− پارتيا 20 - قۇرىلتايىنىڭ ۋاكىلدەرى جۇڭگوشا سوتسياليزم جولىمەن بۇلجىماي ءجۇرۋ جونىندە ءسوز قوزعادى
□ شينحۋا اگەنتتىگىنىڭ تىلشىلەرى
بۇل جاڭا تاريحي باستاماعا تابان تىرەگەندەگى ايبىندى جاريالاۋ −
”تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا ءوز كۇشىمىزدى تياناق ەتۋگە تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋىمىز كەرەك“؛
بۇل تاسقىنداعان قايراتپەن جاڭا جورىققا قادام تاستاعانداعى ۇلى جۇمىلدىرۋ −
”قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“!
ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە، باس شۋجي شي جينپيڭ پارتيا 20 - قۇرىلتايىنىڭ بايانداماسىندا تۋ ۇستاپ، باعدار بەلگىلەپ، زەيىن - زەردەنى، كۇش - قۋاتتى شوعىرلاندىرىپ، بۇكىل پارتياداعى جولداستاردى اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردەگى جۇڭگوشا سوتسياليزمنىڭ اناعۇرلىم تاماشا تاراۋىن جازۋعا ۇندەدى.
جۇڭگوشا سوتسياليزم جولىمەن دۇرىس، ىركىلىسسىز ءجۇرىپ عانا قويماي، ونىڭ ۇستىنە ورنىقتى، جاقسى ءجۇرىپ كەلەمىز
بەتالىس جولدى بەلگىلەيدى، جول تاعدىردى بەلگىلەيدى.
10 - ايدىڭ 17 - كۇنى باس شۋجي شي جينپيڭ گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى: اماليات پارتيا 18 - قۇرىلتايىنان بەرگى پارتيا ورتالىق كوميتەتىنىڭ كەلەلى باعىت - ساياساتتارى مەن قىزمەت ورنالاستىرۋلارىنىڭ بۇكىلدەي دۇرىس ەكەندىگىن، جۇڭگوشا سوتسياليزم جولىنىڭ جۇڭگونىڭ ءىس جۇزىندىگىنە ۇيلەسەتىندىگىن، جۇڭگو حالقىنىڭ تىلەگىن بەينەلەيتىندىگىن، ءداۋىردىڭ دامۋ تالابىنا سايكەسەتىندىگىن، وسى جولمەن دۇرىس، ىركىلىسسىز ءجۇرىپ عانا قويماي، ونىڭ ۇستىنە ورنىقتى، جاقسى جۇرگەندىگىن دالەلدەدى.
بۇل جول ميلليارد حالىقتى باقىتقا كەنەلتتى −
5G سيگنالىنا قول جەتكىزدى، تاس جول تۋنەلىن تۇتاستىردى، وڭتۇستىكتىڭ ءىرى ەلەكتر جەلىسىنە جالعاندى... يۇننان دۋلۇڭجياڭ وزەنى بويىنداعى شەت - شالعاي تاۋلى اۋىلدىڭ دامۋىنداعى وراسان زور وزگەرىس دۋلۇڭ ۇلتىنىڭ كەدەيلىكتەن ارىلۋىنا ”جول باستاپ جۇرگەن“ ۋاكىل گاۋ دىرۇڭدى ايرىقشا اسەرگە بولەدى: ”جاڭا داۋىرگە قادام تاستاعان دۋلۇڭ ۇلتى بۇكىل ۇلت بولىپ كەدەيلىكتەن ارىلىپ، بۇكىل ەلدەگى باسقا باۋىرلاس ۇلتتارمەن بىرگە دوڭگەلەك داۋلەتتى تۇرمىسقا قول جەتكىزۋ سىندى تاماشا ارماندى جۇزەگە اسىردى! ’العاشقى قوعامنان توتە سوتسياليستىك قوعامعا اتتاي سالعان ۇلتتىڭ‘ بۇل قادامى مىڭ جىلدان اتتاپ ءوتتى“!
دۋلۇڭجياڭ قىساڭىندا تاۋلار ىعى - جىعى قاباتتاسىپ، ارقىراعان اتتاي شاپشىعان اساۋ وزەن جەردى ءتىلىپ ەكىگە ايىرعان. موينى الىس، قاتەرگە تولى بۇل جەر كەزىندە دۇنيەدەن وقشاۋ قالعان ”جەتىم ارال“ ەدى.
