جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭدە جابىلدى

جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىقتى

19 - كەزەكتى ورتالىق كوميتەتتىڭ بايانداماسى جونىندەگى قاراردى، 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاراردى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاراردى ماقۇلدادى

شي جينپيڭ قۇرىلتايدى باسقاردى ءارى ماڭىزدى ءسوز سويلەدى

　　شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتىپ، تاعى دا جاڭا ەمتيحان تاپسىرۋ جولىنا ءتۇستى. 100 جىلدان بەرى پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى جەڭىسىنە قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. 100 جىلدىق تابىس تەڭدەسسىز شۇعىلالى، 100 جىلدىق ۇلى پارتيا كەمەل شاعىندا تۇر. جاڭا داۋىردەگى جاڭا جورىقتا دۇنيەنى جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قابىلەتىمىز قاپتال جەتەدى. بۇكىل پارتيا پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، باتىلدىقپەن كۇرەس جۇرگىزىپ، باتىلدىقپەن جەڭىسكە جەتىپ، قاجىرلىلىقپەن قۇلشىنا ىستەپ، جىگەرلەنە العا ۇمتىلىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيانىڭ 20 - قۇرىلتايىندا بەلگىلەنگەن نىسانالار مەن مىندەتتەردى جۇزەگە اسىرۋ جولىندا كۇرەس جۇرگىزۋى كەرەك

　　10 - ايدىڭ 22 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭ حالىق سارايىندا جەڭىسپەن جابىلدى. شي جينپيڭ جولداس قۇرىلتايدى باسقاردى.

　　□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　10 - ايدىڭ 22 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭ حالىق سارايىندا جەڭىسپەن جابىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ ءتوراعالار مىنبەسىندە.

　　□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

     قۇرىلتاي بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى

　　شينحۋا اگەنتتىگىنىڭ 10 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىعىپ، 19 - كەزەكتى ورتالىق كوميتەتتىڭ بايانداماسى جونىندەگى قاراردى، 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاراردى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاراردى ماقۇلداعاننان كەيىن، 10 - ايدىڭ 22 - كۇنى تۇستەن بۇرىن حالىق سارايىندا جەڭىسپەن جابىلدى.

　　قۇرىلتاي بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى.

　　شي جينپيڭ جولداس قۇرىلتايدى باسقاردى.

　　قۇرىلتاي ءتوراعالار القاسى تۇراقتى كوميتەتىنىڭ قۇرامىنداعىلاردان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، حۋ جينتاۋ، لي رۇيحۋان، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، جاڭ چيڭلي قاتارلىلار ءتوراعالار مىنبەسىنىڭ الدىڭعى قاتارىنان ورىن الدى.

　　تۇستەن بۇرىن ساعات 9دا جابىلۋ جينالىسى باستالدى.

　　بۇگىنگى قۇرىلتايعا قاتىناسۋعا ءتيىستى ۋاكىل مەن ۇسىنىس ەتىلگەن ۋاكىل 2378، ناقتى قاتىناسقان ادام 2338. قاتىناسقان ۋاكىل سانى قاتىناسۋعا ءتيىستى ۋاكىل سانىنىڭ جارتىسىنان استى، بۇل قۇرىلتايدىڭ سايلاۋ ءادىسىنىڭ بەلگىلەمەسىنە ۇيلەسەدى.

　　قۇرىلتاي الدىمەن 2 باس بەلەت باقىلاۋشىنىڭ جانە 36 بەلەت باقىلاۋشىنىڭ ەسىمدىگىن ماقۇلدادى.

　　باس بەلەت باقىلاۋشىلار مەن بەلەت باقىلاۋشىلاردىڭ باقىلاۋىندا، قۇرىلتايعا قاتىناسقان ۋاكىلدەر مەن ۇسىنىس ەتىلگەن ۋاكىلدەر جاسىرىن داۋىس بەرۋ ءتاسىلى ارقىلى 205 مۇشەدەن، 171 كانديدات مۇشەدەن قۇرالعان 20 - كەزەكتى ورتالىق كوميتەتتى، 20 - كەزەكتى ورتالىق ءتارتىپ تەكسەرۋ كوميتەتىنىڭ 133 مۇشەسىن سايلادى.

　　ساعات 11دەن 9 مينۋت وتكەندە، شي جينپيڭ 20 - كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنىڭ پارتيانىڭ مەملەكەتتىك 20 - قۇرىلتايىنىڭ سايلاۋىمەن جارىققا شىققاندىعىن جاريالادى. بۇكىل زالدا قىزۋ قول شاپالاق ءۇنى ۇزاققا دەيىن تولاستامادى.

