تيانشان تورى
تيانشان تورى   ›   ۇيرەنۋ   ›   شولۋ

جۇڭگوشا سوتسياليزمنىڭ جاڭا جاعدايىن قۇلشىنا اشايىق

جۇڭگوشا سوتسياليزمنىڭ جاڭا جاعدايىن قۇلشىنا اشايىق

− جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ اشىلعاندىعىن قىزۋ قۇتتىقتايمىز

حالىق گازەتى باسماقالاسى

  بۇكىل ەل نازار اۋدارعان، دۇنيە ءجۇزى كوز تىككەن جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بۇگىن بەيجيڭدە سالتاناتپەن اشىلدى.

  پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلعان ءبىر رەتكى اسا ماڭىزدى قۇرىلتاي. قۇرىلتاي پارتيانىڭ جاڭا جورىقتا قانداي تۋ ۇستايتىندىعىن، قانداي جولمەن جۇرەتىندىگىن، قانداي رۋحاني كۇيمەن، قانداي نىسانانى بەتكە الىپ ۇزدىكسىز ىلگەرىلەيتىندىگىن ايقىن جاريالاپ، جاپپاي سوتسياليستىك وسىزاماندانعان قۇدىرەتتى مەملەكەتتى قۇرىپ شىعۋدىڭ ەكى قادامعا ءبولىپ ءجۇرۋ ستراتەگيالىق ورنالاستىرۋىنا ماكرولىق جاقتان كوز جىبەرىپ، كەلەسى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى. وسى رەتكى قۇرىلتايدى ويداعىداي اشۋ پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جۇڭگوشا سوتسياليزمگە تاباندى بولۋعا جانە ونى دامىتۋعا، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جالپى بەتتىك ىلگەرىلەتۋگە شابىتتاندىرۋ جانە جۇمىلدىرۋ جونىنەن كەلەلى مانگە يە.

  پارتيا 18 - قۇرىلتايىنان باستاپ، جۇڭگوشا سوتسياليزم جاڭا داۋىرگە ءوتتى. وسى 10 جىلدا، پارتيا ءدوپ كەلگەن جاعدايدىڭ، ورتانىڭ كۇردەلىلىگى مەن قاتاڭدىعى، ارقالاعان مىندەتتىڭ اۋىرلىعى مەن جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى. اسىرەسە، 19 - قۇرىلتايدان 20 - قۇرىلتايعا دەيىن، وسى ”قوس 100 جىلدىق“ كۇرەس نىساناسىنىڭ تاريحي توعىسۋ مەزگىلى پارتيا مەن مەملەكەت ىستەرى دامۋىنىڭ اياق الىسىنداعى اسا وزگەشە، ايرىقشا ەرەكشە مەزگىل بولدى. وسى 10 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاتاڭ دا كۇردەلى حالىقارالىق جاعداي مەن ىركەس - تىركەس كەلگەن اسا زور حاۋىپ - قاتەرلەرگە، سىن - سايىستارعا ءونىمدى توتەپ بەرىپ، قايراتتانا ىسكەرلىك كورسەتۋ رۋحىمەن جاڭا داۋىردەگى جۇڭگوشا سوتسياليزمدى ۇزدىكسىز العا ىلگەرىلەتتى.

  10 جىل قايراتتانا ەكپىندەي ىلگەرىلەۋمەن جاڭا داۋىردەگى جۇڭگوشا سوتسياليزمنىڭ ۇلى تابىستارى جاراتىلدى. ءبىز ءبىر قىدىرۋ ستراتەگيالىق شارالاردى جولعا قويىپ، ءبىر قىدىرۋ وزگەرىس سيپاتتى امالياتتاردى ىلگەرىلەتىپ، ءبىر قىدىرۋ سەرپىلىس سيپاتتى ىلگەرىلەۋشىلىكتەردى جۇزەگە اسىرىپ، ءبىر قىدىرۋ بەلگى سيپاتتى جەتىستىكتەرگە قول جەتكىزىپ، ۇزاق ۋاقىت بويى شەشىلمەي كەلگەن كوپتەگەن قيىن ماسەلەلەردەن قامال الىپ، ۇزاق بولاشاققا ساياتىن كوپتەگەن ءىرى ىستەردى، ماڭىزدى ىستەردى تىندىرىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتاردان كەلگەن حاۋىپ - قاتەرلەردىڭ، سىن - سايىستاردىڭ سىنىنان وتتىك. كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن ءساتتى باستادىق... پارتيا مەن مەملەكەت ىستەرى تاريحي سيپاتتى تابىستارعا قول جەتكىزىپ، تاريحي سيپاتتى وزگەرىستەر تۋىلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەندى. جاڭا ءداۋىردىڭ 10 جىلىنداعى ۇلى وزگەرىستەر پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە.

