انار بۇلت \شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 21 - كۇنى ۇرىمجىدەن حابارلايدى. 10 - ايدىڭ 21 - كۇنى تۇستەن كەيىن، اۆتونوميالى رايوندىق پارتكومنىڭ ورنالاستىرۋىنا ساي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ ىركىلىسسىزدىككە كەپىلدىك ەتۋ، حالىق تۇرمىسىن قامتاماسىز ەتۋ بەينە ەكران ءماجىلىسىن باسقارىپ اشىپ، پارتيا 20 - قۇرىلتايىنىڭ رۋحىن دايەكتىلەندىرۋدى جەتەكشى ەتىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالابىن تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، زات اينالىمىنىڭ ىركىلىسسىزدىگىنە كەپىلدىك ەتۋ، بۇقارانى قيىنشىلىق قىسپاعىنان قۇتىلدىرۋ، حالىق تۇرمىسى قاجەتى قاتارلى ءتۇرلى قىزمەتتەردى بار كۇشپەن ويداعىداي ىستەپ، ىندەتتىڭ ەكونوميكالىق، قوعامدىق دامۋعا جانە بۇقارانىڭ وندىرىسىنە، تۇرمىسىنا جاسايتىن ىقپالىن ەڭ جوعارى شەكتە تومەندەتۋ كەرەكتىگىن باسا دارىپتەدى.
ماجىلىستە مىنالار باسا دارىپتەلدى: ىندەتتەن ساقتانۋ - تىزگىندەۋدى ەش بوساڭسىماستان ويداعىداي مىقتى يگەرۋ كەرەك. 9 - نۇسقاداعى ساقتانۋ - تىزگىندەۋ جانە دياگنوز قويۋ - ەمدەۋ جوباسىن قاتاڭ اتقارىپ، ”التى جەدەل بولۋ“ تالابىن تياناقتاندىرىپ، بۇكىل رايوننىڭ ىندەتتەن ساقتانۋ - تىزگىندەۋ جەتىستىكتەرىن كەڭەيتۋ؛ بۇكىل رايوننىڭ كۇشىن جۇمىلدىرىپ، بارلىق بايلىقتى، كۇشتى ىسكە قوسىپ، ءۇرىمجىنىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋ؛ ىندەتسىز وڭىرلەر كىرۋدەن ساقتانۋ، قايتا بەلەڭ بەرۋدەن ساقتانۋ، ەكونوميكانى دامىتۋ قىزمەتىن تىڭعىلىقتى ويداعىداي ىستەۋ كەرەك. بۇقارانىڭ قيىنشىلىعىن، تالاپ - تىلەكتەرىن شىنايى شەشۋ كەرەك. بۇقارانىڭ قيىنشىلىعىن، تالاپ - تىلەكتەرىن، اسىرەسە، اۋرۋ كورسەتۋ، ەمدەلۋ ماسەلەسىن شەشۋ تەبىنىن ارتتىرىپ، ەمدەۋ بايلىعىن جوعارى ونىمدىلىكپەن جايعاستىرىپ، كەڭەس الۋ، دياگنوز قويدىرۋ ارناسىن ىركىلىسسىزدەندىرۋ، الەۋمەتتىك اۋماق ەمدەۋ قۇرىلىمدارى مەن شيپاحانالاردىڭ بىرلەسىپ ارەكەتتەنۋىن كۇشەيتۋ، سالماقتى ناۋقاستار، جۇكتى ايەلدەر، بوسانعان ايەلدەر سىندى ەرەكشە شوعىرلاردى، ءسوز جوق، دەر كەزىندە شيپاحاناعا جەتكىزىپ ەمدەۋدى كۇشەيتۋ كەرەك. نەگىزگى حالىق تۇرمىسىن باتىل قامتاماسىز ەتۋ كەرەك. زات قاينارىن ۇيىمداستىرۋ جانە ورنالاستىرۋ، قامداۋمەن قامتاماسىز ەتۋ تەبىنىن ارتتىرىپ، كۇرىش، ۇن، ماي، ەت، جۇمىرتقا، ءسۇت، جەمىس - جيدەك، كوكونىس قاتارلى زاتتىق ماتەريالدارمەن دەر كەزىندە تولىق قامداۋدى قامتاماسىزداندىرۋ، زات باعاسىن جوعارىلاتۋ سياقتى زاڭعا قايشى ارەكەتتەرگە قاتاڭ سوققى بەرۋ، ەرەكشە شوعىردى ەڭ تومەنگى شەكتەن تۇسىرمەي قامتاماسىز ەتۋدى جانە ءتۇيىندى شوعىردى جۇمىستاندىرىپ كومەكتەسىپ سۇيەمەلدەۋدى كۇشەيتىپ، كۇز، قىس