　　وسىدان كەيىن جينالىس پارتيا 19 - كەزەكتى ورتالىق كوميتەتتىڭ بايانداماسى جونىندەگى قاراردى ماقۇلدادى. جينالىس شي جينپيڭ جولداستىڭ 19 - كەزەكتى ورتالىق كوميتەتتىڭ اتىنان جاساعان بايانداماسىن بەكىتتى. قاراردا مىنالار اتاپ كورسەتىلدى: جينالىس ماقۇلداعان 19 - كەزەكتى ورتالىق كوميتەتتىڭ بايانداماسى − پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋىنىڭ ساياسي جارناماسى جانە ارەكەت تۇعىرناماسى، ماركسيزمدىك تۇعىرنامالىق حۇجات.

　　قۇرىلتاي بىلاي دەپ قارادى: باياندامادا ەگجەي - تەگجەيلى تۇسىندىرىلگەن قۇرىلتايدىڭ باستى تاقىرىبى − قۇرىلتايدىڭ رۋحى، پارتيا مەن مەملەكەت ىستەرى دامۋىنىڭ جالپى باعدارلاماسى. بۇكىل پارتيا جۇڭگوشا سوتسياليزم ۇلى تۋىن بيىك ۇستاپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى ورنىن، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، وزىنە سەنىپ، ءوزىن الۋەتتەندىرىپ، ءتۇبىرلى پرينسيپتەن اينىماي، جاڭالىق اشىپ، جىگەرلەنە العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.

　　قۇرىلتاي 19 - كەزەكتى ورتالىق كوميتەتتىڭ قىزمەتىنە جوعارى باعا بەردى. پارتيا 19 - قۇرىلتايىنان بەرگى 5 جىل اسا وزگەشە، ايرىقشا ەرەكشە 5 جىل بولدى. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باعامداپ، ءتۇبىرلى پرينسيپتەن اينىماي، جاڭالىق اشىپ، جۇرەكتىلىكپەن كۇرەس جۇرگىزىپ، شەبەرلىكپەن كۇرەس جۇرگىزىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، اۋىر دا كۇردەلى حالىقارالىق جاعدايعا جانە ءبىر - بىرىنە ۇلاسقان وراسان زور حاۋىپ - قاتەر مەن سىن - سايىسقا ۇتىمدى توتەپ بەرىپ، جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرى باستىرىپ، ۇزاق ۋاقىتتان بەرى شەشىلمەي كەلگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى تىندىرىپ، پارتيا مەن مەملەكەت ىستەرىنىڭ دۇنيەنى جالت قاراتقان كەلەلى تابىستارعا قول جەتكىزۋىن ىلگەرىلەتتى.

　　قۇرىلتاي مىنالاردى باسا دارىپتەدى: پارتيانىڭ 18 - قۇرىلتايى اشىلعان 10 جىلدان بەرى، ءبىز پارتيا مەن حالىق ىستەرى جونىنەن كەلەلى رەال ماڭىزعا جانە تەرەڭ تاريحي ماڭىزعا يە ءۇش ءىرى ءىستى باستان وتكەردىك: ءبىرىنشى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الدىق، ەكىنشى، جۇڭگوشا سوتسياليزم جاڭا داۋىرگە ءوتتى، ءۇشىنشى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردىق. جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. جۇڭگو كوممۋنيستىك پارتياسى توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولدى، جۇڭگو حالقى اناعۇرلىم كۇشتى تاريحي سانالىلىق جانە ىرىقتىلىق رۋحىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى، عىلمي سوتسياليزم 21 - عاسىرداعى جۇڭگودا قاۋلاعان تىڭ تىرشىلىك تىنىسىن تاسقىنداتتى.

　　قۇرىلتاي مىنالاردى باسا دارىپتەدى: جاڭا ءداۋىردىڭ 10 جىلىنداعى ۇلى وزگەرىسكە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل پارتيا، بۇكىل ەلدەگى ءار ۇلت حالقى ىنتىماقتاسا كۇرەس جۇرگىزىپ قول جەتكىزدى. پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋدە شەشۋشى مانگە يە. جاڭا داۋىردەگى جاڭا جورىقتا جۇڭگوشا سوتسياليزم ىستەرىن ىلگەرى باستىرۋدا، ەڭ ماڭىزدىسى، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە سانالى تۇردە وسكەلەڭ ءبىر اۋىزدىلىقتى ساقتاۋ.

