زۇلايات سىمايىل ”پارتيا ۋاكىلدەرى ارناسىندا“ شينجياڭنىڭ زور وزگەرىسىن باياندادى −
”كوپشىلىكتىڭ كەلىپ شىنايى شينجياڭدى كورۋىن قارسى الامىز“
□ انار بۇلت \ شينجياڭ گازەتىنىڭ ءتىلشىسى لي ياڭ
10 - ايدىڭ 16 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭ حالىق سارايىندا اشىلدى. قۇرىلتاي اشىلاردىڭ الدىندا، قاشقار داشۋەسى پارتكومىنىڭ ورىنباسار شۋجيى، ورىنباسار مەكتەپ باستىعى زۇلايات سىمايىل العاشقى بولىپ ”پارتيا ۋاكىلدەرى ارناسىنا“ شىعىپ، كەرەمەت 10 جىلداعى شينجياڭنىڭ زور وزگەرىسىن باياندادى.
ساعات 8دەن 53 مينۋت وتكەندە، ”پارتيا ۋاكىلدەرى ارناسىندا“ ادەمى تاۋىس كوك رەڭ كورىندى. از ۇلت وڭىرىنەن كەلگەن ۋاكىل رەتىندە، زۇلايات ىشكى موڭعۇلدان كەلگەن ۋاكىل تيڭ. باتىرمەن، گۋاڭشيدەن كەلگەن ۋاكىل ياڭ نيڭمەن بىرگە الاڭعا شىقتى. كۇلىمسىرەگەن ونىڭ موينىنداعى اتلاس جىبەك شارپىسى بولماشى تەربەلەدى.
ءوزىن قىسقا عانا تانىستىرعاننان كەيىن، زۇلايات: ”مەن ىلگەرى بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ ماجىلىسىنە تالاي رەت قاتىناسىپ، دۇنيە جۇزىنە شىنايى شينجياڭدى بايانداپ، جات نيەتتى وسەك - اياڭ مەن كۇيە جاعۋدى شىندىقپەن تاس - تالقان ەتتىم“، - دەدى.
شينجياڭدا ەسەيىپ - ەرجەتكەن زۇلايات بەيجيڭ داشۋەسىنەن دوكتورلىقتى بىتىرگەننەن كەيىن شەكارا ءوڭىردى كوركەيتۋ سەنىمىن كوكەيىنە ءتۇيىپ، اۋىلىنا قايتىپ كەلىپ، جوعارى مەكتەپ وقىتۋشىسى بولىپ ىستەگەنىنە مىنە 22 جىل بولدى.
وسى جىلدارى زۇلايات بىرلەسكەن مەملەكەتتەر ۇيىمىنىڭ باس شتابى مەن بىرلەسكەن مەملەكەتتەر ۇيىمى ادامدىق ۇقىق القالار كەڭەسىنە ىلگەرىندى - كەيىندى 5 رەت بارىپ، حالىقاراداعى شينجياڭعا قاتىستى قوعامدىق پىكىر كۇرەسىنە قاتىناستى، ول جان - جاقتى زەرتتەۋ جەتىستىكتەرىنەن، باي مازمۇندى ناقتى دەلو مىسالدارىنان پايدالانىپ، امەريكاداعى، باتىستاعى جۇڭگوعا قارسى كۇشتەردىڭ شينجياڭدى بۇرمالاپ كورسەتۋىنە جانە جالا جابۋىنا پارمەندى قايتارما سوققى بەردى ءارى ادەمىلىگىمەن، بىلىمدىلىگىمەن جانە جۇرەكتىلىگىمەن سانسىز ”جانكۇيەرگە“ يە بولدى.
تىلشىلەردىڭ سۇراق قويۋ بۋىنىندا، ورتالىق راديو - تەلەۆيزيا باس ستانسياسى CGTNنىڭ ءتىلشىسى: ”ءسىز شينجياڭدا وقۋ - اعارتۋ قىزمەتىمەن ۇزاق ۋاقىت اينالىسىپسىز ءارى ىلگەرى بىرلەسكەن مەملەكەتتەر ۇيىمىنا تالاي رەت بارىپ شينجياڭ حيكاياسىن بايانداپسىز. تاياۋ جىلداردان بەرى قايسى وزگەرىستەر مەن حيكايالار سىزگە تەرەڭ اسەر قالدىردى“؟ - دەپ سۇراۋ قويدى.
