تيانشان تورى
تيانشان تورى   ›   جاڭالىقتار   ›   ماڭىزدى حابارلار

جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك

− پارتيانىڭ 20 - قۇرىلتايىنان جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە نازار

□ شينحۋا اگەنتتىگىنىڭ تىلشىلەرى

  باس شۋجي شي جينپيڭ پارتيا 20 - قۇرىلتايىنىڭ بايانداماسىندا ايبىندى تۇردە بىلاي دەپ جاريالادى: ”قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۋاتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“.

  داڭعىل جول ساپارى كەڭ دە شەكسىز.

  كەلگەن جولعا قايىرىلا قاراساق، جاڭا جۇڭگو قۇرىلعاننان، وتە - موتە، رەفورمالاۋ، ەسىك اشۋدان بەرى ۇزاق ۋاقىتتىق ىزدەنۋ جانە امالياتتان وتكىزۋ نەگىزىندە، پارتيا 18 - قۇرىلتايىنان بەرگى نازاريا مەن اماليات جاعىندا جاڭالىق اشۋ، تابىسقا جەتۋ ارقىلى پارتيامىز جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى.

  الداعى جولعا كوز جىبەرسەك، جاڭا داۋىردەگى جاڭا جورىقتا بورىشتى، مىندەتتى مىقتى يگەرىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي جاڭالىق اشىپ، اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ، پارتيامىز، ءسوزسىز، ميلليارد حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىستەرىنە ۇزدىكسىز قول جەتكىزە الادى!

جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى − ايبىندى جورىقتا ۇلى جوبا كەسكىندەپ، جۇڭگو ۇلگىسىندەگى وسىزامانداندىرۋ جولىنىڭ كورىنىسىن ونان ارى ايقىنداي ءتۇستى

  پارتيا ۋاكىلدەرى العاشقى ارناسىندا، انگليا «ەكونوميستەر» جۋرنالىنىڭ ءتىلشىسى ۋاكىلدەرگە: ”تاريح بيىلعى 20 - قۇرىلتايدى قالاي ەستە ساقتايدى“؟ - دەگەن سۇراق قويدى.

  ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ۇنەمىلىك قىزمەتكە جاۋاپتى ورىنباسار مەكتەپ (شۋەيۋان) باستىعى، ۋاكىل شيە چۇنتاۋ بىلاي دەپ جاۋاپ قايتاردى: پارتيانىڭ 20 - قۇرىلتايى جۇڭگونىڭ بولاشاق 5 جىلداعى، ءتىپتى، ودان دا ۇزاق ۋاقىتتاعى دامۋىنا جوبا جانە ورنالاستىرۋ جاسادى. ”بۇل، ءسوزسىز، جۇڭگونىڭ بولاشاق دامۋىندا ماڭىزدى باستاۋ، ىلگەرىلەتۋ رولىن اتقارادى، ءسوزسىز، جۇڭگو ۇلگىسىندەگى وسىزامانداندىرۋدى اناعۇرلىم ورنىقتى، اناعۇرلىم تەز، اناعۇرلىم ويداعىداي ىلگەرىلەتەدى“.

  كۇرەس نىساناسى جاڭا تاريحي ورىندى بەلگىلەدى؛

  بۇگىنگى جۇڭگو جاڭا ارمانعا قانات قاعۋ جورىعىن باستادى.

  20 - قۇرىلتايدىڭ بايانداماسىن پاراقتاساق، جۇڭگو ۇلگىسىندەگى وسىزامانداندىرۋدىڭ كوركەم بولاشاعى ادامدى ىنتىقتىرادى −

  جاپپاي سوتسياليستىك وسىزاماندانعان قۋاتتى مەملەكەت قۇرىپ شىعۋدىڭ جالپى ستراتەگيالىق ورنالاستىرۋى − ەكى باسقىشقا ءبولىپ ءجۇرۋ:

  − 2020 - جىلدان 2035 - جىلعا دەيىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ؛

  − 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۋاتتى مەملەكەت ەتىپ قۇرىپ شىعۋ.

  باياندامادا 2035 - جىلعا بارعانداعى ەلىمىز دامۋىنىڭ جالپى نىساناسى ايقىندالدى: ”ەكونوميكالىق قۋاتتى، عىلىم - تەحنيكالىق قۋاتتى، مەملەكەتتىڭ كەشەندى قۋاتىن بارىنشا كۇشەيتۋ“، ”جوعارى دەڭگەيلى عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋدى جۇزەگە اسىرىپ، جاڭاشىل ەلدەردىڭ الدىڭعى قاتارىنا ءوتۋ“، ”وسىزاماندانعان ەكونوميكالىق جۇيەنى ورناتىپ، جاڭا دامۋ جاعدايىن قالىپتاستىرۋ“، ”جالپى بارىستىق حالىق دەموكراتياسى ءتۇزىمىن اناعۇرلىم كەمەلدەندىرۋ“، ”ادامنىڭ جان - جاقتى جەتىلۋى، جالپى حالىقتىڭ بىرگە بايۋى جاعىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ“...

  جۇڭگو عىلىم اكادەمياسىنىڭ اكادەميگى، جيلين داشۋەسى حيميا شۋەيۋانىنىڭ پروفەسسورى، ۋاكىل يۇي جيحۇڭ بىلاي دەدى: ”پارتيا 19 - قۇرىلتايىنىڭ بايانداماسى جاپپاي سوتسياليستىك وسىزاماندانعان مەملەكەت قۇرۋدىڭ ۇلى جوباسىن سۋرەتتەدى، پارتيا 20 - قۇرىلتايىنىڭ بايانداماسىندا جاپپاي سوتسياليستىك وسىزاماندانعان قۋاتتى مەملەكەت قۇرۋ جونىندە ونان ارى عىلمي جوبا جاسالدى، باياندامانىڭ مازمۇنى تامىرلاس ءارى داۋىرمەن تەڭ ىلگەرىلەگەن“.

