جاڭ چۇنلين قاتىناستى ءارى تىلشىلەردىڭ سۇراۋىنا جاۋاپ بەردى
10 - ايدىڭ 20 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ اقپارات ورتالىعى توپتىق تىلشىلىك وتكىزدى. چيڭحايدىڭ، نيڭشيانىڭ، شينجياڭنىڭ، ورتالىق جانە مەملەكەت ورگاندارىنىڭ، ورتالىقتىڭ فينانس جۇيەسىنىڭ، ورتالىقتىڭ كاسىپورىن جۇيەسىنىڭ (بەيجيڭدەگى) ۋاكىلدەر ۇيىرمەلەرىنىڭ اقپارات مالىمدەمەشىلەرى قاتىناسىپ، ۋاكىلدەر ۇيىرمەلەرىنىڭ 20 - قۇرىلتاي بايانداماسىن ۇيرەنۋ، تالقىلاۋ احۋالىن تانىستىردى ءارى تىلشىلەردىڭ سۇراۋلارىنا جاۋاپ بەردى.
□ سۋرەتتى شينحۋا اگەنتتىگىنىڭ ءتىلشىسى جاڭ يۇيۋي تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، گو ليڭ، لي ياڭ 10 - ايدىڭ 20 - كۇنى بەيجيڭنەن حابارلايدى. 10 - ايدىڭ 20 - كۇنى كەشتە 20 - قۇرىلتاي اقپارات ورتالىعى 5 - رەتكى توپتىق تىلشىلىك وتكىزدى، شينجياڭ ۋاكىلدەر ۇيىرمەسىنىڭ اقپارات مالىمدەمەشىسى، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين چيڭحاي، نيڭشيا، ورتالىق جانە مەملەكەت ورگاندارى، ورتالىق فينانس جۇيەسى، ورتالىق كاسىپورىندار جۇيەسى (بەيجيڭدەگى) ۋاكىلدەر ۇيىرمەلەرىنىڭ اقپارات مالىمدەمەشىلەرىمەن بىرگە قاتىناستى.
توپتىق تىلشىلىك ىستەلەتىن ورىندا جۇڭگولىق، شەتەلدىك تىلشىلەر جينالعان. شينجياڭ ۋاكىلدەر ۇيىرمەسىنىڭ نەگىزگى جاعدايىن تانىستىرعاننان كەيىن جاڭ چۇنلين مىنالاردى ءبىلدىردى: شينجياڭ ۋاكىلدەر ۇيىرمەسىنىڭ ۋاكىلدەرى تالقى بارىسىندا ءبىر اۋىزدان بىلاي دەپ قارادى: باس شۋجي شي جينپيڭ جاساعان 20 - قۇرىلتاي بايانداماسى بيىكتە تۇرىپ، الىسقا كوز جىبەرگەن، نەگىزگى تاقىرىبى ايقىن، مازمۇنى باي دا تەرەڭ، زەيىن - زەردەنى، كۇش - قۋاتتى ۇيىستىرعان، ءبىزدى ىنتىماقتاسا كۇرەس جۇرگىزىپ، بولاشاققا اتتانۋعا جەتەكتەيتىن تۇعىرنامالىق حۇجات. شينجياڭداعى ءار ۇلت پەرزەنتتەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنادى.
ءبىر ءتىلشى ۇلتتار ىنتىماعىن جەبەۋ، جۇڭحۋا ۇلتى ورتاق تۇلعا تانىمىن بەرىك ورناتۋ جونىندە سۇراۋ قويدى. سۇراۋعا جاۋاپ بەرگەندە جاڭ چۇنلين سول اراداعى تىلشىلەرمەن بىرگە باس شۋجي شي جينپيڭ 7 - ايدا شينجياڭدى كوزدەن كەشىرگەن كەزدەگى مەيىرلى دە كوڭىلدى جەلپىندىرەتىن سول ءبىر كورىنىستى تەرەڭ سۇيىسپەنشىلىكپەن ەسكە الدى − باس شۋجي شي جينپيڭ بۇقاراعا ”ءبىز اناردىڭ دانىندەي“، - دەي بەرگەنىندە، سول اراداعى مىڭداعان ادام ۋادەلەسىپ العانداي - اق بىركەلكى اشىق ۇنمەن: ”تىعىز ۇيىسامىز“! - دەپ جاۋاپ قاتتى. جاڭ چۇنلين بىلاي دەدى: بۇل شينجياڭداعى ءار ۇلت حالقىنىڭ جۇرەك جاردى ورتاق ۇندەستىگى، شينجياڭ حالقىنىڭ باس شۋجي شي جينپيڭگە دەگەن شەكسىز قىزۋ سۇيىسپەنشىلىگى. ءبىز جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ۇلت قىزمەتىن ويداعىداي ىستەپ، جۇڭحۋا ۇلتىنىڭ ورتاق رۋحاني مەكەنىن جاپپاي قۇرىپ، ۇلتتاردىڭ بىرگە ىنتىماقتاسا كۇرەس جۇرگىزۋىن، بىرگە گۇلدەنىپ دامۋىن ىلگەرىلەتىپ، ۇلتتاردىڭ تىلەگىن توعىستىرىپ، رۋحاني جاقتا سۇيەنىش بولاتىن ۇيىستىرۋ قۋاتىن، سەنترگە تارتۋ قۋاتىن ۇزدىكسىز كۇشەيتەمىز. ءبىز باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، ءار ۇلت بۇقاراسىن ”بەستى شىنايى مويىنداۋدى“ كۇشەيتۋگە ۇزدىكسىز جەتەكتەپ، ۇلتتار ىنتىماعى گۇلىن تيانشان الابىندا جايقالتا تۇسەمىز.
مالايزيا مەملەكەتتىك اگەنتتىگى ءتىلشىسىنىڭ شينجياڭنىڭ بولاشاق دامۋى جونىندەگى سۇراۋىنا جاۋاپ بەرگەندە، جاڭ چۇنلين شينجياڭنىڭ 10 جىلدان بەرگى جۇمىستاندىرۋ، وقۋ - اعارتۋ، بەيقۇت ءۇي، ەمدەۋ، كەدەيلىكتەن ارىلتۋ، ورنىقتىلىق سياقتى سالالاردا قول جەتكىزگەن تابىستارىن ەگجەي - تەگجەيلى تانىستىردى. ول بىلاي دەدى: شينجياڭ حالىقتى وزەك ەتكەن دامۋ يدەياسىنا تاباندى بولىپ، قازىنا شىعىسىنىڭ ％70تەن استامىن حالىق تۇرمىسىن قامتاماسىز ەتۋگە جانە جاقسارتۋعا پايدالانىپ، حالىق تۇرمىسى ينجەنەريالىق قۇرىلىسىن ۇزدىكسىز ىلگەرىلەتىپ، ناقتى قۇلشىنىستار ارقىلى حالىق تۇرمىسىنىڭ قۇت - ىرىسىن ۇزدىكسىز ارتتىردى.
