى تارالۋ قارقىنى ەڭ تەز، شارپىعان كولەمى ەڭ كەڭ، جۇعىمدالعان ادام سانى ەڭ كوپ، ساقتانۋ - تىزگىندەۋ قيىندىعى ەڭ زور توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى بولدى. ىندەت تۋىلعاننان كەيىن اۋرۋدىڭ الدىن الۋ، تىزگىندەۋ، ەمدەۋ، الەۋمەتتىك اۋماق سياقتى الدىڭعى شەپتەگى قىزمەتكەرلەر جان قيارلىقپەن بورىش ارقالاپ، شىنايى سۇيىسپەنشىلىكتەرىمەن بۇقارانى قورعاپ، قايىسپاي دەنساۋلىق پەن كوڭىل كۇيدىڭ جوعارعى شەگىنە ءتوزىپ، دەنەلەرىمەن تۇتاس قوعامعا ”قورعانىس داۋالىن“ سالدى؛ ءار ۇلت بۇقاراسى بارىنشا سايكەسىپ، بار كۇشپەن قولداۋ كورسەتىپ، ءتۇرلى امالدارمەن تۇرمىس پەن قىزمەت قيىنشىلىعىن جەڭىپ، ءبىر - بىرلەگەن ”بولماشى ارەكەتتەرى“ ارقىلى ”ءىرى قورعانىس شەبىن“ سالدى. مىنە بۇل ءبىزدىڭ بۇگىنگى كۇنگە دەيىن تاباندىلىق كورسەتۋىمىزدىڭ كۇش - قۋات قاينارىمىز، ۆيرۋستى، ءسوز جوق، جەڭەتىن ءارى ۆيرۋستان جەڭىلمەيتىن نەگىزىمىز.
كەزەكتە شينجياڭنىڭ ىندەتتەن ساقتانۋ - تىزگىندەۋى ءالى دە قامال الۋ كەزەڭىندە تۇر، ىندەت جالعاسقان ۋاقىت ءبىرشاما ۇزاق بولعاندىقتان، ءبىز كوپتەگەن ماسەلەگە، سىن - سايىسقا ءدوپ كەلىپ وتىرمىز، الايدا بۇل ”ەركىنە قويا بەرۋدىڭ“ سىلتاۋى بولا المايدى، قايتا، ءسوز جوق، قامال الۋدىڭ ”شوقىسى“، ”قامالى“ بولۋ كەرەك. مىنانى ءبىلۋىمىز كەرەك: شينجياڭ سىندى ەمدەۋ بايلىعىنىڭ شارت - جاعدايى، الەۋمەتتىك دەنساۋلىق ساقتاۋدىڭ الدىن الۋ - تىزگىندەۋ جۇيەسى سياقتىلار سالىستىرمالى تۇردە كەنجە رايون ءۇشىن ايتقاندا، الدا - جالدا ىندەتتەن ساقتانۋ - تىزگىندەۋدى بوساڭسىتاتىن بولساق، ءسوز جوق، قىسقا ۋاقىت ىشىندە قىرۋار ادام جۇعىمدالىپ، ەمدەۋ بايلىعىنا قىسىم ءتۇسىرىپ، قالىپتى ەمدەۋگە قىزمەت وتەۋ قاجەتى شەشىم تاپپاي، قاتەرلى اينالىم قالىپتاستىرادى. ەگەر بۇقارانىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعى دا قامتاماسىز ەتىلمەسە، ەكونوميكالىق، قوعامدىق دامۋ قانشا جاقسى، قانشا تەز بولسا دا ەشقانداي ءمانى جوق. ونىڭ ۇستىنە ەگەر ىندەت تىزگىندەلمەي، بارلىق جەردە ءورشيتىن بولسا، ەكونوميكانىڭ، قوعامنىڭ دامۋى ىقپالعا ۇشىراماۋى مۇمكىن ەمەس.
تاباندىلىق كورسەتۋ ايرىقشا ماشاقاتتى بوداۋ بەرۋدى، بار كۇشتى سارقا جۇمساپ تاپجىلماۋدى، كوڭىل كۇي، پسيحيكالىق جاقتان سابىرلى بولۋدى كورسەتەدى، ءسوز جوق، بۇلجىماستان پارتيا مەن ۇكىمەتپەن بىرگە بولۋدى كورسەتەدى، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، قيىن وتكەلدەن بىرگە ءوتۋدى كورسەتەدى. جاسىرارى جوق، ىندەتتەن ساقتانۋ - تىزگىندەۋ قىزمەتى ءار ۇلت بۇقاراسىنىڭ قالىپتى ءوندىرىسى مەن تۇرمىسىنا كوپتەگەن قولايسىزدىقتار اكەلدى، الايدا ۇزاق بولاشاقتان الىپ قاراعاندا، ءبىر مەزەتتىك قولايسىزدىق اناعۇرلىم باياندى قولايلىلىق ءۇشىن، ءىشىنارا بەرىك ساقتاۋ تۇتاس ەكونوميكالىق، قوعامدىق ۇلكەن جۇيەنىڭ قالىپتى اينالىمى ءۇشىن. شينجياڭداعى ءار ۇلت بۇقاراسى جالپى تۇلعانى اڭعارا ءبىلىپ، ۇلكەن قاعيدانى ۇعىنىپ، كەلەلى جاعدايمەن ساناسىپ، ىندەتكە قارسى اتتانۋدىڭ ۇلكەن ەسەبىن، جالپى ەسەبىن، ۇزاق بولاشاقتىق ەسەبىن ويداعىداي جاساپ، يكەمدى نولگە ءتۇسىرۋ جالپىلىق قوعامدىق قۇنى ەڭ تومەن ىندەتكە قارسى تۇرۋ تاكتيكاسى ەكەندىگىن تانىپ جەتۋى كەرەك.
”بەيعامدىققا سالىنۋدا“ شىعار جول جوق، تاباندىلىق دەگەنىمىز جەڭىس. كەدەيلىكپەن شايقاس سياقتى سىناقتاردىڭ سىنىنان وتكەن شينجياڭداعى ءار ۇلت كادر - بۇقاراسى ىندەتكە قارسى اتتانۋ جولىندا دا العان بەتىنەن قايتپايدى. ىندەتكە قارسى اتتانۋ ۇلى رۋحىن ساۋلەلەندىرىپ، ستراتەگيالىق تاباندىلىقتى ساقتاپ، ءسوز جوق، جەڭىسكە جەتۋ سەنىمىن بەكەمدەپ، عىلمي، دالمە - ءدال بولۋعا، يكەمدى نولگە تۇسىرۋگە تاباندى بولىپ، شارالاردى ناقتى تياناقتاندىرىپ، ساڭلاۋلاردى باتىل بىتەپ، حاۋىپ - قاتەردى ەڭ تومەنگى شەككە تۇسىرسەك، ءبىز وسى جولعى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە، ءسوز جوق، قول جەتكىزەتىن بولامىز.
