تيانشان تورى
تيانشان تورى   ›   جاڭالىقتار   ›   شينجياڭ حابارلارى

4 نەگىزگى ساتى پارتيا ۇيىمى شۋجيىنىڭ ارمانى

□ انار بۇلت \ شينجياڭ گازەتىنىڭ ءتىلشىسى گو ليڭ

  ”حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز“. 10 - ايدىڭ 18 - كۇنى پارتيا 20 - قۇرىلتايىنىڭ شينجياڭ ۋاكىلدەر ۇيىرمەسى تۇرعان جەردە، نەگىزگى ساتىدان كەلگەن 4 پارتيا ۋاكىلى − ما لي، حاۋ شياڭلي، لي ۋىنجۋان، رىزۋانگۇل ساۋۇت حالىق تۇرمىسى قۇت - ىرىسى ماسەلەسىن تىلگە تيەك ەتكەن كەزدە، بىردەي تەبىرەندى.

  پارتيا 20 - قۇرىلتايىنىڭ بايانداماسىندا مىنالار العا قويىلدى: دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ءسوز جوق، تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك.

  نەگىزگى ساتى پارتيا ۇيىمىنىڭ شۋجيى رەتىندە، ولار پارتيا 18 - قۇرىلتايىنان بەرى، بۇقارانىڭ تۇرمىسىندا ناقتى وزگەرىس تۋىلعانىن شىنايى سەزىندى. بولاشاق تۋرالى ايتقاندا، 4 ۋاكىل ۇقساماعان تۇرعىدان ۇقساس ارماندارىن شىنايى ءبىلدىردى: ”بايانداما رۋحىن ءىس جۇزىندىك ارەكەتكە اينالدىرىپ، بۇقارانىڭ ءتىپتى دە باقىتتى تۇرمىس كەشىرۋىنە مۇمكىندىك جاساۋ كەرەك“.

  اقتاۋ اۋدانى بۇلىڭكول اۋىلى پامير ۇستىرتىنە ورنالاسقان، تەڭىز دەڭگەيىنەن ورتاشا بيىكتىگى 3400 مەتر، ”بۇلت اراسىنداعى اۋىل“ دەپ اتالادى. ايرىقشا تابيعي كورىنىسىنە سۇيەنىپ، بۇلىڭكول اۋىلدىق پارتكوم ”پارتيا ياچەيكاسى + كاسىپورىن كاسىپ سالاسى + سەلبەستىك كووپەراتيۆى + بۇقارا“ سىندى دامۋ يدەياسىن جاسامپازدىقپەن جولعا قويىپ، 2021 - جىلى تۇتاس اۋىلدىڭ ساياحات كىرىسى 10 ميلليون يۋاننان استى.

  ”بۇقاراعا باقىتتى تۇرمىس كەشىرتۋ ءبىزدىڭ بارلىق قىزمەتىمىزدىڭ شىعار ءتۇيىنى مەن تابان تىرەر تياناعى“، - دەدى لي ۋىنجۋان، ەرەكشە ساياحات كاسىبىن دامىتۋ بۇقارانىڭ كىرىسىن ارتتىرىپ، بايۋىن جۇزەگە اسىرۋداعى تەك ءبىرىنشى قادام عانا. بايانداما رۋحىن قايتكەندە قىزمەت بارىسىندا دايەكتىلەندىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ءتىپتى دە نىق، ءتىپتى دە قامتاماسىز، ءتىپتى دە باياندى ەتۋگە بولادى، ول كاسىپ سالاسىن دامىتۋعا ءالى دە كۇش سالۋ قاجەت دەپ قارادى.

  لي ۋىنجۋاننىڭ اۋىل - قىستاق ساياحات كاسىپ سالاسىن دامىتۋ ارمانى ۋاكىل حاۋ شياڭليدىڭ كوڭىلىنەن شىقتى. حاۋ شياڭلي شاعانتوعاي اۋدانى جانگىسى اۋىلى جانگىسى قىستاعى پارتيا ياچەيكاسىنىڭ شۋجيى، ول قولىنا قالام الىپ قاعازعا ءبىر سىزىق سىزىپ، 219 - مەملەكەت تاس جولى دەپ بەلگى قويدى، تاعى جانىنان جانگىسى قىستاعىن بەلگىلەدى، ول، ءبىر جاعىنان، تانىستىرىپ، ءبىر جاعىنان، بەلگى قويا باستادى، قاعازداعى قىستاققا بىرتىندەپ كاڭلى باقشاسىن، اۋىل شارۋاشىلىق كورىنىس باقشاسىن، ەلەكتروندى ساۋدا تۇعىرىن، ”70·80“ جىلداردىڭ اسەرىن سەزىنۋ باقشاسىن قوسا باستادى...

