− رايونىمىزداعى كادرلار مەن بۇقارا پارتيا 20 - قۇرىلتايىنىڭ اشىلۋىن ىستىق ىقىلاسپەن اسىعا كۇتۋدە
” بەتاشار “
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 16 - كۇنى بەيجيڭدە اشىلادى. انار بۇلت \ شينجياڭ گازەتى بۇگىننەن باستاپ ”20 - قۇرىلتايداعى ءساليقالى ساتتەر“ ايدارىن اشىپ، جالپىلىق مەديا تىلشىلەرى تيانشان الابىن ىشكەرىلەي ارالاپ، اتىز اراسى، ەگىس باسى، مالىلەر مەن الەۋمەتتىك اۋماقتار، زاۆود - كەن، كاسىپورىندار، شەكارا قورعانىسى قاراۋىل ورىندارى، جوعارى دارەجەلى تەحنيكۋمدار، جوعارى مەكتەپتەر، عىلمي زەرتتەۋ ورىندارى جانە اۋەجاي، ۆوگزال سياقتى جەرلەرگە بارىپ، نەگىزگى ساتىداعى پارتيا مۇشەلەرىمەن، كادرلارمەن، بۇقارامەن بىرگە 20 - قۇرىلتايدىڭ بايانداماسىن تىڭداپ، 20 - قۇرىلتاي ءساتىن بىرگە وتكىزىپ، قالىڭ پارتيا مۇشەلەرىنىڭ، كادرلاردىڭ جانە بۇقارانىڭ پارتيا 20 - قۇرىلتايىنىڭ بايانداماسىن مۇقيات ۇيرەنگەن جان سۇيىندىرەر كورىنىسىن تىلشىلىك ىستەپ حابارلاپ، قوعامداعى ءار سالانىڭ پارتيا 20 - قۇرىلتايىنا دەگەن قىزۋ اڭىسىن جەتكىزىپ، بۇكىل شينجياڭداعى ءار ۇلت حالىق بۇقاراسىنىڭ پارتيانى سۇيەتىن، پارتيانى قورعايتىن، پارتياعا ىلەسەتىن مىزعىماس بەكىمى مەن شينجياڭنىڭ جاراسىمدىلىعىنا، ورنىقتىلىعىنا، دامۋىنا دەگەن تولىق سەنىمىن ايگىلەيدى. نازار اۋدارىڭىزدار.
□ انار بۇلت \ شينجياڭ گازەتىنىڭ تىلشىلەرى
پارتيا 20 - قۇرىلتايى اشىلۋ الدىندا تۇر، بىرنەشە كۇننەن بەرى تيانشان الابىنداعى ءار ۇلت كادر - بۇقاراسى ۇمىتپەنەن قارايلاپ، شاتتىققا بولەندى، كوكىرەك تولى سەنىممەن تابىستاردى اڭگىمەلەپ، دامۋدى ءسوز ەتىپ، بولاشاقتى تىلگە تيەك ەتتى. كوپشىلىك جارىسا مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باس شۋجي شي جينپيڭنىڭ شىنايى قامقورلىعىن، ىقىلاستى تاپسىرماسىن كورىكتى شينجياڭ قۇرۋدىڭ قۋاتتى قوزعاۋشى كۇشىنە اينالدىرىپ، كۇرەسكەرلىك بەينەمىزبەن جانە ۇزدىك ناتيجەلەرىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز.
”پارتيا 20 - قۇرىلتايى الداعى 5 جىلداعى، ءتىپتى ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى. ءبىز سالتاناتتى جينالىستىڭ جەڭىسپەن اشىلۋىن ىستىق ىقىلاسپەن اسىعا كۇتەمىز“! - دەدى قاشقار ايماقتىق اكىمشىلىك مەكەمەسى پارتيا باسشىلىق گرۋپپاسىنىڭ مۇشەسى، قاشقار ەكونوميكالىق اشۋ رايونى پارتيا قىزمەتى كوميتەتىنىڭ شۋجيى چۇي لياندۇڭ تەبىرەنە.
