− رايونىمىزدىڭ جەر - جەرىندەگى كادرلار مەن بۇقارا پارتيا 20 - قۇرىلتايىنىڭ بايانداماسىن قىزۋ تالقىلادى
□ انار بۇلت \ شينجياڭ گازەتىنىڭ تىلشىلەرى
پارتيا 20 - قۇرىلتايىنىڭ بايانداماسىندا مىنالار العا قويىلدى: حالىق تۇرمىسىنىڭ قۇت - ىرىسىن ارتتىرىپ، حالىقتىڭ تۇرمىس ساپاسىن جوعارىلاتۋ كەرەك. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ءسوز جوق، تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك.
باياندامادا حالىق تۇرمىسىنىڭ قۇت - ىرىسىنا كوڭىل بولىنگەندىگى جونىندە رايونىمىزدىڭ جەر - جەرىندەگى كادرلار مەن بۇقارا كەڭ كولەمدە قىزۋ تالقى جۇرگىزدى، كوپشىلىك جاپپاي مىنانى ءبىلدىردى: سانالىلىقپەن يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، جاڭا جورىقتا اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، كۇرەس ارقىلى تاماشا تۇرمىس جاراتىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ ءۇشىن قاجىماي - تالماي قۇلشىنامىز.
حالىقتى وزەك ەتكەن دامۋ يدەياسىنا تاباندى بولامىز
پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتىلدى: حالىققا باقىت جاراتۋ − جالپى ءۇشىن پارتيا قۇرۋدىڭ، حالىق ءۇشىن بيلىك جۇرگىزۋدىڭ ماندىك تالابى.
”پارتيامىز باستان - اياق حالىق تۇرعىسىن ءوزىنىڭ ءتۇبىرلى ساياسي تۇرعىسى ەتەدى، بۇل پارتيامىزدىڭ جەڭىمپاز ورىندا تۇرۋىنىڭ ءتۇبىرلى تياناعى“. اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) پارتيا تاريحى، پارتيا قۇرىلىسى وقىتۋىن زەرتتەۋ ءبولىمىنىڭ مەڭگەرۋشىسى، دوتسەنت حى ۋيچاڭ بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، ەكونوميكانىڭ، قوعامنىڭ جوعارى ساپالى دامۋىن زور كۇشپەن ىلگەرىلەتىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتتى. جاڭا جورىقتا ءبىز ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، پارتيا قۇرۋ ۇلى رۋحىن اسقاقتاتىپ، ءار ۇلت بۇقاراسىن ىنتىماقتاستىرىپ جانە باستاپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، پارتيا 20 - قۇرىلتايى جاساعان كەلەلى شەشىمدەردى، ورنالاستىرۋلاردى ارەكەتتە ورىنداپ، ناتيجەسىن كورسەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ شىت جاڭا تاراۋىن قۇلشىنا جازامىز.
حالىق تۇرمىسىن ۇزدىكسىز جاقسارتۋ تيانشان الابىنداعى ءار ۇلت بۇقاراسىنا باياندى باقىت سەزىمىن اكەلدى. 10 جىلدان بەرى مارالباسى اۋدانىنداعى بۇقارا ىركىندى توسپا سۋىنا، كەرمەك سۋعا قوش ايتىپ، ”سالاماتتىق سۋىن“، ”باقىت سۋىن“ ىشەتىن بولدى، جىلدىق جان باسىندىق ورتاشا كىرىسى 2000 يۋانعا جەتپەۋدەن بۇگىنگى كۇنى 20 مىڭ يۋاننان اسىپ، تۇرمىستارىندا وراسان زور وزگەرىستەر تۋىلدى.