  باياندامادا بىلاپ دەپ باسا دارىپتەلدى: الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل.

  ”باستاما اشۋ، قادام تاستاۋ توتەنشە ماڭىزدى، ءبىز ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭگو ۇلگىسىندەگى وسىزامانداندىرۋ ىستەرىنىڭ ۇزدىكسىز العا باسۋىن قۇلشىنا ىلگەرىلەتۋىمىز كەرەك“، - دەدى جۇڭگو قۇرىلىس 5 - مەكەمەسى پارتكومىنىڭ شۋجيى، القا باستىعى، ۋاكىل تيان ۋيگو.

  ۇلى كارتينا مىزعىماس اۋەلگى ماقساتتى ايگىلەدى.

  100 نەشە جىلدىڭ الدىندا، سۇن جۇڭشان مىرزا «مەملەكەت قۇرۋ ۇلى جوباسىندا» جۇڭگونى وسىزامانداندىرۋدىڭ العاشقى جوباسىن بىلاي كەسكىندەدى: ءبىر ميلليون 600 مىڭ كيلومەتر تاس جول، شامامەن 160 مىڭ كيلومەتر تەمىر جول، دۇنيە جۇزىلىك دەڭگەيدەگى 3 ءىرى تەڭىز پورتىن، ءۇش قىساڭ ۇلكەن توسپاسىن سالۋ...

  بۇگىنگى تاڭدا، چيڭحاي − شيزاڭ ۇستىرتىنە تەمىر جول جەتكىزىلدى، ورمەكشىنىڭ تورىنداي تاس جول تورى قالىپتاستى، بيىك قىساڭدا تىنىق كول پايدا بولدى، پورتتار تەڭىز - مۇحيتتارمەن تۇتاستىردى، ”تيانحى“ عارىشقا جايعاستى، ”جۋرۇڭ“ مارستى بارلاۋعا اتتاندى... جۇڭگونىڭ وسىزاماندانۋ دەڭگەيى سۇن جۇڭشان مىرزانىڭ اۋەلدەگى بولجالىنان الدەقايدا اسىپ كەتتى.

  ۇلى وزگەرىس ارماننىڭ نەگىزىن بەكەمدەيدى.

  مۇلدە كەدەيلىك ماسەلەسى تاريحي سيپاتتا شەشىلدى، ەكونوميكانىڭ جالپى كولەمى دۇنيە ءجۇزى بويىنشا 2 - ورىندى يەلەدى، جاساۋ كاسىبىنىڭ كولەمى، شەتەل اقشاسىنىڭ قورى دۇنيە ءجۇزى بويىنشا 1 - ورىندى يەلەدى، جاڭاشىل مەملەكەتتەر قاتارىنا ءوتتى، زات ساۋداسىنىڭ جالپى سوماسى دۇنيە ءجۇزى بويىنشا 1 - ورىندى يەلەدى، شەتەل قارجىسىن باۋراۋدا جانە شەتەلگە قارجى قوسۋدا دۇنيە ءجۇزى بويىنشا الدىڭعى قاتارعا ءوتتى، كورىكتى جۇڭگو قۇرىلىسىندا كەلەلى قادام تاستادى...

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى باستاپ، ءبىر قىدىرۋ ستراتەگيالىق شارا قولدانىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ شەشۋشى ىلگەرىلەۋشىلىكتى جۇزەگە اسىرىپ، ءبىر قىدىرۋ بەلگى سيپاتتى جەتىستىككە قول جەتكىزىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاسادى.

  شاڭحاي قالاسى سۇڭجياڭ رايوندىق پارتكومنىڭ شۋجيى، ۋاكىل چىڭ شياڭمين بىلاي دەدى: جاڭالىق اشۋدىڭ ەلىمىزدىڭ وسىزامانداندىرۋ قۇرىلىسى جالپى جاعدايىنداعى وزەكتى ورنىنا تاباندى بولعاندىقتان دا، سۇڭجياڭ رايونى قوراجاي كاسىبى ”جارتى الەمدى“ يەلەگەن قالا ماڭى رايونىنان ءبىر سەكىرىپ چاڭجياڭ اتىراۋىنداعى G60 عىلىم - تەحنيكادا جاڭالىق اشۋ ءدالىزىنىڭ بەسىگىنە اينالدى، بولاشاقتا جاڭا دامۋ ۇستانىمىنا بۇلجىماي تاباندى بولىپ، ناقتى ىستەۋ ارقىلى جوعارى ساپالى دامۋدى جەدەلدەتەدى.

  باس شۋجي شي جينپيڭ 20 - قۇرىلتاي بايانداماسىندا بىلاي دەپ تەرەڭ ءتۇسىندىردى: ”جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزاماندانۋ، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك تە بار“.

  20 - قۇرىلتاي بايانداماسىندا جۇڭگو ۇلگىسىندەگى وسىزامانداندىرۋدىڭ ەرەكشەلىگى بىلاي ءتۇسىندىرىلدى: جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ.

