جۇڭگوشا سوتسياليزم ۇلى تۋىن بيىك ۇستاپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭدە اشىلدى
شي جينپيڭ 19 - كەزەكتى ورتالىق كوميتەت اتىنان قۇرىلتايعا بايانداما جاسادى
شي جينپيڭ بىلاي دەپ اتاپ كورسەتتى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ. العا باسۋ جولىندا مىناداي كەلەلى پرينسيپتەردى، ءسوز جوق، مىقتى يگەرۋىمىز كەرەك: پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، جۇڭگوشا سوتسياليزم جولىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، رەفورمالاۋ، ەسىك اشۋدى تەرەڭدەتۋگە تاباندى بولۋ، كۇرەسكەرلىك رۋحتى ساۋلەلەندىرۋگە تاباندى بولۋ
لي كىچياڭ قۇرىلتايدى باسقاردى، 2340 ۋاكىل جانە ۇسىنىس ەتىلگەن ۋاكىل قۇرىلتايعا قاتىناستى
10 - ايدىڭ 16 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭ حالىق سارايىندا اشىلدى. شي جينپيڭ 19 - كەزەكتى ورتالىق كوميتەت اتىنان قۇرىلتايعا بايانداما جاسادى.
□ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
10 - ايدىڭ 16 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭ حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، حۋ جينتاۋ ءتوراعالار مىنبەسىنەن ورىن الدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
قۇرىلتايدىڭ باستى تاقىرىبى: جۇڭگوشا سوتسياليزم ۇلى تۋىن بيىك ۇستاۋ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋ، پارتيا قۇرۋ ۇلى رۋحىن ساۋلەلەندىرۋ، وزىنە سەنىپ، ءوزىن الۋەتتەندىرىپ، ءتۇبىرلى پرينسيپتەن اينىماي، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ
شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. زەيىن - زەردەنى، كۇش - قۋاتتى شوعىرلاندىرىپ، گۇلدەنۋدىڭ جاڭا جوباسىن جاساپ، ىنتىماقتاسا، ەكپىندەي العا ۇمتىلىپ، تاريحي جاڭا ۇلى ىستەردى جاراتتى. كۇللى الەم كوز تىككەن جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 16 - كۇنى تۇستەن بۇرىن حالىق سارايىندا اشىلدى.
شي جينپيڭ 19 - كەزەكتى ورتالىق كوميتەت اتىنان قۇرىلتايعا «جۇڭگوشا سوتسياليزم ۇلى تۋىن بيىك ۇستاپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك» دەگەن تاقىرىپتا بايانداما جاسادى. شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى مەملەكەتتىك 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي. قۇرىلتايدىڭ باستى تاقىرىبى: جۇڭگوشا سوتسياليزم ۇلى تۋىن بيىك ۇستاۋ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋ، پارتيا قۇرۋ ۇلى رۋحىن ساۋلەلەندىرۋ، وزىنە سەنىپ، ءوزىن الۋەتتەندىرىپ، ءتۇبىرلى پرينسيپتەن اينىماي، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ.
ايبىندى دا اسقاق حالىق سارايىنىڭ 10 مىڭ ادامدىق ۇلكەن زالى شات مەرەيگە شومدى. ءتوراعالار مىنبەسىنىڭ تورىنە ”جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى“ دەگەن جازۋ جازىلعان قۇرىلتاي بەلگىسى ىلىنگەن، ارتقى پەردەنىڭ ءدال ورتاسىنا وراق پەن بالعادان قۇرالعان پارتيا گەربى قادالعان، 10 نارت قىزىل تۋ ەكى جاعىنا ءبولىپ تىزىلگەن. 2 - جانە 3 - قاباتتاعى مىنبەنىڭ جيەگىنە جەكە - جەكە ”جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك“! ”ۇلى، داڭقتى، دۇرىس جۇڭگو كوممۋنيستىك پارتياسى جاساسىن“! دەگەن جازۋلار جازىلعان كەرمە تۋ ىلىنگەن.
قۇرىلتاي ءتوراعالار القاسى تۇراقتى كوميتەتىنىڭ قۇرامىنداعىلاردان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، حۋ جينتاۋ، لي رۇيحۋان، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، جاڭ چيڭلي ءتوراعالار مىنبەسىنىڭ الدىڭعى قاتارىنان ورىن الدى.