”باياندامادا ’كوپ ىستەگەن كوپ الۋعا تاباندى بولىپ، قاجىرلى ەڭبەگىمەن بايۋعا ىنتالاندىرىپ، ورايدىڭ ءادىل بولۋىن جەبەپ، تومەن كىرىستىلەردىڭ كىرىسىن مولايتىپ، ورتاشا كىرىستى قاۋىمنىڭ قاتارىن ۇلعايتۋ‘ العا قويىلىپ، پارتيامىزدىڭ حالىققا دەگەن قويۋ ىنتا - ىقىلاسىن تولىق بەينەلەدى“. مارالباسى اۋداندىق پارتكومنىڭ شۋجيى ياۋ نيڭ بىلاي دەدى: بۇدان كەيىن پارتيا 20 - قۇرىلتايىنىڭ رۋحىن جەتەكشى ەتىپ، اۋدانداعى كاسىپتىك شەبەرلىك مەكتەپتەرى سياقتىلارعا سۇيەنىپ، ەڭبەككۇشتەردى شەبەرلىككە باۋلۋدى كۇشەيتىپ، ماقتا، مال شارۋاشىلىعى، كەن ونىمدەرى سياقتى اۋدان اۋماعىنداعى باسىمدىققا يە بايلىقتارعا سۇيەنىپ، اناعۇرلىم كوپ جۇمىس ورنىن ازىرلەپ، بارلىق ادامنىڭ قاجىرلى ەڭبەگى ارقىلى ءوزىن دامىتۋ ورايىنا يە بولۋىنا مۇمكىندىك جاسايمىز.
”پارتيا 20 - قۇرىلتايىنىڭ بايانداماسىندا العا قويىلعان ’بىرگە بايۋدى تىڭعىلىقتى ىلگەرىلەتۋ‘، ’قوعامدىق قامتاماسىزداندىرۋ جۇيەسىن اقاۋسىزداندىرۋ‘ سياقتى مازمۇندار بۇقارا ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن مىقتى يگەرگەن“. باياندامانى تىڭداعاننان كەيىن، بۋىرشىن اۋدانى بۋىرشىن قالاشىعى پارتكومىنىڭ ورىنباسار شۋجيى، قالاشىق باستىعى پاتيگۇل ەربول بىلاي دەدى: وسى جىلداردا بۋىرشىن قالاشىعى قورشاعان ورتا تازالىعىن وڭاۋدى كۇشەيتىپ، ساياحاتپەن شۇعىلدانۋشىلاردىڭ قىزمەت وتەۋ ساپاسىن جوعارىلاتۋ سياقتى شارالار ارقىلى ساياحات كاسىبىن دامىتۋمەن بىرگە، تۇرعىنداردىڭ تاماشا تۇرمىسقا تالپىنىسىن قاناعاتتاندىرىپ، ءار ۇلت بۇقاراسىنىڭ ۇيىسۋ قۋاتىن، سەنترگە تارتۋ قۋاتىن بارىنشا جوعارىلاتتى.
حالىق بۇقاراسىنىڭ شۇعىل، قيىن، الاڭداتقان، ءزارۋ ماسەلەلەرىن كۇش سالا ويداعىداي شەشەمىز
جۇمىستاندىرۋ، ەمدەۋ، قوعامدىق قامتاماسىزداندىرۋ ىستەرى سياقتىلار حالىق تۇرمىسىنىڭ قۇت - ىرىسىمەن تىعىز قاتىستى، بۇقارانىڭ حال - جاعدايىنا، مۇڭ - مۇقتاجىنا سايادى. پارتيا 20 - قۇرىلتايىنىڭ بايانداماسى مىنانى العا قويدى: حالىق تۇرمىسىنا تيىمدىلىك جاسايتىن، حالىقتىڭ كوڭىلىن تاباتىن اناعۇرلىم كوپ شارانى قولدانىپ، حالىق بۇقاراسىنىڭ شۇعىل، قيىن، الاڭداتقان، ءزارۋ ماسەلەلەرىن كۇش سالا شەشىپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، الەۋمەتتىك قىزمەت وتەۋ دەڭگەيىن جوعارىلاتىپ، ونىڭ بىركەلكىلىگى مەن قول جەتىمدىلىگىن ارتتىرىپ، بىرگە بايۋدى تىڭعىلىقتى ىلگەرىلەتۋىمىز كەرەك.