قاشقار ەكونوميكالىق اشۋ رايونىندا مۇنارا كراندار تۇس - تۇستان بوي سوزىپ، موتورلار گۇرىلدەپ، كىلەڭ قاربالاستىقتىڭ كورىنىسى مەن مۇندالايدى. سوڭعى جىلدارى قاشقار ەكونوميكالىق اشۋ رايونى ماشينا جانە ەلەكتر جابدىقتار عىلىم - تەحنيكا كاسىپ سالاسى باقشاسى، كەشەندى باجىسىز اۋماق، مانەرلەپ وزگەرتۋ رايونى سياقتى دانەكەرلىك تۇعىرلارعا سۇيەنىپ، ءبىر توپ جوعارى، جاڭا تەحنيكا كاسىپورىندارىن باۋراپ ەنگىزدى.
”9 - ايدىڭ سوڭىنا دەيىن اشۋ رايونى نەگىزدىك قۇرىلعىلارعا جيىنى 24 ميلليارد 920 ميلليون يۋان قارجى قوسىپ، سالىنعان زاۆود ۇيلەرىنىڭ جەر اۋدانى 965 مىڭ شارشى مەترگە جەتىپ، ورنالاسقان بازار تۇلعاسى 4601گە جەتىپ، 44 مىڭ 500 ادامدى جۇمىسقا ورنالاستىرىپ، تىرشىلىك تىنىسىنا تولى، گۇلدەنىپ - كوركەيگەن، كاسىپ سالاسى مەن قالانى توعىستىرعان ۇلگى كورسەتۋ جاڭا رايونىنا اينالدى“. چۇي لياندۇڭ بىلاي دەدى: ”ءبىز ءتۇرلى قىزمەتتەردى اناعۇرلىم ويداعىداي يگەرىپ، بيىلعى نىسانا - مىندەتتەردى بار كۇشپەن ورىنداپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرىمىزبەن قارسى الامىز“.
”پارتيا 20 - قۇرىلتايى اشىلۋ الدىندا تۇر، بۇل بۇكىل پارتيانىڭ، بۇكىل مەملەكەتتەگى ءار ۇلت حالقىنىڭ ساياسي ومىرىندەگى زور ءىس، ماڭىزدى ءىس، قۋانىشتى ءىس. سالتاناتتى جينالىستى قارسى الار ساتتە، كوڭىلىم توتەنشە تەبىرەندى“. حوتان اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى چىن گوچاڭ بىلاي دەدى: وسىناۋ جىلدارى حوتان اۋدانى ءداستۇرلى اۋىل شارۋاشىلىعى كاسىپ سالاسىن تياناق ەتىپ، قويان، كەپتەر، ازىقتىق ساڭىراۋقۇلاقتار، قۇرىلعىلى اۋىل شارۋاشىلىعىن نەگىز ەتكەن ەرەكشە كاسىپ سالاسىن دامىتۋدى زور كۇشپەن ىلگەرىلەتتى. ”مەن پارتيا 20 - قۇرىلتايىنىڭ جەڭىسپەن اشىلۋىن ىستىق ىقىلاسپەن اسىعا كۇتەمىن. مەن پارتيا 20 - قۇرىلتايى رۋحىنىڭ جەتەكشىلىگىندە، حوتان اۋدانىنىڭ دامۋ بولاشاعى شەكسىز تاماشا بولاتىندىعىنا، ەگىنشى - مالشىلاردىڭ تۇرمىسى، ءسوزسىز، ءتىپتى دە بالداي ءتاتتى بولاتىندىعىنا سەنەمىن“.