قۇرىلتايدى لي كىچياڭ باسقاردى. تۇستەن بۇرىن ساعات 10دا قۇرىلتاي باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. ودان سوڭ بارلىق جولداس ماۋ زىدۇڭ، جوۋ ىنلاي، ليۋ شاۋچي، جۋ دى، دىڭ شياۋپيڭ، چىن يۇن قاتارلى اعا بۋىن پرولەتاريات توڭكەرىسشىلەرى مەن توڭكەرىستىك قۇرباندارعا ءۇنسىز ازا ءبىلدىردى.
لي كىچياڭ: پارتيانىڭ 20 - قۇرىلتايىنا قاتىناسۋعا ءتيىستى ۋاكىل 2296، ۇسىنىس ەتىلگەن ۋاكىل 83، جيىنى 2379 ۋاكىل، بۇگىن ناقتى قاتىناسقان ۋاكىل 2340، - دەپ جاريالادى. ول قۇرىلتايعا سىرتتاي قاتىناسقان پارتيا سىرتىنداعى دوستاردى جانە قاتىستى جاقتارداعى جاۋاپتى جولداستاردى قىزۋ قارسى الاتىندىعىن ءبىلدىردى.
شي جينپيڭنىڭ 19 - كەزەكتى ورتالىق كوميتەت اتىنان قۇرىلتايعا جاساعان بايانداماسى جالپى 15 بولىككە بولىنگەن: ءبىرىنشى، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەر؛ ەكىنشى، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋ؛ ءۇشىنشى، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى؛ ءتورتىنشى، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ؛ بەسىنشى، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن اتقارىپ، وسىزامانداندىرۋ قۇرىلىسىنداعى دارىندىلار تىرەگىن كۇشەيتۋ؛ التىنشى، جالپى بارىستىق حالىق دەموكراتياسىن دامىتىپ، حالىقتىڭ وزىنە - ءوزى قوجايىن بولۋىن قامتاماسىز ەتۋ؛ جەتىنشى، مەملەكەتتى جاپپاي زاڭمەن باسقارۋعا تاباندى بولىپ، زاڭمەن باسقارىلاتىن جۇڭگو قۇرىلىسىن ىلگەرىلەتۋ؛ سەگىزىنشى، مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ؛ توعىزىنشى، حالىقتىڭ ىرىس - قۇتىن ارتتىرىپ، حالىقتىڭ تۇرمىس ساپاسىن جوعارىلاتۋ؛ ونىنشى، جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋ؛ ون ءبىرىنشى، مەملەكەت حاۋىپسىزدىگى جۇيەسى مەن قۋاتىنىڭ وسىزاماندانۋىن ىلگەرىلەتىپ، مەملەكەت حاۋىپسىزدىگى مەن قوعامنىڭ ورنىقتىلىعىن باتىل قورعاۋ؛ ون ەكىنشى، ارميا قۇرىلعاندىعىنىڭ 100 جىلدىق كۇرەس نىساناسىن جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن اشۋ؛ ون ءۇشىنشى، ”ءبىر ەل، ەكى تۇزىمگە“ تاباندى بولىپ جانە ونى كەمەلدەندىرىپ، وتاننىڭ بىرلىككە كەلۋىن ىلگەرىلەتۋ؛ ون ءتورتىنشى، دۇنيە ءجۇزىنىڭ بەيبىتشىلىگى مەن دامۋىن جەبەپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ؛ ون بەسىنشى، پارتيانى جاپپاي قاتاڭ باسقارۋدان اۋىتقىماي، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ.
شي جينپيڭ بايانداماسىندا بىلاي دەپ اتاپ كورسەتتى: 19 - قۇرىلتايدان بەرگى 5 جىلدا، پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستەردى ءبىر تۇتاس جوسپارلاپ، پارتيا مەن مەملەكەت ىستەرىنىڭ دامۋى جونىندە كەلەلى ستراتەگيالىق ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، اۋىر دا كۇردەلى حالىقارالىق جاعدايعا جانە ءبىر - بىرىنە ۇلاسقان وراسان زور حاۋىپ - قاتەر مەن سىن - سايىسقا ۇتىمدى توتەپ بەرىپ، جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرى باستىردى. 5 جىلدان بەرى، پارتيامىز حالىقتى ىنتىماقتاستىرىپ جانە باستاپ، ۇزاق ۋاقىتتان بەرى شەشىلمەي كەلگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى تىندىرىپ، پارتيا مەن مەملەكەت ىستەرىنىڭ دۇنيەنى جالت قاراتقان كەلەلى تابىستارعا قول جەتكىزۋىن ىلگەرىلەتتى.
