ەركىن تۇنياز ۇرىمجىدە ىندەتتەن ساقتانۋ - تىزگىندەۋ قىزمەتى جونىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءار جاقتىڭ كۇش - قۋاتىن ءبىر تۇتاس جوسپارلاپ، قامال الۋ تەبىنىن ارتتىرۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 16 - كۇنى ۇرىمجىدەن حابارلايدى. 10 - ايدىڭ 14 - كۇنىنەن 16 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە ىندەتتەن ساقتانۋ قىزمەتىنە تەكسەرۋ - زەرتتەۋ جۇرگىزدى، مەملەكەتتىك اۋرۋدىڭ الدىن الۋ - تىزگىندەۋ مەكەمەسىنىڭ ورىنباسار باستىعى چاڭ جيلى قاتارلىلارمەن بىرگە، حىسۋان تەكسەرۋ، الەۋمەتتىك اۋماقتا ساقتانۋ - تىزگىندەۋ، ەمدەۋ - قۇتقارۋ جانە بۇقارانىڭ ەمدەلۋى، زاتتىق ماتەريالدارمەن قامداۋدى قامتاماسىز ەتۋ سياقتى قىزمەت جاعدايلارىن تەكسەرىپ، ماسەلەنى شەشۋدى جۇمىس باسىندا اقىلداسىپ، ءۇرىمجىنىڭ ساقتانۋ - تىزگىندەۋ قىزمەتىن ويداعىداي ىستەۋىن ىلگەرىلەتۋگە جەتەكشىلىك ەتتى، ول مىنالاردى تالاپ ەتتى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن - ورنالاستىرۋلارىن باتىل دايەكتىلەندىرۋ، 9 - نۇسقاداعى ساقتانۋ - تىزگىندەۋ جوباسىن، دياگنوز قويۋ - ەمدەۋ جوباسىن قاتاڭ اتقارۋ، ءبىر جاعىنان، قاتاڭ شايقاس جۇرگىزىپ، ءبىر جاعىنان، ماسەلەنى شەشىپ، ەندى ءبىر جاعىنان، قابىلەتتى جوعارىلاتىپ، ءار جاقتىڭ كۇشىن ءبىر تۇتاس جوسپارلاپ، قىزمەت ونىمدىلىگىن جوعارىلاتىپ، سەنىمدى بەكەمدەپ، ىندەتتەن ساقتانۋ - تىزگىندەۋ قاتاڭ شايقاسىنىڭ جەڭىسىنە جەتۋ كەرەك.
ەركىن تۇنياز يوۋشى مەيدي، ميڭيۋان شىيوۋ حۋايۋان، حۇيمين سياقتى شاعىن اۋماقتارعا بارىپ، حىسۋان تەكسەرۋ، بۇقاراعا قىزمەت وتەۋ - باسقارۋ سياقتى قىزمەتتەرگە تەكسەرۋ - زەرتتەۋ جۇرگىزىپ، نەگىزگى ساتى كادرلارىمەن پىكىر اۋىستىرىپ، حىسۋان تەكسەرۋدى ءتىپتى دە ەگجەي - تەگجەيلى ويداعىداي ىستەپ، عىلمي، دالمە - ءدال بولۋ پرينسيبىن، جەدەل تاسىپ وڭاشالاۋ تالابىن قاتاڭ تياناقتاندىرىپ، ىندەتسىز شاعىن اۋماقتاردى بەلسەنە قۇرىپ، بۇقاراعا قىزمەت وتەۋدى قامتاماسىز ەتۋدى دەن قويا ويداعىداي ىستەۋدى باسا دارىپتەدى.
شينجياڭ مەديتسينا داشۋەسىنە قاراستى 1 - شيپاحانا، قاراستى جۇڭي شيپاحاناسى، جاستار جولى الەۋمەتتىك اۋماعى دەنساۋلىق ساقتاۋ قىزمەت وتەۋ ورتالىعى، ميڭدى شيپاحاناسى دا - ۋان جولى بولىمشە شيپاحاناسى، سايباق رايوندىق اۋرۋدان ساقتانۋ جانە تىزگىندەۋ ورتالىعى تاجىريبەحاناسى سياقتىلاردا ەركىن تۇنياز بۇقارانىڭ اۋرۋ كورسەتۋى، ەمدەلۋى جانە حىسۋان تەكسەرۋ تاجىريبەحاناسىنىڭ جۇمىس اتقارۋى سياقتى جاعدايلاردى ۇعىسىپ، ءتۇرلى ەمدەۋ بايلىعىن ءبىر تۇتاس جوسپارلاپ، ويداعىداي پايدالانىپ، ءار دارەجەلى ەمدەۋ قۇرىلىمدارىنىڭ جانە قىزمەتكەرلەردىڭ كومەسكى قۋاتىن اشىپ، ەمدەلۋ ارناسىن ىركىلىسسىزدەندىرىپ، قىزىل، سارى، جاسىل كودتى شيپاحانالارعا دالمە - ءدال جەتكىزۋدى كۇشەيتىپ، بۇقارانىڭ دەر كەزىندە ىركىلىسسىز ەمدەلۋىن قامتاماسىز ەتۋدى؛ تاجىريبەحانانى توراپتاستىرۋ، ينفورماتسيالاندىرۋ قۇرىلىسىن كۇش سالا جەدەلدەتىپ، كاسىپكە تاربيەلەۋدى كۇشەيتىپ، حىسۋان تەكسەرۋدىڭ ساپاسىن، ونىمدىلىگىن جاپپاي جوعارىلاتۋدى باسا دارىپتەدى.