　　قۇرىلتاي مىنالاردى باسا دارىپتەدى: پارتيا 18 - قۇرىلتايىنان بەرى، پارتيامىز نازاريالىق ىزدەنىس جاساۋعا جانە وندا جاڭالىق اشۋعا باتىل بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن جاڭاشا كوز ايامەن تەرەڭدەتىپ، كەلەلى نازاريالىق جاڭا جەتىستىكتەرگە قول جەتكىزىپ، ونى شي جينپيڭ جاڭا ءداۋىر جۇڭگوشا سوتسياليزم يدەياسىندا شوعىرلى بەينەلەدى. پارتيا 19 - قۇرىلتايىندا، 19 - كەزەكتى ورتالىق كوميتەتتىڭ التىنشى جالپى ماجىلىسىندە ورتاعا قويىلعان ”وندى ايقىنداۋ“، ”ون تورتكە تاباندى بولۋ“، ”ون ءۇش جاقتاعى تابىس“ وسى يدەيانىڭ باستى مازمۇندارىن جيناقتادى، وعان، ءسوز جوق، ۇزاق ۋاقىت تاباندى بولۋ ءارى ونى ۇزدىكسىز بايىتۋ، دامىتۋ كەرەك.

　　قۇرىلتاي مىنالاردى العا قويدى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.

　　قۇرىلتاي مىنالاردى اتاپ كورسەتتى: جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك تە بار. جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ. جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزمگە تاباندى بولۋ، جوعارى ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني الەمىن بايىتۋ، جالپى حالىقتىڭ بىرگە بايۋىن جۇزەگە اسىرۋ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ.

　　قۇرىلتاي مىنالاردى اتاپ كورسەتتى: جاپپاي سوتسياليستىك وسىزاماندانعان قۇدىرەتتى ەل قۇرۋدىڭ جالپى ستراتەگيالىق ورنالاستىرۋى مىناداي ەكى قادامعا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل.

　　قۇرىلتاي مىنالاردى باسا دارىپتەدى: العا باسۋ جولىندا مىناداي كەلەلى پرينسيپتەردى، ءسوز جوق، مىقتى يگەرۋىمىز كەرەك: پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، جۇڭگوشا سوتسياليزم جولىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، رەفورمالاۋ، ەسىك اشۋدى تەرەڭدەتۋگە تاباندى بولۋ، كۇرەسكەرلىك رۋحتى ساۋلەلەندىرۋگە تاباندى بولۋ.

　　قۇرىلتاي باياندامانىڭ الداعى ءبىر مەزگىلدەگى پارتيا مەن مەملەكەت ىستەرىنىڭ دامۋى جونىندە جاساعان ستراتەگيالىق ورنالاستىرۋلارىنا قوسىلدى.

　　قۇرىلتاي مىنالاردى باسا دارىپتەدى: جالپى تۇلعالىق مەملەكەت حاۋىپسىزدىگى كوزقاراسىن، ءسوز جوق، بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرۋ، مەملەكەت حاۋىپسىزدىگى جۇيەسىن كەمەلدەندىرۋ، مەملەكەت حاۋىپسىزدىگىن قورعاۋ قۋاتىن كۇشەيتۋ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتۋ، قوعامدىق باسقارۋ جۇيەسىن كەمەلدەندىرۋ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتۋ كەرەك.

　　قۇرىلتاي مىنالاردى باسا دارىپتەدى: ارميا قۇرىلعاندىعىنىڭ 100 جىلدىق كۇرەس نىساناسىن مەرزىمىندە جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. ءسوز جوق، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، جاڭا داۋىردەگى حالىق ارمياسىنىڭ بورىشىن، مىندەتىن ۇتىمدى اتقارۋ كەرەك.

　　قۇرىلتاي مىنالاردى باسا دارىپتەدى: ”ءبىر ەل، ەكى ءتۇزىم“− جۇڭگوشا سوتسياليزمنىڭ ۇلى جاسامپازدىعى، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋداعى ەڭ ۇتىمدى تۇزىمدىك ورنالاستىرۋ، وعان، ءسوز جوق، ۇزاق ۋاقىت تاباندى بولۋ كەرەك. ءبىر جۇڭگو پرينسيبى مەن ”1992 - جىلعى ورتاق تانىمعا“ تاباندى بولىپ، پارتيانىڭ جاڭا داۋىردە تايۋان ماسەلەسىن شەشۋدەگى جالپى تۇلعالىق جالپى جوباسىن دايەكتىلەندىرۋگە تاباندى بولىپ، ”دەربەستەندىرۋگە“ قارسى تۇرىپ، بىرلىككە كەلۋدى جەبەۋگە تاباندى بولىپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەرىپ، وتاننىڭ بىرلىككە كەلۋ ۇلى ءىسىن بۇلجىتپاي ىلگەرىلەتۋ كەرەك.