  حاۋ شياڭليدىڭ سىزعانىنداي، كەزىندەگى ەگىن، مال شارۋاشىلىعىن بىرلەستىرگەن قالا ماڭىنداعى قىستاق بۇگىنگى كۇندە ينتەرنەتتەگى تانىمال قىستاققا اينالدى. 2019 - جىلى حاۋ شياڭلي ءوزى باس بولىپ قىستاق جوباسىن جاساپ، كەمەلدەندىرىپ، 219 - مەملەكەت تاس جولى بويىن ارقاۋ ەتىپ، اۋىل - قىستاق ەرەكشە ساياحاتىن بار كۇشپەن ىلگەرىلەتتى. ”قىستاق ساياحاتشىلاردى شوعىرلى تاماقتانۋ، جاتىن ورىن، ءجۇرىس - تۇرىس، ساياحاتتاۋ، ساتىپ الۋ، كوڭىل اشۋ ءبىر تۇلعالانعان مادەنيەت - ساياحات كەشىرمەسىمەن قامدايدى. مەنىڭ ويىم ساياحات كاسىپ سالاسىن جالعاستى دامىتىپ، ءتىپتى دە كوپ قىستاق تۇرعىندارىنىڭ ەسىگىنىڭ الدىنان كىرىسىن ارتتىرىپ، اۋقاتتانۋىنا مۇمكىندىك جاساۋ“.

  لي ۋىنجۋان مەن حاۋ شياڭليدىڭ اۋىلدارىنىڭ ساياحات كاسىبىن دامىتۋ جانە بۇقارانىڭ تۇرمىسىنداعى وزگەرىس تۋرالى تالقىلاپ، كەلەسى قادامداعى دامۋ باعىتىن جوسپارلاعانىن كورىپ، ۋاكىل ما لي مەن رىزۋانگۇل دە سوزگە ارالاستى.

  ما لي شينجياڭ ءوندىرىس - قۇرىلىس بيڭتۋانى 12 - شى شيشان ەگىن، مال شارۋاشىلىعى فەرماسى انكاڭ الەۋمەتتىك اۋماعى پارتيا باس ياچەيكاسىنىڭ شۋجيى، رىزۋانگۇل ءۇرىمجى قالاسى ەكونوميكالىق، تەحنيكالىق اشۋ رايونى (توۋتۇنحى رايونى) گاڭچىڭ اۋماعى كىپيڭ جولى سولتۇستىك الەۋمەتتىك اۋماعى پارتكومىنىڭ شۋجيى، ەكەۋىنىڭ نەگىزگى ساتىعا تامىر تارتقانىنا 10 جىلدان اسقان، حالىققا قىزمەت وتەۋ بارىسىندا مىندەت ارقالاپ، جاۋاپكەرشىلىگىن وتەپ كەلەدى.

  ”پارتيا 20 - قۇرىلتايى بۇقاراعا كوپتەگەن باقىت ءۇنىن جەتكىزدى، حالىق تۇرمىسىن قامتاماسىز ەتۋ جاعىنداعى جاقسى ساياساتتاردىڭ كوبىرەك بولۋىن كۇتەمىن“، - دەدى ما لي، بۇقارانىڭ سەنىم ارتۋى مەن قاجەتى ونى بۇقاراعا قىزمەت وتەۋ جولىندا الاڭسىز ۇزدىكسىز كۇرەس جاساۋعا جىگەرلەندىردى.

  رىزۋانگۇل ”تۇرعىنداردىڭ تۇرمىسىنىڭ باقىتتى بولۋىن“ ءوزىنىڭ تالپىنىس نىساناسى ەتىپ، الەۋمەتتىك اۋماقتاعى 140 نەشە زەينەتكە شىققان پارتيا مۇشەسىن، تۇرعىندار پارتيا مۇشەسىن اتتانىسقا كەلتىرىپ، پارتيا مۇشەلەرى ەرىكتى قىزمەت وتەۋ اترەتىن ۇيىمداستىرىپ، ”بۇقارانىڭ جۇمىستارىن ايتۋ ءتۇيىنىن“ قۇرىپ، كوللەكتيۆ كۇشىن ۇيىستىرىپ تۇرعىنداردىڭ قيىنشىلىعىن شەشتى. ”مەن كوپشىلىكتى پارتيا مۇشەسىنىڭ اۆانگارد، ۇلگىلىك رولىن ساۋلەلەندىرىپ، بۇقارامەن بايلانىس جاساۋدىڭ ويداعىداي دانەكەرى بولۋعا اتتانىسقا كەلتىرەمىن“، - دەدى رىزۋانگۇل، جاڭا باستامادا تۇرعان ول، جاڭا مىندەت الدىندا، قالىڭ پارتيا مۇشەلەرىمەن، كادرلارمەن بىرگە حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرماقشى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.