ماۋسىمىنداعى سۋ، ەلەكتر، گاز، جىلۋمەن قامداۋ قاتارلىلاردى قامتاماسىز ەتۋدى ويداعىداي ىستەۋ كەرەك. زات تاسىمالى اينالىمىنىڭ ىركىلىسسىزدىگىنە كەپىلدىك ەتۋ كەرەك. ماسەلەنى باعدار ەتۋدى كۇشەيتىپ، ”ورنالاستىرۋ، تاسۋ، سەپتەۋ، جەتكىزۋ“ بۋىندارىنداعى بوگەتتەردى اشىپ، قاتىناس تورىنىڭ، شۇعىل جاعدايدا تاسىمالداۋ جاسىل وتكەلدەرىنىڭ، بۇقارانىڭ وندىرىستىك، تۇرمىستىق زاتتىق ماتەريالداردى تاسىمالداۋ وتكەلدەرىنىڭ جوعارى ونىمدىلىكپەن ىركىلىسسىز بولۋىنا شىنايى كەپىلدىك ەتۋ؛ سىرتقا جايىلۋدان ساقتانۋ مەن زات اينالىمى وتكەلدەرىنىڭ ىركىلىسسىزدىگىن عىلمي، ءبىر تۇتاس جوسپارلاپ، جۇك كولىكتەرىنىڭ ءجۇرۋىن باسقارۋ - تىزگىندەۋدى ساپالىلاندىرىپ، دەرەۋ تەكسەرۋ، دەرەۋ جونەلتۋ، دەرەۋ قۋزاۋ سالۋ، تۇتاس بارىستا جابىق باسقارۋ، قاتىناس - تاسىمال نەگىزدىك قۇرىلعىلارىن بەتالدى جابۋعا، توقتاتۋعا قاتاڭ تيىم سالۋ كەرەك. اۋىل شارۋاشىلىعى ءوندىرىسىنىڭ قالىپتى ءتارتىبىن قورعاۋ كەرەك. دۇمبە ءبيداي ەگۋ، قىسقى زاپاس كوكونىس ەگۋ، ماقتا تەرۋ، جيناۋ سياقتى ”كۇزگى جيىن - تەرىن، كۇزگى جەر جىرتۋ، كۇزدە ەگۋ“ ءوندىرىس مىندەتىن ساپاسىنا، سانىنا كەپىلدىك ەتە وتىرىپ ىلگەرىلەتىپ، اۋىل شارۋاشىلىعى ءوندىرىسىنىڭ قۇرال - جابدىقتارىمەن قامداۋعا، شارۋالاردىڭ ەگىس اتىزىنا بارۋىنا، اۋىل شارۋاشىلىعى ماشينالارى جۇمىسىنىڭ ىركىلىسسىزدىگىنە شىنايى كەپىلدىك ەتىپ، اۋىل شارۋاشىلىعى ونىمدەرىن جيناۋ، وڭدەۋ، تاسىمالداۋ، ساتۋ سياقتى قىزمەتتەردى بار كۇشپەن ويداعىداي ىستەۋ كەرەك. ءىرى نىساندار قۇرىلىسىن ىلگەرىلەتۋ كەرەك. ءتۇرلى نىسانداردى اداقتاپ تەكسەرىپ، ءجىتى قاداعالاپ، ويداعىداي قىزمەت وتەپ، ءىرى نىساندار قۇرىلىسىن جەدەل ىلگەرىلەتىپ، تۇتاس جىلداعى قارجى قوسۋ نىسانا - مىندەتتەرىن قۇلشىنا ورىنداۋ؛ شيكىزات، زات اينالىمى، قارجى، ادام كۇشى سياقتى فاكتورلار قامتاماسىزدىعىن كۇشەيتىپ، ءتۇرلى كاسىپورىنداردىڭ قالىپتى ءوندىرىس، تيجاراتىنا شىنايى كەپىلدىك ەتۋ كەرەك.
ماجىلىستە مىنالار باسا دارىپتەلدى: بۇكىل شينجياڭ ”ءبىر تۇتاس جۇيە“، بيڭتۋان مەن جەرگىلىكتى ورىن ”ءبىر تۇتاس جۇيە“ دەگەنگە تاباندى بولىپ، ءبىر تۇتاس جوسپارلاپ سايكەستىرۋ مەن ورنالاستىرۋدى، جەتەكشىلىك ەتۋدى كۇشەيتىپ، قىزمەت مىندەتىن اشالاپ، جاۋاپكەرشىلىكتى ادامعا دەيىن تياناقتاندىرۋعا شىنايى كەپىلدىك ەتۋ كەرەك. ءار دارەجەلى باسشى كادرلار جەدەل ارەكەتتەنىپ، جۇمىس باسىندا قىزمەت تىندىرىپ، كورنەكتى ماسەلەلەردى شىنايى شەشۋ كەرەك. قۋزاۋ - جەتەكشىلىك ەتۋدى، تەكسەرۋدى كۇشەيتىپ، ماسەلە بايقالعان زامان دەر كەزىندە رەتتەپ - تۇزەتىپ، اۋىر زارداپ تۋدىرعانداردىڭ جاۋاپكەرشىلىگىن قاتاڭ قۋزاستىرۋ كەرەك.
ۋاڭ ميڭشان، ياڭ فاسىن، قادەن كابەن قاتارلىلار ماجىلىسكە قاتىناستى.