جاڭا ءداۋىردىڭ 10 جىلىنداعى قىزمەتتەردى قورىتىندىلاعان كەزدە، شي جينپيڭ بىلاي دەپ اتاپ كورسەتتى: 10 جىلدان بەرى، ءبىز پارتيا مەن حالىقتىڭ ىستەرى جونىنەن كەلەلى رەال ماڭىزعا جانە تەرەڭ تاريحي ماڭىزعا يە ءۇش ءىرى ءىستى باستان وتكەردىك: ءبىرىنشى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الدىق، ەكىنشى، جۇڭگوشا سوتسياليزم جاڭا داۋىرگە ءوتتى، ءۇشىنشى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردىق. بۇل − جۇڭگو كوممۋنيستىك پارتياسى مەن جۇڭگو حالقىنىڭ ىنتىماقتاسا كۇرەس جاساۋ ارقىلى قول جەتكىزگەن تاريحي جەڭىسى، جۇڭحۋا ۇلتىنىڭ دامۋ تاريحىنداعى ماڭگى وشپەيتىن تاريحي جەڭىس ءارى دۇنيە جۇزىنە تەرەڭ ىقپال جاسايتىن تاريحي جەڭىس.
شي جينپيڭ بىلاي دەدى: 10 جىلدان بەرى، ءبىز پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاساپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن جەدەلدەتتىك. جاڭا ءداۋىر جۇڭگوشا سوتسياليزم يدەياسىن جاراتىپ، پارتيا باسشىلىعىن جاپپاي كۇشەيتىپ، جۇڭحۋا ۇلتىنىڭ دوڭگەلەك داۋلەتتىلىككە جەتۋ سىندى مىڭ جىلدىق ارمانىن جۇزەگە اسىرىپ، جاڭا داۋىردەگى پارتيا مەن مەملەكەت ىستەرىنىڭ دامۋى جونىندە عىلمي، كەمەلدى ستراتەگيالىق ورنالاستىرۋ جاساپ، جاڭا دامۋ ۇستانىمىن ورتاعا قويىپ جانە دايەكتىلەندىرىپ، وراسان زور ساياسي باتىلدىقپەن رەفورمانى جاپپاي تەرەڭدەتىپ، اناعۇرلىم بەلسەندى، ىرىقتى ەسىك اشۋ ستراتەگياسىن اتقارىپ، جۇڭگوشا سوتسياليستىك ساياسي دامۋ جولىمەن جۇرۋگە تاباندى بولىپ، ماركسيزمنىڭ يدەولوگيا سالاسىنداعى جەتەكشىلىك ورنى سىندى ءتۇبىرلى ءتۇزىمدى ايقىنداپ جانە وعان تاباندى بولىپ، حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن بەلگىلەپ، ”ءبىر ەل، ەكى ءتۇزىم“ امالياتىن جان - جاقتى، دۇرىس ىلگەرىلەتىپ، جۇڭگوشا ءىرى ەلدىك ديپلوماتيانى جاپپاي ىلگەرىلەتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتتىك. سونىمەن بىرگە، قىزمەتىمىزدە ءالى دە كەيبىر جەتەرسىزدىكتەر ساقتالىپ، كوپتەگەن قيىنشىلىق پەن ماسەلەگە ءدوپ كەلىپ وتىرعانىمىزدى، ءسوز جوق، سەرگەكتىكپەن كورە ءبىلۋىمىز كەرەك.
