انار بۇلت \ شينجياڭ گازەتىنىڭ ءتىلشىسى گو ليڭ 10 - ايدىڭ 14 - كۇنى بەيجيڭنەن حابارلايدى. ءماجىلىس ماتەريالدارىن وقىپ، الا كەلگەن ماتەريالدارىن رەتتەپ، قاتىستى حۇجات رۋحىن ۇيرەندى... 10 - ايدىڭ 13 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن شينجياڭ ۋاكىلدەر ۇيىرمەسى بەيجيڭگە جەتىپ، تۇراتىن قوناق ۇيگە ورنالاسقان سوڭ، ۋاكىلدەر تاسقىنداعان قىزۋ ىنتامەن پارتيا 20 - قۇرىلتايىن ويداعىداي اشۋدىڭ ءتۇرلى دايىندىق قىزمەتىن ىستەدى.
”ۇستەل ۇستىندەگى قىزىل ەستەلىك داپتەرىنىڭ 1 - بەتىندەگى پارتياعا كىرۋ سەرتى كوڭىلدى كولدەي تولقىتادى ەكەن“. ۋاكىل لي ۋىنجۋان مەن ۋاكىل حاۋ شياڭلي بولمەلەرىندە الدىن الا دايىنداپ العان ەستەلىك داپتەرلەرىنە قاراپ تالقى ورىستەتىپ جاتىر.
نەگىزگى ساتىدان كەلگەن پارتيا ۋاكىلى لي ۋىنجۋان اقتاۋ اۋدانى بۇلىڭكول اۋىلى پارتكومىنىڭ شۋجيى، اتتانار الدىندا ول پارتيا مۇشەسى زناگىن كورسەتكەن شينجياڭدىق اعاي ابدىجاپار مەڭدى بەرگەن سۋرەتتەردى الىپ سوڭعى جىلدارى اۋىلىندا تۋىلعان زور وزگەرىستى كوپشىلىككە كورسەتۋدى ءۇمىت ەتتى.
”اۋىلداستاردىڭ ءۇيى بارعان سايىن ادەمى بولىپ، مەكتەپتىڭ شارت - جاعدايى بارعان سايىن جاقساردى. بيىل ءبىزدى ەڭ اسەرلەندىرگەنى، ءبىزدىڭ قىزىلسۋ قىرعىز اۆتونوميالى وبلىسىنان باقىتنۇر ابدوللا، سالتانات سۇلتان، ليۋ زىيۇي قاتارلى 11 وقۋشى جەكە - جەكە بەيجيڭ داشۋەسى، چيڭحۋا داشۋەسى، فۋدان داشۋەسى سياقتى مەكتەپتەرگە قابىلداندى، بۇل بۇرىن بولماعان ءىس. كوممۋنيستىك پارتيا بولماسا قازىرگى باقىتتى تۇرمىس بولماس ەدى“، - دەدى لي ۋىنجۋان اسەرلەنىپ، - پارتيا 20 - قۇرىلتايىنىڭ ۋاكىلى بولعان تەبىرەنگەن كوڭىل كۇيدى سوزبەن ايتىپ جەتكىزۋ قيىن. اۋىلداستاردىڭ جۇرەك ءسوزىن بەيجيڭگە جەتكىزۋ، پارتيا 20 - قۇرىلتاي ءۇنىن اۋىلعا اپارۋ ونى ايرىقشا داڭق سەزىمىنە بولەدى.
ۋاكىل ءراھيما اۋۇت قۇلجا قالاسى 23 - ورتا مەكتەپتىڭ وقىتۋشىسى، شينجياڭنىڭ شاندۇڭدا تۇراتىن وقۋ - اعارتۋدى سايكەستىرۋ گرۋپپاسى پارتيا ياچەيكاسى چاڭچيڭ 1 - ورتا مەكتەپ پارتيا گرۋپپاسىنىڭ باستىعى. قوناق ۇيگە ورنالاسا سالا، جۇكتەرىن رەتتەپ بولماي جاتىپ، وقۋشىلاردىڭ، اۋىلداستاردىڭ حابار - وشارىنا ءبىر - بىرلەپ جاۋاپ قايتارا باستادى. ”وسى بىرنەشە كۇندە مەن كوپتەگەن قۇتتىقتاۋلار مەن تىلەكتەردى قابىلدادىم، وقۋشىلارىم، قىزمەتتەستەرىم جانە اۋىلداعى تۋىستار ماعان پارتيانىڭ ءۇنىن دەر كەزىندە ولارعا جەتكىزۋدى ءار دايىم ەسكەرتىپ وتىردى“، - دەدى ءراھيما اۋۇت، وسى رەت ول تاعى قۇلجا قالاسى 23 - ورتا مەكتەپ 8 - جىلدىق 20 - كلاسىنداعى جانە جينان قالاسى چاڭچيڭ 1 - ورتا مەكتەپ شينجياڭ تولىق ورتا كلاسىنداعى وقۋشىلاردىڭ وعان جولداعان ەكى پارشا حاتىن الا كەلىپتى.
حاتتا وقۋشىلاردىڭ اۋىلدىڭ وزگەرىسىن، مەكتەپتەگى جاڭالىقتاردى تانىستىرىپ، قازىرگى تاماشا تۇرمىستارىن بايانداعان ءارى قۇلشىنا ۇيرەنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتتارىن ارناۋعا بەل بۋعاندىعى ايتىلعان.
پارتيا 20 - قۇرىلتايى − جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا وتكەن شەشۋشى ساتتە اشىلعان ءبىر رەتكى اسا ماڭىزدى قۇرىلتاي، الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى. ۋاكىلدەر جابال مىنالاردى ءبىلدىردى: قۇرىلتاي اشىلۋدان ىلگەرى قىرۋار دايىندىق قىزمەتىن ىستەدىك، قىزمەت ءىس جۇزىندىگىمەن بىرلەستىرىپ، مۇقياتتىلىقپەن جاعداي ۇعىسىپ، تەكسەرۋ - زەرتتەۋ جۇرگىزىپ، نەگىزگى ساتىنىڭ ءۇنىن قۇرىلتايعا الا كەلدىك.
كاسىپورىننان كەلگەن پارتيا ۋاكىلى ۋ گاڭ تۇراتىن جەرگە جەتكەن سوڭ، دەرەۋ قۇرىلتاي الدىنداعى دايىندىق قىزمەتكە كىرىستى. ”شينجياڭنىڭ قايتا تۋىندايتىن ەنەرگياسىنىڭ دامۋى تەز ارناعا ءتۇستى، وسى رەتكى قۇرىلتايدا مەن پارتيا ورتالىق كوميتەتىنىڭ بولاشاقتا قايتا تۋىندايتىن ەنەرگيانىڭ دامۋى جونىندەگى كەيبىر جاڭا ساياساتتارىنا، جاڭا ورنالاستىرۋلارعا ايرىقشا نازار اۋدارىپ وتىرمىن“، - دەدى ۋ گاڭ.
”ءبىز باستان - اياق باس شۋجيدىڭ تاپسىرماسى مەن باس شۋجيدىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ەستە بەرىك ساقتاپ، وسكەلەڭ ساياسي جاۋاپكەرشىلىك سەزىم، تاسقىنداعان ىستىق ىقىلاسپەن وسى رەتكى قۇرىلتايدى ويداعىداي اشىپ، جاڭا كەزەڭگە كۇش شوعىرلاندىرىپ، جاڭا ساپاردا ەكپىندەي ىلگەرىلەيمىز“، - دەدى ۋاكىل ليۋ چىن .
