تيانشان تورى
تيانشان تورى   ›   جاڭالىقتار   ›   وقۋ-اعارتۋ

داشۋەنىڭ مەكتەپ باستىعى مەن ورتا مەكتەپ وقىتۋشىسىنىڭ ورتاق نازار اۋدارعانى

□ انار بۇلت \ شينجياڭ گازەتىنىڭ ءتىلشىسى لي ياڭ

  ”وقۋ - اعارتۋدى حالىق رازى بولاتىنداي جاقسى باسقارىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامىعان سوتسياليزم قۇرىلىسشىلارى مەن ءىزباسارلارىن باۋلۋىمىز كەرەك“. 10 - ايدىڭ 17 - كۇنى تۇستەن بۇرىن پارتيا 20 - قۇرىلتايىنداعى شينجياڭ ۋاكىلدەر ۇيىرمەسىنىڭ تالقىسى ۇستىندە، ۋاكىل زۇلايات سىمايىل مەن ۋاكىل ءراھيما اۋۇتتىڭ قولىنداعى بايانداماداعى وسى بىرنەشە جول جازۋدىڭ استى قىزىل قالاممەن سىزىلىپ قويىلىپتى.

  بىرەۋى، قاشقار داشۋەسى پارتكومىنىڭ ورىنباسار شۋجيى، ورىنباسار مەكتەپ باستىعى، وقىتۋمەن اينالىسقانىنا 22 جىل بولعان، يدەيا - ساياسي ساباعى جاندى دا قىزعىلىقتى بولعاندىقتان، سانسىز ”جان كۇيەرگە“ يە بولعان، وقۋشىلار ايرىقشا ۇناتادى؛ ەندى ءبىرى، قۇلجا قالالىق 23 - ورتا مەكتەپتىڭ وقىتۋشىسى، قازىر جينان قالالىق چاڭچيڭ 1 - ورتا مەكتەبىنە تۇرۋعا جىبەرىلگەن وقىتۋشى. ماجىلىستە ءسوز سويلەگەندە، بىردەي ”ادام جانىنىڭ ينجەنەرى“ بولعان وسى 2 وقۋ - اعارتۋ قىزمەتكەرى ۋادەلەسىپ العانداي، ونەگە كورسەتىپ ادام تاربيەلەۋ تاقىرىبىن اۋىزعا الدى.

  ”ەڭ جوعارى ساپالى تاربيە رۋح ارقىلى رۋح سومداۋ، ادامگەرشىلىككە ىقپال جاساۋ. وقۋشىلاردى ومىرىندەگى ءبىرىنشى تۇيمەنى جاقسى تۇيمەلەۋگە جەتەلەۋ − وقۋ - اعارتۋ قىزمەتكەرلەرىنىڭ بۇلتارتپاس جاۋاپكەرشىلىگى“، - دەدى ۋاكىل ءراھيما اۋۇت.

  بيىل 7 - ايدا باس شۋجي شي جينپيڭنىڭ شينجياڭدى كوزدەن كەشىرگەندەگى العاشقى بەكەتى داڭقتى توڭكەرىستىك داستۇرگە جانە ايقىن وقىتۋ ەرەكشەلىگىنە يە شينجياڭ داشۋەسى بولدى. باس شۋجيدىڭ وقىتۋشى - وقۋشىلارعا وتكەن سول جاندى ”يدەيا - ساياسي ساباعى“ سول كەزدە شينجياڭ داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى مىندەتىن وتەپ جاتقان زۇلايات سىمايىلعا تەرەڭ اسەر قالدىردى. ”جوعارى مەكتەپ جۇڭحۋا ۇلتى ورتاق تۇلعا تانىمىن بەرىك ورناتۋدا ماڭىزدى رول اتقارادى، ءبىز ونەگە كورسەتىپ ادام تاربيەلەۋ ءتۇبىرلى مىندەتى مەن بورىشىن اناعۇرلىم ويداعىداي ارقالاۋىمىز كەرەك“، - دەدى ول.