شي جينپيڭ بىلاي دەپ اتاپ كورسەتتى: جاڭا داۋىردەگى 10 جىلدىق ۇلى وزگەرىس، پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. 100 جىلدىق كۇرەس بارىسىن باسىپ وتكەن جۇڭگو كوممۋنيستىك پارتياسى توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولدى، جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق قۇدىرەتتى باسشىلىق ۇيتقى بولدى. جۇڭگو حالقىنىڭ العا باسۋىنداعى قوزعاۋشى كۇش ونان ارى نىعايىپ، كۇرەسكەرلىك رۋحى ءتىپتى اسقاقتاپ، ءسوزسىز جەڭىسكە جەتۋ سەنىمى اناعۇرلىم بەكەمدەلدى، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋىن بەرىك سەنىممەن ىلگەرىلەتۋدە.
شي جينپيڭ بىلاي دەپ باسا دارىپتەدى: ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋ − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى. اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋ جانە ودان ويداعىداي پايدالانۋ كەرەك. حالىقتى بارىنەن جوعارى قويۋعا تاباندى بولۋ، سەنىمدى، دەربەس بولۋعا تاباندى بولۋ، ءتۇبىرلى پرينسيپتەن اينىماي، جاڭالىق اشۋعا تاباندى بولۋ، ماسەلەنى باعدار ەتۋگە تاباندى بولۋ، جۇيە كوزقاراسىنا تاباندى بولۋ، دۇنيەگە كەڭ پەيىل بولۋعا تاباندى بولۋ كەرەك.
جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى جونىندە توقتالعاندا، شي جينپيڭ بىلاي دەپ اتاپ كورسەتتى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ. العا باسۋ جولىندا مىناداي كەلەلى پرينسيپتەردى، ءسوز جوق، مىقتى يگەرۋىمىز كەرەك: پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، جۇڭگوشا سوتسياليزم جولىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، رەفورمالاۋدى، ەسىك اشۋدى تەرەڭدەتۋگە تاباندى بولۋ، كۇرەسكەرلىك رۋحتى ساۋلەلەندىرۋگە تاباندى بولۋ.
شي جينپيڭ بىلاي دەپ باسا دارىپتەدى: جاڭا دامۋ ۇستانىمىن، ءسوز جوق، تولىق، ءدال، جالپى بەتتىك دايەكتىلەندىرىپ، سوتسياليستىك بازار ەكونوميكاسىنىڭ رەفورما بەتالىسىنان جازباي، جوعارى دەڭگەيدەگى سىرتقا ەسىك اشۋعا تاباندى بولىپ، ىشكى ۇلكەن اينالىمدى نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك. جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن ورناتۋ، وسىزاماندانعان شارۋاشىلىق جۇيەسىن ورناتۋ، اۋىل - قىستاقتى كوركەيتۋدى جاپپاي ىلگەرىلەتۋ، وڭىرلىك سايكەستى دامۋدى جەبەۋ، جوعارى دەڭگەيدەگى سىرتقا ەسىك اشۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەنگە تاباندى بولىپ، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، دامۋدىڭ تىڭ سالاسىن، جاڭا باسەكە الاڭىن اشىپ، دامۋدىڭ جاڭا قوزعاۋشى كۇشىن، تىڭ ابزالدىلىعىن ۇزدىكسىز سومداۋ كەرەك. وقۋ - اعارتۋدى الدىمەن دامىتۋعا، عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە، دارىندىلار ارقىلى قوزعاۋشى كۇشكە جەتەكشىلىك ەتۋگە تاباندى بولىپ، وقۋ - اعارتۋ جاعىندا قۇدىرەتتى مەملەكەت قۇرۋدى، عىلىم - تەحنيكا جاعىندا قۇدىرەتتى مەملەكەت قۇرۋدى، دارىندىلار جاعىندا قۇدىرەتتى مەملەكەت قۇرۋدى جەدەلدەتۋ كەرەك.
شي جينپيڭ بىلاي دەدى: جۇڭگوشا سوتسياليستىك ساياسي دامۋ جولىمەن، ءسوز جوق، اۋىتقىماي ءجۇرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋ كەرەك. حالىقتىڭ وزىنە - ءوزى قوجايىن بولۋ ءتۇزىمىن قامتاماسىز ەتۋدى كۇشەيتۋ، ءماسليحاتتىق دەموكراتيانى جاپپاي دامىتۋ، نەگىزگى ساتى دەموكراتياسىن بەلسەنە دامىتۋ، ەڭ كەڭ وتانشىلدىق بىرلىكساپتى بەكەمدەۋ جانە دامىتۋ كەرەك.