  باياندامادا جۇڭگو ۇلگىسىندەگى وسىزامانداندىرۋدىڭ ماندىك تالابى ايقىن العا قويىلدى: جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزمگە تاباندى بولۋ، جوعارى ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني الەمىن بايىتۋ، جالپى حالىقتىڭ بىرگە بايۋىن جۇزەگە اسىرۋ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ.

  جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات - ماتەريالدار زەرتتەۋ مەكەمەسىنىڭ بۇرىنعى مەكەمە ىستەرى مۇشەسى فىڭ جۇن بىلاي دەدى: 20 - قۇرىلتاي بايانداماسىندا جۇڭگو ۇلگىسىندەگى وسىزامانداندىرۋدىڭ ەرەكشەلىگى ىشكەرىلەي ءتۇسىندىرىلدى ءارى 9 ماندىك تالاپ العاش رەت العا قويىلدى، بۇل ءبىزدىڭ جۇڭگو ۇلگىسىندەگى وسىزامانداندىرۋدىڭ عىلمي ءمانى، ماقسات - ماڭىزى، نىسانا - مىندەتى، جۇزەگە اسىرۋ جولى سياقتىلاردى ىشكەرىلەي تۇسىنۋىمىزدە جانە تانۋىمىزدا ماڭىزدى قۇنعا يە.

  جۇڭگونىڭ بايتاق دالاسىنا تامىر تارتقان جۇڭگو ۇلگىسىندەگى وسىزامانداندىرۋ جۇڭگوشا سوتسياليستىك ءتۇزىمنىڭ ارتىقشىلىعىن ايگىلەپ، نۇرلى بولاشاعى مەن قاۋلاعان تىرشىلىك تىنىسىن كورسەتتى.

ادامزات وركەنيەتىنىڭ جاڭا فورماتسياسىن جاراتتى − ادامزاتتىڭ وسىزامانداندىرۋدى جۇزەگە اسىرۋى ءۇشىن جاڭا تاڭداۋ ازىرلەپ، جۇڭگو ۇلگىسىندەگى وسىزامانداندىرۋدىڭ جولى اناعۇرلىم كەڭەيە تۇسەدى

  كۇنى بۇگىنگە دەيىن بۇكىل الەمدەگى ونەركاسىپتەنۋدى ىسكە اسىرعان دامىعان ەلدەر مەن وڭىرلەردەگى حالىقتىڭ جالپى سانى ءبىر ميللياردتان اسقان جوق. جۇڭگوداعى ءبىر ميلليارد 400 ميلليون حالىقتىڭ تۇتاسىمەن وسىزاماندانعان قوعامعا قادام تاستاۋىنىڭ بۇرىن بولعان مىسالى جوق، بۇل ادامزات تاريحىندا ىقپالى زور ءىرى ءىس بولىپ تابىلادى.

  ءداۋىر تولقىنىنىڭ باسىندا تۇرىپ، باس شۋجي شي جينپيڭ بيىكتە تۇرىپ، الىستى بولجاپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ۇلى جوباسىن كەسكىندەدى −

  پارتيا 18 - قۇرىلتاي بايانداماسىندا ”سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ“ جۇڭگوشا سوتسياليزم قۇرۋدىڭ باس مىندەتى ەتىلدى؛

  پارتيا 19 - قۇرىلتاي بايانداماسىندا ەكى باسقىشقا ءبولىپ ءجۇرىپ، وسى عاسىردىڭ ورتا شەنىندە سوتسياليستىك وسىزاماندانعان قۋاتتى مەملەكەت قۇرۋ سىندى ستراتەگيالىق ورنالاستىرۋ جاسالدى.

  پارتيا 20 - قۇرىلتاي بايانداماسىندا جاپپاي سوتسياليستىك وسىزاماندانعان قۋاتتى مەملەكەت قۇرۋدىڭ ەكى قاداممەن ءجۇرۋ ستراتەگيالىق ورنالاستىرۋىنا ماكرولىق تۇرعىدان كوز جىبەرىلىپ، الداعى 5 جىلداعى نەگىزگى نىسانا - مىندەتتەر ءتۇيىندى تۇردە ورنالاستىرىلدى.

  ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) پروفەسسورى شين ميڭ مىنانى ءبىلدىردى: جۇڭگو ۇلگىسىندەگى وسىزامانداندىرۋ − تۋراشىلدىقتان اينىماي، جاڭالىق اشىپ جاساعان جاڭا جول، ول ادامزات دامۋىنىڭ زاڭدىلىعىن يگەرىپ، جۇڭگونىڭ بايتاق دالاسىن تياناق ەتىپ، ادامزات قوعامىنىڭ وسىزامانداندىرۋدى جالپى جاقتان جۇزەگە اسىرۋىنا جاڭا جول اشتى.

  ”حالىقتىڭ تۇرمىس ساپاسى جوعارى، وتە حاۋىپسىز؛ ەكولوگيالىق ورتا كەرەمەت، تاۋى جاسىل، سۋى تۇنىق، مىنە بۇل 21 - عاسىرداعى ءومىردىڭ بولۋعا ءتيىستى كەلبەتى“. جۇڭگو كوممۋنيستىك پارتياسىنىڭ ۋاكىلدەر قۇرىلتايىن حابارلاۋعا 2 - رەت قاتىناسقان ەفيوفيا اقپارات اگەنتتىگىنىڭ ءتىلشىسى بەرەكت چيسسە تەرەڭ اسەرمەن: ”باتىستىڭ 200 نەشە جىل جۇرگەن وسىزامانداندىرۋ جولىن جۇڭگو ونداعان جىلدا ءجۇرىپ بولدى، تاڭداي قاقپاي تۇرا المايسىڭ“، - دەدى.