بيىل ىلە قازاق اۆتونوميالى وبلىسى كەلەلى نىساندار قۇرىلىسىن كورنەكتى ورىنعا قويىپ، ويداعىداي مىقتى يگەرىپ، ءبىر توپ ولقىلىقتاردى تولىقتاپ، ءالسىز بۋىنداردى كۇشەيتەتىن، ۇزاق بولاشاقتى كوزدەيتىن سۋ يگىلىگى، قاتىناس، ەنەرگيا سياقتى نىسانداردى جەدەل اتقارىپ، كەڭەيتىلگەن، ءونىمدى قارجى قوسۋ ارقىلى ەكونوميكانىڭ ارتۋىن ىلگەرىلەتتى، نىسان قۇرىلىسى ارقىلى كاسىپ سالاسىن شوعىرلاندىرۋدى ىلگەرىلەتتى. ىلە وبلىستىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى لي حۇڭچي بىلاي دەدى: ”ءبىز كەلەلى نىساندار قۇرىلىسىن جوعارى ولشەممەن، جوعارى ونىمدىلىكپەن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرىمىزبەن قارسى الامىز“.
”پارتيانىڭ تاماشا ساياساتتارىنىڭ سۇيەمەلدەۋىندە، ءبىز شاعىن شەبەرحانادان دامىپ، وسىزاماندانعان كاسىپورىنعا اينالدىق. پارتيا 20 - قۇرىلتايى اشىلار ساتتە، كوڭىلىمدى ءۇمىت كەرنەدى“. شينجياڭ شيەليگاي مال شارۋاشىلىعى شەكتى جاۋاپكەرشىلىك سەرىكتەستىگى شاعانتوعاي اۋدانىنداعى مال، قۇس باعىمشىلىعى، ساتىپ الىپ مانەرلەۋ، جاس كۇيىندە توڭازىتىپ ساقتاۋ، بازارعا شىعارىپ ساتۋ ءبىر تۇلعالانعان مال شارۋاشىلىق ونىمدەرى باستاماشى كاسىپورنى، سەرىكتەستىكتىڭ ديرەكتورى داي زوچۋان مالشىدان العاشقى ادىمدا جەتىلىپ جەرگىلىكتى ورىنداعى ايگىلى كاسىپورىنشىعا اينالدى. ول بىلاي دەدى: ”بۇدان كەيىن ءبىز كاسىپ سالاسى تىزبەگىن بەلسەنە ۇزارتىپ، تاۋار ماركاسىنىڭ قۇنىن جوعارىلاتىپ، ەگىنشى - مالشىلاردى كىرىسىن ارتتىرىپ، بايۋعا جەتەكتەۋ جاعىندا اناعۇرلىم زور رول اتقارامىز“.
قىزمەت ورىندارىن تياناق ەتىپ ۇلەس قوسىپ، شىنايى يگەرىپ، ناقتى ىستەپ، ىسكەرلىك كورسەتتى. پارتيا 20 - قۇرىلتايىنىڭ اشىلۋىن قۋانا قارسى العان نەگىزگى ساتىداعى كادرلار مەن بۇقارانىڭ جىگەر - قايراتى تاسقىندادى.