  10 جىل قايراتتانا ەكپىندەي ىلگەرىلەۋمەن جۇڭگو ۇلگىسىندەگى وسىزامانداندىرۋ ءساتتى ىلگەرىلەتىلدى جانە كەڭەيتىلدى. ءبىز جۇڭگوشا سوتسياليزمگە تاباندى بولىپ جانە ونى دامىتىپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ جولىمەن ءساتتى ءجۇرىپ، ادامزات وركەنيەتىنىڭ جاڭا كۇيىن جاراتىپ، ادامزاتتىڭ اناعۇرلىم جاقسى قوعامدىق ءتۇزىم جونىندەگى ىزدەنىسىنە جۇڭگو جوباسىن ازىرلەپ، عىلمي سوتسياليزمنىڭ 21 - عاسىرداعى جۇڭگودا تىڭ تىنىس، ومىرشەڭدىك كۇش قاۋلاتۋىنا مۇمكىندىك جاساپ، دۇنيە جۇزىندە جۇڭگوشا سوتسياليزم ۇلى تۋىن بيىك ۇستادىق. اماليات جۇڭگوشا سوتسياليزمنىڭ پارتيا مەن حالىقتىڭ سان جاپا - ماشاقاتتى باستان كەشىرىپ، وراسان زور بوداۋلار بەرىپ قول جەتكىزگەن ءتۇبىرلى تابىسى ەكەندىگىن، حالىقتىڭ تاماشا تۇرمىسىن جاراتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ داڭعىل جولى ەكەندىگىن تولىق دالەلدەدى. جاڭا جورىقتا، ءبىز مۇراتتان اينىمايتىن، جولدى وزگەرتپەيتىن بەكىمدى كۇشەيتىپ، جۇڭگوشا سوتسياليزم جولىمەن جۇرۋگە تاباندى بولىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتسەك بولعانى، ءسوز جوق، جۇڭگونىڭ دامۋ، العا باسۋ تاعدىرىن ءوز قولىمىزدا بەرىك ۇستاپ تۇرا الامىز.

     10 جىل قايراتتانا ەكپىندەي ىلگەرىلەۋمەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي ۇلى كۇشى ۇيىستىرىلدى. وسى 10 جىلدا، ءبىز جولىققان حاۋىپ - قاتەرلەردىڭ، سىن - سايىستاردىڭ داۋىلى كۇشتى، تولقىنى قاتتى بولدى، كەيدە ءتىپتى، سۇراپىل تاسقىن، دۇلەي تولقىن كوتەرىلدى. ءبىز سەنىمدى بەكەمدەپ، قيىندىققا قاسقايا قارسى ءجۇرىپ، ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، جۇدىرىقتاي جۇمىلىپ، كۇش - قايرات توپتاپ، تىزە قوسا كۇرەس جۇرگىزۋ كۇشىن ەڭ جوعارى شەكتە ۇيىستىردىق. بۇگىن جۇڭگو حالقى وزىنە اناعۇرلىم سەنىمدى بولىپ، ءوز كۇشىنە سۇيەندى، ءوزىن الۋەتتەندىردى، بەلسەندىلىگى، ىرىقتىلىعى، جاسامپازدىعى ىشكەرىلەي شىعارىلىپ، جىگەرى، قايراتى، سەنىمى بۇرىن بولىپ كورمەگەن دارەجەدە كۇشەيىپ، پارتيانىڭ بەكىمى، ارميانىڭ بەكىمى، حالىقتىڭ تىلەگى اسقاقتاپ، جەلپىنىپ، تاريحي ۇدەرىستە جيناقتالعان قۋاتتى ەنەرگيا تولىق شىعارىلىپ، بۇرىن بولماعان تاريحي ىرىقتىلىق رۋحىن، تاريحي جاسامپازدىق رۋحىن تاسقىنداتىپ، مىعىم سەنىممەن جاڭا داۋىردەگى جۇڭگونىڭ دامۋىنىڭ ۇلى تاريحىن جازۋدا.

