− شينجياڭ ۋاكىلدەرىنىڭ پارتيا 20 - قۇرىلتايىنىڭ اشىلۋ ماجىلىسىنە قاتىناسقاندىعى جونىندە وچەرك
□ انار بۇلت \ شينجياڭ گازەتىنىڭ ءتىلشىسى ليۋ شياڭ
پارتيا 20 - قۇرىلتايى اشىلدى!
10 - ايدىڭ 16 - كۇنى دۇنيە ءجۇزىنىڭ نازارى جۇڭگوعا شوعىرلاندى، جۇڭگونىڭ بەيجيڭىنە شوعىرلاندى.
”جاڭا داۋىردەگى 10 جىل ءاربىر جەكە ادام ۇلى وزگەرىستى شىنايى سەزىنگەن 10 جىل بولدى“. ۋاكىل گۇلامبەر راۋشان پامير ۇستىرتىنەن حالىق سارايىنا قاراي جول العاندا كوڭىلى كولدەي تولقىدى. 10 جىلدان بەرگى اۋىلداستاردى كەدەيلىكتەن ارىلۋعا، دوڭگەلەك داۋلەتتىلىكتى جۇزەگە اسىرۋعا باستاعان وزگەشە كەشىرمەسى ونىڭ جۇڭگو كوممۋنيستىك پارتياسىنىڭ مۇشەسى بولعانداعى اۋەلگى ماقساتى مەن بورىشىن ونان ارى بەكەمدەي ءتۇستى. ”قالتا قامپايدى، تۇرمىس بايىدى، جۇڭگو قۇدىرەتتەندى، كەرەمەت 10 جىل ۇلى وزگەرىس، ءبىز جۇڭگو شارۋالارى جونىنەن العاندا، بۇل ناقتى بولمىس“.
گۇلامبەر سياقتى شينجياڭ ۋاكىلدەر ۇيىرمەسىندەگى ءاربىر ۋاكىلدىڭ 10 جىلى ۇمتىلماس ەستەمەلەرگە، باقىتتى ەستەمەلەرگە تولى. وسى 10 جىلداعى كەرەمەت تابىستاردىڭ ارقاسىندا، ولار پارتيا 20 - قۇرىلتايىنىڭ اشىلۋ ءماجىلىسىنىڭ جيىن زالىنا كوتەرىڭكى رۋحپەن، اسقاق سەزىممەن ۇمىتكە تولى قادام تاستادى.
”ۇلى، داڭقتى، دۇرىس جۇڭگو كوممۋنيستىك پارتياسى جاساسىن“! حالىق سارايىنىڭ كەرمە تۋىنا قاراپ ۋاكىل تۇرعۇن ءومار ەرەكشە تەبىرەندى. ول حوتاننىڭ گۋماسىنداعى بالالاردىڭ جۇڭگو كەڭىستىك بەكەتىندە مىندەت اتقارىپ جاتقان عارىشكەرلەرمەن كوكتەم مەرەكەسىن ءوزارا قۇتتىقتاعاندارىن، بىلەگى ۇزىلگەن ۇل بالانىڭ تۇتاس قوعامنىڭ كۇش جالعاپ قۇتقارۋىنا قول جەتكىزىپ، ۇزىلگەن بىلەگىن قايتا جالعاعاندىعىن، بەيجيڭ، تيانجين، انحۇيدان كەلگەن اعا - باۋىر، اپەكە - سىڭلىلەردىڭ حوتاننىڭ دامۋىنا قالتقىسىز كومەك كورسەتكەندىگىن... ەسىنە الدى. ”باس شۋجي شي جينپيڭنىڭ، پارتيا ورتالىق كوميتەتىنىڭ باسشىلىعى بولعاندا عانا بۇرىنعى ارمان رەالدىققا اينالىپ، ءاربىر جۇڭگولىقتى مەيىرگە بولەيدى“، - دەدى ۋاكىل تۇرعۇن.
شينجياڭ ۋاكىلدەر ۇيىرمەسىندەگى ۋاكىلدەر ”ەكىنى تۇراقتاندىرۋ“ جۇرەكتەرىنە تەرەڭ ۇيالاعان جۇرەك ۇندەرىن ءبىلدىردى.
بۇگىنگى جۇڭگودا، بۇگىنگى كوركەم شينجياڭدا شەكارا وڭىردەگى ءار ۇلت پەرزەنتتەرى باس شۋجي شي جينپيڭنىڭ رول ۇستاپ، جول باستاۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى ءبىزدى، ءسوز جوق، اناعۇرلىم كوركەم بولاشاققا جەتكىزەتىندىگىنە كامىل سەنەدى.
