بىرنەشە كۇننىڭ الدىندا شينجياڭ ءوندىرىس ـ قۇرىلىس بيڭتۋانى 1 ـ شىسى 16 ـ تۋانىنداعى شينجياڭ اۋىل شارۋاشىلىق عىلىم اكادەمياسىنىڭ ماقتا سىناق بازاسىنان قۋانىشتى حابار كەلدى، ماماندار گرۋپپاسىنىڭ ءونىمدى مەجەلەپ ساراپتاۋى ارقىلى شينجياڭ اۋىل شارۋاشىلىق عىلىم اكادەمياسى ەكونوميكالىق داقىلداردى زەرتتەۋ ورنىنىڭ زەرتتەۋشىسى لي شۋەيۋان باستاعان ۇجىم وسى بازادا سىناق رەتىندە ەككەن ماقتانىڭ جاڭا سورتى − يۋانميان 8 ـ ءنومىرلىنىڭ ءونىم مولشەرىن، ساپاسىن، ونىمدىلىگىن سايكەستى جوعارىلاتۋدى جۇزەگە اسىردى. بۇل وسى ۇجىمنىڭ 2009 - جىلى ءشيتتى ماقتانىڭ مۋ باسىنان 806 كيلوگرام جانە 2012 - جىلى ءشيتتى ماقتانىڭ مۋ باسىنان 838.31 كيلوگرام جوعارى ءونىم الۋ رەكوردىن جاراتقاننان كەيىنگى شينجياڭ ماقتاسىنىڭ جاڭا سورتىنىڭ تاعى ءبىر رەتكى كەلەلى تابىسى.
”ادەتتەگى جوعارى ونىمگە ۇقسامايتىنى، وسى رەتكى كەلەلى تابىس شينجياڭنىڭ، ءتىپتى، بۇكىل ەل ماقتاسىنىڭ ءونىم مولشەرىن، ساپاسىن سايكەستى جوعارىلاتۋدا جەتەكشىلىك رول اتقارادى“، - دەدى ماماندار گرۋپپاسىنداعى 7 مۇشەنىڭ ءبىرى، اۋىل شارۋاشىلىعى، اۋىل - قىستاق مينيسترلىگى ماقتا ماماندارى جەتەكشىلىك گرۋپپاسىنىڭ مۇشەسى، نانجيڭ اۋىل شارۋاشىلىق داشۋەسىنىڭ پروفەسسورى جوۋ جىگو.
شينجياڭ اۋىل شارۋاشىلىق عىلىم اكادەمياسى ماقتا سىناق بازاسىنداعى سورتتى يۋانميان 8 - ءنومىرلى ماقتا ەگىمشىلىك الاڭى. سۋرەتتى شينجياڭ اۋىل شارۋاشىلىق عىلىم اكادەمياسى بەرگەن
وسى عانا ەمەس، جوۋ جىگو تاعى بىلاي دەپ قارادى: ەگىپ باسقارۋ جاعىندا، بۇل سورت ماقتا ەگۋدە جىلۋدى نەگىز ەتۋدەن جىلۋ مەن جارىققا تەڭ ءمان بەرۋگە بۇرىلىس جاساۋدى دا جۇزەگە اسىردى، بۇل شينجياڭنىڭ جارىق، جىلۋ شارت - جاعدايىنىڭ ماقتادان جوعارى ءونىم الۋداعى رولىن تولىق ساۋلەلەندىرۋگە، توپىراقتىڭ ميكرو ورگانيزمدەر ورتاسىن جاقسارتۋعا ءتيىمدى، سونىمەن بىرگە، سۋ مەن تىڭايتقىشتان جوعارى ءونىمدى پايدالانۋ مەن ماقتا ءوندىرىسىنىڭ ”ەگۋ، باسقارۋ، جيناۋ“ جالپى بارىسىن ماشينالاندىرۋدى جۇزەگە اسىرىپ، ماقتانىڭ ءوندىرىس وزىندىك قۇنىن كورنەكتى تومەندەتتى.
ءتىلشىنىڭ ۇعىسۋىنشا، وسى رەتكى ءونىمدى مەجەلەۋ اۋدانى 100 مۋ بولىپ، ءونىم الۋ تىعىزدىعى ٴار مۋى 13 مىڭ 133 ءتۇپ، ءبىر ءتۇبى 7.92 قاۋاشاق اشقان، جالپى قاۋاشاق سانى ٴار مۋى 103 مىڭ 998، جالقى قاۋاشاقتىڭ سالماعى 7.19 گرام، مۋ باسىندىق ءشيتتى ماقتا 747.8 كيلوگرام بولعان.