”پارتيا 20 - قۇرىلتايىنىڭ بايانداماسى سالاماتتى جۇڭگو قۇرۋ ءۇشىن جاڭا بويسۇنۋ ولشەمىن جانە جەتەكشىلىگىن تۇراقتاندىردى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى حى يۇڭحۇي بىلاي دەدى: اۆتونوميالى رايوندىق دەنساۋلىق ساقتاۋ، سالاماتتىق كوميتەتى حالىق تۇرعىسىن امالياتتا ايگىلەۋدەن اۋىتقىماۋعا تاباندى بولىپ، نازاردى بۇقارانىڭ سالاماتتىعىنداعى شۇعىل، قيىن، الاڭداتقان، ءزارۋ ىستەرگە شوعىرلاندىرىپ، سالاماتتى شينجياڭ قۇرىلىسىن جاپپاي ىلگەرىلەتىپ، شيپاگەرلىك، دارىگەرلىك، دەنساۋلىق ساقتاۋ ءتۇزىلىسى رەفورماسىن ۇزدىكسىز تەرەڭدەتىپ، ساپالى دا جوعارى ءونىمدى بىرىكپەلى ەمدەۋ - دەنساۋلىق ساقتاۋ بويىنشا قىزمەت وتەۋ جۇيەسىن جەدەل ورناتىپ، اۋرۋدىڭ الدىن الۋ - تىزگىندەۋ قابىلەتىن، نەگىزگى الەۋمەتتىك دەنساۋلىق ساقتاۋ بويىنشا قىزمەت وتەۋ قابىلەتىن، ەمدەۋ - دەنساۋلىق ساقتاۋ بويىنشا قىزمەت وتەۋ قابىلەتىن كۇش سالا جوعارىلاتىپ، جۇڭي شيپاگەرلىگىن، دارىگەرلىگىن جالعاستىرۋدى، جاڭالىق اشۋدى تەرەڭدەتىپ، ”قارتتار مەن بالالارعا“ قىزمەت وتەۋ، قامداۋ سياقتىلاردى ىشكەرىلەي ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن سالاماتتىق نەگىزىن بەكەمدەيدى.
پارتيا 20 - قۇرىلتايىنىڭ بايانداماسى جۇمىستاندىرۋدى الدىمەن ويلاستىرۋ ستراتەگياسىن اتقارۋ، قوعامدىق قامتاماسىزداندىرۋ جۇيەسىن اقاۋسىزداندىرۋ سياقتى قىزمەتتەرگە جاڭا، اناعۇرلىم جوعارى تالاپتار قويدى. ”حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى پيڭ شينلاي مىنانى ءبىلدىردى: ادام كۇشى بايلىعى جانە قوعامدىق قامتاماسىزداندىرۋ جۇيەسى جۇمىستاندىرۋدى الدىمەن ويلاستىرۋ ساياساتىن ۇزدىكسىز كۇشەيتىپ، قالا، اۋىل جۇمىستاندىرۋ كولەمىن ورنىقتىرىپ جانە كەڭەيتىپ، جۇمىستاندىرۋ سيىمدىلىعىن ۇزدىكسىز جوعارىلاتىپ، كۇش - قۋاتتى شوعىرلاندىرىپ، اۋىل - قىستاق ەڭبەككۇشتەرى، جوعارى مەكتەپ بىتىرگەن تۇلەكتەر، جۇمىستانۋ قيىنشىلىعى بارلار سياقتى ءتۇيىندى قاۋىمنىڭ جۇمىستانۋىن كورنەكتىلەندىرە ويداعىداي يگەرىپ، اناعۇرلىم تولىق، اناعۇرلىم جوعارى ساپالى جۇمىستاندىرۋدى جەبەيدى. قوعامدىق قامتاماسىزداندىرۋ جاعىندا، قوعامدىق قامتاماسىزداندىرۋ جۇيەسىن كۇش سالا اقاۋسىزداندىرىپ، جالپى حالىقتى قوعامدىق قامسىزداندىرۋعا قاتىناستىرۋ جوسپارىن ەگجەي - تەگجەيلى، ناقتى تياناقتاندىرىپ، قوعامدىق قامسىزداندىرۋدىڭ قامتۋ كولەمىن ۇزدىكسىز كەڭەيتىپ، قوعامدىق قامسىزداندىرۋدى ءبىتىرۋ بويىنشا قىزمەت وتەۋدى ۇزدىكسىز ساپالىلاندىرىپ، قوعامدىق قامتاماسىزداندىرۋ ورەسىن ورنىقتى جوعارىلاتىپ، قوعامدىق قامتاماسىزداندىرۋ حاۋىپسىزدىك تورىن تىعىز، بەرىك توقيدى.