　　قۇرىلتاي باياندامانىڭ حالىقارالىق جاعداي جونىندەگى تالداۋى مەن ديپلوماتيالىق قىزمەت جونىندەگى ورنالاستىرۋلارىنا قوسىلدى.

　　قۇرىلتاي مىنالاردى باسا دارىپتەدى: جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، جاڭا داۋىردەگى پارتيا قۇرىلىسىنىڭ باستى تالابىن تياناقتاندىرىپ، پارتيانى جاپپاي قاتاڭ باسقارۋ جۇيەسىن كەمەلدەندىرىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوز دەڭگەيىن جوعارىلاتۋىن جان - جاقتى ىلگەرىلەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى جۇرت تىلەگىن ۇيىستىرۋعا، رۋحتى سومداۋعا تاباندى بولىپ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرىپ، ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتىپ، ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ كەرەك.

　　قۇرىلتاي 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاراردى ماقۇلدادى. قۇرىلتاي 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەتىن تولىق تۇراقتاندىردى.

　　قۇرىلتاي «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاراردى ماقۇلداپ، وسى وزگەرىس ەنگىزىلگەن جوبا ماقۇلدانعان كۇننەن باستاپ كۇشكە يە بولاتىندىعىن ۇيعاردى.

　　قۇرىلتاي بىلاي دەپ قارادى: پارتيانىڭ 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ەل باسقارۋدىڭ ءبىر قىدىرۋ جاڭا ۇستانىمىن، جاڭا يدەياسىن، جاڭا ستراتەگياسىن العا قويىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇزدىكسىز بايىتىپ جانە دامىتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا دەڭگەيىن اشتى. شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى. قۇرىلتاي پارتيانىڭ 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋىن پارتيا ۋستاۆىنا جازىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ نازاريادا، امالياتتا، تۇزىمدە جاڭالىق اشۋدى ىلگەرىلەتۋ جەتىستىكتەرىن اناعۇرلىم ويداعىداي بەينەلەۋگە ءبىر اۋىزدان قوسىلدى.

　　قۇرىلتاي بىلاي دەپ قارادى: 100 جىلدىق كۇرەس بارىسىندا پارتيا باستان - اياق پارتيانىڭ اۋەلگى ماقساتى مەن بورىشىن امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازىپ، ءبىر قىدىرۋ ۇلى تابىستار جاراتىپ، باعالى تاريحي تاجىريبەلەر توپتادى. قۇرىلتاي پارتيانىڭ اۋەلگى ماقساتى مەن بورىشىن، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ مازمۇنىن پارتيا ۋستاۆىنا جازۋعا قوسىلدى. جۇرەكتىلىكپەن كۇرەس جاساۋ، جۇرەكتىلىكپەن جەڭىسكە جەتۋ − پارتيا مەن حالىقتىڭ جەڭىمپاز قۋاتتى رۋحاني كۇشى. پارتيا مەن حالىق قول جەتكىزگەن بارلىق تابىستار كۇرەس ارقىلى قولعا كەلگەن. قۇرىلتاي كۇرەسكەرلىك رۋحتى ساۋلەلەندىرىپ، كۇرەسكەرلىك قابىلەتتى كۇشەيتۋ تۋرالى مازمۇندى پارتيا ۋستاۆىنا جازۋعا قوسىلدى.

　　قۇرىلتاي بىلاي دەپ قارادى: شي جينپيڭ جولداس جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا پارتيا مەن حالىق اتىنان، ءبىرىنشى 100 جىلدىق كۇرەس نىساناسىن جۇزەگە اسىردىق، جاپپاي دوڭگەلەك داۋلەتتى قوعام قۇرىپ شىعىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قادام تاستاپ كەلەمىز دەپ سالتاناتپەن جاريالادى، پارتيا ۋستاۆىنا وسى نەگىزدە سايكەستى وزگەرىستەر ەنگىزىلدى.

