تيانشان تورى
تيانشان تورى   ›   جاڭالىقتار   ›   ماڭىزدى حابارلار

پارتيا 20 - قۇرىلتايىنىڭ ءتوراعالار القاسى 3 - جيىنىن وتكىزدى

ورتالىق كوميتەت مۇشەلەرىنىڭ، ورتالىق كوميتەت كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن (جوبا) ماقۇلدادى

شي جينپيڭ جيىندى باسقاردى

  10 - ايدىڭ 21 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى بەيجيڭ حالىق سارايىندا 3 - جيىنىن وتكىزدى. شي جينپيڭ جولداس جيىندى باسقاردى.

  □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  10 - ايدىڭ 21 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى بەيجيڭ حالىق سارايىندا 3 - جيىنىن وتكىزدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار جيىنعا قاتىناستى.

  □ سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن

  شينحۋا اگەنتتىگىنىڭ 10 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى 10 - ايدىڭ 21 - كۇنى تۇستەن بۇرىن حالىق سارايىندا 3 - جيىنىن وتكىزىپ، 20 - كەزەكتى ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن (جوبا) ماقۇلداپ، ۋاكىلدەر ۇيىرمەلەرىنىڭ اقىلداسۋىنا ۇسىندى.

  شي جينپيڭ جولداس جيىندى باسقاردى.

  جيىن ۋاكىلدەر ۇيىرمەلەرى پارىقتى سان بويىنشا دايىندىق سايلاۋدا سايلاعان 20 - كەزەكتى ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن (جوبا) ماقۇلداپ، ەسىمدىكتى ۋاكىلدەر ۇيىرمەلەرىنىڭ اقىلداسۋىنا ۇسىنۋدى ۇيعاردى.

  ۇعىسۋعا قاراعاندا، 10 - ايدىڭ 19 - كۇنىنەن باستاپ، ۋاكىلدەر ۇيىرمەلەرى 19 - كەزەكتى ورتالىق كوميتەت ساياسي بيۋروسى العا قويعان ءارى قۇرىلتاي ءتوراعالار القاسى ماقۇلداعان 20 - كەزەكتى ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتىعىنا دايىندالعان كانديداتتاردىڭ ەسىمدىگىن مۇقيات اقىلداسقان. ۋاكىلدەر بىلاي دەپ قارادى: ەسىمدىكتەگىلەر قاتاڭ ۇيىمدىق تارتىپتەن وتكىزۋ، پارتيا ىشىندە دەموكراتيانى تولىق ساۋلەلەندىرۋ نەگىزىندە سايلانعان، وندا جەر - جەردەگى، تاراۋلارداعى، ءار شەپتەگى، ءار كاسىپتەگى پارتيانىڭ بيلىك باسىنداعى تىرەكتىلەرى مەن ۇزدىك ۋاكىلدەرى شوعىرلانعان، جالپى تۇلعالىق ساپاسى تاماشا، قۇرىلىمى ءبىرشاما ۇيلەسىمدى، ورنالاسۋى نەداۋىر بىركەلكى، بۇقارالىق نەگىزى ءبىرشاما جاقسى، بۇل نەداۋىر جان - جاقتى ويلاستىرىلعان جوبا.

  10 - ايدىڭ 20 - كۇنى تۇستەن كەيىن جانە 10 - ايدىڭ 21 - كۇنى تۇستەن بۇرىن، قۇرىلتاي ۋاكىلدەر ۇيىرمەلەرىنىڭ جالپى ءماجىلىسىن وتكىزىپ، ورتالىق كوميتەتتىڭ مۇشەلەرىن، ورتالىق ءتارتىپ تەكسەرۋ كوميتەتىنىڭ مۇشەلەرىن جانە ورتالىق كوميتەتتىڭ كانديدات مۇشەلەرىن ىلگەرىندى - كەيىندى دايىندىق سايلاۋدا سايلادى. قۇرىلتايدىڭ سايلاۋ ادىسىندەگى بەلگىلەمە بويىنشا، دايىندىق سايلاۋدا پارىقتى سان بويىنشا سايلاۋ ءادىسى قولدانىلدى، پارىقتى سان سالىستىرماسى تۇگەلدەي %8تەن جوعارى بولدى. تۇتاس دايىندىق سايلاۋ قىزمەتى قۇرىلتاي ءتوراعالار القاسىنىڭ باسشىلىعىندا، بەلەت باقىلاۋشىلاردىڭ باقىلاۋىندا، قۇرىلتايدىڭ سايلاۋ ءادىسى بويىنشا قاتاڭ جۇرگىزىلدى، دايىندىق سايلاۋ ناتيجەسى زاڭدى، كۇشكە يە بولدى.

  قۇرىلتايدىڭ سايلاۋ ادىسىندەگى بەلگىلەمەگە جانە كۇن ءتارتىپ ورنالاستىرۋىنا ساي، 10 - ايدىڭ 21 - كۇنى تۇستەن كەيىن قۇرىلتاي ۋاكىلدەر ۇيىرمەلەرىنىڭ گرۋپپالار جيىنىن وتكىزىپ، ءتوراعالار القاسىنىڭ 3 - جيىنىندا ماقۇلدانعان ورتالىق كوميتەت مۇشەلەرىنىڭ، ورتالىق كوميتەت كانديدات مۇشەلەرىنىڭ، ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن اقىلداستى.

  10 - ايدىڭ 22 - كۇنى تۇستەن بۇرىن، قۇرىلتاي رەسمي سايلاۋ وتكىزەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.