ياڭ شياۋدۋ، ەركىن يمىرباقى قاتىناستى
ما شيڭرۇي باسقاردى، شاۋكەت يمىن، نۇرلان ءابىلماجىن، جاڭ چۇنلين، حى جۇڭيوۋ قاتارلىلار ءسوز سويلەدى، لي يفي قاتىناستى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ 10 - ايدىڭ 17 - كۇنى بەيجيڭنەن حابارلايدى. 10 - ايدىڭ 17 - كۇنى تۇستەن بۇرىن جانە تۇستەن كەيىن شينجياڭ ۋاكىلدەر ۇيىرمەسى جالپى ءماجىلىس وتكىزىپ، پارتيا 20 - قۇرىلتايىنىڭ بايانداماسىن ۇزدىكسىز تالقىلادى.
پارتيا 20 - قۇرىلتايىنىڭ ۋاكىلدەرى ياڭ شياۋدۋ، ەركىن يمىرباقى ماجىلىسكە قاتىناستى. ما شيڭرۇي ءماجىلىستى باسقاردى، لي يفي تالقىعا قاتىناستى.
تالقىدا ۋاكىلدەر ءبىر اۋىزدان پارتيا 20 - قۇرىلتايىنىڭ بايانداماسىن قۇپتايتىندىقتارىن جانە قولدايتىندىقتارىن ءبىلدىردى. ۋاكىلدەر بىلاي دەدى: بۇل وتكەن 5 جىلداعى قىزمەتتەردى جانە جاڭا ءداۋىردىڭ 10 جىلىنداعى ۇلى وزگەرىستەردى شىندىققا جۇگىنىپ، ناقتى ىستەر ىستەي وتىرىپ، جان - جاقتى بايانداعان بايانداما، ول بولاشاقتى جان - جاقتى كەسكىندەپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن بەينەلەپ بەردى، ونىڭ ءار ۇلت پارتيا مۇشەلەرىن، كادرلارىن، بۇقاراسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اسقاق جىگەرمەن قايراتتانا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن قۇلشىنا جازۋعا جىگەرلەندىرەتىندىگى جانە جۇمىلدىراتىندىعى داۋسىز.
ۋاكىل شاۋكەت يمىن بىلاي دەدى: پارتيا 20 - قۇرىلتايىنىڭ بايانداماسى تۋدى بيىك ۇستاپ، بيىكتە تۇرىپ، الىسقا كوز جىبەرىپ، جۇرت كوڭىلىن جەلپىندىرىپ، ادامدى ەكپىندەي ىلگەرىلەۋگە شابىتتاندىردى، ول ماركسيزمنىڭ جاڭا نازاريالىق بيىك شىڭى، پارتيامىزدىڭ جاڭا جورىقتا ەكپىندەي ىلگەرىلەۋىنىڭ ارەكەت تۇعىرناماسى. قايراتتانا ەكپىندەي العا ىلگەرىلەگەن 10 جىلداعى تابىستار شۇعىلالى، پارتيانىڭ تىرەگىنە، كوشباسشىسىنا تاباندىلىقپەن بۇلجىماي ىلەسىپ، ”ەكىنى تۇراقتاندىرۋدى“ تاباندىلىقپەن قورعاپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىز. اسقاق جىگەرمەن قايراتتانا ۇمتىلىپ، جاڭا داۋىردە ەڭبەك سىڭىرۋدە، ءسوز جوق، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، جەتە ءتۇسىنىپ، پارتيا ورتالىق كوميتەتىنىڭ ستراتەگيالىق ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، كوركەم شينجياڭدى قۇلشىنا قۇرامىز.
ۋاكىل نۇرلان ءابىلماجىن بىلاي دەدى: باس شۋجي شي جينپيڭنىڭ ماڭىزدى بايانداماسىن تىڭداپ، قاتتى تەبىرەنىپ، ەرەكشە جەلپىنىپ، تەرەڭ تاربيەگە يە بولدىم، ايرىقشا جىگەرلەندىم. جاڭا ءداۋىردىڭ 10 جىلىنداعى ەڭ ماڭىزدى ساياسي جەتىستىك − باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىنىڭ تۇراقتاندىرىلعاندىعى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋدە شەشۋشى مانگە يە؛ ەڭ ماڭىزدى نازاريالىق جەتىستىك − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىنىڭ تۇراقتاندىرىلىپ، ماركسيزمنىڭ جۇڭگوشالانۋىنىڭ جاڭا شارىقتاۋىنىڭ جۇزەگە اسىرىلعاندىعى. پارتيا ۋاكىلى رەتىندە، مەن قۇرىلتاي رۋحىن باستاماشىلدىقپەن جاقسى ۇيرەنىپ، ءتۇسىنىپ، دايەكتىلەندىرىپ، تياناقتاندىرىپ، اناعۇرلىم ناقتى شارالار ارقىلى ءتۇرلى ستراتەگيالىق مىندەتتەردى جاپپاي تياناقتاندىرىپ، باس شۋجيگە تىعىز ىلەسىپ، جاڭا جورىقتا ەكپىندەي ىلگەرىلەپ، كورىكتى شينجياڭ قۇرۋعا اناعۇرلىم مول اقىل - پاراسات پەن كۇش - قۋات قوسامىن.