شي جينپيڭ بىلاي دەپ اتاپ كورسەتتى: زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن، ءسوز جوق، اناعۇرلىم ويداعىداي ساۋلەلەندىرىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك. نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرۋ، اكىمشىلىكتى زاڭ بويىنشا جۇرگىزۋدى تىڭعىلىقتى ىلگەرىلەتۋ، ءادىليانى قاتاڭ، ءادىل جۇرگىزۋ، زاڭمەن باسقارىلاتىن قوعامدى جەدەل ورناتۋ كەرەك.
شي جينپيڭ مىنالاردى ءبىلدىردى: قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتۋ، سوتسياليستىك وزەكتى قۇن كوزقاراسىن امالياتتا كەڭىنەن ايگىلەۋ، بۇكىل قوعامنىڭ وركەنيەت دەڭگەيىن جوعارىلاتۋ، مادەنيەت ىستەرى مەن مادەنيەت شارۋاشىلىعىن گۇلدەندىرۋ جانە دامىتۋ، جۇڭحۋا وركەنيەتىن تاراتۋ قۋاتىن، ىقپال كۇشىن نىعايتۋ كەرەك.
شي جينپيڭ بىلاي دەپ اتاپ كورسەتتى: بارشا حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتى يگەرىپ، بار كۇشىمىزدى سالىپ ءىس تىندىرۋعا، شامامىزعا قاراي ءىس ىستەۋگە تاباندى بولۋىمىز كەرەك. ءبولىس ءتۇزىمىن كەمەلدەندىرۋ، جۇمىستاندىرۋدى الدىمەن ويلاستىرۋ ستراتەگياسىن اتقارۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، سالاماتتى جۇڭگو قۇرىلىسىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، دامۋدى ادام مەن تابيعاتتىڭ جاراسىمدى، قاتار ءومىر سۇرەتىن تۇرعىسىندا تۇرىپ جوسپارلاۋ كەرەك. دامۋ تاسىلىندە جاسىلعا بۇرىلىس جاساۋدى جەدەلدەتۋ، ورتانىڭ لاستانۋىنىڭ الدىن الۋدى جانە وڭاۋدى ىشكەرىلەي ىلگەرىلەتۋ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ارتتىرۋ، كومىر قىشقىل گازىن شىعارۋدى بەلگىلەنگەن وركەش مانىنە جەتكىزۋدى، كومىر قىشقىل گازىن بەيتاراپتاۋدى بەلسەنە، ورنىقتى ىلگەرىلەتۋ كەرەك.
شي جينپيڭ مىنالاردى العا قويدى: جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرۋ كەرەك. مەملەكەت حاۋىپسىزدىگى جۇيەسىن كەمەلدەندىرۋ، مەملەكەت حاۋىپسىزدىگىن قورعاۋ قۋاتىن كۇشەيتۋ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتۋ، قوعامدىق باسقارۋ جۇيەسىن كەمەلدەندىرۋ كەرەك.
شي جينپيڭ مىنالاردى ءبىلدىردى: ارميا قۇرىلعاندىعىنىڭ 100 جىلدىق كۇرەس نىساناسىن مەرزىمىندە جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. اسكەرلەردى جاتتىقتىرۋدى جانە سوعىس دايىندىعىن جاپپاي كۇشەيتىپ، اسكەري ىستەردى باسقارۋدى جاپپاي كۇشەيتىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ كەرەك.