ەركىن تۇنياز تاعى تيانشان رايونى چيانجين جولىنداعى حالىققا قولايلى كوكونىس دۇكەندەرىنىڭ زاتتىق ماتەريالدار تاسۋ، جەتكىزۋ، قامداۋمەن قامتاماسىز ەتۋ، باعانى ورنىقتىرۋ سياقتى جاعدايلارىنا تەكسەرۋ - زەرتتەۋ جۇرگىزىپ، ءبىر تۇتاس جوسپارلاپ ورنالاستىرۋدى كۇشەيتىپ، ۇلەستىرۋ ورتالىعى، جەتكىزۋ ءتۇيىنى سياقتى قۇرىلىستاردى جەدەلدەتىپ، كوپ زات قاينارىمەن قامداۋ جانە باعانى باقىلاۋ - باسقارۋ، رەتتەۋ تەبىنىن ارتتىرىپ، بۇقارانىڭ تۇرمىسىنىڭ ىقپالعا ۇشىراماۋىنا شىنايى كەپىلدىك ەتۋدى باسا دارىپتەدى.
ەركىن تۇنياز مىنالاردى باسا دارىپتەدى: نازاردى نىسانا - مىندەتتەرگە شوعىرلاندىرىپ، ماڭىزدى ءتۇيىندى ءجىتى قاداعالاپ، قامال الۋ تەبىنىن ۇزدىكسىز ارتتىرىپ، ءار ۇلت كادرلارى مەن بۇقاراسىن ىنتىماقتاستىرىپ، ىندەتتەن ساقتانۋ - تىزگىندەۋدىڭ ەڭ سوڭعى جەڭىسىنە قول جەتكىزۋ كەرەك. حىسۋان سارالاپ تەكسەرۋى، رايون اتتاپ جەتكىزۋ جانە اۋاشالاۋ، مەديتسينالىق قۇتقارۋ - ەمدەۋ سياقتى بايلىق كۇشتەردى ساپالى ورنالاستىرىپ، سايكەستىرۋ سەرپىنىن ارتتىرىپ، ساتىلىق دەڭگەيى از قىزمەت مەحانيزمىنىڭ ونىمدىلىگىن جوعارىلاتۋ كەرەك؛ حىسۋاندى جەدەل تەكسەرۋ، ەپيدەميولوگيالىق تەكسەرۋ بويىنشا بولىمدى بولعانداردى جەدەل قاداعالاۋ، فاڭساڭ قۇرىلىسىن جەدەل جۇرگىزۋ، جەدەل تاسۋ، جەتكىزۋ، قابىلداۋ، ەمدەۋ، جەدەل زارارسىزداندىرىپ، ميكروب جويۋ، جەدەل قىزمەت وتەۋمەن قامتاماسىز ەتۋ سىندى ”التى جەدەل“ تالابىن باتىل تياناقتاندىرىپ، ءبىر جاقتى ەتۋدىڭ ساپاسىن، ونىمدىلىگىن جوعارىلاتىپ، ىندەت كولەمىن ازايتۋ كەرەك؛ ءتۇيىندى بۋىنداردى ويداعىداي باسقارىپ، العاشقى تەكسەرۋدە بولىمدى بولۋدان تاسۋعا دەيىنگى ۋاقىتتى بارىنشا قىسقارتىپ، شوعىرلى اۋاشالاۋ ءتۇيىنى سياقتى ءتۇيىندى الاڭ - ورىنداردى باسقارۋدى، قىزمەت وتەۋدى قاتاڭ ارناعا ءتۇسىرىپ، ىستىق ىقىلاسپەن ويداعىداي ىستەپ، ىندەتتىڭ سىرتقا جايىلۋ وتكەلىن قاتاڭ ساقتاۋ كەرەك؛ بۇقارانىڭ تالاپ - تىلەگىن دەر كەزىندە شەشىپ، زاتتىق ماتەريالدارمەن قامداۋ جانە اۋرۋ كورسەتۋ، ەمدەلۋ قامتاماسىزدىعىن كۇشەيتۋ كەرەك؛ ءار ۇلت كادرلارى مەن بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، ءار جاقتىڭ كۇشىن ءبىر تۇتاس جوسپارلاپ، ويداعىداي پايدالانىپ، ۇگىت - تاربيەنى، جەتەكتەۋدى كۇشەيتىپ، ىندەتپەن شايقاسۋدىڭ قۇدىرەتتى بىرىككەن كۇشىن ۇيىستىرۋ كەرەك.
ۋاڭ ميڭشان، ياڭ فاسىن، ليۋ سۋشى قاتارلىلار تەكسەرۋ - زەرتتەۋگە قاتىناستى.