ۋاكىل جاڭ چۇنلين بىلاي دەدى: باس شۋجي شي جينپيڭنىڭ ماڭىزدى بايانداماسىن تىڭداپ، ىنتىماقتاسا تالپىنۋعا، ادامدى ەكپىندەي ىلگەرىلەۋگە شابىتتاندىراتىن پارتيا ساباعىن تىڭداعانداي سەزىمدە بولدىم، ءبىر رەتكى جان جۇيەگە اسەر ەتكەن رۋحاني شىڭدالۋدان ءوتتىم. باياندامانىڭ نەگىزگى تاقىرىبى ايقىن ءارى كورنەكتى، تۋ كوتەرىپ، رول ۇستاپ، باعدار بەلگىلەگەن، ول بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاسا وتىرىپ بولاشاققا ەكپىندەي ىلگەرىلەۋگە باستايتىن باعدارنامالىق حۇجات. ءبىز ۇزدىكسىز ىشكەرىلەي ۇيرەنىپ، ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، ۇيرەنۋدىڭ، دايەكتىلەندىرۋدىڭ قىزۋ ورلەۋىن جەدەل كوتەرىپ، ۇگىت - يدەيا، مادەنيەت، وقۋ - اعارتۋ، ۇلت، ءدىن، شينجياڭعا قاتىستى سىرتقى ۇگىت سياقتى قىزمەتتەردى تىڭعىلىقتى ويداعىداي ىستەپ، كورىكتى شينجياڭ قۇرۋعا بەلسەندى ۇلەس قوسۋىمىز كەرەك.
ۋاكىل حى جۇڭيوۋ بىلاي دەدى: باس شۋجي شي جينپيڭ جاساعان پارتيا 20 - قۇرىلتايىنىڭ بايانداماسىن تىڭداپ، بويىمدى ماقتانىش، سەنىم، كۇش كەرنەدى. باياندامادا وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەر جۇيەلى قورىتىندىلانعان، وتكەن 10 جىلدا ءبىزدىڭ بارلىق جەتىستىكتەر مەن العا باسۋعا قول جەتكىزۋىمىزدەگى ءتۇبىرلى سەبەپ − ”ەكىنى تۇراقتاندىرۋدا“، جاڭا جورىقتا باس شۋجي شي جينپيڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاۋى بولعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان، مەن بويىمدى كۇش كەرنەگەندەي اسەر الدىم. ءبىز پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، كۇرەسكەرلىك قابىلەتتى ارتتىرىپ، جاڭا جاعدايداعى شينجياڭ قىزمەتىن قۇلشىنا جاقسى ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ جاڭا جورىعىندا شينجياڭنىڭ ۇلەسىن قوسامىز.
ۋاكىل جاڭ جۋ بىلاي دەدى: باس شۋجي شي جينپيڭ جاساعان پارتيا 20 - قۇرىلتايىنىڭ بايانداماسى سەنىممەن باۋراۋ قۋاتىنا، يدەيالىق يلاندىرۋ قۋاتىنا، ساياسي ۇيىستىرۋ قۋاتىنا باي، ۇلى تابىس تاريح بەتىندە ايشىقتالىپ، ۇلتتىڭ گۇلدەنۋىندە جاڭا بەينە جارىققا شىققاندىعىن ايگىلەدى، كوسەمنىڭ، ۇيتقىنىڭ رول ۇستاپ، جول باستاپ، پارتيا تىلەگىن، حالىق تىلەگىن ۇيىستىرۋى جاڭا بيىككە كوتەرىلدى، يدەيالىق الاۋ بۇكىل الەمدى نۇرلاندىرىپ، نازاريادا جاڭالىق اشۋدىڭ جاڭا ءداۋىرىن، جاڭا ءورىسىن اشىپ، ستراتەگيالىق جوبا - جوسپار جاساپ، بيىكتە تۇرىپ، الىستى بولجاپ، مەملەكەتتى قۇدىرەتتەندىرۋ جورىعىنىڭ ايبىندى دا تىڭ كارتيناسىن سالىپ، پارتيانى قاتاڭ جونگە سالۋدى باستان - اياق دايەكتىلەندىرۋگە، وزىنە ءوزى توڭكەرىس جاساۋدى ىلگەرىلەتۋگە جاڭا ومىرشەڭدىك قوستى. مەن باياندامانى قىزمەتكە جەتەكشىلىك ەتەتىن ”كومپاس“ ەتىپ، تولىق، دالمە - ءدال جاقسى ءتۇسىنىپ، كەڭ كولەمدە ىشكەرىلەي ويداعىداي ۇگىتتەپ، قاز - قالپىندا جاقسى دايەكتىلەندىرىپ، جاڭا جورىقتا ۇزدىك جاۋاپناما تاپسىرامىن.