　　قۇرىلتاي بىلاي دەپ قارادى: پارتيانىڭ 20 - قۇرىلتايىندا جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ ورتاعا قويىلدى ءارى مۇنى جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ وزەكتى مىندەتى ەتىپ بەلگىلەدى. جالپىلىق مەنشىكتى نەگىزگى تۇلعا ەتىپ، كوپ ءتۇرلى مەنشىكتەگى شارۋاشىلىقتى قاتار دامىتۋ، ەڭبەگىنە قاراي ءبولۋدى نەگىزگى تۇلعا ەتكەن كوپ ءتۇرلى ءبولىس ءتاسىلى قاتار ءومىر ءسۇرۋ، سوتسياليستىك بازار شارۋاشىلىعى ءتۇزىلىسى قاتارلى سوتسياليستىك نەگىزگى ەكونوميكالىق ءتۇزىم − جۇڭگوشا سوتسياليستىك ءتۇزىمنىڭ ماڭىزدى تىرەگى. قۇرىلتاي وسى مازمۇنداردى پارتيا ۋستاۆىنا جازۋعا قوسىلدى، جالپى حالىقتىڭ بىرگە بايۋىن بىرتىندەپ جۇزەگە اسىرۋ، جاڭا دامۋ كەزەڭىن يگەرۋ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن دايەكتىلەندىرۋ، ىشكى ۇلكەن اينالىمدى نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل قالىپتاستىرۋ، جوعارى ساپالى دامۋدى ىلگەرىلەتۋ، دارىندىلاردىڭ ءبىرىنشى بايلىق رەتىندەگى رولىن تولىق ساۋلەلەندىرۋ، حالىق شارۋاشىلىعىنىڭ اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋىن جەبەۋ سياقتى مازمۇنداردى پارتيا ۋستاۆىنا جازۋعا قوسىلدى.

　　قۇرىلتاي بىلاي دەپ قارادى: جاپپاي سوتسياليستىك وسىزاماندانعان مەملەكەت قۇرۋ ۇلى دا ماشاقاتتى ءىس، بولاشاعى نۇرلى، مىندەتى اۋىر، جولى ۇزاق. جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى ستراتەگيالىق ورنالاستىرۋى مىناداي ەكى قادامعا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ. پارتيا ۋستاۆىنا وسى نەگىزدە سايكەستى وزگەرىستەر ەنگىزىلدى.

　　قۇرىلتاي جۇڭگوشا سوتسياليستىك زاڭمەن باسقارۋ جولىمەن ءجۇرۋ، اناعۇرلىم كەڭ، اناعۇرلىم كەمەلدى، اناعۇرلىم اقاۋسىز جالپى بارىستىق حالىق دەموكراتياسىن دامىتۋ، دەموكراتيالىق سايلاۋ، دەموكراتيالىق كەڭەسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ ءتۇزىمى مەن ءتارتىبىن ورناتۋ جانە كەمەلدەندىرۋ، دامۋ مەن حاۋىپسىزدىكتى ءبىر تۇتاس جوسپارلاۋ سياقتى مازمۇنداردى پارتيا ۋستاۆىنا جازۋعا قوسىلدى.

　　قۇرىلتاي ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن باسقارۋعا تاباندى بولىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ؛ ”ءبىر ەل، ەكى ءتۇزىم“ باعىتىن جان - جاقتى، دۇرىس، بۇلجىتپاي دايەكتىلەندىرۋ، ”تايۋاندى دەربەستەندىرۋگە“ باتىل قارسى تۇرۋ جانە ونى تەجەۋ؛ بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى اسقاقتاتۋ، باياندى بەيبىت، جاپپاي حاۋىپسىز، بىرگە گۇلدەنەتىن، اشىق تا سيىسىمدى، كىرشىكسىز دە كورىكتى دۇنيە ءجۇزىن قۇرۋدى ىلگەرىلەتۋ سياقتى مازمۇنداردى پارتيا ۋستاۆىنا جازۋعا قوسىلدى.

　　قۇرىلتاي اقيقاتقا تاباندى بولۋ، مۇراتتان اينىماۋ، اۋەلگى ماقساتتى امالياتتا ايگىلەۋ، بورىش ارقالاۋ، قۇرباندىق بەرۋدەن قورىقپاۋ، ەرلىكپەن كۇرەس جۇرگىزۋ، پارتياعا ادال بولۋ، حالىقتىڭ ءۇمىتىن اقتاۋ سىندى پارتيا قۇرۋ ۇلى رۋحىن اسقاقتاتىپ، وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ سياقتى تالاپتاردى پارتيا ۋستاۆىنا جازۋدى؛ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن، ءسوز جوق، جوعارىلاتىپ، پارتيانىڭ نازاريالارى مەن لۋشيان، باعىت - ساياساتتارىن دايەكتىلەندىرۋدىڭ، تياناقتاندىرۋدىڭ سانالىلىعى مەن تاباندىلىعىن كۇشەيتۋ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، پارتيانىڭ وزىنە - ءوزى توڭكەرىس جاساۋىن ماڭگى جالعاستىرۋ، پارتيا ىشىندەگى زاڭ - ەرەجە جۇيەسىن ۇزدىكسىز اقاۋسىزداندىرۋ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن كۇشەيتۋ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋ سياقتى مازمۇنداردى پارتيا ۋستاۆىنا جازۋدى؛ جاڭا داۋىردەگى پارتيانىڭ ۇيىمدىق لۋشيانىنا تاباندى بولۋدى پارتيا قۇرىلىسىنىڭ نەگىزگى تالاپتارىنىڭ ءبىرى رەتىندە پارتيا ۋستاۆىنا جازۋعا قوسىلدى.