باس شۋجي شي جينپيڭ بايانداما جاساعاندا ۋاكىلدەردەن ءالسىن - ءالى قىزۋ قول شاپالاق ءۇنى كوتەرىلدى. ”بۇل شىن جۇرەكتەن قۇپتاۋ، شىن جۇرەكتەن قولداۋ“! ۋاكىل ما لي بيڭتۋان قىزمەتكەرى، ول: ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، ياچەيكانى كۇشەيتىپ قۇرىپ، بۇقارانى پارتيانىڭ توڭىرەگىنە تىعىز ۇيىستىرىپ، جۇڭگو ارمانىن ءبىر نيەت، ءبىر تىلەكپەن جۇزەگە اسىراتىن قۇدىرەتتى بىرىككەن كۇش قالىپتاستىرامىز، - دەدى.
ءماجىلىس زالىنان شىققاندا، ۋاكىلدەردىڭ جۇزىنەن ەرەكشە ماقتانىش پەن نىق سەنىم مەن مۇندالادى.
”باس شۋجي شي جينپيڭنىڭ ’ءبىر بەلدەۋ، ءبىر جول‘ ۇلى باستاماسى دۇنيە ءجۇزىن شينجياڭمەن قاۋىشتىرىپ، شينجياڭدى دۇنيە جۇزىنە بەت الدىرىپ، شينجياڭدى ەسىك اشۋدىڭ الدىڭعى شەبىنە اينالدىردى“. ۋاكىل نيە جۋاڭ بىلاي دەدى: پارتيا 20 - قۇرىلتايىنىڭ رۋحىن ويداعىداي ۇيرەنسەك، دايەكتىلەندىرسەك، تياناقتاندىرساق، شينجياڭنىڭ ەرتەڭى اناعۇرلىم كوركەم بولاتىندىعى ءسوزسىز.
ۋاكىل حاۋ شياڭلي بىلاي دەدى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جالپى حالىقتىڭ بىرگە بايۋىن ۇزدىكسىز تىڭعىلىقتى ىلگەرىلەتىپ، وسى نىساناعا قاراي اناعۇرلىم بەلسەندى قۇلشىنىس جاساۋ كەرەك.
”شينجياڭدى مادەنيەتپەن نارلەندىرۋ، وزىنە سەنىمدى بولۋ، ءوزىن الۋەتتەندىرۋ“. ۋاكىل رىزۋانگۇل ساۋۇت بىلاي دەدى: ءسوز جوق، مادەنيەت سەنىمىن بەكەمدەپ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتىپ جانە ونى اسقاقتاتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، سوتسياليستىك وسىزامانداندىرۋدى ىلگەرىلەتۋگە اناعۇرلىم پارمەندى رۋحاني كۇش ازىرلەيمىز.
پارتيا 20 - قۇرىلتايى اشىلۋ قارساڭىندا، باس شۋجي شي جينپيڭ شينجياڭدى كوزدەن كەشىردى. باس شۋجي وقىتۋشى - وقۋشىلارعا، قىستاق تۇرعىندارىنا، الەۋمەتتىك اۋماق تۇرعىندارىنا ”ءبىز اناردىڭ دانىندەي“ دەي بەرگەن كەزدە، ءسوزدىڭ اياعى بىتپەي جاتىپ، سول جەردە تۇرعان مىڭداعان ادام كۇنى بۇرىن كەلىسىپ العانداي، كوتەرىڭكى ۇنمەن ”تىعىز ۇيىسۋىمىز كەرەك!“ دەپ جاۋاپ قاتتى. بۇل شينجياڭداعى ءار ۇلت كادرلارى مەن بۇقاراسىنىڭ پارتيانىڭ سوزىنە قۇلاق اسىپ، پارتيانىڭ مەيىرىنە العىس ايتىپ، پارتياعا ىلەسكەندىگىنىڭ ەڭ شىنايى بەينەسى.
اماليات العا باسۋ جولىمىزدى نۇرلاندىردى. ءبىز باس شۋجي شي جينپيڭ نۇسقاعان بەتالىستى بويلاي العا باسساق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ، ءسوز جوق، جۇزەگە اساتىندىعىنا، سوتسياليستىك وسىزاماندانعان قۇدىرەتتى ەل قۇرۋدىڭ، ءسوز جوق، كوپشىلىكتى اناعۇرلىم مول تابىس سەزىمىنە، اناعۇرلىم قامتاماسىز ەتىلگەن باقىت سەزىمىنە، اناعۇرلىم باياندى حاۋىپسىزدىك سەزىمىنە بولەيتىندىگىنە كامىل سەنەمىز.
