− باس شۋجي شي جينپيڭنىڭ گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزى ادامدى ەكپىندەي ىلگەرىلەۋگە شابىتتاندىردى
”بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ىنتىماقتاسا وتىرىپ ’قۇرىشتاي بەرىك‘ بولىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايا الىس ساپار شەگۋىن ىلگەرىلەتۋ كەرەك“.
باس شۋجي شي جينپيڭنىڭ 10 - ايدىڭ 17 - كۇنى تۇستەن بۇرىن، پارتيا 20 - قۇرىلتايىنا قاتىناسقان گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزى رايونىمىزدان پارتيا 20 - قۇرىلتايىنا قاتىناسىپ جاتقان ۋاكىلدەردى جانە ءار ۇلت كادرلارى مەن بۇقاراسىن ايرىقشا شابىتتاندىردى. كوپشىلىك مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 20 - قۇرىلتايىنىڭ رۋحىن جەتەكشى ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنامىز.
پارتيا تۋى 10 جىلدىق وراسان زور وزگەرىسكە جەتەكشىلىك ەتىپ، ۇلى جوبانى ايگىلەدى
باس شۋجي شي جينپيڭ بىلاي دەپ باسا دارىپتەدى: وتكەن 5 جىل جانە جاڭا داۋىردەن بەرگى 10 جىل پارتيا مەن مەملەكەتتىڭ دامۋ اياق الىسىنداعى اسا وزگەشە، اسا ەرەكشە كەرەمەت مەزگىل بولدى. ”شينجياڭ ەلەكتر تورىنىڭ دامۋى جونىنەن تىپتەن وسىنداي بولدى“، - دەدى پارتيا 20 - قۇرىلتايىنىڭ ۋاكىلى، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى اسقىن جوعارى كەرنەۋلى ەلەكتر جەتكىزۋ بولىمشە سەرىكتەستىگى ەلەكتر كەرنەۋىن وزگەرتۋ اينالىم - قورعاۋ 2 - ورتالىعى تۇرپان كەرنەۋ وزگەرتىپ ەلەكتر جەتكىزۋ اينالىم - قورعاۋ ءبانىنىڭ بانجاڭى زورىگۇل نياز تەبىرەنىپ. ۇزاقتان بەرى ەلەكتر تورى اينالىم - قورعاۋ الدىڭعى شەبىندە قىزمەت ىستەپ كەلە جاتقان ول شينجياڭنىڭ 750 كيلوۆولتتىق ەلەكتر كەرنەۋى دارەجەسىندەگى ەلەكتر تورىنىڭ جوقتان بار بولىپ كەڭەيگەنىنە، تۇيىننەن كولەمگە كەڭەيگەنىنە، ودان دۇنيە جۇزىندەگى ەڭدەرگە قاراي دامۋ بارىسىنا كۋا بولدى. ”بۇل وزگەرىستەر پارتيا باسشىلىعىنىڭ ارقاسى، شينجياڭداعى ءار ۇلت حالقىنىڭ قاجىماي - تالماي قۇلشىنىس جاساۋىنىڭ ارقاسى“، - دەدى زورىگۇل ماقتانىشپەن.
قاشقار قالاسى پاقتاكلا اۋىلى جەرگىلىكتى ورىنداعى اتى ايگىلى ”كۇرىش مەكەنى“، بۇل اۋىل پارتيا قۇرىلىسىنىڭ جەتەكشىلىك رولىن تولىق ساۋلەلەندىرىپ، ءارقايسى قىستاقتىڭ بايلىق باسىمدىعىنا نەگىزدەلىپ، كوپتەگەن ”كۇرىش مەكەنى“ ساياحات ماركاسىن تۇلعالاپ، ءبىر قىستاقتا ءبىر كورىنىس، ءبىر قىستاقتا ءبىر كاسىپ، ءبىر قىستاقتا ءبىر ەرەكشەلىك بولۋداي كوركەم اۋىل - قىستاق قالىپتاستىردى. ”ءبىز باس شۋجيدىڭ تالابى بويىنشا، جاڭا دامۋ ۇستانىمىن ىشكەرىلەي امالياتتا ايگىلەپ، شەكاراداعى ۇلتتىق وڭىرلەردىڭ جوعارى ساپالى دامۋىن ىلگەرىلەتۋدە اناعۇرلىم زور ىسكەرلىك كورسەتەمىز“، - دەدى پاقتاكلا اۋىلدىق پارتكومنىڭ شۋجيى لي دۋمين.