  جۇڭگو ۇلگىسىندەگى وسىزامانداندىرۋ ”وسىزامانداندىرۋ دەگەنىمىز باتىستاندىرۋ“ دەيتىن جولعا سۇيەنۋدى بۇزىپ، وركەندەپ كەلە جاتقان ەلدەردىڭ وسىزاماندانۋعا بەت الۋىنىڭ جاڭا جولىن اشتى.

  ”پارتيامىز حالىققا باسشىلىق ەتىپ، دۇنيە جۇزىندە سيرەك كەزدەسەتىن ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتىلىعى سىندى ەكى ۇلكەن كەرەمەتتى جارىققا شىعارىپ قانا قويماي، جۇڭگو ۇلگىسىندەگى وسىزامانداندىرۋ جولىمەن ءساتتى ءجۇرىپ، ادامزات وركەنيەتىنىڭ جاڭا فورماتسياسىن جارىققا شىعاردى“.

  2021 - جىلى 11 - ايدىڭ 11 - كۇنى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ ەكىنشى جالپى جيىنىندا باس شۋجي شي جينپيڭ بىلاي دەپ اتاپ كورسەتتى: بۇرىنعىلار ىستەپ كورمەگەن وسى جاڭالىقتار ادامزات قوعامىنىڭ دامۋىنداعى كوپتەگەن قيىن ماسەلەلەردى شەشىپ، باتىستىڭ كاپيتالدى وزەك ەتكەن وسىزامانداندىرۋىن، ەكى ۇيەككە جىكتەلگەن وسىزامانداندىرۋىن، ماتەرياشىلدىق ۇلعايعان وسىزامانداندىرۋىن، سىرتقا ىرگە كەڭەيتۋ، تالان - تاراجىلاۋ سىندى وسىزامانداندىرۋ كونە جولىن تاستاپ، وركەندەپ كەلە جاتقان ەلدەردىڭ وسىزامانداندىرۋعا بەت الۋ جولىن كەڭەيتىپ، ادامزاتتىڭ اناعۇرلىم جاقسى قوعامدىق ءتۇزىم جونىندەگى ىزدەنىسىنە جۇڭگو جوباسىن ازىرلەدى.

  ”ميللياردتان اسقان جان سانى بار ەلدە وسىزاماندانۋدى جۇزەگە اسىرا الۋ ادامزاتتىڭ العا باسۋ ىستەرىنە قوسقان زور ۇلەس ەكەنى داۋسىز“. كەنيالىق حالىقارالىق ماسەلەلەردى زەرتتەيتىن وقىمىستى كاۋنس ادحيل مىنالاردى ءبىلدىردى: جۇڭگونىڭ تابىسقا جەتۋ امالياتى افريكا ەلدەرىن قامتىعان وركەندەپ كەلە جاتقان ەلدەرگە ۇلگى كورسەتتى، ياعني ءارقايسى ەلدىڭ ءوزىنىڭ ءىس جۇزىندىك جاعدايىنا ۇيلەسەتىن وسىزامانداندىرۋ دامۋ جولىن قاراستىرۋى كەرەكتىگىن كورسەتتى.

  كومىر قازعاننان كەيىن وتىرىپ كەتكەن وڭىردەگى نەشە 10 مىڭ بۇقارا جاڭا ۇيگە كوشىپ كىرۋدەن، باتىس اشىق كەن ەكولوگياسىنىڭ قايتادان تۇلەۋىنە دەيىن لياۋنيڭنىڭ فۋشۇنى دامۋ جەتىستىكتەرى ارقىلى بۇقاراعا ۇزدىكسىز تيىمدىلىك جەتكىزدى. فۋشۇن قالالىق پارتكومنىڭ شۋجيى، ۋاكىل لاي حى بىلاي دەدى: جۇڭگو ۇلگىسىندەگى وسىزامانداندىرۋ باستان - اياق حالىقتى وزەك ەتكەن دامۋ يدەياسىنا تاباندى بولىپ، قالىڭ بۇقاراعا كوزگە كورىنەتىن، ناقتى، قازىرگى كەزگە دە، بولاشاققا دا پايدالى قۇت - ىرىس اكەلدى.

  قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلدەرمەن ورىستەۋدە. بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، باسقارۋ قىزىل سيفرى اسقىنىپ، ادامزات قوعامى بۇرىن بولىپ كورىلمەگەن سىن - سايىستارعا ءدوپ كەلدى، دۇنيە تاعى ءبىر رەت تاريحتىڭ جول ايىرىعىنا تىرەلدى.

  ”دۇنيە ءجۇزى نە بولىپ بارادى، ادامزات قايتۋى كەرەك“ دەگەن ءداۋىر سۇراعى بۇكىل الەمدى جاڭعىرتقان كەزدە، 20 - قۇرىلتاي بايانداماسى ادامزات دامۋىنىڭ زور اعىمىنىڭ، دۇنيە ءجۇزى وزگەرىسىنىڭ ۇلكەن اۋقىمىنىڭ بيىگىندە تۇرىپ، ”جۇڭگو ۇلگىسىندەگى وسىزامانداندىرۋ − بەيبىت دامۋ جولىمەن جۇرەتىن وسىزاماندانۋ“ ەكەندىگىن اناعۇرلىم ءتۇسىندىردى؛

  ”ەلىمىز كەيبىر مەملەكەتتەردىڭ سوعىس، وتارلاۋ، تالان - تاراجىلاۋ سىندى تاسىلدەرمەن وسىزامانداندىرۋدى جۇزەگە اسىرعان كونە سۇردەگىمەن جۇرمەيدى“؛

  ”جۇڭگو دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ ديپلوماتيالىق ساياساتىنىڭ تۇپكى ماقساتىنا باستان - اياق تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە كۇش سالادى“؛

  ”جۇڭگونىڭ تىڭ دامۋى ارقىلى دۇنيە جۇزىنە تىڭ ورايلاردى ۇزدىكسىز ازىرلەپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، ءار ەل حالقىنا اناعۇرلىم ويداعىداي تيىمدىلىك جاسايدى“؛

  ...