”بۇرىن مەن وبلىس ورتالىعىنا بارىپ وقۋ ءۇشىن، اسپالى ارقانمەن سىرعاناپ ءجۇرىپ، 3 كۇن، 3 ءتۇن دەگەندە دۋلۇڭجياڭنان زورعا شىعاتىنمىن“، - دەدى گاۋ دىرۇڭ، - ”دۋلۇڭجياڭنىڭ جولىن اناعۇرلىم ىركىلىسسىز، قولايلى ەتكەن باسقا ەمەس، جۇڭگوشا سوتسياليزم جولى“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك قۇرىلىستىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، بۇكىل ەلدەگى ءار ۇلت حالقىن باستاپ، قامال الىپ، قيىندىقتاردى ەڭسەرىپ، ءورىس اشا العا ىلگەرىلەپ، كەدەيلىكتەن ارىلتۋدان قامال الۋدىڭ ادامزات تاريحىنداعى كولەمى ەڭ ۇلكەن شايقاسىنىڭ جەڭىسىنە قول جەتكىزىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتتى. پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر تۋىلىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتتى.
جۇڭگوشا سوتسياليزم جۇڭگودا وراسان زور تابىسقا جەتىپ، قاۋلاعان جالىندى تىرشىلىك تىنىسىن تاسقىنداتتى.
بۇل جول جۇڭحۋانىڭ بايتاق دالاسىنا تامىر تارتتى −
جاڭا عانا وتكەن مەملەكەت مەرەكەسى دەمالىسىندا ”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسى جۇرت، ءسوزسىز، باراتىن دۋماندى ورىنعا اينالدى.
وتانىمىزدىڭ ۇشقان قۇستاي دامىعان زور وزگەرىسىن تەرەڭ، شىنايى سەزىنگەن ءبىر ەكسكۋرسيالاۋشى لەبىز داپتەرىنە: ”ءبىز جۇرگەن جۇڭگوشا سوتسياليزم جولى نۇرلى جول، ءۇمىت جولى، ’دۇنيەنىڭ دۇرىس جولى‘“ دەپ جازىپتى.
جۇڭگوشا سوتسياليزم اسپاننان تۇسە قالعان جوق، قايتا ول پارتيا مەن حالىق نەبىر جاپا - ماشاقاتتى باستان كەشىرىپ، ءتۇرلى بوداۋلار بەرۋ ارقىلى قول جەتكىزگەن باعالى جەتىستىك. بۇل جەتىستىككە جەتۋ، البەتتە، تىم وڭاي بولعان جوق.
”جۇڭگونىڭ وزگەشە، دارا مادەنيەت ءداستۇرى، تاريحي تاعدىرى، رەال مەملەكەت جاعدايى بار، بۇل، جۇڭگونىڭ تابيعي تۇردە ءوز ەرەكشەلىگىنە ۇيلەسەتىن دامۋ جولىمەن ءجۇرۋىن بەلگىلەدى“. 20 - قۇرىلتاي ۋاكىلى، جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات - ماتەريالدار زەرتتەۋ مەكەمەسىنىڭ باستىعى چۇي چيڭشان ”ءبىزدىڭ جول سەنىمىمىز، نازاريا سەنىمىمىز، ءتۇزىم سەنىمىمىز، مادەنيەت سەنىمىمىز امالياتتان، حالىقتان، اقيقاتتان كەلگەن“ دەپ قارادى.
”تاريح پەن اماليات جۇڭگوشا سوتسياليزمنىڭ جۇڭگونىڭ بايتاق دالاسىنا تامىر تارتقان، جۇڭگو حالقىنىڭ تىلەگىن بەينەلەيتىن، جۇڭگونىڭ جانە ءداۋىردىڭ دامۋ، العا باسۋ تالابىنا ۇيلەسەتىن عىلمي سوتسياليزم ەكەندىگىن دالەلدەدى“، - دەدى 20 - قۇرىلتاي ۋاكىلى، انحۇي شىفان داشۋەسى ماركسيزم شۋەيۋانىنىڭ پروفەسسورى لۋ بيڭحۇي.
بۇل جول ۇلى گۇلدەنۋگە باستايدى −
قازىر دۇنيە جۇزىندە 100 جىلدا بولماعان ۇلكەن وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز دە قاپتال جەتەدى، سونىمەن بىرگە، ءتىپتى دە زور، ءتىپتى دە جاپالى قۇلشىنىستار جاساۋعا دايىن بولۋىمىز كەرەك.
”الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل“.
ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءتۇرلى ”قاراقۋ“، ”سۇرى ءمۇيىزتۇمسىق“ ۋاقيعالارى كەز كەلگەن ۋاقىتتا تۋىلۋى مۇمكىن. ءبىز، ءسوز جوق، تاۋقىمەت تانىمىن كۇشەيتىپ، سوڭعى شەكتىك وي جۇگىرتۋگە تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋىمىز كەرەك.
20 - قۇرىلتاي بايانداماسى بۇگىنگى دۇنيە ءجۇزىنىڭ جانە زامانىمىزداعى جۇڭگونىڭ دامۋ ۇلكەن اۋقىمىن عىلمي باعامداپ، ءبىز ءدوپ كەلگەن ستراتەگيالىق ورايدى جانە حاۋىپ - قاتەرلەر مەن سىن - سايىستاردى عىلمي يگەرىپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ تىڭ ءۇمىت - تىلەكتەرىن جالپى بەتتىك يگەرىپ، پارتيا مەن مەملەكەت ىستەرى جونىندە ستراتەگيالىق جالپى جاعداي تۇرعىسىنان جوبا جانە ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، جۇڭگوشا سوتسياليزمنىڭ جاڭا جاعدايىن قۇلشىنا اشىپ، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى مىزعىماس تاباندىلىقپەن ىلگەرىلەتۋگە جەتەكتەدى.
20 - قۇرىلتاي ۋاكىلى، شيۇڭان جاڭا رايونى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى تيان جينچاڭ بىلاي دەدى: ”جۇڭگوشا سوتسياليزم جۇڭگو كوممۋنيستىك پارتياسى مەن جۇڭگو حالقىنىڭ ىنتىماق تۋى، ەكپىندەي ىلگەرىلەۋ تۋى، جەڭىس تۋى. ءبىز، ءسوز جوق، جۇڭگوشا سوتسياليزم جولىنا مىقتاپ تاباندى بولىپ، جول سەنىمىن بەكەمدەپ، العان بەتتەن قايتپاي، شيۇڭان جاڭا رايونىنىڭ جوعارى ولشەمدى، جوعارى ساپالى قۇرىلىسىنىڭ، دامۋىنىڭ جاڭا جاعدايىن قۇلشىنا اشۋىمىز كەرەك“.
جول بويى توسقاۋىلداردى تالقانداپ، بوگەتتەردى بۇزىپ، جول بويى جەڭىس جىرىن شىرقاپ العا ىلگەرىلەدى.
ءبىزدىڭ ءوز جولىمىزبەن ءجۇرۋىمىز شەكسىز كەڭ ورىسكە، تەڭدەسسىز مىعىم تاريحي نەگىزگە، ولشەۋسىز قۇدىرەتتى العا باسۋ قۋاتىنا يە.
جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول
باس شۋجي شي جينپيڭ 20 - قۇرىلتاي بايانداماسىندا جۇڭگو ۇلگىسىندەگى وسىزامانداندىرۋدىڭ ماندىك تالابىن ايقىن العا قويدى، بۇل تالاپتىڭ ەكىنشىسى − ”جۇڭگوشا سوتسياليزمگە تاباندى بولۋ“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن باستاپ، ”ءتورت سەنىمدى“ بەكەمدەپ، ۇلكەن اۋقىمدى، جالپى جاعدايدى يگەرىپ، جۇڭگوشا سوتسياليزمگە تاباندى بولۋ جانە ونى دامىتۋ ءۇشىن تۋ ۇستاپ، باعدار بەلگىلەپ، ءوز تاعدىرىمىزدى ءوز قولىمىزدا مىقتى ۇستادى.
”اتالارىمىز بۋ پاراۆوزىن، اكەلەرىمىز كادىمگى جاسىل پويەزداردى جاساپتى، ال، مەن جوعارى جىلدامدىقتى موتورلى ۆاگوندار قۇراماسىن جاسادىم“، - دەگەن 20 - قۇرىلتاي ۋاكىلى، جۇڭچى چيڭداۋ سىفاڭ پاراۆوز - ۆاگون شەكتى جارنا سەرىكتەستىگىنىڭ سىلەسىر باس تەحنيگى گو رۇيدىڭ اۋلەتى ءۇش ۇرپاقتان بەرى تەمىرجولشىلار ەكەن.