　　قۇرىلتاي بىلاي دەپ قارادى: جۇڭگو كوممۋنيستىك پارتياسى − ءبىزدىڭ ىستەرىمىزگە باسشىلىق ەتەتىن ۇيتقى كۇش، پارتيانىڭ باسشىلىعى − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. قۇرىلتاي پارتيا − ەڭ جوعارى ساياسي باسشىلىق كۇش، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ سياقتى مازمۇنداردى پارتيا ۋستاۆىنا جازۋعا قوسىلدى.

　　قۇرىلتاي بىلاي دەپ قارادى: پارتيانىڭ 19 - قۇرىلتايىنان بەرگى پارتيا قىزمەتى مەن پارتيا قۇرىلىسىنداعى تابىستى تاجىريبەلەردى قورىتىندىلاپ، قابىلداپ ءارى ونى باس پروگراممانىڭ ءىشىنارا جەرلەرىنە وزگەرىس ەنگىزۋمەن ۇشتاستىرىپ، پارتيا ۋستاۆىنىڭ ءىشىنارا تارماقتارىنا لايىقتى وزگەرىس ەنگىزۋ اسا قاجەتتى.

　　قۇرىلتاي بىلاي دەپ قارادى: جاڭا داۋىرگە وتكەندە، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتتەرىنىڭ جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنى تۇراقتاندىرىلعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنى تۇراقتاندىرىلعاندىقتان، پارتيامىز پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ىقپال جاسايتىن كورنەكتى قايشىلىقتار مەن ماسەلەلەردى پارمەندى تۇردە شەشىپ، پارتيانىڭ، مەملەكەتتىڭ، ارميانىڭ ىشكى بولىگىندە ءومىر ءسۇرىپ وتىرعان اۋىر كومەسكى كىناراتتاردى جويىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى قايتارۋعا كەلمەيتىن تاريحي ۇردىسكە قادام تاستاۋىنا تۇبىرىنەن شىنايى كەپىلدىك ەتە الدى. ”ەكىنى تۇراقتاندىرۋ“ − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتەتىن شەشۋشى فاكتور. بۇكىل پارتيا، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاۋى كەرەك.