پارتيا 18 - قۇرىلتايىنان بەرى، پارتيا ورتالىق كوميتەتى ”10 جىلدا شىڭدالۋ“ سىندى تاباندىلىقپەن پارتيانى جاپپاي قاتاڭ باسقارۋدى ىلگەرىلەتىپ، ”مىڭداعان ادامدى رەنجىتسەك تە، ءبىر ميلليارد 400 ميلليون ادامنىڭ ءۇمىتىن اقتايىق“ دەيتىن بورىشپەن، جاۋاپكەرشىلىك ارقالاۋمەن تاريحتا بولماعان شىرىكتەسۋگە قارسى تۇرۋ كۇرەسىن ىلگەرىلەتىپ، وزىنە توڭكەرىس جاساۋدىڭ ”كەشەندى شارالارىن“ اتقاردى. كۇنەس اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى لي ۋيحۋا مىنالاردى ءبىلدىردى: پارتيا 20 - قۇرىلتايىنىڭ رۋحىن جەتەكشى ەتىپ، وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، باقىلاۋدى، ءتارتىپ اتقارۋدى، جاۋاپقا تارتۋدى قاتايتىپ، پارتيانىڭ ادال قورعاۋشىسى بولۋعا قۇلشىنىپ، پارتيانى جاپپاي قاتاڭ باسقارۋدىڭ جاڭا جورىعىندا اۋەلگى ماقساتتى، بورىشتى امالياتتا ايگىلەيمىز.
قوعامدىق كەلەلى جاعداي ورنىقتى بولدى، ەكونوميكالىق جالپىلىق قۋات كورنەكتى جوعارىلادى، حالىقتىڭ تۇرمىس ورەسى كورنەكتى جاقساردى... 10 جىلدان بەرى، شينجياڭنىڭ بايتاق دالاسىندا تۋىلعان تاريحي زور وزگەرىستەر پارتيانىڭ ۇلت ساياساتى مەن ۇلتتىق وڭىرلىك اۆتونوميا ءتۇزىمىنىڭ وتانىمىزدىڭ شينجياڭىنداعى تابىستى امالياتىن ايگىلەدى، بۇل ەلىمىزدىڭ جاڭا داۋىردەگى 10 جىلدىق ۇلى وزگەرىسىنىڭ جاندى شاعىن كارتيناسى.
جۇڭگو ۇلگىسىندەگى وسىزامانداندىرۋ جۇڭگونىڭ ءىس جۇزىندىگىنە ۇيلەسەدى
باس شۋجي شي جينپيڭ بىلاي دەپ باسا دارىپتەدى: جاڭا داۋىرگە قادام تاستاعاننان بەرى، پارتيانىڭ سوتسياليستىك وسىزاماندانعان مەملەكەت قۇرۋ جونىندەگى تانىمى ۇزدىكسىز تەرەڭدەپ، ستراتەگياسى ۇزدىكسىز كەمەلدەنىپ، امالياتى ۇزدىكسىز بايىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ جۇڭگونىڭ بايتاق دالاسىنا تامىر تارتىپ، جۇڭگونىڭ ءىس جۇزىندىك جاعدايىنا ۇيلەستى. پارتيا 20 - قۇرىلتايىنىڭ ۋاكىلى، اقتاۋ اۋدانى بۇلۇڭكول اۋىلدىق پارتكومنىڭ شۋجيى لي ۋىنجۋان بۇدان تەرەڭ اسەر الدى.
بۇلۇڭكول اۋىلى پامير ۇستىرتىنە ورنالاسقان، تەڭىز دەڭگەيىنەن ورتاشا بيىكتىگى 3000 − 4500 مەتر. 2021 - جىلى ”پارتيا ياچەيكاسى + كاسىپورىن كاسىپ سالاسى + سەلبەستىك كووپەراتيۆى + بۇقارا“ سىندى دامۋ وي جەلىسى ارقىلى تۇتاس اۋىلدىڭ ساياحات كىرىسى 10 ميلليون يۋاننان استى. ”جۇڭگو ۇلگىسىندەگى وسىزامانداندىرۋ جالپى حالىق بىرگە باييتىن وسىزامانداندىرۋ، ول سانسىز اۋىل - قىستاقتىڭ بەت - بەينەسىن وزگەرتتى، كەڭ - بايتاق اۋىل - قىستاق كوركەم بولاشاققا بەت الۋدا“، - دەدى لي ۋىنجۋان.
جۇڭگو ۇلگىسىندەگى وسىزامانداندىرۋ تاعى ادام مەن تابيعات جاراسىمدى قاتار ءومىر سۇرەتىن وسىزامانداندىرۋ. 10 جىلدان بەرى، رايونىمىز شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، شينجياڭنىڭ وڭىرلىك جاعدايىن تياناق ەتىپ، ءبىر قىدىرۋ كەلەلى شارا قولداندى، بۇكىل رايوننىڭ ەكولوگيالىق وركەنيەت قۇرىلىسى مەن قورشاعان ورتاسىن قورعاۋدا تانىمنان امالياتقا دەيىن ءتۇبىرلى سيپاتتى وزگەرىس تۋىلدى.
اۆتونوميالى رايوندىق ەكولوگيالىق ورتا مەڭگەرمەسىنىڭ ورىنباسار باستىعى تيان فىڭ بىلاي دەدى: بۇدان كەيىن ءبىز بەتالىستى وزگەرتپەي، سەرپىندى كەمەيتپەي، ولشەمدى تومەندەتپەي، جوعارى دەڭگەيدە قورعاۋ ارقىلى جوعارى ساپالى دامۋدى ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ جولىمەن جۇرۋگە تاباندى بولىپ، جاسىل دامۋدى جەبەۋدە اناعۇرلىم زور ىلگەرىلەۋشىلىكتەردى جۇزەگە اسىرامىز.
