□ شين يان
ىندەتكە قارسى اتتانۋ بەينە شىڭعا شىققان سياقتى، ەڭ اقىرىندا شىڭنىڭ ۇشار باسىنا شىعا الۋىڭ قاي - قاشان دا ءتىسىڭدى تىسىڭە باسىپ تاباندىلىقپەن تاعى دا قۇلشىنا تۇسۋىڭە بايلانىستى، تاباندىلىق دەگەنىمىز جەڭىس، تاباندىلىق، ءسوزسىز، جەڭىسكە جەتكىزەدى. قازىر شينجياڭداعى وسى رەتكى ىندەتتەن ساقتانۋ - تىزگىندەۋ قىزمەتى اسا ماشاقاتتى شەشۋشى كەزەڭدە تۇر، ءسوزسىز، ىندەتكە قارسى اتتانۋ ۇلى رۋحىن ساۋلەلەندىرىپ، سەنىمدى، بەكىمدى بەكەمدەپ، تاباندىلىقتى، سابىرلىلىقتى ساقتاپ، قايتپاس قاجىرلىلىقپەن جانە قايىسپاي سايىساتىن جىگەرمەن ىندەتتەن ساقتانۋ - تىزگىندەۋ كۇرەسىنىڭ سوڭعى جەڭىسىنە قول جەتكىزۋ كەرەك.
ماسەلەنى بايقاۋ، ماسەلەگە تالداۋ جاساۋ، ماسەلەنى شەشۋ − ىندەتكە قارسى اتتانۋدىڭ ماڭىزدى ادىستەمەسى. ىندەتتەن ساقتانۋ بارىسىندا بايقالعان ولقىلىقتارعا، ءالسىز تۇستارعا قاراتا، شينجياڭداعى ءار دارەجەلى ورىندار شىندىقتى ءىس جۇزىنەن ىزدەيتىن عىلمي پوزيتسيادا بولىپ، تايساقتاماي، جاسىرىپ - جاپپاي، كەشەۋىلدەتپەي، تاجىريبە - ساباقتاردى مۇقيات قورىتىندىلاپ، ءبىر جاعىنان، قاتاڭ شايقاس جۇرگىزىپ، ءبىر جاعىنان، ماسەلەنى شەشىپ، ەندى ءبىر جاعىنان، قابىلەتتى جوعارىلاتتى. ءارقايسى جاقتىڭ بىرگە قۇلشىنۋىنىڭ ارقاسىندا، شينجياڭنىڭ حىسۋان تەكسەرۋ، ەپيدەميولوگيالىق تەگىن انىقتاۋ، تاسىمالداپ اۋاشالاۋ سياقتى قابىلەت ونىمدىلىگى بارىنشا جوعارىلاپ، ساقتانۋ - تىزگىندەۋدىڭ عىلميلىعى، دالمە - دالدىگى، باعىتتامالىلىعى كورنەكتى ارتىپ، بىرلەسىپ ساقتانۋ - بىرلەسىپ تىزگىندەۋدىڭ، بۇقارالىق ساقتانۋ - بۇقارالىق تىزگىندەۋدىڭ تورى بارعان سايىن نىعايىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاۋ قابىلەتى ۇزدىكسىز كۇشەيىپ، قوعامدىق جاقتان يكەمدى نولگە ءتۇسىرۋدى تەزىرەك جۇزەگە اسىرۋعا بەرىك نەگىز قالادى. العان بەتتەن قايتپاي، شارالاردى ۇزدىكسىز ناقتى تياناقتاندىرىپ، ولقىلىقتاردى باتىل تولىقتاپ، حاۋىپ - قاتەردى ەڭ تومەنگى شەككە تۇسىرگەندە عانا، ساقتانۋ - تىزگىندەۋ جەتىستىكتەرىن ۇزدىكسىز بەكەمدەپ، قامال الۋ شايقاسىنىڭ تابىستارىن كەڭەيتە الامىز.