  جۇرگەن سايىن كەڭەيە تۇسكەن جۇڭگو ۇلگىسىندەگى وسىزامانداندىرۋ جولى ءوزىن ويداعىداي دامىتىپ، دۇنيە جۇزىنە باقىت جاراتادى.

  پارتيا ۋاكىلدەرى ارناسىندا جاسى 80گە تاياپ قالعان جۇنساۋ مامانى، ۋاكىل لين جانشي جۇنساۋدىڭ جۇڭگودان دۇنيە جۇزىنە بەت الىپ، الەمنىڭ كەدەيلىكتى ازايتۋ ىستەرىنە جۇڭگو كۇش - قۋاتىن ارناعان حيكاياسىمەن ءبولىستى.

  ”شاعىن ءارى كوركەم جۇنساۋ ارقىلى سىرتقا كومەكتەسۋدە ونىمدىلىگى تەز، حالىق تۇرمىسىنا ءتيىمدى بولدى“. لين جانشي بىلاي دەدى: وڭتۇستىك تىنىق مۇحيتتاعى ارال مەملەكەتتەرىنەن افريكا، لاتىن امەريكاعا دەيىن، كوپتەگەن ادامدار جۇنساۋ ەگۋ، ساڭىراۋقۇلاق ەگۋ ارقىلى كەدەيلىكتەن ارىلىپ، تاعدىرلارىن وزگەرتتى.

  انگليالىق وقىمىستى مارتين ياك بىلاي دەپ قارادى: جۇڭگو ”جاڭا مۇمكىندىك“ ازىرلەپ، سەلبەسىپ تەڭ يگىلىككە كەنەلۋ، بىرگە قۇرىپ، بىرگە يگىلىكتەنۋ سىندى وركەنيەتتى دامۋدىڭ جاڭا جولىن اشتى. بۇل بۇرىنعىلار ىستەپ كورمەگەن ۇلى باستاما ءارى دۇنيە ءجۇزىن وزگەرتكەن ۇلى جاڭالىق.

  بۇل تاريحي قابىسۋ، سونداي - اق دامۋدىڭ قاجەتتىلىگى.

  بەيجيڭ باداليڭ ۇلى قورعانىنىڭ ەتەگىندە ەكى تەمىر جول تۇيىلىسەدى: بىرەۋى، 100 نەشە جىلدىڭ الدىندا جان تيانيوۋ باس بولىپ سالعان بەيجيڭ − جاڭجياكوۋ تەمىر جولى، ەندى بىرەۋى، 2022 - جىلعى بەيجيڭ قىسقى وليمپياداسىنىڭ سايكەستى ينجەنەرياسى سانالاتىن بەيجيڭ − جاڭجياكوۋ جوعارى جىلدامدىقتى تەمىر جولى.

  ”جۇڭگولىقتار تەمىر جول سالا المايدى“ دەيتىن تۇجىرىمدى بۇزعان ”نامىس جولىنان“ زەردەلى جوعارى جىلدامدىقتى تەمىر جولىنا جەتەكشى بولعان ”كوشباسشى جولعا ”دەيىن، ساعاتتىق جىلدامدىعى 35 كيلومەتردەن 350 كيلومەترگە دەيىن ەكى تەمىر جول ءبىر مەملەكەتتىڭ دامۋىنا كۋا بولىپ، جۇڭگو ۇلگىسىندەگى وسىزامانداندىرۋدىڭ تابىسقا جەتۋىن ايگىلەدى.

  ”بۇل تاريحقا ايشىقتاپ جازىلاتىن ءىس، دۇنيە ءجۇزى جۇڭگو جولى جونىندە شىت جاڭا تانىمعا يە بولادى“. 2022 - جىلدىڭ العاشقى كۇندەرىندە باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن وتكىزۋگە دايىندالۋ قىزمەتىن تەكسەرگەن كەزدە سويلەگەن ءسوزىنىڭ ءمانى تەرەڭ.

بىلەك سىبانا قايراتتانا ىستەدى − ءسوزسىز، باسىپ وتەتىن جولمەن ويداعىداي ءجۇرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتتى

  جاپپاي سوتسياليستىك وسىزاماندانعان مەملەكەت قۇرۋ − ۇلى دا اسا ماشاقاتتى ءىس، بولاشاعى نۇرلى، مىندەتى اۋىر، جولى ۇزاق.

  الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل، ەكىنشى 100 جىلدىق كۇرەس نىساناسىن جۇزەگە اسىرۋ جونىنەن اسا ماڭىزدى.