ۋاكىل تيان شياڭلي بىلاي دەدى: پارتيا 20 - قۇرىلتايىنىڭ بايانداماسى بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق تىلەگىنە ۇيلەسەتىن تاماشا بايانداما، گۇلدەنۋ جولىنا جەتەكشىلىك ەتىپ، تاعى دا شۇعىلالى ۇلى ىستەر جاراتۋدىڭ اتتانىسقا كەلتىرۋ بۇيرىعى. ۇيرەنۋ ارقىلى ”ەكىنى تۇراقتاندىرۋدى“ قورعاۋ، ”ەكىنى قورعاۋدى“ امالياتتا ايگىلەۋ جاۋاپكەرشىلىك سەزىمىم مەن بورىشتىلىق سەزىمىم اناعۇرلىم كۇشەيدى، اۋەلگى ماقساتتى، بورىشتى امالياتتا ايگىلەۋ سانالىلىعىم مەن تاباندىلىعىم كۇشەيدى، پارتيانىڭ وزىنە - ءوزى توڭكەرىس جاساۋىنىڭ ماڭگى جالعاساتىندىعىنا، پارتيانى جاپپاي قاتاڭ باسقارۋدىڭ ماڭگى جالعاساتىندىعىنا دەگەن بەكىمىم مەن تاباندىلىعىم كۇشەيدى، باتىلدىقپەن كۇرەس جۇرگىزەتىن، شەبەرلىكپەن كۇرەس جۇرگىزەتىن جىگەرىم مەن باتىلدىعىم كۇشەيدى. شينجياڭداعى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 20 - قۇرىلتايىنىڭ رۋحىن ۇزدىكسىز ىشكەرىلەي ۇيرەنىپ، دايەكتىلەندىرىپ، قۇرىلتاي رۋحىنىڭ تيانشان الابىندا تەرەڭ تامىر تارتۋىنا شىنايى كەپىلدىك ەتەدى.
ۋاكىل چىن ۋيجۇن بىلاي دەدى: باس شۋجي شي جينپيڭ جاساعان پارتيا 20 - قۇرىلتايىنىڭ بايانداماسىندا گۇلدەنۋگە جەتەكشىلىك ەتۋ، بولاشاققا جول اشۋ بورىشى مەن جاۋاپكەرشىلىگى ايگىلەنگەن، تۋدى بيىك ۇستاۋ، نازاريانى تۇراقتاندىرىپ باعدار بەلگىلەۋ ستراتەگيالىق جەتەكشىلىگى ايگىلەنگەن، نۇر - شۇعىلا شاشاتىن، تاريح بەتىندە ايشىقتالاتىن تاريحي تابىستار ايگىلەنگەن، ەكپىندەي العا ىلگەرىلەيتىن، ۇدەرە العا تارتاتىن قاجىماس - تالماس تالپىنىس ايگىلەنگەن، باس ماقساتتى ەستە بەرىك ساقتاۋ، حالىقتى بارىنەن جوعارى قويۋ سىندى حالىقشىلدىق سۇيىسپەنشىلىك ايگىلەنگەن، ساياسي شۇعىلاعا تولى، كورەگەندىككە باي، ادامعا سەنىم، كۇش بەرەدى. ءبىز، ءسوزسىز، باسىپ وتەتىن جولمەن ويداعىداي ءجۇرىپ، گۇلدەنۋ جورىعىندا ەكپىندەي ىلگەرىلەپ، پارتيا 20 - قۇرىلتايىنىڭ ءتۇرلى شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى شىن مانىندە ويداعىداي يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ويداعىداي اتقارۋدىڭ ءىس جۇزىندىك ونىمدىلىگى ارقىلى ”ەكىنى تۇراقتاندىرۋدى“ قورعاپ، ”ەكىنى قورعاۋدى“ ورىندايمىز.