10 جىل قايىسپاي قاجىرلىلىقپەن ىستەدىك، 10 جىلعى تابىس كەرەمەت بولدى. 10 جىلدا تيانشان الابىنداعى زور وزگەرىستەر وسىندا تۋىپ - وسكەن، وسىندا ەسەيىپ - ەرجەتكەن وسى شينجياڭنىڭ وقۋ - اعارتۋ قىزمەتكەرىنىڭ كوكەيىنە تەرەڭ ورناپتى. زۇلايات ماقتانىشپەن بىلاي دەدى: ”وتكەن 10 جىلدا، شينجياڭنىڭ وڭىرلىك ءوندىرىس جالپى ءونىم قۇنى ەكى ەسەلەندى، ادام باسىنا شاققانداعى قولداعى تابىس ەكى ەسەدەن استى، وسىنىڭ بارلىعى تاريحتاعى جاڭا دەڭگەيدى جاراتتى. شينجياڭداعى ءار ۇلت بۇقاراسى حاۋىپسىز، ورنىقتى، دامىعان جانە العا باسقان باقىتتى تۇرمىستان تەڭ تۇرعىدا يگىلىكتەندى“.
ءدال زۇلاياتتىڭ بيىل 5 - ايدا ”شىعىس پەن باتىستىڭ اقىلماندار قويماسىنا سۇراۋ. جۇڭگونىڭ ادامدىق ۇقىعىنىڭ دامۋ جولى ارناۋلى تاقىرىپتىق زەرتتەۋ - تالقى ماجىلىسىندە“ سويلەگەن ارقاۋ سوزىندە ايتقانىنداي، شينجياڭنىڭ ءار سالا، ءار كاسىپتەگى ەڭبەكشىلەرى قۇلشىنا كۇرەس جۇرگىزىپ، اناعۇرلىم تاماشا تۇرمىسقا كۇش سالا ۇمتىلۋدا، بۇل جاڭا داۋىردەگى ەڭ كوركەم كورىنىس.
زۇلايات مىسال كەلتىرىپ بىلاي دەدى: اقسۋ ايماعى ۋىنسۋ اۋدانىندا رۋقيام ابدىرەيىم ەسىمدى ءبىر ۇيعۇر قىز بار. ول ورتالاۋدى بىتىرگەننەن كەيىن، الدىمەن، جەرگىلىكتى ورىنداعى كاسىپتىك مەكتەپتە كەستەشىلىك ۇيرەندى، كەيىن كەلە، ۇرىمجىدەگى ءبىر كيىم - كەشەك زاۆودىندا شاكىرت بولىپ ىستەدى. قازىر ول اۋىلىنا قايتىپ بارىپ شارۋاشىلىق قۇرىپ، پارتيا مەن مەملەكەتتىڭ ساياسات، قارجى، تەحنيكا جاعىنان قولداۋ كورسەتۋىندە ءوزىنىڭ كەستەشىلىك زاۆودىن اشىپ، جەرگىلىكتى ورىنداعى ءتىپتى دە كوپ ايەلدەر قاۋىمىن باستاپ، باي مازمۇندى ءومىردى ”كەستەلەدى“.
22 جىل وقۋ - اعارتۋمەن اينالىسقان زۇلايات وقۋ - اعارتۋ قىزمەتكەرى تۇرعىسىنان شينجياڭنىڭ جوعارى دارەجەلى وقۋ - اعارتۋ ساپاسىنىڭ ۇزدىكسىز جوعارىلاۋىنىڭ قاراپايىم ادامدارعا اكەلگەن وزگەرىسىنە كوز جىبەردى. ”ءتىپتى دە كوپ شينجياڭدىق بالالار شينجياڭنان شىعىپ ءبىلىم قۋدى؛ سونىمەن بىرگە، باسقا ولكەلەردەن ءتىپتى دە كوپ وقۋشىلار شينجياڭعا كەلىپ وقۋىن تامامدادى؛ ءبىر وقۋشىلار جاتاعىنان كوپ ۇلتتى ساباقتاستاردىڭ بىرگە ۇيرەنەتىندىگىن، بىرگە تۇراتىندىعىن، بىرگە شاتتاناتىندىعىن كورۋگە بولادى...“.
سول ورىنداعى تىلشىلەر مۇقيات تىڭداپ، مۇقيات ەستەلىككە الدى، شىنايى تۇسىنىستىكپەن كۇلىمسىرەگەن تىلشىلەر دە از بولمادى.