  20 - قۇرىلتاي بايانداماسىن پاراقتار بولساق، الداعى 5 جىلداعى نەگىزگى نىسانا - مىندەتتەر كوزگە باسىلادى:

  ”ەكونوميكانى جوعارى ساپالى دامىتۋدا جاڭا جەتىستىككە قول جەتكىزۋ“، ”رەفورما جاساۋ، ەسىك اشۋدا جاڭا قادام تاستاۋ“، ”جالپى بارىستىق حالىق دەموكراتياسىن تۇزىمدەندىرۋ، جۇيەلىلەندىرۋ، تارتىپتەندىرۋ دەڭگەيىن اناعۇرلىم جوعارىلاتۋ“، ”تۇرعىنداردىڭ كىرىسىنىڭ ارتۋى مەن ەكونوميكانىڭ ارتۋى، نەگىزىنەن، تەڭ قادامدا بولۋ“، ”قالا مەن اۋىلدىڭ قونىستانۋ ورتاسىن كورنەكتى جاقسارتۋ“...

  جوبانى رەالدىققا اينالدىرۋ − جاڭا ۇزاق جورىق.

  پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي شي جينپيڭ بىلاي دەپ اتاپ كورسەتتى: ”كەزەكتەگى ەڭ ماڭىزدى مىندەت − بىلەك سىبانا قايراتتانا ىستەپ، پارتيانىڭ 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ناقتى ارەكەتكە اينالدىرىپ، ناقتى ونىمدىلىككە قول جەتكىزۋ“.

  20 - قۇرىلتاي بايانداماسىندا العا باسۋ جولىندا، ءسوز جوق، مىقتاپ يگەرۋگە ءتيىستى كەلەلى پرينسيپتەر انىق ءتۇسىندىرىلدى − پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، جۇڭگوشا سوتسياليزم جولىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، رەفورمانى، ەسىك اشۋدى تەرەڭدەتۋگە تاباندى بولۋ، كۇرەسكەرلىك رۋحتى ساۋلەلەندىرۋگە تاباندى بولۋ.

  مەملەكەتتىك كەڭەس دامۋدى زەرتتەۋ ورتالىعىنىڭ زەرتتەۋشىسى لۇڭ حايبو بىلاي دەدى: پارتيامىز جولعا قويعان وسى كەلەلى پرينسيپتەر − بۇرىنعى ىزدەنىس تاجىريبەلەرىنىڭ قورىتىندىسى، ول وسىزامانداندىرۋ نازارياسىن بايىتىپ جانە دامىتىپ، جۇڭگو ۇلگىسىندەگى وسىزامانداندىرۋ نازارياسىنىڭ جاڭا ءورىسىن جان - جاقتى اشىپ، ءبىزدى الداعى ۋاقىتتا ءتۇرلى حاۋىپ - قاتەرگە، سىن - سايىستارعا ءدوپ كەلگەندە دۇرىس بەتالىسپەن العا ىلگەرىلەپ، جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋ جولىمەن بۇلجىماي جۇرۋگە باستادى.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن جازۋدا، ءسوز جوق، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ كەرەك.

  جاڭا داۋىردەگى 10 جىلدا ۇلى تابىستار جاراتىپ، ۇلى وزگەرىستەردى جۇزەگە اسىرۋدىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاعاندىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە جاتىر.

  20 - قۇرىلتاي بايانداماسىندا مىنالار العا قويىلدى: پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا باسشىلىعىن پارتيا مەن مەملەكەت ىستەرىنىڭ ءارقايسى سالاسىندا، ءارقايسى جاعىندا، ءارقايسى بۋىنىندا تياناقتاندىرىپ، پارتيانى باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالدىرىپ، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتىپ، ىنتىماقتاسا كۇرەس جۇرگىزۋدىڭ قۇدىرەتتى ساياسي ۇيىسۋ كۇشىنە، دامۋ سەنىمىنە يە بولۋعا شىنايى كەپىلدىك ەتىپ، جۇدىرىقتاي جۇمىلىپ، ۋاقىتتىق قيىندىقتى بىرگە ەڭسەرۋدىڭ تەلەگەي كۇشىن ۇيىستىرۋ.

  ”پارتيانىڭ جاپپاي باسشىلىعىن كۇشەيتۋدە، ءسوز جوق، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا شىنايى كەپىلدىك ەتۋ، پارتيانىڭ جالپى جاعدايدى جاپپاي مەڭگەرىپ، ءار جاقتى سايكەستىرەتىن باسشىلىق ۇيتقىلىق رولىن ساۋلەلەندىرۋىنە شىنايى كەپىلدىك ەتۋ كەرەك“. نانجيڭ اۆياتسيا، عارىش داشۋەسى ماركسيزم شۋەيۋانى پارتكومىنىڭ شۋجيى، ۋاكىل شۇي چۋان بىلاي دەدى: سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارتيامىزدىڭ جالىندى ومىرشەڭدىكتى ماڭگى ساقتاۋىنا، جاڭا ەمتيحان تاپسىرۋ جولىمەن ويداعىداي جۇرۋىنە مۇمكىندىك جاساۋىمىز كەرەك.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن جازۋدا، ءسوز جوق، جۇڭگوشا سوتسياليزم جولىنا تاباندى بولۋ كەرەك.

  10 جىل قايراتتانا ەكپىندەي ىلگەرىلەدى. ءبىز جۇڭگوشا سوتسياليزمگە تاباندى بولىپ جانە ونى دامىتىپ، ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ جولىمەن ءساتتى ءجۇرىپ، ادامزات وركەنيەتىنىڭ جاڭا فورماتسياسىن جاراتتىق.

  اماليات جۇڭگوشا سوتسياليزمنىڭ پارتيا مەن حالىقتىڭ سان جاپا - ماشاقاتتى باستان كەشىرىپ، وراسان زور بوداۋلار بەرىپ قول جەتكىزگەن ءتۇبىرلى تابىسى ەكەندىگىن، حالىقتىڭ تاماشا تۇرمىسىن جاراتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ داڭعىل جولى ەكەندىگىن تولىق دالەلدەدى.