جوعارىدان تومەنگە دەيىن ءبىر نيەتتە بولعاندار جەڭەدى، قيىندىقتى بىلەك بىرىكتىرە جەڭگەندەر كوركەيەدى. شينجياڭ تاريحتاعى تارالۋ قارقىنى ەڭ تەز، شارپىعان اۋماعى ەڭ كەڭ، جۇعىمدالعان ادام سانى ەڭ كوپ، ساقتانۋ - تىزگىندەۋ قيىندىعى ەڭ زور، ەلەۋلى، توسىن الەۋمەتتىك دەنساۋلىق ساقتاۋ وقيعاسىنا ءدوپ كەلگەندە، شينجياڭداعى ءار ۇلت كادر - بۇقاراسى جاپا - ماشاقاتقا ەرەكشە شىدامدىلىق، شايقاسقا ەرەكشە قابىلەت تانىتىپ، ۇلەس قوسۋى ەرەكشە بولىپ، اسا زور قايراتتىلىقپەن ورتاق مەكەندى قورعادى. ەمدەۋ قىزمەتكەرلەرى كۇندىز - ءتۇنى شايقاس جۇرگىزىپ، شيپاگەرلەردىڭ قايىرىمدىلىعىن بارىنشا ايگىلەپ، حالىقتىڭ ءومىرى مەن سالاماتتىق حاۋىپسىزدىگىن بار كۇشپەن قورعادى؛ الەۋمەتتىك اۋماق كادرلارى مەن ەرىكتىلەر بار ىقىلاسىن سالىپ، قالتقىسىز ۇلەس قوسىپ، ىندەتتەن ساقتانۋ جانە كۇندەلىكتى تۇرمىستى قامتاماسىز ەتۋدىڭ ءتۇرلى قىزمەتتەرىن ءتارتىپتى ىلگەرىلەتۋگە شىنايى كەپىلدىك ەتتى؛ ءار ۇلت بۇقاراسى حىسۋان سىناماسىن الۋ سياقتى ىندەتتەن ساقتانۋ قىزمەتىنە سانالىلىقپەن سايكەسىپ، ينتەرنەت جەلىسىندە جانە ينتەرنەت جەلىسىنەن تىس ءوزارا كومەكتەسىپ، ءبىر - بىرىنە دەم بەردى. وتانىمىزدىڭ جەر - جەرىنەن كەلگەن ەمدەۋ - كۇتىمدەۋ كۇشتەرىنىڭ بار كۇشپەن كومەكتەسۋى شينجياڭنىڭ ىندەتكە قارسى اتتانۋىنا تىپتەن قۋاتتى تىرەكتىك كۇش ۇستەپ، شينجياڭ حالقىنا وتان سىندى ۇلى وتباسىنىڭ مەيىرىن سەزىندىردى. حالىق ءبىر نيەتكە كەلسە، تايشان تاۋىن دا كوشىرە الادى دەمەكشى، ءارقايسى جاقتىڭ بىرگە قۇلشىنۋى مەن بىرگە كۇش سالىپ سايكەسۋى بولسا، كەشۋ بەرمەس وتكەل، اسۋ بەرمەس قيىندىق بولمايدى.
حالىق تۇرمىسىن ەڭ تومەنگى شەكتە قامتاماسىز ەتۋ جۇرت كوڭىلىنە جىلۋ ۇيالاتۋعا سايادى، ىندەتتەن ساقتانۋ - تىزگىندەۋ جالپى جاعدايىنا بايلانىستى. ىندەت تۋىلعاننان بەرى شينجياڭداعى ءار دارەجەلى ورىندار حالىق تۇرمىسى قىزمەتىن ماڭىزدى ورىنعا قويىپ، ءار ۇلت بۇقاراسىنىڭ تالاپ - تىلەكتەرىن مۇقيات تىڭداپ، زات اينالىمىنىڭ ىركىلىسسىزدىگىنە، قامداۋ تىزبەگىن ورنىقتىرۋعا، اۋىل شارۋاشىلىعى وندىرىسىنە، نەگىزگى حالىق تۇرمىسىنا، قيىنشىلىق قىسپاعىنان قۇتىلدىرۋعا پارمەندى، ءونىمدى كەپىلدىك ەتىپ، بۇقارانىڭ كيىم - كەشەك، ازىق - تۇلىك، جاتار ورىن، ءجۇرىس - تۇرىس، ەمدەلۋ، ءدارى - دارمەك الۋ سياقتى شۇعىل، قيىن، ۋايىمداعان، ءزارۋ ماسەلەلەرىن كوڭىل قويا، سۇيىسپەنشىلىكپەن، كۇش سالا شەشىپ، ىنتىماقتاسا ىندەتكە قارسى اتتانۋعا مىعىم زاتتىق جانە ەل اۋانى نەگىزىن قالادى. ءارى ىندەتتەن ساقتانۋ - تىزگىندەۋ سەرپىنى بولۋعا، ءارى جۇرەكتەرگە جىلۋ بەرىپ، مەيىرىممەن ىستەۋگە شىنايى كەپىلدىك ەتىپ، ىندەتتى ءبىر جاقتى ەتۋدىڭ قوعامعا ىقپالىن ەڭ تومەنگە تۇسىرگەندە عانا، ءار ۇلت بۇقاراسى ىندەتكە قارسى اتتانۋعا اناعۇرلىم تۇسىنىستىكپەن قاراپ، سايكەسىپ، قولداپ - قۋاتتايدى، سوندا عانا ىندەتتەن ساقتانۋ - تىزگىندەۋ حالىقتىق شايقاسىندا جەڭىسكە جەتۋدىڭ قۇدىرەتتى بىرىككەن كۇشىن ۇيىستىرۋعا بولادى.
ەڭ ماشاقاتتى كەز نەعۇرلىم تاياعان سايىن، سولعۇرلىم باستان - اياق تىڭعىلىقتى جۇرگىزۋ بەكىمى بولۋ، سولعۇرلىم قيىندىقتاردى جەڭەتىن قايسارلىق بولۋ كەرەك. ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىنا باستان - اياق تاباندى بولىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابىن جاپپاي تياناقتاندىرىپ، سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جەڭىپ، ىندەتتەن ساقتانۋ - تىزگىندەۋدىڭ قىزمەتتەرىن ناقتى، ەگجەي - تەگجەيلى يگەرگەندە عانا، وسى جولعى ىندەتتەن ساقتانۋ - تىزگىندەۋ زور شايقاسىنىڭ، قاتاڭ شايقاسىنىڭ جەڭىسىنە، ءسوز جوق، ەرتە قول جەتكىزە الامىز.