　　قۇرىلتاي ءتۇرلى كەڭەستىك تارتىپتەرىن اياقتاعان سوڭ، شي جينپيڭ ىقىلاسقا تولى شاپالاق ءۇنى ىشىندە ماڭىزدى ءسوز سويلەدى. ول مىنالاردى ءبىلدىردى: بارلىق ۋاكىلدەردىڭ بىرگە قۇلشىنۋىندا، قۇرىلتاي تولىق تابىستى بولدى، يدەيانى بىرلىككە كەلتىرۋ، سەنىمدى بەكەمدەۋ، بەتالىستى ايقىنداۋ، كۇرەس جىگەرىنە دەم بەرۋ ماقساتىنا جەتتى. بۇل، تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي بولدى. قۇرىلتاي ماقۇلداعان 19 - كەزەكتى ورتالىق كوميتەتتىڭ بايانداماسى جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، حالىقارا، ەل ءىشى جاعدايىنا تالداۋ جاسادى، پارتيا 20 - قۇرىلتايىنىڭ نەگىزگى تاقىرىبىن العا قويدى، وتكەن 5 جىلداعى قىزمەتتەر مەن جاڭا داۋىردەگى 10 جىلداعى ۇلى وزگەرىسكە قايىرىلا قارادى جانە قورىتىندىلادى، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمدادى، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوبا جاسادى، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جونىندە جان - جاقتى ورنالاستىرۋ جاسادى، جاڭا ءداۋىردىڭ جاڭا جورىعىندا پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتتى، ارەكەت باعدارناماسىن تۇراقتاندىردى. بۇل بايانداما − پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋىنىڭ ساياسي جارناماسى جانە ارەكەت تۇعىرناماسى، ماركسيزمدىك تۇعىرنامالىق حۇجات. قۇرىلتاي ماقۇلداعان 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى پارتيا 19 - قۇرىلتايىنان بەرگى پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى ءتارتىپ تەكسەرۋ كوميتەتتەرىنىڭ پارتيانى جاپپاي قاتاڭ باسقارۋدى ىلگەرىلەتۋدەگى امالياتتىق ىزدەنىسى مەن ماڭىزدى ناتيجەلەرىن قورىتىندىلادى، پارتيانى جاپپاي قاتاڭ باسقارۋدى تەرەڭدەتۋدىڭ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋدىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن ايرىقشا ماڭىزدىلىعىن بايىمدادى، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋدەگى كەلەلى ءمانىن ءتۇسىندىردى، پارتيانىڭ ماڭگى جالعاساتىن سەرگەكتىكپەن جانە باتىلدىقپەن پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن باتىل ىلگەرىلەتەتىن بەرىك بەكىمىن ايگىلەدى. قۇرىلتاي ماقۇلداعان پارتيا ۋستاۆىنىڭ وزگەرىس ەنگىزىلگەن جوباسى پارتيا 19 - قۇرىلتايىنان بەرگى پارتيانىڭ نازاريادا جاڭالىق اشۋدا، امالياتتا جاڭالىق اشۋدا، تۇزىمدە جاڭالىق اشۋدا جەتكەن جەتىستىكتەرىن ايگىلەپ، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيانى جاپپاي قاتاڭ باسقارۋدى بۇلجىتپاي ىلگەرىلەتۋ، پارتيا قۇرىلىسىنا تاباندى بولۋ جانە ونى كەمەلدەندىرۋ، پارتيانىڭ وزىنە - ءوزى توڭكەرىس جاساۋىن ىلگەرىلەتۋ جونىندە ايقىن تالاپتار قويدى. قۇرىلتايدا سايلانعان جاڭا كەزەكتى ورتالىق كوميتەتكە جەر - جەردەگى، تاراۋلارداعى، ءارقايسى شەپتەگى، ءارقايسى سالاداعى پارتيانىڭ بيلىك جۇرگىزەتىن تىرەكتىلەرى مەن تاڭداۋلى ۋاكىلدەرى شوعىرلانعان، ساپاسى جاقسى، ورنالاسۋى بىركەلكى، قۇرىلىمى ۇيلەسىمدى، پارتيا ورتالىق كوميتەتىنىڭ تالابىنا، كادرلار مەن بۇقارانىڭ تىلەگىنە ۇيلەسەدى، باسشىلىق القاسى مەن كادرلار قوسىنىنىڭ ءىس جۇزىندىگىنە ۇيلەسەدى، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سىندى تاريحي اۋىر مىندەتتى، ءسوز جوق، ارقالاي الادى. قۇرىلتاي جاڭا كەزەكتى ورتالىق ءتارتىپ تەكسەرۋ كوميتەتىن دە سايلاپ شىقتى. ءبىز پارتيانىڭ 20 - قۇرىلتايى جاساعان شەشىمدەر مەن ورنالاستىرۋلاردىڭ، قول جەتكىزگەن جەتىستىكتەردىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن، جۇڭگوشا سوتسياليزمنىڭ تىڭ جەڭىستەرىنە قول جەتكىزۋ جونىنەن، ءسوز جوق، اسا ماڭىزدى جەتەكشىلىك جانە كەپىلدىك رولىن اتقاراتىندىعىنا سەنەمىز.