  جول بويى توسقاۋىلداردى تالقانداپ، بوگەتتەردى بۇزىپ، جول بويى جەڭىس ءانىن شىرقاپ العا ىلگەرىلەدى. جاڭا داۋىردەگى پارتيا مەن مەملەكەت ىستەرىنىڭ تاريحي تابىستارعا قول جەتكىزۋىندەگى، تاريحي وزگەرىستەر تۋىلۋىنداعى ءتۇرلى سەبەپ، باس شۋجي شي جينپيڭنىڭ رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. ”پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋدە شەشۋشى مانگە يە“. بۇل پارتيانىڭ 100 جىلدىق كۇرەسىن، پارتيا 18 - قۇرىلتايىنان بەرگى ۇلى امالياتتى قورىتىندىلاۋدان كەلگەن كەلەلى تاريحي قورىتىندى، بۇكىل پارتيانىڭ ورتاق ەركىن ايگىلەگەن، حالىقتىڭ ورتاق جۇرەك ءۇنىن بەينەلەگەن كەلەلى ساياسي تۇجىرىم، پارتيا 18 - قۇرىلتايىنان بەرگى ەڭ ماڭىزدى ساياسي جەتىستىك. شي جينپيڭ جاڭا ءداۋىر جۇڭگوشا سوتسياليزم يدەياسى جۇڭگو ساۋالىنا، دۇنيە ءجۇزى ساۋالىنا، حالىق ساۋالىنا، ءداۋىر ساۋالىنا عىلمي جاۋاپ بەردى، ول زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ ءداۋىر جاۋھارى، ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋدىڭ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ جاڭا ءورىسىن اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا يدەيالىق جەتەكشىلىك جانە ارەكەت باعدارناماسىن ازىرلەدى.

  بۇگىن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، 100 جىلدىق شۇعىلالى بەلەستى باسقان جۇڭگو كوممۋنيستىك پارتياسى جۇڭگو حالقىنا باسشىلىق ەتىپ، جۇڭگوشا سوتسياليزم جولىندا بوگەۋ بەرمەس ارىنمەن جۇڭحۋا ۇلتىنىڭ ۇلى گۇلدەنۋىن بەتكە الۋدا. كەزەكتە، دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى مەزگىلگە ءوتتى، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، سەنىمىمىز كامىل جانە قارىمىمىز قاپتال جەتەدى. سونىمەن بىرگە، ءسوز جوق، ءتىپتى دە زور، ءتىپتى دە جاپالى قۇلشىنىستار جاساۋعا دايىن بولۋىمىز كەرەك. ءبىز قۇرىلتايدىڭ قازىرگى دۇنيە ءجۇزى مەن زامانىمىزداعى جۇڭگونىڭ دامۋ ۇلكەن اۋقىمىن عىلمي باعامداپ، ءبىز ءدوپ كەلگەن ستراتەگيالىق وراي مەن حاۋىپ - قاتەرلەردى، سىن - سايىستاردى عىلمي يگەرىپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا ءۇمىتىن جالپى بەتتىك يگەرىپ، ستراتەگيالىق جالپى جاعداي جاعىنان پارتيا مەن مەملەكەت ىستەرىنە جوسپار جانە ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن تاريحي سەنىمدى بەكەمدەپ، تاريحي ىرىقتىلىقتى نىعايتىپ، جۇڭگوشا سوتسياليزمنىڭ جاڭا جاعدايىن قۇلشىنا اشىپ، جۇڭحۋا ۇلتىنىڭ ۇلى گۇلدەنۋ تاريحي ءۇردىسىن تاباندىلىقپەن ىلگەرىلەتۋگە جەتەكتەۋىن كۇتەمىز.

  باس شۋجي شي جينپيڭ بىلاي دەپ باسا دارىپتەدى: ”ءبىز بۇرىن بولماعان وزگەرىس داۋىرىندە تۇرمىز، بۇرىنعىلار ىستەمەگەن ۇلى ىستەردى ىستەۋدەمىز“. بۇقارانى كوڭىل تورىنە قويىپ، قولىمىزعا اقيقاتتى ۇستاپ، ومىردەگى دۇرىس جولدى باسقان ءبىزدىڭ سەنىمىمىز نىق، كۇشىمىز جەتكىلىكتى. جاڭا ۇلى جورىقتا، مەيلى جاعداي قالاي قۇبىلسىن، سىن - سايىس مەيلى قانداي قاتاڭ بولسىن، ءبىز قاشاندا پارتيا قۇرۋ ۇلى رۋحىن اسقاقتاتىپ، اۋەلگى ماقساتتان، بورىشتان اينىماي، قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن دا ويلاپ، ”ەمتيحان تاپسىرۋدىڭ“ سەرگەكتىگى مەن تاباندىلىعىن ماڭگى ساقتاپ، ءوز ءىسىمىزدى بار كۇشپەن ويداعىداي ىستەپ، العان بەتتەن قايتپايتىن قايسارلىقپەن بەلگىلەنگەن نىسانانى قۇلشىنا جۇزەگە اسىرامىز. ”ىنتىماق − كۇش، كۇرەس جۇرگىزۋ بولاشاققا جول اشادى“. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن قۇلشىنا جازىپ، جۇڭگوشا سوتسياليزمنىڭ جاڭا جەڭىسىن قولعا كەلتىرىپ، جاڭا ەمتيحان تاپسىرۋ جولىندا ادامداردى جالت قاراتاتىن جاڭا كەرەمەتتەردى ۇزدىكسىز جاراتايىق.

  قۇرىلتايدىڭ تولىق تابىستى بولۋىن تىلەيمىز!

  (شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.