جۇڭگونىڭ ءبىرىنشى ۇرپاق جوعارى جىلدامدىقتى تەمىر جول جۇمىسشىسى رەتىندە، گو رۇي مەن ونىڭ جۇمىس توبى 1600دەن استام جوعارى جىلدامدىقتى موتورلى ۆاگون قۇرامالارىنا باعدار قۇرىلعىسىن ورناتىپتى. بۇل پويەزدار قازىرگە دەيىن 4 ميلليارد كيلومەتردەن استام جولدى حاۋىپسىز باسقان.
”جول قاتىناسىنداعى وزگەرىس ءبىر مەملەكەت پەن ۇلتتىڭ تاريحي ەپوسقا بەرگىسىز وراسان زور وزگەرىسىن كورسەتتى“، - دەدى گو رۇي، - ”تەمىر جول جەلىسى بارعان سايىن ءجيى توقىلىپ، جوعارى جىلدامدىقتى تەمىر جولدىڭ جىلدامدىعى توقتاۋسىز جوعارىلاپ كەلەدى، بۇل ماعان حۋاشيا دالاسىندا تاسىپ - تولقىپ جاتقان باياندى دامۋدىڭ ومىرشەڭدىك كۇشى مەن جالىندى جىگەرىن شىنايى سەزىندىردى“.
جول دۇرىس بولسا، الىس ساپاردان قورىقپايسىڭ. جاڭا ءداۋىر قۇلاشىن كەڭ جايعان ءداۋىر كارتيناسىن سالدى: ەكونوميكالىق قۋات، عىلىم - تەحنيكالىق قۋات، مەملەكەتتىڭ جالپىلىق قۋاتى جانە حالىقتىڭ تۇرمىس دەڭگەيى تىڭ ساتىعا كوتەرىلىپ، دۇنيە ءجۇزى بويىنشا 2 - ۇلكەن ەكونوميكالىق تۇلعا ورنىنا تۇراقتاپ تابان تىرەدىك؛ ”چاڭى“ ايعا قونىپ، ”تيانۋىن“ مارستى بارلاپ، شىنجوۋ عارىشقا ۇشىپ، تالايلاعان كەلەلى ينجەنەريالار ەلىمىزدىڭ مىعىم قۋاتىن ايگىلەدى...
جۇڭگوشا سوتسياليزم جولىمەن ۇدەرە العا تارتقاندىقتان دا، جۇڭگو حالقى ەكونوميكانىڭ شاپشاڭ دامۋى مەن قوعامنىڭ ۇزاق ۋاقىت ورنىقتى بولۋى سىندى دۇنيە جۇزىندە سيرەك كەزدەسەتىن ەكى ۇلكەن كەرەمەتتى جاراتتى. اماليات جۇڭگوشا سوتسياليزمنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بىردەن - ءبىر دۇرىس جولى ەكەندىگىن تولىق دالەلدەدى.
”30 نەشە جىلدان بەرى جۇنساۋ زەرتتەۋىمەن شۇعىلدانىپ كەلە جاتقان مەنىڭ جۇنساۋ ارمانىم، ءتۇبىن قۋعاندا، كەدەيلىكتەن ارىلتۋ ارمانى، تاماشا ەكولوگيا قۇرۋ ارمانى“، - دەدى 20 - قۇرىلتاي ۋاكىلى، فۋجيان اۋىل شارۋاشىلىعى جانە ورمان شارۋاشىلىعى داشۋەسىنىڭ پروفەسسورى لين جانشي، -”’تۇنىق سۋ، جاسىل تاۋ − باعالى بايلىق‘ ۇستانىمى بۇكىل قوعامنىڭ ورتاق تانىمى بولىپ ۇلگەرىپ، جاسىل ءتۇس كورىكتى جۇڭگونىڭ اناعۇرلىم كوركەم، قويۋ ءتۇپ بوياۋىنا اينالدى“.
ءداۋىردى تياناق ەتىپ، ءداۋىر سۇراۋىنا جاۋاپ بەرىپ، ءداۋىر وزگەرىسىنە جەتەكشىلىك ەتكەن پارتيامىز پارتيا قۇرىلعاننان بەرگى تاريحي تاجىريبەلەردى ىشكەرىلەي قورىتىندىلاپ جانە تولىق قولدانىپ، جاڭا ءىس جۇزىندىكتى نەگىزگە الا وتىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاراتىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ شارىقتاۋىن جۇزەگە اسىردى.