　　شي جينپيڭ بىلاي دەپ باسا دارىپتەدى: ءبىزدىڭ پارتيانىڭ مەملەكەتتىك قۇرىلتايىنىڭ ۋاكىلى رەتىندە، بورىشىمىز داڭقتى، جاۋاپكەرشىلىگىمىز اۋىر، پارتيانىڭ اۋەلگى ماقساتىن، بورىشىن، ءسوز جوق، ەستە بەرىك ساقتاپ، مۇرات - سەنىمدى بەكەمدەپ، پارتيا قۇرۋ ۇلى رۋحىن ساۋلەلەندىرىپ، پارتيانىڭ نازارياسى مەن لۋشيان، باعىت - ساياساتتارىن مۇقيات ۇيرەنىپ، ءتۇسىنىپ، پارتيا ورتالىق كوميتەتىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندەگى ستراتەگيالىق ورنالاستىرۋلارىن دايەكتىلەندىرىپ، تياناقتاندىرىپ، اناعۇرلىم سانالى تۇردە پارتيا ۋستاۆىن ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ، پارتيا ۋستاۆىن قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز؛ مەملەكەت دەگەنىمىز حالىق، حالىق دەگەنىمىز مەملەكەت ەكەندىگىن، ءسوز جوق، ەستە بەرىك ساقتاپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى باس ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ساقتاپ، باستان - اياق حالىقپەن بىرگە بولىپ، بىرگە ويلاپ، بىرگە ىستەپ، قالىڭ پارتيا مۇشەلەرى مەن حالىق بۇقاراسىنىڭ ءۇنىن بەلسەنە جەتكىزىپ، ۋاكىلدىك جاۋاپكەرشىلىگىمىزدى دۇرىس اتقارىپ، پارتيا مەن حالىقتىڭ باقىلاۋىن سانالىلىقپەن قابىلداۋىمىز؛ ”مەملەكەتتىڭ ءىرى ءىسىن“، ءسوز جوق، ەستە بەرىك ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باستاماشىلدىقپەن قورعاپ، ساياسي ءتارتىپ پەن ساياسي قاعيداعا باستاماشىلدىقپەن بويسۇنىپ، باستاماشىلدىقپەن پارتيالىلىق جەتىلىمدى جوعارىلاتىپ، ساپا مەن قابىلەتتى جوعارىلاتىپ، پارتيا مەن حالىق ىستەرىنە ءوزىمىزدىڭ بارلىق اقىل - پاراساتىمىز بەن كۇش - قۋاتىمىزدى ارناپ، بارلىق پارتيا مۇشەلەرىنە ۇلگى بولۋىمىز، قالىڭ پارتيا مۇشەلەرىنىڭ سەنىمىن اقتاۋىمىز كەرەك.

　　شي جينپيڭ مىنالاردى ءبىلدىردى: قۇرىلتاي كەزىندە دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە ءار ۇلت، ءار سالا قايراتكەرلەرى قۇرىلتايدى قۇتتىقتادى، قالىڭ حالىق بۇقاراسى ءتۇرلى فورمالارمەن قۇرىلتايدى قۇتتىقتادى، كوپتەگەن ەلدەردىڭ ساياسي پارتيالارى مەن ۇيىمدارى تەلەگرامما، حات جولداپ قۇرىلتايدى قۇتتىقتادى، قۇرىلتاي ءتوراعالار القاسى ولارعا شىن جۇرەكتەن العىس ايتادى.

　　شي جينپيڭ مىنالاردى باسا دارىپتەدى: جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتىپ، تاعى دا جاڭا ەمتيحان تاپسىرۋ جولىنا ءتۇستى. 100 جىلدان بەرى، پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى جەڭىسىنە قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. 100 جىلدىق تابىس تەڭدەسسىز شۇعىلالى، 100 جىلدىق ۇلى پارتيا كەمەل شاعىندا تۇر. جاڭا داۋىردەگى جاڭا جورىقتا دۇنيەنى جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قابىلەتىمىز قاپتال جەتەدى. بۇكىل پارتيا پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، جۇرەكتىلىكپەن كۇرەس جۇرگىزىپ، جۇرەكتىلىكپەن جەڭىسكە جەتىپ، قاجىرلىلىقپەن قۇلشىنا ىستەپ، جىگەرلەنە العا ۇمتىلىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيانىڭ 20 - قۇرىلتايىندا بەلگىلەنگەن نىسانالار مەن مىندەتتەردى جۇزەگە اسىرۋ جولىندا كۇرەس جۇرگىزۋى كەرەك.

　　قۇرىلتاي سايلاۋىنان كەيىن، مەملەكەتتىك حالىق قۇرىلتايى تۇراقتى كوميتەتىنىڭ مىندەت وتەپ جاتقان جانە كەزىندە مىندەت وتەگەن ورىنباسار باستىقتارى، مەملەكەتتىك ساياسي كەڭەستىڭ ورىنباسار ءتوراعالىق مىندەتىن وتەپ جاتقان جانە كەزىندە وتەگەن پارتيا سىرتىنداعى قايراتكەرلەر، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدە تۇراتىن ورىنباسار ءتوراعالارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى قايراتكەرلەردىڭ ۋاكىلدەرى، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى اراسىنداعى دەموكراتيالىق پارتيا - توپتاردىڭ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر قۇرىلتايعا قوناق رەتىندە سىرتتاي قاتىناستى. پارتيا ىشىندەگى قاتىستى جاۋاپتى جولداستار دا قۇرىلتايعا سىرتتاي قاتىناستى.

　　قۇرىلتاي ايبىندى «ينتەرناتسيونال ءانى» ىشىندە تابىسپەن اياقتادى.