لي شۋەيۋان بىلاي دەپ تانىستىردى: ۇزاق ۋاقىتتان بەرى، ماقتانىڭ ءونىم مولشەرىنە ٴمان بەرىپ، ساپاسىنا ٴسال قاراۋ، ءونىم مولشەرى مەن ساپاسىن سايكەستى جوعارىلاتۋ قيىن بولۋ، ماقتا ەگۋ ونىمدىلىگى تومەن بولۋ سياقتى ماسەلەلەر جاپپاي ورىن تەۋىپ كەلدى.
شينجياڭ اۋىل شارۋاشىلىق عىلىم اكادەمياسى ماقتا سىناق بازاسى ماقتا اتىزىنداعى جاپىراق ٴتۇسىرۋ دارىسىنەن ۇلگى كورسەتۋ. سۋرەتتى شينجياڭ اۋىل شارۋاشىلىق عىلىم اكادەمياسى بەرگەن
وسى ماسەلەلەرگە باعىتتاي وتىرىپ، لي شۋەيۋان باستاعان ۇجىم جاپپاي ساپالى، ەرەكشە ماقتا سورتى يۋانميان 8 – ءنومىرلى ماقتانى تاڭداپ جەتىلدىرىپ، نانجيڭ اۋىل شارۋاشىلىق داشۋەسىمەن، جۇڭگو اۋىل شارۋاشىلىق داشۋەسىمەن، شاندۇڭ ماقتا زەرتتەۋ ورتالىعىمەن، شينجياڭ حاڭتيان جاۋفىڭ عىلىم - تەحنيكا شەكتى سەرىكتەستىگىمەن بىرلەسىپ زەرتتەۋدە جاڭالىق اشىپ، ماقتانىڭ مولشەرى مەن ساپاسىن سايكەستىرۋ، شوعىرلى پىسۋ، ارام شوپتەرىن حيميالىق جولمەن وتاپ تىزگىندەۋ ارقىلى ەگۋ، ماشينامەن ماقتا جيناۋ ۋنيۆەرسال اۋىل شارۋاشىلىق تەحنيكاسىن سايكەستىرۋ، ميكرو ورگانيزم باكتەريا ءدارىسى سياقتى شەشۋشى تەحنيكالاردى قالىپتاستىردى، سونىمەن بىرگە، 8 جىل جۇمساپ جوعارى تىعىزدىقتاعى ەگىمشىلىك ۇلگىسىندەگى جەكە قاۋاشاقتىڭ جەتىلۋى ءالسىز بولۋ قيىن ماسەلەسىن شەشتى.
سول سەبەپتى ءونىمدى مەجەلەۋ جۇمىس باسى كوپتەگەن توقىما كاسىپورىندارىن باۋرادى. ارال شينتاييۋان ماقتا شارۋاشىلىعى شەكتى سەرىكتەستىگىنىڭ باس ديرەكتورى پان جۇڭحۇي سولاردىڭ ٴبىرى ەدى. يۋانميان 8 – ءنومىرلى ماقتانىڭ تالشىعىنىڭ ورتاشا ۇزىندىعى 31.7 ميلليمەتر، سالىستىرمالى بەرىكتىگى cN/tex33.6، ميكرون ءمانى 4.4، رەتتىلىگى %85.6 بولعانىن كورگەن پان جۇڭحۇي قاتتى تەبىرەنىپ: ”وسى ساپالى ماقتا ءدال قازىر توقىماشىلىق فابريكامىز شۇعىل قاجەت ەتىپ وتىرعان جوعارى ساپالى ماقتا، تەز ارادا جالپىلاستىرىپ، ەگىس كولەمىن كەڭەيتۋدى ءۇمىت ەتەمىن“، - دەدى.
لي شۋەيۋان بىلاي دەدى: مەجەمەن 2023 - جىلى وسى ماقتانىڭ جاڭا سورتىنان ۇلگى كورسەتىپ جالپىلاستىرۋ اۋدانى ءبىر ميلليون مۋدان اسادى.
”جوعارى ونىمنەن ۇلگى كورسەتۋ ءونىم مولشەرىن، ساپاسىن، ونىمدىلىگىن سايكەستى جوعارىلاتۋدى جۇزەگە اسىرا الادى، ءتۇبىرلى سەبەپ جاڭالىق اشۋدا. وسى رەتكى جوعارى ٴونىم شينجياڭ ماقتا كاسىپ سالاسى ٴدوپ كەلىپ وتىرعان ولقىلىق ماسەلەلەردى شەشۋگە، ءوندىرىستى ورنىقتىرىپ، قامداۋعا كەپىلدىك ەتۋگە، ساپانى جوعارىلاتىپ، ونىمدىلىكتى ارتتىرۋعا جانە شينجياڭنىڭ ساپالى ماقتا بازاسى قۇرىلىسىنىڭ تيپىن وزگەرتىپ، دارەجەسىن وسىرۋگە شەشۋشى تەحنيكالىق قولداۋ كورسەتەدى“، -دەدى لي شۋەيۋان.
اۋدارعان: قادىر ماقان