”مەن قازىر قىزمەت ىستەپ جاتقان قاشقار داشۋەسىندە مەكتەپتىڭ ءارقانداي ءبىر اسحاناسىنا كىرسەڭ، بارلىعىنان كوپ ۇلتتىڭ ءدامدى تاعامدارىن جەي الاسىڭ، كەيبىر اسحانالار ينتەرنەتتە تانىمالى ات بايلار جەرگە اينالدى“. وزىنە ابدەن تانىس مەكتەپ اۋلاسىن اۋىزعا العاندا، زۇلاياتتىڭ ەمەۋرىنىنەن جەلپىنە تۇسكەنىن بىلۋگە بولادى. ويتكەنى ول جەردە ءار ۇلت وقىتۋشى - وقۋشىلارى اناردىڭ دانىندەي تىعىز ۇيىسىپ، ۇلتتار ىنتىماعى بەينە اۋا، كۇن نۇرى سياقتى تۇرمىستىڭ قۇرامداس بولىگىنە الدەقاشان اينالعان.
ءدال باس شۋجي شي جينپيڭ شينجياڭدى كوزدەن كەشىرگەندە اتاپ كورسەتكەندەي: ”بۇل ارا ەندىگارى شەت - شالعاي ءوڭىر بولماستان، قايتا ءبىر وزەكتى وڭىرگە اينالدى، ءبىر توراپتى وڭىرگە اينالدى“. زۇلايات وقىمىستىنىڭ سەزگىرلىگىمەن وسى وزگەرىستەرگە كۋا بولدى − ”ءتىل عىلىمى، زات اينالىمى، ەلەكتروندى ساۋدا ىستەرى سىندى كاسىپتەرگە اناعۇرلىم كوپ نازار اۋدارىلدى. ەرەكشە بايلىق، كاسىپ سالاسى، جاعراپيالىق جانە گۋمانيتارلىق ابزالدىعىنا سۇيەنگەن شينجياڭ جىبەك جولى ەكونوميكالىق بەلدەۋى وزەكتى رايونىنداعى ماڭىزدى زات اينالىمى ورتالىعىنا جانە دارىندىلار توپتالاتىن - تارالاتىن جەرگە اينالدى“.
ەسىك اشقان شينجياڭ دامۋ ورايىنا يە بولدى ءارى اناعۇرلىم كوپ جاستاردىڭ ءومىرىن تارتىمدى وتكىزۋىنە شەكسىز مۇمكىندىك ازىرلەدى. ”وقۋ - اعارتۋ قىزمەتكەرى بولعان مەن مەكتەپ بىتىرگەن سان مىڭداعان وقۋشىلاردىڭ شينجياڭدا ومىرلەرىندەگى ءىرى ساحنانى تاپقاندىعىن كورىپ ەرەكشە ءسۇيىندىم“، - دەدى زۇلايات شىن جۇرەكتەن.
”كوپشىلىكتىڭ كەلىپ شىنايى شينجياڭدى كورۋىن قارسى الامىز. مەن دە شينجياڭنىڭ بولاشاعىنىڭ اناعۇرلىم كوركەم بولاتىندىعىنا كامىل سەنەمىن! كوپشىلىكتىڭ بايتاق تا كورىكتى شينجياڭعا كەلىپ قوناق بولۋىن قارسى الامىز“! زۇلايات سول ورىنداعى اقپارات مەديالاردىڭ تىلشىلەرىن شىن جۇرەكتەن شاقىردى.
ءۇش كەز ساباق مىنبەسىنەن بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ ءسوز مىنبەرىنە، ونان ”پارتيا ۋاكىلدەرى ارناسىنا“ شىققان زۇلايات باستان - اياق باتىل دا سابىرلى بولدى، ول وسىنداي ءاربىر ورايدى قاستەرلەدى، ويتكەنى ”جۇڭگونىڭ ءۇنىن، شينجياڭنىڭ ءۇنىن دۇنيە جۇزىنە ەستىرتۋدى ويلادى“. بۇگىن ”پارتيا ۋاكىلدەرى ارناسى“ سىندى دۇنيە ءجۇزى جۇڭگونى كۇزەتەتىن وسى تەرەزە ارقىلى زۇلايات ءوزىنىڭ ارمانىن ارينە جۇزەگە اسىردى.