ىنتىماقتاسا ەكپىندەي ىلگەرىلەپ، جاڭا جاعداي اشامىز
ىنتىماقتاسا كۇرەس جاساۋ − جۇڭگو حالقى تاريحي ۇلى ىستەردى جارىققا شىعارۋدا، ءسوزسىز، باسىپ وتەتىن جول.
”پارتيا ورتالىق كوميتەتىنىڭ شىنايى قامقورلىعىندا، شينجياڭداعى ءار ۇلت حالقى ىنتىماقتاسا كۇرەس جۇرگىزىپ، جۇرتتى جالت قاراتارلىق ناتيجەلەرگە قول جەتكىزدى. بۇل باس شۋجي شي جينپيڭ اتاپ كورسەتكەن ’ىنتىماق بولعاندا عانا جەڭىسكە جەتۋگە بولادى، كۇرەس جاساعاندا عانا تابىسقا جەتۋگە بولادى‘ دەگەن ءسوزىنىڭ پارمەندى دالەلى. اقسۋ ايماقتىق پارتكوم بىرلىكساپ ءبولىمىنىڭ ورىنباسار باستىعى، ايماقتىق ۇلت، ءدىن ىستەرى مەكەمەسى پارتيا باسشىلىق گرۋپپاسىنىڭ شۋجيى ۋاڭ ۋي بىلاي دەدى: جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، پارتيانىڭ ۇلت قىزمەتىن كۇشەيتىپ جانە جاقسارتىپ، ۇلتتار ىنتىماعىنداعى، العاباسارلىعىنداعى وزات ورىن قۇرۋدى جاپپاي، ىشكەرىلەي، باياندى ورىستەتىپ، جۇڭگو پەيىلىن، جۇڭحۋا رۋحىن ۇزدىكسىز بەكەمدەيمىز.
باس شۋجي شي جينپيڭ بىلاي دەپ باسا دارىپتەدى: كەزەكتەگى ەڭ ماڭىزدى مىندەت − بىلەك سىبانا قايراتتانا ىستەپ، پارتيا 20 - قۇرىلتايىندا جاسالعان كەلەلى شەشىمدەر مەن ورنالاستىرۋلاردى نىق قاداممەن ارەكەتكە اينالدىرىپ، ونىمدىلىككە قول جەتكىزۋ.
”ءبىز ۋاقىت كۇتىپ تۇرمايدى دەيتىن رۋحپەن بەلسەنە قيمىلداۋىمىز كەرەك“. قارامايلى قالالىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى گى بىنلياڭ بىلاي دەدى: قارامايلى ”ءبىر نەگىزدى، كوپ تۇلعالى“ دامۋ وي جەلىسىنەن جازباي، كاسىپ سالاسى قۇرىلىمى، ەنەرگيا قۇرىلىمى سىندى ”ەكىگە بۇرىلىس جاساۋدى“ مىقتاپ ارقاۋ ەتىپ، ”تىزبەكتى ۇزارتۋ، تىزبەكتى تولىقتىرۋ، تىزبەكتى كەڭەيتۋ، تىزبەكتى كۇشەيتۋ“ پرينسيبى بويىنشا، جاڭا ەنەرگيا، سيفرلى ەكونوميكا، عىلىم - تەحنيكادا جاڭالىق اشۋ، اشىق ەكونوميكا سىندى 4 جاقتاعى ءتۇيىندى قىزمەتتى كۇش سالا مىقتى يگەرىپ، جاڭا داۋىردەگى قارامايلىنىڭ جوعارى ساپالى دامۋىنىڭ جاڭا تاراۋىن جازامىز.
حوتان قالاسى سورباق اۋىلى حىنا قىستاعىنىڭ تۇرعىنى روزىمامەت احاتباقى باس شۋجي شي جينپيڭنىڭ ءسوزىن ۇيرەنگەننەن كەيىن ەرەكشە اسەرلەندى. بىرنەشە جىلدىڭ الدىندا، ول اعاسى لي چۋاڭعا ىلەسىپ تەمىر قولونەر بۇيىمدارىن وڭدەۋ شەبەرلىگىن ۇيرەنىپ، قىستاقتان تەز ارادا ءوزىنىڭ تەمىر قولونەر بۇيىمدارىن وڭدەۋ دۇكەنىن اشادى، قازىر ساۋداسى بارعان سايىن كۇسەت بولا باستادى. ”مەن قۇلشىنا كۇرەس جۇرگىزىپ، وسى قوس قولىما سۇيەنىپ، اناعۇرلىم باقىتتى، تاماشا تۇرمىس جاراتامىن“.
(ءتىلشى جاڭ يۇنمەي، قاتىناسقان تىلشىلەر جاڭ يانفاڭ، لي شيڭ، ءجازيرا نەسىپبەك، ياڭ شۋحان، ميھرگۇل ناسىر، ەرىكتى تىلشىلەر تاڭ حۋارۇڭ، لوۋ لين - ي، جاۋ پۋ)