”تاماشا تۇرمىستان يگىلىكتەنۋدە بىردە - بىرەۋىن قاعىس قالدىرۋعا بولمايدى“. قاشقار قالالىق مۇگەدەكتەر بىرلەستىگى پارتيا باسشىلىق گرۋپپاسىنىڭ شۋجيى اينۇر ابدۇعوپۇر بىلاي دەدى: باياندامادا مۇگەدەكتەردى قوعامدىق قامتاماسىزداندىرۋ ءتۇزىمى مەن ولارعا قامقورلىق جاساۋ، قىزمەت وتەۋ جۇيەسىن كەمەلدەندىرىپ، مۇگەدەكتەر ءىسىنىڭ جاپپاي دامۋىن جەبەۋ العا قويىلدى. بۇل ءبىزدىڭ مۇگەدەكتەر ءىسىن ويداعىداي ىستەۋىمىزگە ايقىن بەتالىس كورسەتىپ، قوزعاۋشى كۇش قوستى. ءبىز مۇگەدەكتەرگە نەگىزگى قىزمەت وتەۋ احۋالى مەن قاجەتتى ينفورماتسيا ساندى مالىمەتتەرىن يكەمدى جاڭارتۋ قىزمەتىن دەر كەزىندە، جوعارى ونىممەن ورىنداپ، ”شۋاقتى مەكەن“ نىسانىن ۇزدىكسىز اتقارىپ، مۇگەدەكتەردىڭ شۇعىل، قيىن، الاڭداتقان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، مۇگەدەكتەردىڭ نەگىزگى حالىق تۇرمىسىن بار كۇشپەن قامتاماسىزداندىرىپ، مۇگەدەكتەردىڭ جاپپاي دامۋى مەن بىرگە بايۋىن جەبەۋدى ماڭىزدى بورىش جانە كۇرەس نىساناسى ەتىپ، مۇگەدەكتەردىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز جوعارىلاتامىز.
بىرگە كۇرەس جاساپ، تاماشا تۇرمىس جاراتامىز
10 جىلدىق تابىس ادامدى جىگەرلەندىرەدى، ۇلى جوبا ەكپىندەي ىلگەرىلەۋگە جەبەيدى. جاڭا جورىقتا ءاربىر ادام حالىقتى باقىتقا كەنەلتۋدىڭ، بىرگە بايۋدى ىلگەرىلەتۋدىڭ ات سالىسۋشىسى، امالياتتا ايگىلەۋشىسى، ىلگەرىلەتۋشىسى.
”وسى جىلداردا ءبىز ءدال پارتيانىڭ ابزال ساياساتىندا، كۇرەس ارقىلى دوڭگەلەك داۋلەتتى تۇرمىسقا كەنەلدىك“. 10 - ايدىڭ 16 - كۇنى پارتيا 20 - قۇرىلتايىنىڭ اشىلۋ سالتاناتىن كورگەننەن كەيىن، اقچي اۋدانى سومتاش اۋىلى اقدالا قىستاعىنىڭ تۇرعىنى دۇيسەن چوكەشتىڭ كوڭىلى كولدەي تولقىدى.
دۇيسەن چوكەش ماگازين اشقان، كىشى - گىرىم ساۋدا جاساعان، 2011 - جىلى قىستاققا قايتىپ كەلىپ، اقچي اۋدانى قىران مەكەنى باعىمشىلىق شارۋالار كاسىپتىك سەلبەستىك كووپەراتيۆىن قۇرعان. بۇل كۇندەرى سەلبەستىك كووپەراتيۆى سول جەردىڭ باعىمشىلىق كاسىبىندەگى ”سەركەگە“ اينالىپ، ىلگەرىندى - كەيىندى كەدەيلىكتەن ارىلعان 229 وتباسىن جارنا قوسىپ، پايدا بولىسۋگە جەتەكتەدى، وتباسىلارىنىڭ ورتاشا ارتقان كىرىسى 8290 يۋان بولدى.
”پارتيا 20 - قۇرىلتايىنىڭ بايانداماسىندا ايتىلعانداي، جاڭا داۋىردەگى ۇلى تابىستارعا پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن! مەن اۋىلداستاردى اناعۇرلىم كوپ عىلىم - ءبىلىم ۇيرەنۋگە باستاپ، سيىر، قويلارىمدى سەمىرتىپ باقسام، بۇدان كەيىنگى تۇرمىسىمىز، ءسوزسىز، جاقسارعان ۇستىنە جاقسارا بەرەتىن بولادى“، - دەدى بولاشاققا تالپىنعان دۇيسەن چوكەش تولىق سەنىممەن.