جاڭا داۋىردە بارلىق دۇنيە جاڭالانىپ، كۇن سايىن جاڭارىپ، اي سايىن تۇلەجۋدە، پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىس تۋىلۋىنداعى ءتۇبىرلى سەبەپ − باس شۋجي شي جينپيڭنىڭ رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى.
بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى ءساتتى وتكىزىلىپ، حالىقارالىق قوعامعا بەرگەن ايبىندى ۋادەمىز ورىندالدى. 20 - قۇرىلتاي ۋاكىلى، حالىقارالىق وليمپيادا كوميتەتىنىڭ مۇشەسى جاڭ حۇڭ ايرىقشا تەرەڭ اسەرمەن بىلاي دەدى: ”بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى كۇللى دۇنيە ءجۇزىن تاڭ قالدىردى. بىرگە ات سالىسۋ، كوپ بولىپ اقىل قوسىپ، جۇمىلا كۇش شىعارۋ ءدال كۇشتى شوعىرلاندىرا وتىرىپ ءىرى ىستەردى تىندىراتىن تۇزىمدىك ابزالدىلىق سانالادى.
پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى جاپپاي تەرەڭدەتۋدىڭ جوعارى دەڭگەيلى جوباسى جاسالعاننان پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە مەملەكەتتى جاپپاي زاڭمەن باسقارۋ تۋرالى ورنالاستىرۋ جاسالعانعا، ونان پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە 13 جاقتان تۇزىمدىك ورنالاستىرۋ جاسالعانعا دەيىن، جۇڭگوشا سوتسياليستىك ءتۇزىمنىڭ كارتاسى جۇيەلى كەسكىندەلدى...
جۇڭگوشا سوتسياليستىك تۇزىمگە تىرەك بولاتىن ءتۇبىرلى ءتۇزىم ۇزدىكسىز بەكەمدەلىپ، نەگىزگى ءتۇزىم ۇزدىكسىز كەمەلدەنىپ، ماڭىزدى تۇزىمدە ۇزدىكسىز جاڭالىق اشىلىپ، ءار سالاداعى نەگىزدىك تۇزىمدەردىڭ جۇلگەسى نەگىزىنەن ورناپ، جۇيەسى كەمەلدى، عىلمي ارناعا تۇسكەن، اينالىمى ءونىمدى ءتۇزىم جۇيەسى كۇن ساناپ تۇلعالانىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىل ازىرلەندى.
20 - قۇرىلتاي بايانداماسىندا مىنالار اتاپ كورسەتىلدى: ماركسيزمگە تاباندى بولۋدى جانە ونى دامىتۋدى، ءسوز جوق، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋ كەرەك. تەك ءوز وتانىنىڭ، ءوز ۇلتىنىڭ تاريحي مادەنيەتىنىڭ قۇنارلى القابىنا تەرەڭ تامىر تارتقاندا عانا، ماركسيزمدىك اقيقاتتىڭ الىپ بايتەرەگى تەرەڭگە تامىر تارتىپ، جاپىراق جايادى.
”جۇڭحۋا وركەنيەتى كەنىشتى دە شۇرايلى وركەنيەت، ارىدان جالعاسقان. جۇڭحۋانىڭ تاڭداۋلى ءداستۇرلى مادەنيەتىن ويداعىداي جالعاستىرۋ، موگاۋ ۇڭگىرىن ويداعىداي قورعاۋ ءبىزدىڭ وتەۋگە ءتيىستى جاۋاپكەرشىلىگىمىز جانە بورىشىمىز“، - دەدى 20 - قۇرىلتاي ۋاكىلى، دۇنحۋاڭ زەرتتەۋ اكادەمياسى پارتكومىنىڭ شۋجيى جاۋ شىڭلياڭ، - ”ءبىز ءداۋىر رۋحىمەن جۇڭحۋانىڭ تاڭداۋلى ءداستۇرلى مادەنيەتىنىڭ تىرشىلىك كۇشىن قاۋلاتىپ، ۇلتتىڭ گۇلدەنۋ جورىعىنا اناعۇرلىم قۋاتتى رۋحاني كۇش توپتاۋىمىز كەرەك“.