  20 - قۇرىلتاي بايانداماسىندا مىنالار العا قويىلدى: ”جولدان تايماۋعا، مۇرات - ماقساتتى وزگەرتپەۋگە تاباندى بولىپ، تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا ءوز كۇشىمىزدى تياناق ەتۋگە تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋ“.

  ”اياق كيىمنىڭ ءدال كەلگەن - كەلمەگەندىگىن كيگەن ادام عانا بىلەدى“. حۋنان ولكەسى چىنجوۋ قالالىق پارتكومنىڭ شۋجيى، ۋاكىل ۋ جۇيپەي بىلاي دەدى: 10 جىلدان بەرى، جاڭا دامۋ ۇستانىمىنىڭ جەتەكشىلىگىندە جەرگىلىكتى ورىن ەكولوگيانى الدىمەن ويلاستىرۋعا، جاسىل دامۋعا تاباندى بولىپ، تۇنىق سۋ، جاسىل تاۋ، شىن مانىندە، باعالى بايلىققا اينالدى. اماليات وسى جولدىڭ جۇڭگونىڭ ءىس جۇزىندىك جاعدايىنا ۇيلەسەتىندىگىن، جۇڭگو حالقىنىڭ قالاۋىن بەينەلەيتىندىگىن، ءداۋىردىڭ دامۋ تالابىنا سايكەسەتىندىگىن، وسى جولمەن دۇرىس، ىركىلىسسىز ءجۇرىپ عانا قويماي، ونىڭ ۇستىنە، ءسوز جوق، نىق قاداممەن جاقسى جۇرە الاتىندىعىمىزدى دالەلدەدى.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن جازۋدا، ءسوز جوق، حالىقتى وزەك ەتكەن دامۋ يدەياسىنا تاباندى بولۋ كەرەك.

  20 - قۇرىلتاي بايانداماسىندا، ”حالىق“ ءسوزى ارقاۋ بولعان وزەكتى، كىندىك ءسوزدىڭ ءبىرى بولدى.

  ”حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتى يگەرۋ“، ”بىرگە بايۋدى تىڭعىلىقتى ىلگەرىلەتۋ“، ”جوعارى ساپالى، تولىق جۇمىستانۋدى جەبەۋ“، ”نەگىزگى زەينەتكەرلىك قامسىزداندىرۋىن مەملەكەت بويىنشا ءبىر تۇتاس جوسپارلاۋ ءتۇزىمىن كەمەلدەندىرۋ“، ”حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويۋ“... باياندامادا حالىق تۇرمىسىنا ءتيىمدى، حالىقتىڭ كوڭىلىنە مەيىر جەتكىزەتىن اناعۇرلىم كوپ شارالار ايقىن كورسەتىلىپ، حالىقتىڭ تاماشا تۇرمىسقا تالپىنىسىمەن ۇندەستى.

  جۇڭگو كوممۋنيستىك پارتياسى حالىققا باسشىلىق ەتىپ، مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى.

  ”قىزىل قايىقتىڭ ساپارعا اتتانعان جەرى“، جىجياڭنىڭ جياشيڭىنداعى نانحۋ كولى رايونى. وتكەن 19 جىلدا، 96345 قىزمەت وتەۋ ىستىق جەلىسى 24 ساعات بويىنا ”جۇمىسىن توقتاتپاي“، جيىنى 4 ميلليون 700 مىڭ رەتتەن استام تەلەفون قابىلداپ، بۇقارانىڭ رازى بولۋ مولشەرى %99تەن استى.

  ”قىزىل قايىق كوممۋنيستەردىڭ اۋەلگى ماقساتى مەن سەنىمىن ۇيىستىردى، اۋەلگى ماقسات پەن سەنىم بۇكىل ىنتا - پەيىلمەن حالىق ءۇشىن قىزمەت ىستەۋ بارىسىندا بەينەلەنەدى“، - دەدى 96345 الەۋمەتتىك اۋماق قىزمەت وتەۋ، كومەك سۇراۋ ورتالىعى پارتيا ياچەيكاسىنىڭ شۋجيى، ۋاكىل لو يەچيڭ.

  جاپپاي وسىزاماندانعان سوتسياليستىك مەملەكەت قۇرۋدىڭ جاڭا تاراۋىن جازۋدا، ءسوز جوق، رەفورمانى، ەسىك اشۋدى تەرەڭدەتۋگە تاباندى بولۋ كەرەك.

  رەفورمالاۋ، ەسىك اشۋ − العا باسۋ جولىمىزداعى سارقىلماس قوزعاۋشى كۇش. 20 - قۇرىلتاي بايانداماسىندا مىنالار ورتاعا قويىلدى: رەفورمالاۋدى، جاڭالىق اشۋدى ىشكەرىلەي ىلگەرىلەتىپ، ەسىك اشۋدى بۇلجىماستان كەڭەيتىپ، تەرەڭ قاتپارلى تۇزىلىستىك، مەحانيزمدىك كەدەرگىلەردى كۇش سالا ارىلتىپ، جۇڭگوشا سوتسياليستىك ءتۇزىمنىڭ ابزالدىلىعىن ۇزدىكسىز ايگىلەۋ كەرەك.