”ءبىز ناقتى ءىستى بۇقارانىڭ كوڭىلىنەن شىعارداي ەتىپ ىستەۋگە، مەيىرىمدى بۇقارانىڭ كوڭىل تۇكپىرىنە جەتكىزۋگە قۇلشىنامىز“. بۇراتالا قالالىق پارتكومنىڭ ورىنباسار شۋجيى، قالا باستىعى سۋبۋتا بىلاي دەدى: حالىق تۇرمىسىن قامتاماسىزداندىرۋ مەن جاقسارتۋدىڭ شەگى بولمايدى، تەك ۇزدىكسىز جالعاساتىن باستاماسى عانا بولادى. بۇراتالا قالاسى قالا، اۋىل قۇرىلىسى، وقۋ - اعارتۋ، ەمدەۋ، زەينەتكەرلىك، قورشاعان ورتانى رەتتەۋ - وڭاۋ سياقتى جاقتاردا ۇزدىكسىز كۇش سالىپ، حالىق تۇرمىسىنىڭ قۇت - ىرىسىن ۇزدىكسىز ارتتىرىپ، حالىقتىڭ تۇرمىس ساپاسىن جوعارىلاتىپ، دامۋ جەتىستىكتەرىنىڭ ءار ۇلت بۇقاراسىنا اناعۇرلىم كوپ، اناعۇرلىم ءادىل تيىمدىلىك جەتكىزۋىنە مۇمكىندىك جاسايدى.
جۇمىستاندىرۋ − حالىق تۇرمىسىنىڭ نەگىزى، بۇقارانىڭ ءتول مۇددەسىنە سايادى. كەزەكتە سانجى حۇيزۋ اۆتونوميالى وبلىستىق الەۋمەتتىك جۇمىستاندىرۋ بويىنشا قىزمەت وتەۋ مەكەمەسى جۇمىس ورنى جونىندەگى ينفورماتسيالاردى جيناۋدى ۇزدىكسىز ىلگەرىلەتىپ، جۇمىس ورنىن تۇرگە ايىرىپ سالالاۋدى كۇشەيتىپ، ۇگىتتەۋ، تانىستىرۋ ارناسىن كەڭەيتۋ سياقتىلار ارقىلى اۋىل - قىستاق ەڭبەككۇشتەرى، جوعارى مەكتەپ بىتىرگەن تۇلەكتەر، جۇمىستانۋى قيىن ادامدار سياقتى ءتۇيىندى قاۋىمعا جۇمىستاندىرۋ بويىنشا قىزمەت وتەۋ جۇمىستارىن كۇش سالا ويداعىداي ىستەۋدە. ”ءبىز پارتيا 20 - قۇرىلتايىنىڭ بايانداماسىندا العا قويىلعان نىسانا - مىندەتتەرگە تۋرالانىپ، مىندەت اتقارىپ، جاۋاپكەرشىلىكتى ادا ەتىپ، ءتۇيىندى قاۋىمدى جۇمىستاندىرۋ بويىنشا دالمە - ءدال كومەكتەسۋ - سۇيەمەلدەۋدى كۇشەيتىپ، جۇمىس ورنىن جەتكىزۋ، قىزمەت وتەۋدى جەتكىزۋ، ساياسات جەتكىزۋ، مەيىر جەتكىزۋ سياقتى قيمىلداردى ۇزدىكسىز ورىستەتىپ، اناعۇرلىم كوپ ادامنىڭ ەرتەرەك جۇمىستانۋىنا، ويداعىداي جۇمىستانۋىنا كومەكتەسەمىز“، - دەدى سانجى حۇيزۋ اۆتونوميالى وبلىستىق الەۋمەتتىك جۇمىستاندىرۋ بويىنشا قىزمەت وتەۋ مەكەمەسىنىڭ قىزمەتكەرى جياۋ يۇڭ.
(ءتىلشى جاۋ شييا، قاتىناسقان تىلشىلەر حان چين - يان، جاڭ تيڭ، سۇڭ ۋيگو، گاۋ ۋا، لي لين، سۇڭ يا - ۋىن، سۋ لۋپيڭ، گۋان مىڭيىڭ)