  قۇر ءسوزدىڭ مايىن تامىزعاننان گورى، تىكە امالياتتان وتكىزۋ كەرەك. شينجياڭ داشۋەسىندەگى كەزىندە، زۇلايات سىمايىل شينجياڭداعى ورتا، باستاۋىش مەكتەپتەردە جۇڭحۋا ۇلتى ورتاق تۇلعا تانىمىن بەرىك ورناتۋ، شينجياڭ نەگىزگى ساتى قوعامىنىڭ دامۋى جانە حالىقتىڭ يدەيالىق جاعدايى سياقتى كەلەلى رەال ماسەلەلەردى شىعار ءتۇيىن ەتىپ، ءار ۇلت وقۋشىلارىن داشۋە وقۋشىلارىنىڭ جاڭالىق اشۋ نىسانىنا تىزىمدەلۋگە جەتەكتەپ، ءار ۇلت وقۋشىلارىن باستاپ قاشقار، تۇرپان سياقتى جەرلەرگە تالاي رەت بارىپ، قوعامدىق تەكسەرۋ - زەرتتەۋ ورىستەتتى. ونىڭ باستاماشىلىعىندا، ماركسيزم شۋەيۋانى ”ينتەرنەت +“دى نەگىز ەتكەن يدەيا - ساياسي ساباقحاناسىن اشىپ، ”ينتەرنەت جەلىسىندە، ينتەرنەت جەلىسىنەن تىسقارى ارالاس ۇلگىدەگى“ وقىتۋ ۇلگىسىن جۇزەگە اسىردى؛ ”ۇلكەن يدەيا - ساياسي“ ۇستانىمىمەن رەفورما جاساۋعا، جاڭالىق اشۋعا جەتەكشىلىك ەتىپ، بۇكىل شينجياڭداعى جوعارى مەكتەپتەردىڭ بىردەن - ءبىر يدەيا - ساياسي ساباعىنىڭ ينتەرنەتتەگى كولەمدى اشىق ساباعى بايلىعىن ورناتتى.

  ”وڭتۇستىك شينجياڭدى كوزدەي وتىرىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ دامۋىنا قىزمەت وتەيتىن اناعۇرلىم كوپ جارامدى دارىندى باۋلۋ − قاشقار داشۋەسىنىڭ جاۋاپكەرشىلىگى، بورىشى، ايتسە دە دارىندى بولۋدىڭ العى شارتى ونەگە كورسەتۋ“، - دەدى زۇلايات سىمايىل، - قاشقار داشۋەسى جۇڭحۋا ۇلتى ورتاق تۇلعا تانىمىن بەرىك ورناتۋدى ءپان جۇيەسىنىڭ، وقىتۋ جۇيەسىنىڭ، وقۋلىق جۇيەسىنىڭ، باسقارۋ جۇيەسىنىڭ ءارقايسى جاقتارىندا بەينەلەپ، بارلىق ادامدى قامتىعان جالپى بارىستىق، جان - جاقتى ستەرەولدى ادام باۋلۋ ارناسىن تۇلعالايدى.

  وقۋشىلاردى كۇندەلىكتى تۇرمىستا ”بەستى شىنايى مويىنداۋدى“ نىعايتۋعا باستاپ، جۇڭحۋا ۇلتى ورتاق تۇلعا تانىمىن وقۋشىلاردىڭ جۇرەك تۇكپىرىنە تەرەڭ ۇيالاتۋ ءراھيما اۋۇت جونىنەن قىزمەتتەگى ماڭىزدىنىڭ ماڭىزدىسى سانالادى.

  شاندۇڭ جەرىندە مادەنيەتتى قاستەرلەپ، ادەپ - يباعا ءمان بەرگەن ءراھيما اۋۇت وقۋشىلاردى باستاپ ”شاندۇڭدا ءبىر ءۇيىم بار − ’ادەپ - يبا‘ مادەنيەت تاربيەسى“ قيمىلىن ورىستەتىپ، وقۋشىلارعا شاندۇڭنىڭ تاۋ - وزەندەرىنىڭ كوركەمدىگىن سەزىندىرۋمەن قاتار، ديالەكت مادەنيەتىن، سالت - سانا مادەنيەتىن، اسىرەسە، رۋجيا مادەنيەتىن ۇيرەتتى. ”ءار جولعى ’1 - شىلدە‘، مەملەكەت مەرەكەسى سياقتىلاردا ءبىز بالالارعا سەرىك بولىپ جينانداعى قىزىل كورىنىس وڭىرلەرىنە بارىپ، زەرتتەپ ۇيرەنۋ قيمىلدارىن ورىستەتىپ، وقۋشىلاردى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە بىرتىندەپ جەتەكتەيمىز“، - دەدى ءراھيما اۋۇت.

  وقۋشىلاردى جۇڭگو پەيىلىن، جۇڭحۋا رۋحىن بەرىك ورناتىپ، جۇڭگولىق بولۋ جىگەرىن، ار - نامىسىن، سەنىمىن كۇشەيتۋگە باستاعان 2 ۋاكىل وزدەرىنىڭ ءىس جۇزىندىك ارەكەتتەرىمەن وقۋشىلاردىڭ العا ىلگەرىلەۋ جولىن نۇرلاندىرۋدا.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.