ارىدان جالعاسىپ كەلە جاتقان جۇڭحۋانىڭ تاڭداۋلى ءداستۇرلى مادەنيەتىنەن باستاۋ العان، پارتيا حالىققا باسشىلىق ەتىپ جاراتقان توڭكەرىستىك مادەنيەتپەن جانە سوتسياليستىك وزىق مادەنيەتپەن بىتە قايناسقان، جۇڭگوشا سوتسياليزمنىڭ ۇلى امالياتىنا تامىر تارتقان... جۇڭگوشا سوتسياليستىك مادەنيەت جۇڭگو كوممۋنيستىك پارتياسىنىڭ رۋحاني قان تامىرىنا ءسىڭىپ، ميلليارد جۇڭگولىقتىڭ رۋحاني قاسيەتىن سومداپ كەلەدى.
گۇلدەنۋ جولىندا رۋح الاۋداي لاۋلاپ، مىزعىماس سەنىم ورنادى.
جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرى باستىردى
جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگوشا سوتسياليزمدى مىزعىماس تاباندىلىقپەن دايەكتىلەندىرىپ، داۋىرمەن بىرگە العا باسا وتىرىپ كەڭەيتۋ سىندى دۇرىس جول، ءسوزسىز، باسىپ وتەتىن جول، ءسوز جوق، جۇرگەن سايىن داڭعىلدانا تۇسەدى.
بۇرىن الىس - جاقىنعا ايگىلى كەدەي قىستاق سانشي ولكەسى شينجوۋ قالاسى دايشيان اۋدانى يۇيكوۋ قالاشىعى دۋانجياۋان قىستاعى قازىر سول اتىراپتاعى اۋىلداردىڭ ىشىندەگى ايتۋلى كورىكتى اۋىل - قىستاققا اينالعان.
”جۇرتتىڭ ءبارى قىستاقتىڭ وسى بىرنەشە جىلداعى زور وزگەرىسىن پارتيانىڭ پارمەندى باسشىلىعىنان، پارتيا ورتالىق كوميتەتىنىڭ ابزال ساياساتىنان بولە قاراۋعا بولمايدى دەيدى. دۋانجياۋان پارتياعا ماڭگى ىلەسەدى“، - دەدى 20 - قۇرىلتاي ۋاكىلى، دۋانجياۋان قىستاعى پارتيا ياچەيكاسىنىڭ شۋجيى ليۋ گۇيجىن.
20 - قۇرىلتاي بايانداماسىندا: پارتيانىڭ جالپى بەتتىك باسشىلىعىنا تاباندى بولۋ − جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باسىپ وتەتىن جول، - دەپ اتاپ كورسەتىلدى.
”تالاي جىلدان بەرى جۇڭگو كوممۋنيستىك پارتياسىن سىرتقا ۇگىتتەۋ، تانىستىرۋ بارىسىندا ’جۇڭگو كوممۋنيستىك پارتياسى نەلىكتەن ىسكەر‘ دەگەن سۇراۋدى شەتەلدىكتەر ەڭ كوپ سۇرادى“. 20 - قۇرىلتاي ۋاكىلى، ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) كۇندەلىكتى قىزمەتكە جاۋاپتى ورىنباسار مەكتەپ (شۋەيۋان) باستىعى شيە چۇنتاۋ ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى“ دەپ قارادى.
20 - قۇرىلتايدىڭ اقپارات ورتالىعىندا «شي جينپيڭ ەل باسقارۋ جونىندە» كىتابىنىڭ كوپ تىلدەگى نۇسقالارى قويىلىپ، شەتەل مەديالارى تىلشىلەرىنىڭ قىزۋ قارسى الۋىنا يە بولعان ءوتىمدى كىتاپقا اينالدى.
حالىقارالىق قوعام ”وسى بەدەلدى شىعارما دۇنيە ءجۇزىنىڭ جۇڭگونى وقىپ تۇسىنۋىنە ماڭىزدى ’يدەيالىق تەرەزە‘ اشتى“ دەپ قارادى.
شي جينپيڭ جاڭا ءداۋىر جۇڭگوشا سوتسياليزم يدەياسى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ شىت جاڭا تاراۋىن جازىپ، جۇڭگوشا سوتسياليزمنىڭ وراسان زور ابزالدىلىعى مەن قۋاتتى تىرشىلىك كۇشىن ۇزدىكسىز ايگىلەۋىنە مۇمكىندىك جاسادى.
امالياتتىق دامۋدىڭ، نازاريادا جاڭالىق اشۋدىڭ ەشقاشان شەگى بولمايدى.
