انار بۇلت \ شينجياڭ گازەتىنىڭ ءتىلشىسى سۋ لۋپيڭ 10 - ايدىڭ 13 - كۇنى ۇرىمجىدەن حابارلايدى. 10 - ايدىڭ 13 - كۇنى ءتىلشىنىڭ ءۇرىمجى قالالىق 120 شۇعىل قۇتقارۋ ورتالىعىنان ۇعىسۋىنشا، اۆتونوميالى رايوندىق دەنساۋلىق ساقتاۋ، سالاماتتىق كوميتەتى ءارقايسى ايماقتىڭ (وبلىس، قالا) ەمدەۋ بايلىعىن ءبىر تۇتاس جوسپارلاپ، 45 شۇعىل قۇتقارۋ اۆتوكولىگىن شىعارىپ ءۇرىمجى قالاسىنا كومەككە بەرىپ، شۇعىل قۇتقارۋ تاسىمال قابىلەتى جەتكىلىكسىز بولۋ ماسەلەسىن باسەڭدەتىپ، ناۋقاستاردىڭ كۇتىپ تۇرۋ ۋاقىتىن مۇمكىندىكتىڭ بارىنشا ازايتىپ، قۇتقارۋ، ەمدەۋ ونىمدىلىگىن جوعارىلاتتى. ءارقايسى ايماقتىڭ (وبلىس، قالا) جەدەل قۇتقارۋ اۆتوكولىگى 10 - ايدىڭ 13 - كۇنى ءۇرىمجى قالاسىنا جەتىپ، ادامداردى تاربيەلەۋ، زاتتىق ماتەريالداردى ۇلەستىرىپ جانە بىرىكتىرگەن سوڭ، 10 - ايدىڭ 14 - كۇنىنەن باستاپ، كۇندەلىكتى وتكەرمەلەپ اپارىپ قۇتقارۋ - ەمدەۋ قىزمەتىن ورىستەتەدى.
وسى رەتكى ىندەت تۋىلعان سوڭ، ءۇرىمجى قالاسىنداعى 120 شۇعىل قۇتقارۋ تەلەفونىنىڭ تەلەفون قابىلداۋ مولشەرى مەن كۇندەلىكتى شۇعىل قۇتقارۋ قىزمەت مولشەرى كۇرت ارتتى. شۇعىل، قاتەرلى، سالماقتى ناۋقاستاردىڭ دەر كەزىندە قۇتقارىلۋىنا، ەمدەلۋىنە كەپىلدىك ەتۋ ءۇشىن، رايونىمىز شۇعىل قۇتقارۋ اۆتوكولىگىن جانە ەمدەۋ قىزمەتكەرلەرىن مولايتىپ، دارەجەسىن جوعارىلاتىپ ورنالاستىرۋدى، ءبىر تۇتاس قولباسشىلىق ەتۋدى اتقارىپ، 120 شۇعىل قۇتقارۋ تەلەفونىنىڭ ىركىلىسسىز بولۋىنا، وتكەرمەلەپ اپارىپ قۇتقارۋ - ەمدەۋدە ۇيلەسىمدى تۇرگە ايىرىپ دياگنوز قويۋعا، دەر كەزىندە، جوعارى ءونىمدى بولۋعا شىنايى كەپىلدىك ەتتى.
ناۋقاستاردىڭ ەمدەلۋ بارىسىندا جولىققان شۇعىل، قيىن ماسەلەلەرىن شىنايى ءبىر جايلى ەتۋ ءۇشىن، 9 - ايدىڭ 27 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتى، بيڭتۋان دەنساۋلىق ساقتاۋ، سالاماتتىق كوميتەتى، شينجياڭ مەديتسينا داشۋەسى، ءۇرىمجى قالالىق دەنساۋلىق ساقتاۋ، سالاماتتىق كوميتەتى بىرلەسىپ 4 جاقتىڭ سايكەسۋ ارناۋلى قىزمەت ءبانىن قۇرىپ، بىرلەسكەن مەحانيزم ورناتىپ، ءار ورىن بىردەن جاۋاپتى ادام شىعارىپ، ءۇرىمجى قالالىق 120 شۇعىل قۇتقارۋ ورتالىعىندا جۇمىس ىستەپ، ناۋقاستاردىڭ وتكەرمەلەنۋ بارىسىندا ەمدەلۋى ىركىلىسسىز بولماۋ سياقتى ماسەلەلەردى جۇمىس باسىندا سايكەستىرىپ شەشتى.
”كوپتەگەن ناۋقاستاردىڭ 120 شۇعىل قۇتقارۋ تەلەفونىن جالعاعان سوڭ ’ءسىز ۇرعان تەلەفون قاربالاس‘ دەگەن ەسكەرتپە ءسوزىن ەستىگەن سوڭ، تەلەفوندى ۇزە سالاتىن جاعدايدى كەزدەستىردىك“. ءۇرىمجى قالالىق 120 شۇعىل قۇتقارۋ ورتالىعى پارتيا ياچەيكاسىنىڭ شۋجيى ۋاڭ شياڭسۇڭ قالىڭ قالا تۇرعىندارىنا مىنانى ەسكەرتەدى: 120 جەدەل قۇتقارۋ تەلەفونىن جالعاعان سوڭ ”ءسىز ۇرعان تەلەفون قاربالاس، ءسال كۇتە تۇرىڭىز، تەلەفوندى قويماڭىز“ ەسكەرتۋىنە جولىقساڭىز، ءسىزدىڭ كەزەككە تۇرۋ باسقىشىنا وتكەنىڭىزدى بىلدىرەدى، جالعاستى كۇتسەڭىز، سالدەن سوڭ قىزمەتشى ءسىزدىڭ تەلەفونىڭىزدى قابىلدايدى.
كەزەكتە تۇتاس شينجياڭ 38 ينتەرنەت شيپاحاناسىن اشتى، مۇنىڭ ىشىندە ءۇرىمجى قالاسىندا 17سى بار. ۋاڭ شياڭسۇڭ مىنانى ۇندەدى: ۇنەمى كەزدەسەتىن ناۋقاستار، سوزىلمالى ناۋقاستار الدىمەن ينتەرنەت جەلىسىندە دياگنوز قويدىرىپ ەمدەلۋدى تاڭداسا بولادى نەمەسە الەۋمەتتىك اۋماقپەن بايلانىس جاساپ، ءوزى شيپاحاناعا بارۋ سياقتى تاسىلدەرمەن ەمدەلىپ، شۇعىل قۇتقارۋ بايلىعىن مۇمكىندىكتىڭ بارىنشا شۇعىل قۇتقارۋعا ءزارۋ شۇعىل، قاتەرلى، سالماقتى ناۋقاستارعا قالدىرۋى كەرەك.