”ءبىز باس شۋجي شي جينپيڭنىڭ ىقىلاستى تاپسىرماسىن قاي - قاشان دا ەسىمىزدە بەرىك ساقتاپ، ءار ۇلت تۇرعىندارىنىڭ اڭساعانىمەن، ويلاعانىمەن، كوكسەگەنىمەن تىعىز جاناستىرىپ، كوپشىلىككە جاقسى ءىس ىستەپ، ناقتى ءىس ىستەپ، قيىن ماسەلەلەرىن شەشىپ، پارتيانىڭ مەيىرىن تۇرعىنداردىڭ جان دۇنيەسىنە جەتكىزىپ، كورىكتى مەكەندى بىرگە قۇرىپ، كوركەم بولاشاقتى بىرگە اشۋىمىز كەرەك“. قۇمىل قالاسى يجوۋ رايونى دۇڭحى ءمالىسى اقيار الەۋمەتتىك اۋماعى پارتكومىنىڭ شۋجيى ياڭ شياۋدي بىلاي دەدى: وسى بىرنەشە جىلدا ۇكىمەت ۇسىنىلىمدى ۇزدىكسىز ارتتىرىپ، اقيار الەۋمەتتىك اۋماعىنداعى تۇرعىندارىڭ قيمىل ورنى، قىزمەت ىستەيتىن ورنى جيىنى 3600 شارشى مەترگە جەتتى. ”قىزمەت ىستەيتىن جەر ەڭ كىشكەنە، قيمىل كەڭىستىگى ەڭ ۇلكەن، قىزمەت وتەۋ مازمۇنى ەڭ ساپالى“ بولۋ تالابى بويىنشا، اقيار الەۋمەتتىك اۋماعى ％90تەن استام كەڭىستىكتى بۇقارا ءۇشىن قىزمەت وتەۋگە بوساتىپ، ىلگەرىندى - كەيىندى حاتكەرلىك كەڭسەسى، سالاماتتىق بويىنشا كەڭەس بەرۋ كەڭسەسى، كىتاپ وقۋ كەڭسەسى، مادەنيەت - دەنە تاربيە قيمىلدارى كەڭسەسى سياقتىلاردى سالىپ، الەۋمەتتىك اۋماقتى تۇرعىنداردىڭ بىرگە قۇرىپ، بىرگە يگىلىكتەنەتىن مەيىرلى شاڭىراعىنا اينالدىردى، ”بۇدان بىلاي ءبىز جۇمىس ورنىمىزدى تياناق ەتىپ، مىندەتىمىزدى اتقارىپ، جاۋاپكەرشىلىگىمىزدى ادا ەتىپ، تۇرعىندارعا قىزمەت وتەۋ جۇمىستارىن ۇزدىكسىز جاقسى ىستەپ، بۇقارانىڭ جاقسى جان اشىرى بولامىز“.
”پارتيا 20 - قۇرىلتايى اشىلاتىن بولدى، مەن قاتتى اسەرلەنىپ تۇرمىن، بولاشاققا تولىق سەنىمدىمىن“، - دەدى بۋرىلتوعاي اۋدانى قاراماعاي قالاشىعى دەڭ قىستاعىنىڭ مالشىسى مانات نۇردانبەك.
2013 - جىلى كوكتەمدە مانات 5 مالشى وتباسىمەن بىرلەسىپ سيىر، قوي بورداقىلايتىن شارۋالار كاسىپتىك سەلبەستىك كووپەراتيۆىن قۇرعان، بۇگىنگى تاڭدا، سەلبەستىك كووپەراتيۆ ۇزدىكسىز دامىپ، زورايىپ، 35 مالشى وتباسىن كىرىستەرىن ارتتىرىپ، بايۋعا جەتەكتەدى. مانات بىلاي دەدى: وسى بىرنەشە جىلدا بۋرىلتوعاي اۋدانى تالاي رەت سەلبەستىك كووپەراتيۆى جاۋاپتىلارىن شينجياڭنىڭ ءىشى - سىرتىندا ەكسكۋرسيالاپ ۇيرەنۋگە ۇيىمداستىردى، كوپشىلىك ءبىلىم جانە شەبەرلىك ۇيرەنىپ قالماستان، كوز ايالارى كەڭەيە ءتۇستى، ”قازىرگى كۇنىمىزدى بۇرىندارى ويلاۋعا باتىلدىق ەتە الماۋشى ەدىك. ءبىز قول ۇستاسا وتىرىپ، اناعۇرلىم كوركەم دە باقىتتى تۇرمىسىمىزدى بىرگە جاراتامىز“.
(ءتىلشى ۋي يۇڭگۇي، قاتىناسقان تىلشىلەر حان چين - يان، ءپاريزات ابدۇل، ۋاڭ شينحۇڭ، ءرايدا، جاڭ تيڭ)