  باياندامادا ورتاعا قويىلعان ءبىر قىدىرۋ جاڭا ورنالاستىرۋلار بولاشاقتاعى دامۋدىڭ ”جۇمىس جۇرگىزۋ كارتاسىن“ كەسكىندەدى −

  ەكونوميكا جاعىندا ”جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ باستى مىندەتى“ ەكەندىگىن ايقىندادى؛

  عىلىم جانە وقۋ - اعارتۋ جاعىندا، ”عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەنگە، ءسوز جوق، تاباندى بولۋدى“ ورتاعا قويدى؛

  زاڭمەن باسقارۋ جاعىندا، ”زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋدى“ ورنالاستىردى؛

  ەكولوگيا جاعىندا، ”تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، دامۋدى ادام مەن تابيعاتتىڭ جاراسىمدى قاتار ءومىر سۇرەتىن تۇرعىسىندا تۇرىپ جوسپارلاۋدى“ باسا دارىپتەدى؛

  ...

  ”ەلىمىز قوعامىنداعى باستى قايشىلىقتىڭ وزگەرۋىنە سايكەسۋدىڭ تەتىگى بىركەلكى، تولىق بولماعان دامۋ ماسەلەلەرىن ىشكەرىلەي شەشۋ. بايانداما كۇردەلى جاعدايعا قالاي قاراۋ، جوعارى ساپالى دامۋدى قالاي جۇرگىزۋ سياقتى ماسەلەلەرگە عىلمي جاۋاپ بەرىپ، جۇڭگو ۇلگىسىندەگى وسىزامانداندىرۋدى دامىتۋ جولىنا ايقىن بەتالىس كورسەتتى“، - دەدى لياۋنيڭ ولكەسى فۋشين قالالىق پارتكومنىڭ شۋجيى، ۋاكىل حۋ تاۋ.

  بۇكىل ەل بويىنشا بايلىعى سارقىلۋ تيبىندەگى قالا ەكونوميكاسىنىڭ تيبىن وزگەرتۋدىڭ العاشقى سىناق ءتۇيىن قالاسى رەتىندە، فۋشين قالاسى 20 نەشە جىلدىق قۇلشىنىس ارقىلى جەل ەلەكترى، فوتوۆولت سياقتى جاڭا ەنەرگيا كاسىپ سالاسىن جوعارى ساپالى دامۋدىڭ جاڭا قوزعالتقىشىنا اينالدىردى.

  باياندامانى قايتا - قايتا زەر سالا وقىعان فۋجيان ولكەسى جينجياڭ قالالىق پارتكومنىڭ شۋجيى، ۋاكىل جاڭ ۋىنشيان اناعۇرلىم بەرىك سەنىممەن: ”ءبىز جاڭا باستالۋ ءتۇيىنىن تابان تىرەر تياناق ەتىپ، رەفورمالاۋدى، جاڭالىق اشۋدى ىشكەرىلەي ىلگەرىلەتىپ، اشىق بەينەدە الەمدىك بازارعا قۇشاق اشۋىمىز كەرەك“، - دەدى.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن جازۋدا، ءسوز جوق، كۇرەسكەرلىك رۋحتى ساۋلەلەندىرۋگە تاباندى بولۋ كەرەك. جەڭىستىڭ جاعالاۋىنا جۋىقتاعان سايىن، ورشەلەنگەن داۋىل مەن بۋىرقانعان تولقىننىڭ، ءتىپتى، سۇراپىل تاسقىن مەن دۇلەي تولقىننىڭ اۋىر سىناعىنا توزە الاتىن بولا ءبىلۋ كەرەك.

  بولاشاقتى بەتكە العاندا، جۇڭگو ۇيەكتىك وڭىرلەردى زەرتتەۋ ورتالىعى ”شۋەلۇڭ 2“ كەمەسىنىڭ كاپيتانى، ۋاكىل جاۋ يانپيڭ كوڭىلى كولدەي تولقىپ بىلاي دەدى: ”’شۋەلۇڭنان‘ ’شۋەلۇڭ 2‘گە دەيىن، ’قوس ايداعاردىڭ ۇيەكتىك وڭىردەگى ىزدەنىسىنىڭ‘ استارىندا ەلىمىزدىڭ عىلىم - تەحنيكادا جاڭالىق اشۋ قۋاتىنىڭ ءۇرتىس ورلەۋى تۇر. ءبىز ۇيەكتىك وڭىرلەردى زەرتتەۋ ىنتامىز بەن باتىلدىعىمىز ارقىلى عىلمي زەرتتەۋدەن قامال الۋ تەبىنىمىزدى ۇزدىكسىز كۇشەيتىپ، كۇرەسكەرلىك رۋحتى ساۋلەلەندىرۋگە تاباندى بولىپ، جۇڭحۋا ۇلتىنىڭ ۇلى گۇلدەنۋىن ىلگەرىلەتۋ جولىندا قامال الىپ، قيىندىقتاردى جەڭىپ، سەڭ بۇزا العا ىلگەرىلەيمىز“!

  ءبىز كۇرەس جۇرگىزۋ ارقىلى شۇعىلالى داڭعىل جول اشتىق، ءبىز تاعى دا ۇزدىكسىز ىلگەرىلەۋىمىز كەرەك.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ءبىر ميلليارد 400 ميلليوننان استام جۇڭگو حالقىنىڭ تەلەگەي ۇلى كۇشىن توپتاساق، ءسوز جوق، تىڭ دا ۇلى كۇرەستەر ارقىلى تىڭ دا ۇلى ىستەردى جاراتا الامىز!

  (تىلشىلەر حان جيە، شۇي ياڭ، فان شي، شيە شيياۋ، گاۋ جيڭ، يە حاۋميڭ)

     (شينحۋا اگەنتتىگىنىڭ 10 - ايدىڭ 19 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.