ۋاكىل شۋە بين بىلاي دەدى: پارتيا 20 - قۇرىلتايىنىڭ بايانداماسى تۋ ۇستاپ، باعدار بەلگىلەگەن، ءمانى زور، گۇلدەنۋگە جەتەكشىلىك ەتەتىن، پارتيانى گۇلدەندىرىپ، مەملەكەتتى قۇدىرەتتەندىرەتىن، قازىرگى جانە بۇدان بىلايعى ءبىر مەزگىلدەگى پارتيا مەن مەملەكەت ىستەرىنىڭ جالپى جوباسى، جالپى باعدارى، جالپى جەتەكشىسى. جاڭا جورىقتا، ءسوز جوق، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن تەرەڭ ءتۇسىنىپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتۋگە تاباندى بولىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، جاڭالىق اشۋ قابىلەتىن كۇشەيتۋ، بىركەلكى دامۋدى ىلگەرىلەتۋ، ەكولوگيالىق ورتانى جاقسارتۋ، ەسىك اشۋ دەڭگەيىن جوعارىلاتۋ، بىرگە يگىلىكتەنىپ دامۋدى جەبەۋ سياقتى ءتۇيىندى سالالار مەن شەشۋشى بۋىنداردى ارقاۋ ەتىپ، بيڭتۋان رۋحى مەن توراڭعى رۋحىنا، ساقا اسكەرلەر رۋحىنا ويداعىداي مۇراگەرلىك ەتىپ، دامۋ جەتىستىكتەرىنەن حالىق تۇرمىسىنا اناعۇرلىم كوپ تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتەمىز.
پۋ شۋەمەي، ۋاڭ گوحى، قايسار قيۇم، جاۋ ۋىنچۋان، زورىگۇل نياز قاتارلى ۋاكىلدەر بىلاي دەدى: ءبىز پارتيامىز باسىپ وتكەن 100 جىلدىق شۇعىلالى بارىستى شەكسىز ماقتانىش سەزىنەمىز، جاڭا داۋىردەگى شينجياڭنىڭ دامۋىن، العا باسۋىن، تيانشان الابىندا تۋىلعان وراسان زور وزگەرىستەردى شەكسىز ماقتانىش سەزىنەمىز، ونان دا ماڭىزدىسى، پارتيانىڭ ۇيتقىسى، ارميانىڭ قولباسشىسى، حالىقتىڭ كوسەمى باس شۋجيىمىز شي جينپيڭ بولعانىن شەكسىز باقىت سەزىنەمىز. پارتيا 20 - قۇرىلتايىنىڭ ۋاكىلى رەتىندە، پارتيا 20 - قۇرىلتايىنىڭ رۋحىن باستاماشىلدىقپەن ويداعىداي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ويداعىداي دايەكتىلەندىرىپ، تياناقتاندىرىپ، ءار ۇلت كادرلارىمەن، بۇقاراسىمەن بىرگە باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ويداعىداي ىستەپ، شينجياڭنىڭ رەفورما، دامۋ، ورنىقتىلىق ىستەرىندە ۇزدىكسىز جاڭا جاعداي اشامىز.
ليۋ چىن، زۇلايات سىمايىل، تۇرعۇن ءومار، ۋ گاڭ، رىزۋانگۇل ساۋۇت قاتارلى ۋاكىلدەر بىلاي دەدى: پارتيا 20 - قۇرىلتايىنىڭ بايانداماسىن ۇيرەنىپ، جۇڭگو كوممۋنيستىك پارتياسىنىڭ العاباسارلىعىنىڭ وزىق نازاريا، وزىق ۇيىم، وزىق مادەنيەت جانە وزىق كوممۋنيستەردىڭ بولۋىندا جاتقاندىعىن، ءسوز جوق، ۇزدىكسىز مۇراگەرلىك ەتۋ، جاڭالىق اشۋ بارىسىندا جۇڭگو حالقىن باستاپ ۇزدىكسىز جەڭىسپەن العا باسىپ، جۇڭگو ۇلگىسىندەگى وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتەتىندىگىن تەرەڭ تۇسىندىك. جاڭا ءداۋىردىڭ 10 جىلىنداعى ۇلى وزگەرىستەر التىن بەرسە دە ايىرباستاعىسىز، بۇل ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تولىق دالەلدەدى.