شي جينپيڭ بىلاي دەپ باسا دارىپتەدى: ”ءبىر ەل، ەكى ءتۇزىم“ − جۇڭگوشا سوتسياليزمنىڭ ۇلى جاسامپازدىعى، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋداعى ەڭ ۇتىمدى تۇزىمدىك ورنالاستىرۋ، وعان، ءسوز جوق، ۇزاق ۋاقىت تاباندى بولۋ كەرەك. شياڭگاڭدى، اۋمىندى زاڭ بويىنشا باسقارۋعا تاباندى بولىپ، ورتالىقتىڭ جان - جاقتى باسقارۋ، جونگە سالۋ ۇقىعىن تياناقتاندىرىپ، ”وتانشىلداردىڭ شياڭگاڭدى باسقارۋى“، ”وتانشىلداردىڭ اۋمىندى باسقارۋى“ پرينسيبىن تياناقتاندىرىپ، شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسۋىن قولداپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى رولىن اناعۇرلىم ويداعىداي ساۋلەلەندىرۋ كەرەك. ءبىز شەكسىز شىن جۇرەكتەن، بار كۇش - جىگەرىمىزبەن بەيبىت جولمەن بىرلىككە كەلۋدىڭ كەلەشەگىنە قول جەتكىزۋگە تاباندى بولامىز، الايدا، بارلىق قاجەتتى شارالاردى قولدانۋ تاڭداۋىن ساقتاپ قالامىز، وتاننىڭ بۇكىلدەي بىرلىككە كەلۋىن، ءسوز جوق، جۇزەگە اسىرامىز، ءسوز جوق، جۇزەگە اسادى دا!
شي جينپيڭ مىنالاردى ءبىلدىردى: قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن - سوڭدى بولىپ كورمەگەن تاسىلمەن ورىستەۋدە. جۇڭگو دەربەس، وزىنە - ءوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارىپ، بەيبىت قاتار تۇرۋدىڭ بەس پرينسيبى نەگىزىندە ءار ەلمەن دوستىق سەلبەستىكتى دامىتۋعا تاباندى بولىپ، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولادى، جۇڭگو حالقى دۇنيە ءجۇزى حالقىمەن قول ۇستاسا وتىرىپ، ادامزاتتىڭ اناعۇرلىم كوركەم بولاشاعىن جاراتۋعا پەيىل!
شي جينپيڭ بىلاي دەپ اتاپ كورسەتتى: بۇكىل پارتيا پارتيانى جاپپاي قاتاڭ باسقارۋدىڭ ماڭگى توقتالمايتىندىعىن، پارتيانىڭ وزىنە - ءوزى توڭكەرىس جاساۋى ماڭگى توقتالمايتىندىعىن، بوساڭسۋ، دامىلداۋ، قالجىراۋ، جالىعۋ پيعىلىنىڭ بولۋىنا استە بولمايتىندىعىن، ءسوز جوق، ەستە بەرىك ساقتاپ، پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋى كەرەك.
ول بىلاي دەپ باسا دارىپتەدى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ، جاڭا ءداۋىر جۇڭگوشا سوتسياليزم يدەياسى ارقىلى جۇرت تىلەگىن ۇيىستىرىپ، رۋحتى سومداۋعا تاباندى بولۋ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ، ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرۋ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ، ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولۋ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ كەرەك.
شي جينپيڭ بىلاي دەپ اتاپ كورسەتتى: پارتيا ۇلى كۇرەس ارقىلى عاسىرلىق ۇلى ىستەردى جاراتتى ءارى تىڭ دا ۇلى كۇرەستەر ارقىلى، ءسوز جوق، تىڭ دا ۇلى ىستەردى جاراتا الادى.
شي جينپيڭ بايانداما جاساۋ بارىسىندا بۇكىل زالدان قىزۋ قول شاپالاق ءۇنى ءالسىن - ءالى كوتەرىلىپ تۇردى.
مەملەكەتتىك حالىق قۇرىلتايى تۇراقتى كوميتەتىنىڭ مىندەت وتەپ جاتقان جانە كەزىندە مىندەت وتەگەن ورىنباسار باستىقتارى، مەملەكەتتىك ساياسي كەڭەستىڭ ورىنباسار ءتوراعالىق مىندەتىن وتەپ جاتقان جانە كەزىندە مىندەت وتەگەن پارتيا سىرتىنداعى قايراتكەرلەر، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدە تۇراتىن ورىنباسار ءتوراعالارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى قايراتكەرلەردىڭ ۋاكىلدەرى، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى اراسىنداعى دەموكراتيالىق پارتيا - توپتاردىڭ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر قۇرىلتايعا قوناق رەتىندە سىرتتاي قاتىناستى. پارتيا ىشىندەگى قاتىستى جاۋاپتى جولداستار دا قۇرىلتايعا سىرتتاي قاتىناستى.
جۇڭگولىق، شەتەلدىك 2500دەي ءتىلشى قۇرىلتايدىڭ اشىلۋ سالتاناتىن حابارلادى.
