داڭقتى بورىش ارقالاپ، قاسيەتتى مىندەتىن ورىنداۋ
شينجياڭنان پارتيا 20 - قۇرىلتايىنا قاتىناساتىن ۋاكىلدەر بەيجيڭگە جەتتى
10 - ايدىڭ 13 - كۇنى شينجياڭنان پارتيانىڭ 20 - قۇرىلتايىنا قاتىناساتىن ۋاكىلدەر بەيجيڭگە جەتتى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ليۋ شياڭ 10 - ايدىڭ 13 - كۇنى بەيجيڭنەن حابارلايدى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن شينجياڭ ۋاكىلدەر ۇيىرمەسى 10 - ايدىڭ 13 - كۇنى بەيجيڭگە جەتىپ، قۇرىلتايعا تىزىمدەلدى.
”پارتيا 20 - قۇرىلتايى بولاشاق 5 جىلداعى، ءتىپتى، ونان دا ۇزاعىراق مەزگىلدەگى پارتيا مەن مەملەكەت ىستەرى دامۋىنىڭ نىساناسىن، مىندەتىن جانە كەلەلى باعىتىن عىلمي جوسپارلايدى“. ۋاكىل جاۋ ۋىنچۋان مىنالاردى ءبىلدىردى: ءسوزسىز، زەيىن - زەردە مەن كۇش - قۋاتتى پارتيا 20 - قۇرىلتايىن ويداعىداي اشۋعا شوعىرلاندىرىپ، ءار ۇلت ۋاكىلدەرىمەن بىرگە سەنىمدى بەكەمدەپ، اسقاق جىگەرمەن قايراتتانا العا ۇمتىلىپ، جاڭا داۋىردەگى جاڭا جورىقتا جۇڭگوشا سوتسياليزمگە تاباندى بولۋ جانە ونى دامىتۋ، جاپپاي سوتسياليستىك وسىزاماندانعان مەملەكەت قۇرۋ ءۇشىن كۇش - قۋاتىمدى ارنايمىن.
پارتيا 20 - قۇرىلتايىنىڭ ۋاكىلى بولىپ سايلانعان ۋاكىل لي ۋىنجۋان بورىشتىڭ داڭقتى، جاۋاپكەرشىلىگىنىڭ اۋىر ەكەندىگىن تەرەڭ سەزىندى. ”ۇيىم جانە جولداستار ماعان سەنىم ارتىپ وتىر، مەن پارتيا قۇرىلتايىنىڭ ۋاكىلىندىك بورىشىمدى شىن مانىندە ويداعىداي ورىنداپ، شينجياڭداعى پارتيا مۇشەلەرىنىڭ تاماشا رۋحاني بەت - بەينەسىن تولىق ايگىلەيمىن“. ول مىنالاردى ءبىلدىردى: جاڭا داۋىردەگى پارتيانىڭ شينجياڭدى جاپپاي جونگە سالۋ جالپى جوباسىنىڭ جەتەكشىلىگىندە، شينجياڭ بۇكىل مەملەكەتپەن بىرگە وزگەشە 10 جىلدى باسىپ ءوتتى، ءبىز، ءسوزسىز، كەرەمەت شينجياڭنىڭ حيكايالارىن جاقسى اڭگىمەلەپ، پارتيا 20 - قۇرىلتايىن ويداعىداي اشۋعا ءتىپتى دە مول اقىل - پاراساتىمىز بەن كۇش - قۋاتىمىزدى ارنايمىز.
ۋاكىلدەر بەيجيڭگە اتتاناردان بۇرىن تولىق دايىندىق كوردى، نەگىزگى ساتىعا ىشكەرىلەي بارىپ تەكسەرۋ - زەرتتەۋ جۇرگىزىپ، پارتيا مۇشەلەرى مەن بۇقارانىڭ پىكىرىن، ۇسىنىستارىن كەڭ كولەمدە جيناپ، بۇكىل شينجياڭداعى قالىڭ پارتيا مۇشەلەرىنىڭ، كادرلاردىڭ جانە ءار ۇلت بۇقاراسىنىڭ پارتيا 20 - قۇرىلتايىنا دەگەن شىن جۇرەكتەن شىققان تىلەۋى مەن ىقىلاستى تىلەگىن الا كەلدى. ۋاكىل ءراھيما اۋۇت بىلاي دەدى: ”مەن وسى داڭقتى قىزمەتىمنىڭ قۇدىرەتتى قوزعاۋشى كۇشىنە اينالدىرىپ، نەگىزگى ساتىداعى بۇقارانىڭ باس شۋجي شي جينپيڭگە، پارتيا ورتالىق كوميتەتىنە العىس ايتقان جۇرەك ءۇنىن قۇرىلتايعا الا بارامىن، قۇرىلتاي رۋحىن تەرەڭ ءتۇسىنىپ، وقۋ - اعارتۋ قىزمەتىنە ونان ارى كوڭىل قويا، سۇيىسپەنشىلىكپەن ارالاسىپ، مەملەكەت ءۇشىن اناعۇرلىم كوپ تىرەكتى دارىندىلاردى تاربيەلەيمىن“.
بەيجيڭگە جەتكەن ۋاكىلدەردىڭ قادامدارى ەكپىندى، كوكىرەكتەرى سەنىمگە تولى بولدى، قىزۋ پىكىر الماستىرۋ ارقىلى قاسيەتتى داڭقتى قاستەرلەۋ، ماڭىزدى تاپسىرمانىڭ ۇمىتىنەن شىعۋ ءۇشىن مىندەتىن اتقارىپ، جاۋاپكەرشىلىگىن ادا ەتۋدىڭ وسكەلەڭ ورتاق تانىمىن ۇيىستىردى. كوپشىلىك مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مىندەتتى مۇقيات وتەپ، قۇرىلتايدىڭ ءتۇرلى مىندەتتەرىن ءساتتى ورىنداپ، شىندىققا جۇگىنىپ، ىسكەرلىك كورسەتىپ، شىنايى يگەرىپ، ناقتى ىستەپ، ءار قادامدى نىق باسىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ ءۇشىن كەسكىندەگەن ۇلى جوسپارىن تاماشا رەالدىققا اينالدىرامىز.
شينجياڭ ۋاكىلدەر ۇيىرمەسىندە جيىنى 43 ۋاكىل بار، حانزۋ، ۇيعۇر، قازاق، موڭعۇل، حۇيزۋ، قىرعىز، تاجىك، سىبە قاتارلى 8 ۇلتتان قۇرالعان، از ۇلت ۋاكىلدەرى ％44تى يەلەيدى. ۋاكىلدەردىڭ اراسىندا رايون، ايماق، اۋدان، اۋىل، قىستاق پارتيا ۇيىمدارىنداعى جاۋاپتى جولداستار دا، ونەركاسىپ، اۋىل شارۋاشىلىعى، قازىنا - ساۋدا، عىلىم - تەحنيكا، وقۋ - اعارتۋ، ۇگىت، مادەنيەت، دەنساۋلىق ساقتاۋ سياقتى ءوندىرىس پەن قىزمەتتىڭ الدىڭعى شەبىندە جۇرگەن پارتيا مۇشەلەرى دە بار، ولار شينجياڭداعى ءار ۇلت پارتيا مۇشەلەرىنىڭ اراسىنداعى ۇزدىك ۋاكىلدەر.