جۇڭگوشا سوتسياليزمگە تاباندى بولۋ جانە ونى دامىتۋ ۇلى ءىس. باس شۋجي شي جينپيڭ: ءبىز وسى بۋىن كوممۋنيستەردىڭ مىندەتى وسى ۇلى ءىستى جالعاستىرۋ، - دەپ باسا دارىپتەدى.
اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋ جانە ودان ويداعىداي پايدالانۋ كەرەك. 20 - قۇرىلتاي بايانداماسىندا، حالىقتى بارىنەن جوعارى قويۋعا تاباندى بولۋ، سەنىمدى، دەربەس بولۋعا تاباندى بولۋ، ءتۇبىرلى پرينسيپتەن اينىماي، جاڭالىق اشۋعا تاباندى بولۋ، ماسەلەنى باعدار ەتۋگە تاباندى بولۋ، جۇيە كوزقاراسىنا تاباندى بولۋ، دۇنيەگە كەڭ پەيىل بولۋعا تاباندى بولۋ سىندى ”التىعا تاباندى بولۋ“ ايقىن العا قويىلدى.
”جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا“... 20 - قۇرىلتاي ۋاكىلى، جىڭجوۋ داشۋەسى يدەيا - ساياسي ساباعى وقىتۋشىسى جوۋ رۇڭفاڭنىڭ ەستەلىك داپتەرىنە بايانداما تىڭداعاندا العان اسەرلەرى جازىلىپتى: يدەيا - ساياسي تاربيە قىزمەتكەرى رەتىندە، نەگىزگى ساتىعا ۇزدىكسىز ىشكەرىلەي ارالاسىپ، ”جىلجىمالى يدەيا - ساياسي ساباعى“ ارقىلى پارتيانىڭ جاسامپاز نازاريالارىنىڭ ”جاي بۇقارا وتباسىلارىنا جەتۋىن“ ىلگەرىلەتەمىن.
”پارتيانىڭ تاماشا ساياساتى ءبىزدىڭ ’شاي ءيىسى اڭقىعان اسپەن‘ تاماقتانۋىمىزعا، ’باقىت جولىمەن‘ جۇرۋىمىزگە مۇمكىندىك بەردى. ءبىزدىڭ بىرگە بايۋدى جۇزەگە اسىرۋعا ءۇمىتىمىز زور، قايرات - جىگەرىمىز تاسقىندادى“! گۋاڭشيدىڭ ساڭۋ اۋدانى شانپيڭ قىستاعىنان كەلگەن ۋاكىل جۋ شۋەلان قيىر شەتتەگى ياۋجايدىڭ شاي كاسىپ سالاسىنىڭ دامىتۋى اكەلگەن وراسان زور وزگەرىستەردى اڭگىمەلەگەندە، تەبىرەنىسى ءسوز الپەتىنەن ايگىلەنىپ تۇردى.
20 - قۇرىلتاي بايانداماسىندا مىنالار باسا دارىپتەلدى: حالىقتى وزەك ەتكەن دامۋ يدەياسىنا تاباندى بولۋ. حالىق ءۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى تەڭ يگىلىكتەندىرۋدى ۇزدىكسىز جۇزەگە اسىرىپ، جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋ كەرەك.
باياندامادا، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ ايبىندى جوباسى كەسكىندەلدى. جاڭا جورىقتىڭ كوركەم بولاشاعى ۇدەرە، ەكپىندەي ىلگەرىلەۋ سەنىمىن تاسقىنداتتى.
20 - قۇرىلتاي ۋاكىلى، فۋجوۋ قالاسى گۋلوۋ رايونى جۇنمىن الەۋمەتتىك اۋماعى پارتكومىنىڭ شۋجيى لين دان نىق سەنىممەن بىلاي دەدى: ”ءبىز ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، بىلەك تۇرە قايراتتانا ىستەسەك، ءسوز جوق، اناعۇرلىم كوركەم بولاشاققا جول اشا الامىز“!
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ميلليارد حالىق جۇڭگوشا سوتسياليزم داڭعىل جولىمەن ەرلىكپەن العا باسسا، ءسوز جوق، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزە الادى!
(تىلشىلەر لين حۇي، شى جيڭنان، حۋ حاۋ، ۋاڭ پىڭ، كاڭ مياۋ)
(شينحۋا اگەنتتىگىنىڭ 10 - ايدىڭ 20 - كۇنى بەيجيڭنەن بەرگەن حابارى)
